|
|
| [No book] |
[1]His ita gestis, accidit ut peccarent duo eunuchi, pincerna regis Ægypti, et pistor, domino suo. |
| [No book] |
[2]Iratusque contra eos Pharao (nam alter pincernis præerat, alter pistoribus), |
| [No book] |
[3]misit eos in carcerem principis militum, in quo erat vinctus et Joseph. |
| [No book] |
[4]At custos carceris tradidit eos Joseph, qui et ministrabat eis: aliquantulum temporis fluxerat, et illi in custodia tenebantur. |
| [No book] |
[5]Videruntque ambo somnium nocte una, juxta interpretationem congruam sibi: |
| [No book] |
[6]ad quos cum introisset Joseph mane, et vidisset eos tristes, |
| [No book] |
[7]sciscitatus est eos, dicens: Cur tristior est hodie solito facies vestra? |
| [No book] |
[8]Qui responderunt: Somnium vidimus, et non est qui interpretetur nobis. Dixitque ad eos Joseph: Numquid non Dei est interpretatio? referte mihi quid videritis. |
| [No book] |
[9]Narravit prior, præpositus pincernarum, somnium suum: Videbam coram me vitem, |
| [No book] |
[10]in qua erant tres propagines, crescere paulatim in gemmas, et post flores uvas maturescere: |
| [No book] |
[11]calicemque Pharaonis in manu mea: tuli ergo uvas, et expressi in calicem quem tenebam, et tradidi poculum Pharaoni. |
| [No book] |
[12]Respondit Joseph: Hæc est interpretatio somnii: tres propagines, tres adhuc dies sunt: |
| [No book] |
[13]post quos recordabitur Pharao ministerii tui, et restituet te in gradum pristinum: dabisque ei calicem juxta officium tuum, sicut ante facere consueveras. |
| [No book] |
[14]Tantum memento mei, cum bene tibi fuerit, et facias mecum misericordiam: ut suggeras Pharaoni ut educat me de isto carcere: |
| [No book] |
[15]quia furto sublatus sum de terra Hebræorum, et hic innocens in lacum missus sum. |
| [No book] |
[16]Videns pistorum magister quod prudenter somnium dissolvisset, ait: Et ego vidi somnium: quod tria canistra farinæ haberem super caput meum: |
| [No book] |
[17]et in uno canistro quod erat excelsius, portare me omnes cibos qui fiunt arte pistoria, avesque comedere ex eo. |
| [No book] |
[18]Respondit Joseph: Hæc est interpretatio somnii: tria canistra, tres adhuc dies sunt: |
| [No book] |
[19]post quos auferet Pharao caput tuum, ac suspendet te in cruce, et lacerabunt volucres carnes tuas. |
| [No book] |
[20]Exinde dies tertius natalitius Pharaonis erat: qui faciens grande convivium pueris suis, recordatus est inter epulas magistri pincernarum, et pistorum principis. |
| [No book] |
[21]Restituitque alterum in locum suum, ut porrigeret ei poculum: |
| [No book] |
[22]alterum suspendit in patibulo, ut conjectoris veritas probaretur. |
| [No book] |
[23]Et tamen succedentibus prosperis, præpositus pincernarum oblitus est interpretis sui. |