➖ »
«
➖ ➕
Peshitta OT
PesOT
The Second Book of Clement
2Clem
←
Hosea
Hos
5
→
[1]ܫܡܲܥܘ ܗܵܕܹܐ ܟܵܗ̈ܢܹܐ: ܘܨܘܼܬ̣ܘ ܒܹܝܬ̣ ܝܑܼܣܪܵܝܹܠ: ܘܒܹܝܬ̣ ܡܲܠܟܵܐ ܫܡܲܥܘ: ܡܸܛܠ ܕܲܕܼܝܼܠܟ̣ܘܿܢ ܗ̄ܘܼ ܕܝܼܢܵܐ: ܕܦܲܚܹ̈ܐ ܗ̤ܘܲܝܬ̇ܘܿܢ ܠܕܼܵܘܩܹ̈ܐ: ܘܲܡܨܝܼܕ̇ܬܵܐ ܕܲܦܪܝܼܣܵܐ ܥܲܠ ܬܵܒ̣ܘܿܪ. [No book]
[2]ܘܨܲܝܵـ̈ـܕܹܐ ܕܨܵܝ̇ܕܝܼܢ ܛ̣ܡܹ̇ܪܘ ܦܲܚܹ̈ܐ: ܐܸܢܵܐ ܕܹܝܢ ܐܸܪܕܸ̇ܐ ܠܟ̣ܠܗܘܿܢ. [No book]
[3]ܐܸܢܵܐ ܝܵܕܲܥ̇ ܐ̄ܢܵܐ ܠܐܲܦܪܹܝܡ: ܘܝܼܣܪܵܝܹܠ ܠܵܐ ܟܣܸܐ ܡܹܢܝ: ܡܸܛܠ ܕܗܵܫܵܐ ܙܲܢܝܼ ܐܲܦܪܹܝܡ: ܘܐܸܬ̇ܛܲܢܲܦ ܝܑܼܣܪܵܝܹܠ. [No book]
[4]ܠܵܐ ܫܵܒ̣̈ܩܵܢ ܠܗܘܿܢ ܨܸܢ̈ܥܵܬ̣ܗܘܿܢ: ܕܢܸܬ̣ܦ̄ܢܘܿܢ ܠܘܵܬ̣ ܐܲܠܵܗܗܘܿܢ: ܡܸܛܠ ܕܪܘܼܚܵܐ ܕܙܵܢܝܘܼܬ̣ܵܐ ܒܓ̣ܵܘܗܘܿܢ: ܘܲܠܡܵܪܝܵܐ ܠܵܐ ܝܑܼܕܲܥ̣ܘ. [No book]
[5]ܘܢܸܬ̣ܡܲܟܲܢ ܐܝܼܩܵܪܹܗ ܕܝܼܣܪܵܝܹܠ ܩܕܼܵܡܵܘܗܝ: ܘܝܼܣܪܵܝܹܠ ܘܐܲܦܪܹܝܡ ܢܸܬ̇ܬܲܩܠܘܼܢ ܒܥܵܘܼܠܗܘܿܢ: ܘܢܸܬ̇ܬ̇ܩܸܠ ܐܵܦ ܝܑܼܗܘܼܕܼܵܐ ܥܲܡܗܘܿܢ. [No book]
[6]ܒܥܵܢ̈ܗܘܿܢ ܘܲܒ̣ܬ̣ܵܘܟ̣̈ܝܗܘܿܢ ܢܹܐܙܠ̄ܘܼܢ ܠܡܸܒ̣ܥܝܹܗ ܠܡܵܪܝܵܐ ܘܠܵܐ ܢܸܫܟ̇ܚܘܼܢܹܗ: ܡܸܛܠ ܕܲܦܪܲܩ̣ ܠܹܗ ܡܸܢܗܘܿܢ. [No book]
[7]ܒܡܵܪܝܵܐ ܓܹܝܪ ܕܲܓܸ̇ܠ̣ܘ: ܡܸܛܠ ܕܲܒ̣̈ܢܲܝܵܐ ܢܘܼܟ̣ܪ̈ܵܝܹܐ ܐܵܘܠܸܕܼܘ. [No book]
[8]ܩ̣ܪܵܘ ܫܝܼܦܘܿܪܵܐ ܒܪܵܡܬ̣ܵܐ: ܘܩܲܪܢܵܐ ܒܪܵܡܬ̣ܵܐ: ܩܥܵܘ ܒܹܝܬ̣ ܐܘܿܢ: ܒܵܬ̣ܪܵܟ ܒܸܢܝܵܡܹܝܢ. [No book]
