|
|
| [1]Dicite fratribus vestris: Populus meus; et sorori vestræ: Misericordiam consecuta. |
[No book] |
| [2]Judicate matrem vestram, judicate, quoniam ipsa non uxor mea, et ego non vir ejus. Auferat fornicationes suas a facie sua, et adulteria sua de medio uberum suorum; |
[No book] |
| [3]ne forte expoliem eam nudam, et statuam eam secundum diem nativitatis suæ, et ponam eam quasi solitudinem, et statuam eam velut terram inviam, et interficiam eam siti. |
[No book] |
| [4]Et filiorum illius non miserebor, quoniam filii fornicationum sunt. |
[No book] |
| [5]Quia fornicata est mater eorum, confusa est quæ concepit eos; quia dixit: Vadam post amatores meos, qui dant panes mihi, et aquas meas, lanam meam, et linum meum, oleum meum, et potum meum. |
[No book] |
| [6]Propter hoc ecce ego sepiam viam tuam spinis, et sepiam eam maceria, et semitas suas non inveniet. |
[No book] |
| [7]Et sequetur amatores suos, et non apprehendet eos; et quæret eos, et non inveniet: et dicet: Vadam, et revertar ad virum meum priorem, quia bene mihi erat tunc magis quam nunc. |
[No book] |
| [8]Et hæc nescivit, quia ego dedi ei frumentum, et vinum, et oleum, et argentum multiplicavi ei, et aurum, quæ fecerunt Baal. |
[No book] |
| [9]Idcirco convertar, et sumam frumentum meum in tempore suo, et vinum meum in tempore suo. Et liberabo lanam meam et linum meum, quæ operiebant ignominiam ejus. |
[No book] |
| [10]Et nunc revelabo stultitiam ejus in oculis amatorum ejus; et vir non eruet eam de manu mea; |
[No book] |
| [11]et cessare faciam omne gaudium ejus, solemnitatem ejus, neomeniam ejus, sabbatum ejus, et omnia festa tempora ejus. |
[No book] |
| [12]Et corrumpam vineam ejus, et ficum ejus, de quibus dixit: Mercedes hæ meæ sunt, quas dederunt mihi amatores mei; et ponam eam in saltum, et comedet eam bestia agri. |
[No book] |
| [13]Et visitabo super eam dies Baalim, quibus accendebat incensum, et ornabatur in aure sua, et monili suo. Et ibat post amatores suos, et mei obliviscebatur, dicit Dominus. |
[No book] |
| [14]Propter hoc ecce ego lactabo eam, et ducam eam in solitudinem, et loquar ad cor ejus. |
[No book] |
| [15]Et dabo ei vinitores ejus ex eodem loco, et vallem Achor, ad aperiendam spem; et canet ibi juxta dies juventutis suæ, et juxta dies ascensionis suæ de terra Ægypti. |
[No book] |
| [16]Et erit in die illa, ait Dominus: vocabit me, Vir meus, et non vocabit me ultra Baali. |
[No book] |
| [17]Et auferam nomina Baalim de ore ejus, et non recordabitur ultra nominis eorum. |
[No book] |
| [18]Et percutiam cum eis fœdus in die illa, cum bestia agri, et cum volucre cæli, et cum reptili terræ; et arcum, et gladium, et bellum conteram de terra, et dormire eos faciam fiducialiter. |
[No book] |
| [19]Et sponsabo te mihi in sempiternum; et sponsabo te mihi in justitia, et judicio, et in misericordia, et in miserationibus. |
[No book] |
| [20]Et sponsabo te mihi in fide; et scies quia ego Dominus. |
[No book] |
| [21]Et erit in die illa: exaudiam, dicit Dominus, exaudiam cælos, et illi exaudient terram. |
[No book] |
| [22]Et terra exaudiet triticum, et vinum, et oleum, et hæc exaudient Jezrahel. |
[No book] |
| [23]Et seminabo eam mihi in terra, et miserebor ejus quæ fuit Absque misericordia. |
[No book] |
| [24]Et dicam Non populo meo: Populus meus es tu; et ipse dicet: Deus meus es tu. |
[No book] |