|
|
| [1]Forsothe the Lord hadde mynde of Noe, and of alle lyuynge beestis, and of alle werk beestis, that weren with hym in the schip; and brouyte a wynd on the erthe. |
[No book] |
| [2]And watris weren decreessid, and the wellis of the see weren closid, and the wyndowis of heuene weren closid, and reynes of heuene weren ceessid. |
[No book] |
| [3]And watrys turneden ayen fro erthe, and yeden ayen, and bigunnen to be decreessid aftir an hundrid and fifti daies. |
[No book] |
| [4]And the schip restide in the seuenthe monthe, in the seuene and twentithe dai of the monthe, on the hillis of Armenye. |
[No book] |
| [5]And sotheli the watrys yeden and decresiden til to the tenthe monethe, for in the tenthe monethe, in the firste dai of the monethe, the coppis of hillis apperiden. |
[No book] |
| [6]And whanne fourti daies weren passid, Noe openyde the wyndow of the schip which he hadde maad, and sente out a crowe, |
[No book] |
| [7]which yede out, and turnede not ayen til the watris weren dried on erthe. Also Noe sente out a culuer aftir hym, to se if the watris hadden ceessid thanne on the face of erthe; |
[No book] |
| 8[No verse] |
[No book] |
| [9]and whanne the culuer foond not where hir foot schulde reste, sche turnede ayen to hym in to the schip, for the watris weren on al erthe; and Noe helde forth his hoond, and brouyte the culuer takun in to the schip. |
[No book] |
| [10]Sotheli whanne othere seuene daies weren abedun aftirward, eft he leet out a culuer fro the schip; |
[No book] |
| [11]and sche cam to hym at euentid, and bare in hir mouth a braunche of olyue tre with greene leeuys. Therfor Noe vndirstood that the watris hadden ceessid on erthe; |
[No book] |
| [12]and neuerthelesse he abood seuene othere daies, and sente out a culuer, which turnede `no more ayen to hym. |
[No book] |
| [13]Therfor in the sixe hundrid and o yeer of the lijf of Noe, in the firste monethe, in the firste day of the monethe, watris weren decreessid on erthe; and Noe openede the roof of the schip, and bihelde and seiy that the face of the erthe was dried. |
[No book] |
| [14]In the secunde monethe, in the seuene and twentithe dai of the monethe, the erthe was maad drie. |
[No book] |
| [15]Sotheli the Lord spak to Noe; |
[No book] |
| [16]and seide, Go out of the schip, thou, and thi wijf, thi sones, and the wyues of thi sones with thee; |
[No book] |
| [17]and lede out with thee alle lyuynge beestis that ben at thee of ech fleisch, as wel in volatilis as in vnresonable beestis, and alle `reptils that crepen on erthe; and entre ye on the erthe, encreesse ye, and be ye multiplied on erthe. |
[No book] |
| [18]Therfor Noe yede out, and hise sones, and his wijf, and the wyues of hise sones with hym; |
[No book] |
| [19]but also alle lyuynge beestis, and werk beestis, and `reptils that crepen on erthe, bi her kynde, yeden out of the schip. |
[No book] |
| [20]Forsothe Noe bildide an auter to the Lord, and he took of alle clene beestis and briddis, and offride brent sacrifices on the auter. |
[No book] |
| [21]And the Lord sauerede the odour of swetnesse, and seide to hym, Y schal no more curse the erthe for men, for the wit and thouyt of mannus herte ben redi in to yuel fro yong wexynge age; therfor Y schal no more smyte ech lyuynge soule as Y dide; |
[No book] |
| [22]in alle the daies of erthe, seed and ripe corn, coold and heete, somer and wyntir, nyyt and dai, shulen not reste. |
[No book] |