➖ »
«
➖ ➕
Peshitta OT
PesOT
The Writings of Cornelius Tacitus
Tacitus
←
Hosea
Hos
7
→
[1]ܡܵܐ ܕܐܲܣ̇ܝܬ̣ ܠܝܼܣܪܵܝܹܠ: ܘܐܸܬ̣ܓ̇ܠܝܼ ܥܵܘܼܠܹܗ ܕܐܲܦܪܹܝܡ: ܘܒ̣ܝܼܫܬܵܗ̇ ܕܫܵܡܪܹܝܢ: ܡܸܛܠ ܕܲܥ̣ܒܲܕܼܘ ܫܘܼܩܪܵܐ ܩܕܼܵܡܲܝ: ܘܓܲܢܵܒ̣ܵܐ ܥܵܐܹ̇ܠ ܗ̄ܘܼܵܐ: ܘܲܡܫܲܠܲܚ ܓܲܝܵܣܵܐ ܒܫܘܼܩܹ̈ܐ. [No book]
[2]ܘܠܵܐ ܐܵܡ̇ܪܝܼܢ ܒܠܸܒ̇ܗܘܿܢ ܕܟ̣ܠܗܘܿܢ ܕܟ̣ܠܗܹܝܢ ܒܝܼ̈ܫܵܬ̣ܗܘܿܢ ܥܵܗܹ̇ܕܼ ܐ̄ܢܵܐ: ܡܸܟܹ̇ܝܠ ܢܸܚܕ̇ܪ̈ܵܢ ܐܸܢܘܿܢ ܨܸܢ̈ܥܵܬ̣ܗܘܿܢ ܕܲܗ̤ܘܲܝ̈ ܩܕܼܵܡ ܐܲܦܲܝ̈. [No book]
[3]ܒܒ̣ܝܼܫܘܼܬ̣ܗܘܿܢ ܚܲܕ̇ܝܼܘ ܠܡܲܠ̈ܟܹ̇ܐ: ܘܲܒ̣ܕܲܓܵܠܘܼܬ̣ܗܘܿܢ. [No book]
[4]ܟܠܗܘܿܢ ܫܲܠܝܼܛܵܢܲܝ̈ܗܘܿܢ ܓܵܝ̇ܪܝܼܢ: ܐܲܝܟ ܬܲܢܘܼܪܵܐ ܕܝܵܩܹ̇ܕܼ ܠܡܹܐܦܝܼܬ̣ܵܐ: ܢܸܒ̣ܛܲܠ ܡ̣ܢ ܡܕܼܝܼܢ̄ܬܵܐ ܠܵܐܹ̇ܫ ܠܲܝܫܵܐ ܥܕܲܡܵܐ ܕܚܵܡܲܥ. [No book]
[5]ܝܵܘܡܵܐ ܕܡܲܠܟܲܝ̈ܢ ܫܲܪܝܼܘ ܪܵܘܪ̈ܒ̣ܵܢܸܐ ܠܡܸܪܓܲܙ ܡ̣ܢ ܚܲܡܪܵܐ: ܢܓܲܕܼܘ ܐܝܼܕܲܝ̈ܗܘܿܢ ܥܲܡ ܒܝܼܫܹ̈ܐ. [No book]
[6]ܡܸܛܠ ܕܚܲܡ̣ ܠܸܒ̇ܗܘܿܢ ܐܲܝܟ ܬܲܢܘܼܪܵܐ ܒܲܟ̣ܡܹܐܢܗܘܿܢ: ܘܟ̣ܠܹܗ ܠܸܠܝܵܐ ܥܬܸܩ̣ ܪܘܼܓ̣ܙܗܘܿܢ: ܘܲܒ̣ܨܲܦܪܵܐ ܝܵܩܹ̇ܕܼ ܗ̄ܘܼܵܐ ܐܲܝܟ ܢܘܼܪܵܐ ܘܫܲܠܗܹܒ̣ܝܼܬ̣ܵܐ. [No book]
[7]ܟܠܗܘܿܢ ܚܲܡ̣ܘ ܐܲܝܟ ܬܲܢܘܼܪܵܐ: ܘܐܸܟܲܠ̣ܘ ܠܕܲܝܵܢܲܝ̈ܗܘܿܢ: ܟܠܗܘܿܢ ܡܲܠܟܲܝ̈ܗܘܿܢ ܢܦܲܠ̣ܘ: ܘܠܲܝܬ̇ ܒܗܘܿܢ ܕܩܵܪܹܐ ܠܝܼ. [No book]
[8]ܐܲܦܪܹܝܡ ܒܥܲܡܡܹ̈ܐ ܐܸܬ̣ܚܲܠܲܛ: ܐܲܦܪܹܝܡ ܗܘ̤ܵܐ ܚܵܝܝܘܼܪܬܵܐ ܕܥܲܕܼܠܵܐ ܐܸܬ̣ܐܲܦܝܲܬ̤ ܐܸܬ̣ܐܲܟ̣ܠܲܬ̤. [No book]