[9]ܐܲܦܪܹܝܡ ܠܲܚܒ̣ܵܠܵܐ ܢܸܗܘܹܐ ܒܝܵܘܡܵܐ ܕܡܲܟ̇ܣܵܢܘܼܬ̣ܵܐ: ܒܫܲܪܒ̇ܬ̣ܵܐ ܕܝܼܣܪܵܝܹܠ ܐܵܘܕ̇ܥܹ̇ܬ̣ ܗܲܝܡܵܢܘܼܬ̣ܵܐ. [No book]
[10]ܗܘ̤ܵܘ ܪܵܘܪ̈ܒ̣ܵܢܹܐ ܕܲܝܗܘܼܕܼܵܐ ܐܲܝܟ ܗܵܢ̇ܘܿܢ ܕܲܡܫܲܢܹܝܢ ܬܚܘܼܡܵܐ: ܐܹܫܘܼܕܼ ܪܘܼܓ̣ܙܝ ܥܠܲܝܗܘܿܢ ܐܲܝܟ ܡܲـ̈ـܝܵܐ. [No book]
[11]ܛܠܝܼܡ ܐܲܦܪܹܝܡ ܘܐܲܠܝܼܨ ܒܕܼܝܼܢܵܐ: ܡܸܛܠ ܕܲܨܒ̣ܵܐ ܠܡܹܐܙܲܠ ܒܵܬܲܪ ܣܪ̈ܝܼܩܵܬ̣ܵܐ. [No book]
[12]ܘܐܸܢܵܐ ܐܸܗܘܹܐ ܐܲܝܟ ܕܠܘܼܚܝܵܐ ܠܐܲܦܪܹܝܡ: ܘܐܲܝܟ ܐܵܪܝܵܐ ܠܲܕܼܒܹܝܬ̣ ܝܑܼܗܘܼܕܼܵܐ. [No book]
[13]ܘܲܚ̣ܙܵܐ ܐܲܦܪܹܝܡ ܟܘܼܪ̈ܗܵܢܵܘܗܝ: ܘܲܝܗܘܼܕܼܵܐ ܟܹܐܒ̣ܵܘ̈ܗܝ: ܘܐܸܙܲܠ ܐܲܦܪܹܝܡ ܠܐܵܬ̣ܘܿܪ: ܘܫܲܕܲܪ ܠܘܵܬ̣ ܡܲܠܟܵܐ ܕܝܵܪܵܒ̣: ܘܗ̤ܘ ܠܵܐ ܡܸܫܟܲܚ ܠܡܲܐܣܵܝܘܼܬ̣ܟ̣ܘܿܢ: ܘܠܵܐ ܢܲܚܠܸܡ ܡܸܢܟ̣ܘܿܢ ܟܹܐܒܲܝ̈ܟ̇ܘܿܢ. [No book]
[14]ܡܸܛܠ ܕܐܸܢܵܐ ܐܲܝܟ ܐܲܪܝܵܐ ܠܐܲܦܪܹܝܡ: ܘܐܲܝܟ ܓܘܼܪܝܵܐ ܕܐܲܪܝܵܐ ܠܲܕܼܒܹܝܬ̣ ܝܑܼܗܘܼܕܼܵܐ: ܘܐܸܢܵܐ ܐܸܬ̣ܒܲܪ ܘܐܸܙܲܠ: ܘܐܸܫܩܘܿܠ ܘܠܲܝܬ̇ ܕܲܡܦܲܨܸܐ. [No book]
[15]ܐܸܗܦܘܿܟ ܐܸܙܲܠ ܠܐܲܬ̣ܪܝ: ܥܕܲܡܵܐ ܕܲܢܚܘܼܒ̣ܘܼܢ ܘܢܸܒ̣ܥܘܿܢ ܐܲܦܲܝ̈: ܘܒ̣ܐܘܼܠܨܵܢܗܘܿܢ ܢܩܲܕ̇ܡܘܼܢ ܠܘܵܬ̣ܝ. [No book]
Translation: Charles H. Hoole (1885)
Source: www.earlychristianwritings.com
Top