➖ »
«
➖ ➕
Peshitta OT
PesOT
Vita Adae et Evae from "The Apocrypha and Pseudepigrapha of the Old Testament"
LOAE
←
Hosea
Hos
14
   
[1]ܐܸܬ̣ܦܲܢܝܼ ܝܑܼܣܪܵܝܹܠ ܠܘܵܬ̣ ܡܵܪܝܵܐ ܐܲܠܵܗܵܟ: ܡܸܛܠ ܕܐܸܬ̇ܬ̇ܩܸܠ̣ܬ̇ ܒܥܵܘܼܠܵܟ. [No book]
[2]ܣܲܒ̣ܘ ܥܠܲܝܟ̇ܘܿܢ ܡܸܠܹ̈ܐ: ܘܐܸܬ̣ܦܢܵܘ ܠܘܵܬ̣ ܡܵܪܝܵܐ ܐܲܠܵܗܟ̣ܘܿܢ: ܘܐܸܡܲܪܘ ܠܹܗ ܕܢܸܫܒ̇ܘܿܩ ܠܟ̣ܘܿܢ ܥܵܘܼܠܟ̣ܘܿܢ: ܘܩܲܒܸ̇ܠܘ ܛܵܒ̣ܵـ̈ـܬ̣ܵܐ: ܘܢܸܦܪܘܿܥܟ̣ܘܿܢ ܦܹܐܪܹ̈ܐ ܕܣܸܦ̈ܘܵܬ̣ܟ̣ܘܿܢ. [No book]
[3]ܘܐܸܡܲܪܘ ܐܵܬ̣ܘܿܪܵܝܵܐ ܠܵܐ ܢܸܦ̱ܪܩܲܢ: ܘܥܲܠ ܪ̈ܲܟ̣ܫܵܐ ܠܵܐ ܢܸܪܟ̣ܵܒ̣: ܘܠܵܐ ܢܸܩܪܸܐ ܬܘܼܒ̣ ܐܲܠܵܗܹ̈ܐ ܠܲܥܒ̣ܵܕܼ ܐܝܼܕܲܝ̈ܢ: ܡܸܛܠ ܕܐܲܢ̄ܬ̇ ܡܪܲܚܸܡ ܐܲܢ̄ܬ̇ ܥܲܠ ܝܲܬ̣ܡܹ̈ܐ. [No book]
[4]ܐܲܣܸܐ ܬܝܵܒ̣ܘܼܬ̣ܗܘܿܢ ܘܐܸܪܚܲܡ ܢܸܕܼܪ̈ܲܝܗܘܿܢ: ܘܢܸܗܦܘܿܟ ܪܘܼܓ̣ܙܝ ܡܸܢܗܘܿܢ. [No book]
[5]ܘܐܸܗܘܹܐ ܐܲܝܟ ܛܲܠܵܐ ܠܝܼܣܪܵܝܹܠ: ܘܢܲܦܪܲܥ ܐܲܝܟ ܫܘܿܫܲܢܬ̣ܵܐ: ܘܢܲܪܡܸܐ ܥܸܩܵܪ̈ܵܘܗܝ ܐܲܝܟ ܕܠܸܒ̣ܢܵܢ. [No book]
[6]ܘܢܸܫ̱ܘܼܚܘܼܢ ܥܵܘܦܵܘ̈ܗܝ: ܘܢܸܗܘܹܐ ܐܲܝܟ ܙܲܝܬܵܐ ܕܲܗܕܼܝܼܪ ܒܦܹܐܪ̈ܵܘܗܝ: ܘܪܹܝܚܹܗ ܐܲܝܟ ܕܠܸܒ̣ܢܵܢ. [No book]
[7]ܘܢܸܬ̣ܦܢܘܿܢ ܘܢܸܬ̇ܒ̣ܘܼܢ ܒܛܸܠܵܠܹܗ: ܘܢܸܚܘܿܢ ܡ̣ܢ ܥܒ̣ܘܼܪܵܐ: ܘܢܲܦ̱ܪܥܘܼܢ ܐܲܝܟ ܓܦܸܬܵܐ: ܘܕܼܘܼܟ̣ܪܵܢܗܘܿܢ ܐܲܝܟ ܚܲܡܪܵܐ ܕܠܸܒ̣ܢܵܢ. [No book]
[8]ܘܢܹܐܡܲܪ ܐܲܦܪܹܝܡ ܡܵܐ ܠܝܼ ܬܘܼܒ̣ ܘܠܲܦܬܲܟ̣ܪܹ̈ܐ: ܐܸܢܵܐ ܡܲܟܸ̇ܟ̇ܬܹ̇ܗ: ܘܐܸܢܵܐ ܐܹܫܲܒ̇ܚܝܼܘܗܝ: ܐܲܝܟ ܩܵܛܲܪܩܵܐ ܥܲܒ̇ܝܼܛܵܐ: ܘܡܹܢܝ ܐܸܫܬ̇ܟܲܚܘ ܦܹܐܪ̈ܲܝܟ̇ܝ. [No book]
[9]ܡܲܢ̣ܘܼ ܕܚܲܟ̇ܝܼܡ ܢܸܣܬܲܟܲܠ ܗܵܠܹܝܢ: ܘܲܕܼܡܸܬ̣ܒܲܝܲܢ ܢܸܫܬܵܘܕܲܥ ܐܸܢܹܝܢ: ܕܲܬ̣ܪ̈ܝܼܨܵܢ ܐܘܼܪ̈ܚܵܬܹܗ ܕܡܵܪܝܵܐ: ܘܙܲܕ̇ܝܼܩܹ̈ܐ ܡܗܲܠܟ̣ܝܼܢ ܒܗܹܝܢ: ܘܥܵܘܿܠܹܐ ܡܸܬ̇ܬܲܩܠܝܼܢ ܒܗܹܝܢ. [No book]
 
Top