➕
←
Hebrews
Heb
5
→
[1]כל רב כומרא גיר דמנ בנינשׁא הוא חלפ בנינשׁא קאמ על אילינ דדאלהא אנינ דנקרב קורבנא ודבחא חלפ חטהא [2]אינא דמשׁכח דנמכ נפשׁה ונחשׁ עמ אילינ דלא ידעינ וטעינ מטל דאפ הו כריהותא לבישׁ [3]ומטלתה חיב הו דאיכנא דחלפ עמא הכנא אפ חלפ נפשׁה נקרב על חטהוהי [4]ולא הוא לנפשׁה אנשׁ נסב איקרא אלא אינא דמתקרא מנ אלהא איכנא דאהרונ [5]הכנא אפ משׁיחא לא הוא נפשׁה שׁבח דנהוא רב כומרא אלא הו דאמר לה דברי אנת אנא יומנא ילדתכ [6]איכ דאפ בדוכתא אחרתא אמר דאנת הו כומרא לעלמ בדמותה דמלכיזדק [7]אפ כד בסרא לבישׁ הוא בעותא ותכשׁפתא בגעתא חילתניתא ובדמעא קרב הוא למנ דמשׁכח הוא מנ מותא דנחיוהי ואשׁתמע [8]וכד טב ברא איתוהי מנ דחלתא וחשׁא דסבל ילפה למשׁתמענותא [9]והכנא אתגמר והוא לכלהונ אילינ דמשׁתמעינ לה עלתא דחיא דלעלמ [10]ואשׁתמה מנ אלהא רב כומרא בדמותה דמלכיזדק [11]עלוהי דינ על הנא מלכיזדק סגיאא הי לנ מלתא למאמרה ועסקא למפשׁקותה מטל דהויתונ לכונ כריהא במשׁמעתכונ [12]חיבינ הויתונ גיר מלפנא למהוא מטל דזבנא לכונ ביולפנא השׁא דינ תוב סניקינ אנתונ דתאלפונ אילינ אנינ כתיבתא קדמיתא דרישׁ מלוהי דאלהא והויתונ לכונ סניקא על חלבא ולא על מאכולתא שׁרירתא [13]כלנשׁ דינ דמאכולתה חלבא הו לא מפס במלתא דכאנותא מטל דשׁברא הו [14]דגמירא הי דינ מאכולתא שׁרירתא אילינ דמטל דמדרשׁינ אתנפקו רגשׁיהונ למפרשׁ טבתא ובישׁתא
 
Top