|
|
| [1]Omnis namque pontifex ex hominibus assumptus, pro hominibus constituitur in iis quæ sunt ad Deum, ut offerat dona, et sacrificia pro peccatis: |
[No book] |
| [2]qui condolere possit iis qui ignorant et errant: quoniam et ipse circumdatus est infirmitate: |
[No book] |
| [3]et propterea debet, quemadmodum pro populo, ita etiam et pro semetipso offerre pro peccatis. |
[No book] |
| [4]Nec quisquam sumit sibi honorem, sed qui vocatur a Deo, tamquam Aaron. |
[No book] |
| [5]Sic et Christus non semetipsum clarificavit ut pontifex fieret: sed qui locutus est ad eum: Filius meus es tu, ego hodie genui te. |
[No book] |
| [6]Quemadmodum et in alio loco dicit: Tu es sacerdos in æternum, secundum ordinem Melchisedech. |
[No book] |
| [7]Qui in diebus carnis suæ preces, supplicationesque ad eum qui possit illum salvum facere a morte cum clamore valido, et lacrimis offerens, exauditus est pro sua reverentia. |
[No book] |
| [8]Et quidem cum esset Filius Dei, didicit ex iis, quæ passus est, obedientiam: |
[No book] |
| [9]et consummatus, factus est omnibus obtemperantibus sibi, causa salutis æternæ, |
[No book] |
| [10]appellatus a Deo pontifex juxta ordinem Melchisedech. |
[No book] |
| [11]De quo nobis grandis sermo, et ininterpretabilis ad dicendum: quoniam imbecilles facti estis ad audiendum. |
[No book] |
| [12]Etenim cum deberetis magistri esse propter tempus, rursum indigetis ut vos doceamini quæ sint elementa exordii sermonum Dei: et facti estis quibus lacte opus sit, non solido cibo. |
[No book] |
| [13]Omnis enim, qui lactis est particeps, expers est sermonis justitiæ: parvulus enim est. |
[No book] |
| [14]Perfectorum autem est solidus cibus: eorum, qui pro consuetudine exercitatos habent sensus ad discretionem boni ac mali. |
[No book] |