➖ »
«
➖ ➕
Aleppo Codex (~920)
Alep
The Book of Jubilees
Jub(YWO)
←
Genesis
Gen
32
→
[1]וישכם לבן בבקר וינשק לבניו ולבנותיו־ויברך אתהם וילך וישב לבן למקמו [No book]
[2]ויעקב הלך לדרכו ויפגעו בו מלאכי אלהים [No book]
[3]ויאמר יעקב כאשר ראם מחנה אלהים זה ויקרא שם המקום ההוא מחנים [No book]
[4]וישלח יעקב מלאכים לפניו אל עשו אחיו ארצה שעיר שדה אדום [No book]
[5]ויצו אתם לאמר כה תאמרון לאדני לעשו כה אמר עבדך יעקב עם לבן גרתי ואחר עד עתה [No book]
[6]ויהי לי שור וחמור צאן ועבד ושפחה ואשלחה להגיד לאדני למצא חן בעיניך [No book]
[7]וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמו [No book]
[8]ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים־לשני מחנות [No book]
[9]ויאמר אם יבוא עשו אל המחנה האחת והכהו־והיה המחנה הנשאר לפליטה [No book]
[10]ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך־ואיטיבה עמך [No book]
[11]קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות [No book]
[12]הצילני נא מיד אחי מיד עשו כי ירא אנכי אתו־פן יבוא והכני אם על בנים [No book]
[13]ואתה אמרת היטב איטיב עמך ושמתי את זרעך כחול הים אשר לא יספר מרב [No book]
[14]וילן שם בלילה ההוא ויקח מן הבא בידו מנחה־לעשו אחיו [No book]
[15]עזים מאתים ותישים עשרים רחלים מאתים ואילים עשרים [No book]
[16]גמלים מיניקות ובניהם שלשים פרות ארבעים ופרים עשרה אתנת עשרים ועירם עשרה [No book]
[17]ויתן ביד עבדיו עדר עדר לבדו ויאמר אל עבדיו עברו לפני ורוח תשימו בין עדר ובין עדר [No book]
[18]ויצו את הראשון לאמר כי יפגשך עשו אחי ושאלך לאמר למי אתה ואנה תלך ולמי אלה לפניך [No book]
[19]ואמרת לעבדך ליעקב־מנחה הוא שלוחה לאדני לעשו והנה גם הוא אחרינו [No book]
[20]ויצו גם את השני גם את השלישי גם את כל ההלכים אחרי העדרים לאמר כדבר הזה תדברון אל עשו במצאכם אתו [No book]
[21]ואמרתם־גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פני [No book]
[22]ותעבר המנחה על פניו והוא לן בלילה ההוא במחנה [No book]
[23]ויקם בלילה הוא ויקח את שתי נשיו ואת שתי שפחתיו ואת אחד עשר ילדיו ויעבר את מעבר יבק [No book]
[24]ויקחם־ויעברם את הנחל ויעבר את אשר לו [No book]
[25]ויותר יעקב לבדו ויאבק איש עמו עד עלות השחר [No book]
[26]וירא כי לא יכל לו ויגע בכף ירכו ותקע כף ירך יעקב בהאבקו עמו [No book]
[27]ויאמר שלחני כי עלה השחר ויאמר לא אשלחך כי אם ברכתני [No book]
[28]ויאמר אליו מה שמך ויאמר יעקב [No book]
[29]ויאמר לא יעקב יאמר עוד שמך־כי אם ישראל כי שרית עם אלהים ועם אנשים ותוכל [No book]
[30]וישאל יעקב ויאמר הגידה נא שמך ויאמר למה זה תשאל לשמי ויברך אתו שם [No book]
[31]ויקרא יעקב שם המקום פניאל כי ראיתי אלהים פנים אל פנים ותנצל נפשי [No book]
[32]ויזרח לו השמש כאשר עבר את פנואל והוא צלע על ירכו [No book]
[33]על כן לא יאכלו בני ישראל את גיד הנשה אשר על כף הירך עד היום הזה כי נגע בכף ירך יעקב בגיד הנשה [No book]
Source: unbound.biola.edu
 Author: Enoch the Prophet
Source: www.YahwehsWord.org
Top