|
|
| [1]ܘܲܒ̣ܝܲܪܚܵܐ ܫܒ̣ܝܼܥܵܝܵܐ ܒܚܲܕ݂ ܘܥܸܣܪܝܼܢ: ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܒܝܲܕ݂ ܚܲܓ̇ܝܼ ܢܒ̣ܝܼܵܐ ܠܡܹܐܡܲܪ. |
[No book] |
| [2]ܐܸܡܲܪ ܠܙܘܼܪܒܵܒܹܠ ܒܲܪ ܫܹܠܲܬ̣ܐܝܹܠ ܪܲܒܵܐ ܕܲܝܗܘܼܕ݂ܵܐ: ܘܲܠܝܼܫܘܿܥ ܒܲܪ ܝܘܿܙܵܕ݂ܵܩ ܟܵܗܢܵܐ ܪܲܒܵܐ: ܘܲܠܟ݂ܠܹܗ ܫܲܪܟܹ̇ܗ ܕܥܲܡܵܐ. |
[No book] |
| [3]ܡܲܢ̣ܘܼ ܐܸܫܬ̇ܚܲܪ ܒܟ݂ܘܿܢ ܕܲܚ̣ܙܵܝܗܝ ܠܒܲܝܬܵܐ ܗܵܢܵܐ ܒܫܘܼܒ̣ܚܹܗ ܩܲܕ݂ܡܵܝܵܐ: ܘܗܵܫܵܐ ܐܲܝܟܲܢܵܐ ܚܵܙܹ̇ܝܢ ܐ̄ܢܬ̇ܘܿܢ ܠܹܗ: ܠܵܐ ܗ̄ܘܼܵܐ ܐܲܝܟ݂ ܠܵܐ ܡܸܕܸ̇ܡ ܚܫܝܼܒ̣ ܒܥܲܝܢܲܝ̈ܟ̇ܘܿܢ. |
[No book] |
| [4]ܡܸܟܹ̇ܝܠ ܐܸܬ̣ܚܲܝܲܠ ܙܘܼܪܒܵܒܹܠ ܐܵܡܲܪ ܡܵܪܝܵܐ: ܘܐܸܬ̣ܚܲܝܲܠ ܝܼܫܘܿܥ ܒܲܪ ܝܘܿܙܵܕ݂ܵܩ ܟܵܗܢܵܐ ܪܲܒܵܐ: ܘܐܸܬ̣ܚܲܝܲܠܘ ܟܠܹܗ ܥܲܡܵܐ ܕܐܲܪܥܵܐ ܐܵܡܲܪ ܡܵܪܝܵܐ ܘܲܥܒܸܕ݂ܘ: ܡܸܛܠ ܕܐܸܢܵܐ ܥܲܡܟ݂ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [5]ܦܸܬ̣ܓ̣ܵܡܵܐ ܕܐܲܩܝܼܡܹ̇ܬ̣ ܥܲܡܟ݂ܘܿܢ ܟܲܕ݂ ܢܦܲܩ̣ܬ̇ܘܿܢ ܡ̣ܢ ܡܸܨܪܹܝܢ: ܪܘܼܚܝ ܩܵܝ̇ܡܵܐ ܒܲܝܢܵܬ̣ܟ݂ܘܿܢ ܠܵܐ ܬܸܕ݂ܚ̄ܠܘܼܢ. |
[No book] |
| [6]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܬܘܼܒ̣ ܚܕ݂ܵܐ ܙܒܲܢ ܡܙܝܼܥ ܐ̄ܢܵܐ ܫܡܲܝܵܐ ܘܐܲܪܥܵܐ: ܘܝܲܡܵܐ ܘܝܲܒ̣ܫܵܐ. |
[No book] |
| [7]ܘܐܲܙܝܼܥ ܠܟ݂ܠܗܘܿܢ ܥܲܡܡܹ̈ܝ: ܘܢܲܝܬ̇ܘܿܢ ܪܸܓ̇ܬ̣ܵܐ ܕܟ݂ܠܗܘܿܢ ܥܲܡܡܹ̈ܐ: ܘܐܸܡܠܹܝܘܗܝ ܠܒܲܝܬܵܐ ܗܵܢܵܐ ܫܘܼܒ̣ܚܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [8]ܕܝܼܠܝ ܗ̄ܘܼ ܣܹܐܡܵܐ ܘܕ݂ܝܼܠܝ ܗ̄ܘܼ ܕܲܗܒ̣ܵܐ ܐܵܡܲܪ ܡܲܪܝܵܐ ܚܲܝܠܬ̣ܵܢܵܐ. |
[No book] |
