➖ »
«
➖ ➕
Aleppo Codex (~920)
Alep
Vita Adae et Evae from "The Apocrypha and Pseudepigrapha of the Old Testament"
LOAE
←
Genesis
Gen
31
→
[1]וישמע את דברי בני לבן לאמר לקח יעקב את כל אשר לאבינו ומאשר לאבינו־עשה את כל הכבד הזה [No book]
[2]וירא יעקב את פני לבן והנה איננו עמו כתמול שלשום [No book]
[3]ויאמר יהוה אל יעקב שוב אל ארץ אבותיך ולמולדתך ואהיה עמך [No book]
[4]וישלח יעקב ויקרא לרחל וללאה השדה אל צאנו [No book]
[5]ויאמר להן ראה אנכי את פני אביכן כי איננו אלי כתמל שלשם ואלהי אבי היה עמדי [No book]
[6]ואתנה ידעתן כי בכל כחי עבדתי את אביכן [No book]
[7]ואביכן התל בי והחלף את משכרתי עשרת מנים ולא נתנו אלהים להרע עמדי [No book]
[8]אם כה יאמר נקדים יהיה שכרך־וילדו כל הצאן נקדים ואם כה יאמר עקדים יהיה שכרך־וילדו כל הצאן עקדים [No book]
[9]ויצל אלהים את מקנה אביכם ויתן לי [No book]
[10]ויהי בעת יחם הצאן ואשא עיני וארא בחלום והנה העתדים העלים על הצאן עקדים נקדים וברדים [No book]
[11]ויאמר אלי מלאך האלהים בחלום־יעקב ואמר הנני [No book]
[12]ויאמר שא נא עיניך וראה כל העתדים העלים על הצאן עקדים נקדים וברדים כי ראיתי את כל אשר לבן עשה לך [No book]
[13]אנכי האל בית אל אשר משחת שם מצבה אשר נדרת לי שם נדר עתה קום צא מן הארץ הזאת ושוב אל ארץ מולדתך [No book]
[14]ותען רחל ולאה ותאמרנה לו העוד לנו חלק ונחלה בבית אבינו [No book]
[15]הלוא נכריות נחשבנו לו כי מכרנו ויאכל גם אכול את כספנו [No book]
[16]כי כל העשר אשר הציל אלהים מאבינו־לנו הוא ולבנינו ועתה כל אשר אמר אלהים אליך־עשה [No book]
[17]ויקם יעקב וישא את בניו ואת נשיו על הגמלים [No book]
[18]וינהג את כל מקנהו ואת כל רכשו אשר רכש־מקנה קנינו אשר רכש בפדן ארם לבוא אל יצחק אביו ארצה כנען [No book]
[19]ולבן הלך לגזז את צאנו ותגנב רחל את התרפים אשר לאביה [No book]
[20]ויגנב יעקב את לב לבן הארמי־על בלי הגיד לו כי ברח הוא [No book]
[21]ויברח הוא וכל אשר לו ויקם ויעבר את הנהר וישם את פניו הר הגלעד [No book]
[22]ויגד ללבן ביום השלישי כי ברח יעקב [No book]
[23]ויקח את אחיו עמו וירדף אחריו דרך שבעת ימים וידבק אתו בהר הגלעד [No book]
[24]ויבא אלהים אל לבן הארמי בחלם הלילה ויאמר לו השמר לך פן תדבר עם יעקב־מטוב עד רע [No book]
[25]וישג לבן את יעקב ויעקב תקע את אהלו בהר ולבן תקע את אחיו בהר הגלעד [No book]
[26]ויאמר לבן ליעקב מה עשית ותגנב את לבבי ותנהג את בנתי כשביות חרב [No book]
[27]למה נחבאת לברח ותגנב אתי ולא הגדת לי ואשלחך בשמחה ובשרים בתף ובכנור [No book]
[28]ולא נטשתני לנשק לבני ולבנתי עתה הסכלת עשו [No book]
[29]יש לאל ידי לעשות עמכם רע ואלהי אביכם אמש אמר אלי לאמר השמר לך מדבר עם יעקב־מטוב עד רע [No book]
[30]ועתה הלך הלכת כי נכסף נכספתה לבית אביך למה גנבת את אלהי [No book]
[31]ויען יעקב ויאמר ללבן כי יראתי־כי אמרתי פן תגזל את בנותיך מעמי [No book]
[32]עם אשר תמצא את אלהיך לא יחיה־נגד אחינו הכר לך מה עמדי וקח לך ולא ידע יעקב כי רחל גנבתם [No book]
[33]ויבא לבן באהל יעקב ובאהל לאה ובאהל שתי האמהת־ולא מצא ויצא מאהל לאה ויבא באהל רחל [No book]
[34]ורחל לקחה את התרפים ותשמם בכר הגמל־ותשב עליהם וימשש לבן את כל האהל ולא מצא [No book]
[35]ותאמר אל אביה אל יחר בעיני אדני כי לוא אוכל לקום מפניך כי דרך נשים לי ויחפש ולא מצא את התרפים [No book]
[36]ויחר ליעקב וירב בלבן ויען יעקב ויאמר ללבן מה פשעי מה חטאתי כי דלקת אחרי [No book]
[37]כי מששת את כל כלי מה מצאת מכל כלי ביתך־שים כה נגד אחי ואחיך ויוכיחו בין שנינו [No book]
[38]זה עשרים שנה אנכי עמך רחליך ועזיך לא שכלו ואילי צאנך לא אכלתי [No book]
[39]טרפה לא הבאתי אליך־אנכי אחטנה מידי תבקשנה גנבתי יום וגנבתי לילה [No book]
[40]הייתי ביום אכלני חרב וקרח בלילה ותדד שנתי מעיני [No book]
[41]זה לי עשרים שנה בביתך עבדתיך ארבע עשרה שנה בשתי בנתיך ושש שנים בצאנך ותחלף את משכרתי עשרת מנים [No book]
[42]לולי אלהי אבי אלהי אברהם ופחד יצחק היה לי־כי עתה ריקם שלחתני את עניי ואת יגיע כפי ראה אלהים־ויוכח אמש [No book]
[43]ויען לבן ויאמר אל יעקב הבנות בנתי והבנים בני והצאן צאני וכל אשר אתה ראה לי הוא ולבנתי מה אעשה לאלה היום או לבניהן אשר ילדו [No book]
[44]ועתה לכה נכרתה ברית־אני ואתה והיה לעד ביני ובינך [No book]
[45]ויקח יעקב אבן וירימה מצבה [No book]
[46]ויאמר יעקב לאחיו לקטו אבנים ויקחו אבנים ויעשו גל ויאכלו שם על הגל [No book]
[47]ויקרא לו לבן יגר שהדותא ויעקב קרא לו גלעד [No book]
[48]ויאמר לבן הגל הזה עד ביני ובינך היום על כן קרא שמו גלעד [No book]
[49]והמצפה אשר אמר יצף יהוה ביני ובינך כי נסתר איש מרעהו [No book]
[50]אם תענה את בנתי ואם תקח נשים על בנתי־אין איש עמנו ראה אלהים עד ביני ובינך [No book]
[51]ויאמר לבן ליעקב הנה הגל הזה והנה המצבה אשר יריתי ביני ובינך [No book]
[52]עד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעה [No book]
[53]אלהי אברהם ואלהי נחור ישפטו בינינו־אלהי אביהם וישבע יעקב בפחד אביו יצחק [No book]
[54]ויזבח יעקב זבח בהר ויקרא לאחיו לאכל לחם ויאכלו לחם וילינו בהר [No book]
55[No verse] [No book]
Source: unbound.biola.edu
Top