|
|
| [No book] |
[1]The charite of britherhod dwelle in you, and nyle ye foryete hospitalite; |
| [No book] |
[2]for bi this summen plesiden to aungels, that weren resseyued to herborewe. |
| [No book] |
[3]Thenke ye on boundun men, as ye weren togidere boundun, and of trauelinge men, as ye silf dwellinge in the body. |
| [No book] |
[4]`Wedding is in alle thingis onourable, and bed vnwemmed; for God schal deme fornicatouris and auouteris. |
| [No book] |
[5]Be youre maneres withoute coueitise, apaied with present thingis; for he seide, Y schal not leeue thee, |
| [No book] |
[6]nether forsake, so that we seie tristily, The Lord is an helpere to me; Y schal not drede, what a man schal do to me. |
| [No book] |
[7]Haue ye mynde of youre souereyns, that han spokun to you the word of God; of whiche `biholde ye the goyng out of lyuynge, and sue ye the feith of hem, |
| [No book] |
[8]Jhesu Crist, yistirdai, and to dai, he is also into worldis. |
| [No book] |
[9]Nyle ye be led awei with dyuerse `techingis, and straunge. For it is best to stable the herte with grace, not with metis, whiche profitiden not to men wandringe in hem. |
| [No book] |
[10]We han an auter, of which thei that seruen to the tabernacle, han not power to ete. |
| [No book] |
[11]For of whiche beestis the blood is borun in for synne in to hooli thingis bi the bischop, the bodies of hem ben brent with out the castels. |
| [No book] |
[12]For which thing Jhesu, that he schulde halewe the puple bi his blood, suffride with out the gate. |
| [No book] |
[13]Therfor go we out to hym with out the castels, berynge his repreef. |
| [No book] |
[14]For we han not here a citee dwellynge, but we seken a citee to comynge. |
| [No book] |
[15]Therfor bi hym offre we a sacrifice of heriyng euere more to God, that is to seye, the fruyt of lippis knoulechinge to his name. |
| [No book] |
[16]And nyle ye foryete wel doynge, and comynyng; for bi siche sacrifices God is disserued. |
| [No book] |
[17]Obeie ye to youre souereyns, and be ye suget to hem; for thei perfitli waken, as to yeldinge resoun for youre soulis, that thei do this thing with ioie, and not sorewinge; for this thing spedith not to you. |
| [No book] |
[18]Preie ye for vs, and we tristen that we han good conscience in alle thingis, willynge to lyue wel. |
| [No book] |
[19]More ouer Y biseche you to do, that Y be restorid the sunnere to you. |
| [No book] |
[20]And God of pees, that ladde out fro deth the greet scheepherd of scheep, in the blood of euerlastinge testament, oure Lord Jhesu Crist, |
| [No book] |
[21]schape you in al good thing, that ye do the wille of hym; and he do in you that thing that schal plese bifor hym, bi Jhesu Crist, to whom be glorie in to worldis of worldis. Amen. |
| [No book] |
[22]And, britheren, Y preie you, that ye suffre a word of solace; for bi ful fewe thingis Y haue writun to you. |
| [No book] |
[23]Knowe ye oure brother Tymothe, that is sent forth, with whom if he schal come more hastili, Y schal se you. |
| [No book] |
[24]Grete ye wel alle youre souereyns, and alle hooli men. The britheren of Italie greten you wel. |
| [No book] |
[25]The grace of God be with you alle. Amen. |