➖ »
«
➖ ➕
Aleppo Codex (~920)
Alep
The Acts of Thomas
ActThom
←
Hosea
Hos
12
→
[1]סבבני בכחש אפרים ובמרמה בית ישראל ויהודה עד רד עם אל ועם קדושים נאמן [No book]
[2]אפרים רעה רוח ורדף קדים־כל היום כזב ושד ירבה וברית עם אשור יכרתו ושמן למצרים יובל [No book]
[3]וריב ליהוה עם יהודה ולפקד על יעקב כדרכיו כמעלליו ישיב לו [No book]
[4]בבטן עקב את אחיו ובאונו שרה את אלהים [No book]
[5]וישר אל מלאך ויכל בכה ויתחנן לו בית אל ימצאנו ושם ידבר עמנו [No book]
[6]ויהוה אלהי הצבאות־יהוה זכרו [No book]
[7]ואתה באלהיך תשוב חסד ומשפט שמר וקוה אל אלהיך תמיד [No book]
[8]כנען בידו מאזני מרמה־לעשק אהב [No book]
[9]ויאמר אפרים־אך עשרתי מצאתי און לי כל יגיעי לא ימצאו לי עון אשר חטא [No book]
[10]ואנכי יהוה אלהיך מארץ מצרים עד אושיבך באהלים כימי מועד [No book]
[11]ודברתי על הנביאים ואנכי חזון הרביתי וביד הנביאים אדמה [No book]
[12]אם גלעד און אך שוא היו בגלגל שורים זבחו גם מזבחותם כגלים על תלמי שדי [No book]
[13]ויברח יעקב שדה ארם ויעבד ישראל באשה ובאשה שמר [No book]
[14]ובנביא העלה יהוה את ישראל ממצרים ובנביא נשמר [No book]
[15]הכעיס אפרים תמרורים ודמיו עליו יטוש וחרפתו ישיב לו אדניו [No book]
Source: unbound.biola.edu
Top