[9]ܗܵܟܲܢܵܐ ܐܸܟܲܠ̣ܘ ܢܘܼܟ̣ܪ̈ܵܝܹܐ ܚܲܝܠܹܗ ܘܠܵܐ ܝܑܼܕܲܥ̣: ܘܚܸܘܿܪ̈ܵܬ̣ܵܐ ܢܦܲܩ ܠܹܗ ܘܠܵܐ ܝܑܼܕܲܥ̣. [No book]
[10]ܘܐܸܬ̣ܡܲܟܲܟ ܐܝܼܩܵܪܹܗ ܕܝܼܣܪܵܝܹܠ ܩܕܼܵܡܵܘܗܝ: ܘܠܵܐ ܐܸܬ̣ܦ̄ܢܝܼܘ ܠܘܵܬ̣ ܡܵܪܝܵܐ ܐܲܠܵܗܗܘܿܢ: ܘܠܵܐ ܒܥ̣ܵܐܘܼܗܝ. [No book]
[11]ܘܲܗܘ̤ܵܐ ܐܲܦܪܹܝܡ ܐܲܝܟ ܝܵܘܢܵܐ ܫܒܲܪܬ̣ܵܐ ܕܠܲܝܬ̇ ܒܵܗ̇ ܠܸܒܵܐ: ܠܡܸܨܪܹܝܢ ܐܸܬ̣ܵܘ: ܘܠܵܐܬ̣ܘܿܪ ܐܸܙܲܠ̣ܘ. [No book]
[12]ܠܐܲܬܲܪ ܕܢܹܐܙܠ̄ܘܿܢ ܐܸܦܪܘܿܣ ܥܠܲܝܗܘܿܢ ܡܨܝܼܕ̇ܬ̇ܝ: ܘܐܲܝܟ ܦܵܪܲܚܬ̣ܵܐ ܕܲܫܡܲܝܵܐ ܐܲܚܸܬ̣ ܐܸܢܘܿܢ: ܘܐܸܪܕܸ̇ܐ ܐܸܢܘܿܢ ܐܲܝܟ ܫܸܡܥܵܐ ܕܣܵܗܕ̇ܘܼܬ̣ܗܘܿܢ. [No book]
[13]ܘܵܝ ܠܗܘܿܢ ܕܢܲܕܼܘ ܡܹܢܝ: ܒܝܼܫܬܵܐ ܐܲܝܬܸ̇ܐ ܥܠܲܝܗܘܿܢ ܥܲܠ ܕܐܲܥ̣ܠܝܼܘ ܒܝܼ: ܐܸܢܵܐ ܓܹܝܪ ܦܸܪܩܹ̇ܬ̣ ܐܸܢܘܿܢ: ܘܗܸܢܘܿܢ ܡܲܠܸܠ̣ܘ ܥܠܲܝ ܕܲܓܵܠܘܼܬ̣ܵܐ. [No book]
[14]ܘܠܵܐ ܓܥ̣ܵܘ ܠܘܵܬ̣ܝ ܡ̣ܢ ܟܠܹܗ ܠܸܒ̇ܗܘܿܢ: ܐܸܠܵܐ ܐܲܝܸܠܠܘ ܥܲܠ ܡܲܫܟܲܒ̣ܗܘܿܢ: ܥܲܠ ܥܒ̣ܘܼܪܵܐ ܘܥܲܠ ܚܲܡܪܵܐ ܡܸܬ̣ܟܲܬ̇ܫܝܼܢ: ܘܲܡܪܲܕܼܘ ܥܠܲܝ. [No book]
[15]ܘܐܸܢܵܐ ܪܕܹܝ̇ܬ̣ ܘܐܲܥܫ̇ܢܹܬ̣ ܕܪܵܥܗܘܿܢ: ܘܲܥܠܲܝ ܐܸܬ̣ܚܲܫܲܒ̣ܘ ܒܝܼܫܬܵܐ. [No book]
[16]ܐܸܬ̣̱ܗܦܸܟ̣ܘ ܥܲܠ ܠܵܐ ܡܸܕܸ̇ܡ: ܘܲܗܘ̤ܵܘ ܐܲܝܟ ܩܸܫܬܵܐ ܢܟ̣ܝܼܠܬܵܐ: ܢܸܦܠܘܼܢ ܒܚܲܪܒܵܐ ܪܵܘܪ̈ܒ̣ܵܢܲܝܗܘܿܢ ܡ̣ܢ ܡܲܪܵܚܘܼܬ̣ܵܐ ܕܠܸܫܵܢܗܘܿܢ: ܗܵܢܵܘ ܥܘܼܪܙܵܠܗܘܿܢ ܕܒܲܐܪܥܵܐ ܕܡܸܨܪܹܝܢ. [No book]
Source: www.earlychristianwritings.com
Top