| [9]ܘܢܸܗܘܹܐ ܪܲܒ̇ ܫܘܼܒ̣ܚܹܗ ܕܒܲܝܬܵܐ ܗܵܢܵܐ ܐ̄ܚܪܵܝܵܐ: ܛܵܒ̣ ܡ̣ܢ ܩܲܕ݂ܡܵܝܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܒܲܐܬ̣ܪܵܐ ܗܵܢܵܐ ܐܸܬܸ̇ܠ ܫܠܵܡܝ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [10]ܘܒܲܐܪܒ̇ܥܵܐ ܘܥܸܣܪܝܼܢ ܒܝܲܪܚܵܐ ܬܫܝܼܥܵܝܵܐ: ܒܲܫܢܲܬ̣ ܬܲܪܬܹ̇ܝܢ ܕܕܲܪܝܵܘܵܫ: ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܒܝܲܕ݂ ܚܲܓ̇ܝܼ ܢܒ̣ܝܼܵܐ ܠܡܹܐܡܲܪ. |
[No book] |
| [11]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܫܲܐܸܠܘ ܥܲܠ ܢܵܡܘܿܣܵܐ ܡ̣ܢ ܟܵܗ̈ܢܹܐ. |
[No book] |
| [12]ܐܸܢ ܫܵܩܹ̇ܠ ܓܲܒ̣ܪܵܐ ܒܸܣܪܵܐ ܕܩܘܼܕ݂ܫܵܐ ܒܟܸܢܦܵܐ ܕܡܲܪܛܘܼܛܹܗ: ܘܩܵܪܸܒ̣ ܒܟܸܢܦܹܗ ܠܠܲܚܡܵܐ ܘܲܠܒ̣ܘܼܫܵܠܵܐ: ܘܲܠܚܲܡܪܵܐ ܘܲܠܡܸܫܚܵܐ ܘܲܠܟ݂ܠ ܡܹܐܟ݂ܠܵܐ: ܕܲܠܡܵܐ ܡܸܫܟܲܚ ܡܸܬ̣ܩܲܕܲܫ: ܥ̣ܢܵܘ ܟܵܗ̈ܢܹܐ: ܘܐܵܡ̇ܪܝܼܢ: ܠܵܐ. |
[No book] |
| [13]ܐܸܡܲܪ ܚܲܓ̇ܝܼ: ܐܸܢ ܩܵܪܹܒ̣ ܐܲܝܢܵܐ ܕܛܲܡܵܐܐ ܢܲܦ̮ܫܹܗ ܠܗܵܠܹܝܢ ܟܠܗܹܝܢ ܠܵܐ ܡܸܣܬܲܝܲܒ̣: ܥ̣ܢܵܘ ܟܵܗ̈ܢܹܐ ܘܐܵܡ̇ܪܝܼܢ ܠܹܗ: ܡܸܣܬܲܝܲܒ̣. |
[No book] |
| [14]ܥܢ̣ܵܐ ܚܲܓ̇ܝܼ ܘܐܸܡ̣ܲܪ: ܗܵܟܲܢܵܐ ܗ̄ܘܼ ܥܲܡܵܐ ܗܵܢܵܐ: ܘܗܵܟܲܢܵܐ ܗ̄ܝܼ ܫܲܪܒ̇ܬ̣ܵܐ ܗܵܕܹܐ ܩܕ݂ܵܡܲܝ ܐܵܡܲܪ ܡܵܪܝܵܐ: ܘܗܵܟܲܢܵܐ ܐܸܢܘܿܢ ܟܠܗܘܿܢ ܥܒ̣ܵܕܹ̈ܐ ܕܐܝܼܕܲܝ̈ܗܘܿܢ: ܘܡܸܕܸ̇ܡ ܕܲܡܩܲܪܒ̣ܝܼܢ ܬܲܡܵܢ ܡܣܲܝܲܒ̣ ܗ̄ܘܼ. |
[No book] |
| [15]ܡܸܟܹ̇ܝܠ ܣܝܼܡܘ ܠܸܒ̇ܟ݂ܘܿܢ ܡ̣ܢ ܝܵܘܡܵܐ ܗܵܢܵܐ ܘܲܠܗܲܠ: ܥܲܕ݂ܠܵܐ ܐܸܬ̇ܬ̇ܣܝܼܡܲܬ̤ ܟܹܐܦܵܐ ܥܲܠ ܟܹܐܦܵܐ ܒܗܲܝܟ̇ܠܹܗ ܕܡܵܪܝܵܐ. |
[No book] |
| [16]ܟܲܕ݂ ܥܵܐ̇ܠܝܼܢ ܗ̄ܘܲܝܬ̇ܘܿܢ ܥܲܠ ܟܲܪܝܵܐ ܕܥܸܣܪܝܼܢ ܘܗܵܘܹ̇ܐ ܥܸܣܪܵܐ: ܘܥܵܐ̇ܠܝܼܢ ܐܲܢ̄ܬ̇ܘܿܢ ܥܲܠ ܡܲܥܨܲܪܬܵܐ ܕܚܲܡܫܝܼܢ ܘܗܵܘܹ̇ܝܢ ܠܗܘܿܢ ܥܸܣܪܝܼܢ. |
