|
|
| [1]Audiens autem Jacob quod alimenta venderentur in Ægypto, dixit filiis suis: Quare negligitis? |
[No book] |
| [2]audivi quod triticum venundetur in Ægypto: descendite, et emite nobis necessaria, ut possimus vivere, et non consumamur inopia. |
[No book] |
| [3]Descendentes igitur fratres Joseph decem, ut emerent frumenta in Ægypto, |
[No book] |
| [4]Benjamin domi retento a Jacob, qui dixerat fratribus ejus: Ne forte in itinere quidquam patiatur mali: |
[No book] |
| [5]ingressi sunt terram Ægypti cum aliis qui pergebant ad emendum. Erat autem fames in terra Chanaan. |
[No book] |
| [6]Et Joseph erat princeps in terra Ægypti, atque ad ejus nutum frumenta populis vendebantur. Cumque adorassent eum fratres sui, |
[No book] |
| [7]et agnovisset eos, quasi ad alienos durius loquebatur, interrogans eos: Unde venistis? Qui responderunt: De terra Chanaan, ut emamus victui necessaria. |
[No book] |
| [8]Et tamen fratres ipse cognoscens, non est cognitus ab eis. |
[No book] |
| [9]Recordatusque somniorum, quæ aliquando viderat, ait ad eos: Exploratores estis: ut videatis infirmiora terræ venistis. |
[No book] |
| [10]Qui dixerunt: Non est ita, domine, sed servi tui venerunt ut emerent cibos. |
[No book] |
| [11]Omnes filii unius viri sumus: pacifici venimus, nec quidquam famuli tui machinantur mali. |
[No book] |
| [12]Quibus ille respondit: Aliter est: immunita terræ hujus considerare venistis. |
[No book] |
| [13]At illi: Duodecim, inquiunt, servi tui, fratres sumus, filii viri unius in terra Chanaan: minimus cum patre nostro est, alius non est super. |
[No book] |
| [14]Hoc est, ait, quod locutus sum: exploratores estis. |
[No book] |
| [15]Jam nunc experimentum vestri capiam: per salutem Pharaonis non egrediemini hinc, donec veniat frater vester minimus. |
[No book] |
| [16]Mittite ex vobis unum, et adducat eum: vos autem eritis in vinculis, donec probentur quæ dixistis utrum vera an falsa sint: alioquin per salutem Pharaonis exploratores estis. |
[No book] |
| [17]Tradidit ergo illos custodiæ tribus diebus. |
[No book] |
| [18]Die autem tertio eductis de carcere, ait: Facite quæ dixi, et vivetis: Deum enim timeo. |
[No book] |
| [19]Si pacifici estis, frater vester unus ligetur in carcere: vos autem abite, et ferte frumenta quæ emistis, in domos vestras, |
[No book] |
| [20]et fratrem vestrum minimum ad me adducite, ut possim vestros probare sermones, et non moriamini. Fecerunt ut dixerat, |
[No book] |
| [21]et locuti sunt ad invicem: Merito hæc patimur, quia peccavimus in fratrem nostrum, videntes angustiam animæ illius, dum deprecaretur nos, et non audivimus: idcirco venit super nos ista tribulatio. |
[No book] |
| [22]E quibus unus Ruben, ait: Numquid non dixi vobis: Nolite peccare in puerum: et non audistis me? en sanguis ejus exquiritur. |
[No book] |
| [23]Nesciebant autem quod intelligeret Joseph, eo quod per interpretem loqueretur ad eos. |
[No book] |
| [24]Avertitque se parumper, et flevit: et reversus locutus est ad eos. |
[No book] |
| [25]Tollensque Simeon, et ligans illis præsentibus, jussit ministris ut implerent eorum saccos tritico, et reponerent pecunias singulorum in sacculis suis, datis supra cibariis in viam: qui fecerunt ita. |
[No book] |
| [26]At illi portantes frumenta in asinis suis, profecti sunt. |
[No book] |
| [27]Apertoque unus sacco, ut daret jumento pabulum in diversorio, contemplatus pecuniam in ore sacculi, |
[No book] |
| [28]dixit fratribus suis: Reddita est mihi pecunia, en habetur in sacco. Et obstupefacti, turbatique, mutuo dixerunt: Quidnam est hoc quod fecit nobis Deus? |
[No book] |
| [29]Veneruntque ad Jacob patrem suum in terram Chanaan, et narraverunt ei omnia quæ accidissent sibi, dicentes: |
[No book] |
| [30]Locutus est nobis dominus terræ dure, et putavit nos exploratores esse provinciæ. |
[No book] |
| [31]Cui respondimus: Pacifici sumus, nec ullas molimur insidias. |
[No book] |
| [32]Duodecim fratres uno patre geniti sumus: unus non est super, minimus cum patre nostro est in terra Chanaan. |
[No book] |
| [33]Qui ait nobis: Sic probabo quod pacifici sitis: fratrem vestrum unum dimittite apud me, et cibaria domibus vestris necessaria sumite, et abite, |
[No book] |
| [34]fratremque vestrum minimum adducite ad me, ut sciam quod non sitis exploratores: et istum, qui tenetur in vinculis, recipere possitis: ac deinceps quæ vultis, emendi habeatis licentiam. |
[No book] |
| [35]His dictis, cum frumenta effunderent, singuli repererunt in ore saccorum ligatas pecunias, exterritisque simul omnibus, |
[No book] |
| [36]dixit pater Jacob: Absque liberis me esse fecistis: Joseph non est super, Simeon tenetur in vinculis, et Benjamin auferetis: in me hæc omnia mala reciderunt. |
[No book] |
| [37]Cui respondit Ruben: Duos filios meos interfice, si non reduxero illum tibi: trade illum in manu mea, et ego eum tibi restituam. |
[No book] |
| [38]At ille: Non descendet, inquit, filius meus vobiscum: frater ejus mortuus est, et ipse solus remansit: si quid ei adversi acciderit in terra ad quam pergitis, deducetis canos meos cum dolore ad inferos. |
[No book] |