➖ »
«
➖ ➕
Aleppo Codex (~920)
Alep
The Book of Jubilees
Jub(YWO)
←
Genesis
Gen
50
   
[1]ויפל יוסף על פני אביו ויבך עליו וישק לו [No book]
[2]ויצו יוסף את עבדיו את הרפאים לחנט את אביו ויחנטו הרפאים את ישראל [No book]
[3]וימלאו לו ארבעים יום כי כן ימלאו ימי החנטים ויבכו אתו מצרים שבעים יום [No book]
[4]ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם־דברו נא באזני פרעה לאמר [No book]
[5]אבי השביעני לאמר הנה אנכי מת־בקברי אשר כריתי לי בארץ כנען שמה תקברני ועתה אעלה נא ואקברה את אבי־ואשובה [No book]
[6]ויאמר פרעה עלה וקבר את אביך כאשר השביעך [No book]
[7]ויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצרים [No book]
[8]וכל בית יוסף ואחיו ובית אביו רק טפם וצאנם ובקרם־עזבו בארץ גשן [No book]
[9]ויעל עמו גם רכב גם פרשים ויהי המחנה כבד מאד [No book]
[10]ויבאו עד גרן האטד אשר בעבר הירדן ויספדו שם מספד גדול וכבד מאד ויעש לאביו אבל שבעת ימים [No book]
[11]וירא יושב הארץ הכנעני את האבל בגרן האטד ויאמרו אבל כבד זה למצרים על כן קרא שמה אבל מצרים אשר בעבר הירדן [No book]
[12]ויעשו בניו לו־כן כאשר צום [No book]
[13]וישאו אתו בניו ארצה כנען ויקברו אתו במערת שדה המכפלה אשר קנה אברהם את השדה לאחזת קבר מאת עפרן החתי־על פני ממרא [No book]
[14]וישב יוסף מצרימה הוא ואחיו וכל העלים אתו לקבר את אביו אחרי קברו את אביו [No book]
[15]ויראו אחי יוסף כי מת אביהם ויאמרו לו ישטמנו יוסף והשב ישיב לנו את כל הרעה אשר גמלנו אתו [No book]
[16]ויצוו אל יוסף לאמר אביך צוה לפני מותו לאמר [No book]
[17]כה תאמרו ליוסף אנא שא נא פשע אחיך וחטאתם כי רעה גמלוך ועתה שא נא לפשע עבדי אלהי אביך ויבך יוסף בדברם אליו [No book]
[18]וילכו גם אחיו ויפלו לפניו ויאמרו הננו לך לעבדים [No book]
[19]ויאמר אלהם יוסף אל תיראו כי התחת אלהים אני [No book]
[20]ואתם חשבתם עלי רעה אלהים חשבה לטבה למען עשה כיום הזה להחית עם רב [No book]
[21]ועתה אל תיראו־אנכי אכלכל אתכם ואת טפכם וינחם אותם וידבר על לבם [No book]
[22]וישב יוסף במצרים הוא ובית אביו ויחי יוסף מאה ועשר שנים [No book]
[23]וירא יוסף לאפרים בני שלשים גם בני מכיר בן מנשה־ילדו על ברכי יוסף [No book]
[24]ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשר נשבע לאברהם ליצחק וליעקב [No book]
[25]וישבע יוסף את בני ישראל לאמר פקד יפקד אלהים אתכם והעלתם את עצמתי מזה [No book]
[26]וימת יוסף בן מאה ועשר שנים ויחנטו אתו ויישם בארון במצרים [No book]
Source: unbound.biola.edu
 Author: Enoch the Prophet
Source: www.YahwehsWord.org
Top