[No book] |
| [17]ܡܚܹܝ̇ܬ̣ܟ݂ܘܿܢ ܒܫܵܘܒܵܐ: ܘܲܒ̣ܝܲܪܩܵܢܵܐ: ܘܲܒ̣ܒܲܪܕ݂ܵܐ: ܠܟ݂ܠܹܗ ܥܒ̣ܵـ̇ـܕ݂ܵܐ ܕܐܝܼܕܲܝ̈ܟ̇ܘܿܢ: ܘܠܵܐ ܐܸܬ̣ܦܢܝܼܬ̇ܘܿܢ ܠܘܵܬ̣ܝ ܐܵܡܲܪ ܡܵܪܝܵܐ. |
[No book] |
| [18]ܡܸܟܹ̇ܝܠ ܫܲܠܒܸ̇ܕ݂ܘ ܠܸܒܵـ̈ـܘܵܬ̣ܟ݂ܘܿܢ ܡ̣ܢ ܝܵܘܡܵܐ ܗܵܢܵܐ ܘܲܠܗܲܠ: ܡ̣ܢ ܝܘܿܡ ܐܲܪܒ̇ܥܵܐ ܘܥܸܣܪܝܼܢ ܒܝܲܪܚܵܐ ܕܬܸܫܥܵܐ: ܡ̣ܢ ܝܵܘܡܵܐ ܕܐܸܬ̇ܬ̇ܣܝܼܡܲܬ̤ ܫܲܬ̣ܐ̱ܣܬ̣ܵܐ ܕܗܲܝܟ̇ܠܹܗ ܕܡܵܪܝܵܐ ܚܲܝܠܬ̣ܵܢܵܐ ܠܡܸܬ̣ܒ̇ܢܵܝܘܼ. |
[No book] |
| [19]ܣܝܼܡܘ ܠܸܒ̇ܟ݂ܘܿܢ ܕܠܲܝܬ̇ ܙܲܪܥܵܐ ܒܐܸܕ̇ܪܵܐ: ܘܲܓ̣ܦܸܬܵܐ ܘܬܹܬܵܐ ܘܪ̈ܘܼܡܵܢܹܐ: ܘܐܝܼܠܵܢܹ̈ܐ ܕܙܲܝܬܵܐ ܠܲܐ ܛܥܲܢ̣ܘ ܘܡ̣ܢ ܝܵܘܡܵܢܵܐ ܒܵܪܹܟ݂ ܐ̄ܢܵܐ ܠܗܘܿܢ ܐܵܡܲܪ ܡܵܪܝܵܐ. |
[No book] |
| [20]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܚܲܓ̇ܝܼ ܕܬܲܪܬܹ̇ܝܢ ܙܲܒ̣ܢ̈ܝܼܢ: ܒܐܲܪܒ̇ܥܵܐ ܘܥܸܣܪܝܼܢ ܒܝܲܪܚܵܐ ܠܡܹܐܡܲܪ. |
[No book] |
| [21]ܐܸܡܲܪ ܠܙܘܼܪܒܵܒܹܠ ܪܲܒܵܐ ܕܲܝܗܘܼܕ݂ܵܐ: ܐܸܢܵܐ ܐܲܙܝܼܥ ܫܡܲܝܵܐ ܘܐܲܪܥܵܐ. |
[No book] |
| [22]ܘܐܲܗܦܸܟ݂ ܟܘܼܪܣܝܵܐ ܕܡܲܠ̈ܟ̇ܘܵܬ̣ܵܐ: ܘܐܵܘܒܸ̇ܕ݂ ܥܘܼܫܢܵܐ ܕܡܲܠ̈ܟ̇ܘܵܬ̣ܵܐ ܕܥܲܡܡܹ̈ܐ: ܘܐܲܗܦܸܟ݂ ܡܲܪ̈ܟ̇ܒ̣ܵܬ̣ܵܐ ܥܲܠ ܪ̈ܵܟ݂ܒܲܝܗܹܝܢ: ܘܢܸܦܠܘܼܢ ܪ̈ܲܟ݂ܫܵܐ ܘܪ̈ܵܟ݂ܒܲܝܗܘܿܢ ܓܒܲܪ ܒܣܲܦ̮ܣܹܪܵܐ ܕܐܲܚܘܼܗܝ. |
[No book] |
| [23]ܒܹܗ ܒܝܵܘܡܵܐ ܗܵܘܿ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܣܒ̣ܵܟ݂ ܙܘܼܪܒܵܒܹܠ ܒܲܪ ܫܹܠܲܬ̣ܐܹܝܠ ܥܲܒ̣ܕ̇ܝܼ ܐܵܡܲܪ ܡܵܪܝܵܐ: ܘܐܹܣܝܼܡܵܟ݂ ܐܲܝܟ݂ ܚܵܬ̣ܡܵܐ: ܡܸܛܠ ܕܠܵܟ݂ ܓܒܹܝ̇ܬ̣ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |