➖ »
«
➖ ➕
Peshitta OT
PesOT
The Book of Enoch (1917)
1Eno(Cha)
←
Isaiah
Isa
13
→
[1]ܡܲܫܩ̄ܠܵܐ ܕܒ̣ܵܒܹܠ ܕܲܚܙܵܐ ܐܹܫܲܥܝܵܐ ܒܲܪ ܐܲܡܘܿܨ. [No book]
[2]ܥܲܠ ܛܘܼܪܹ̈ܐ ܫܦܲـ̈ـܝܵܐ ܫܩܘܼܠܘ ܐܵܬ̤ܵܐ. ܐܲܪܝܼܡܘ ܠܗܘܿܢ ܩܵܠܵܐ. ܐܲܢܝܼܦܘ ܒܐܝܼܕܹܗ ܢܸܥܠܘܿܢ ܒܬܲܪ̈ܥܲܝ ܫܲܠܝܼܛܵܢܹ̈ܐ. [No book]
[3]ܐܸܢܵܐ ܦܸܩ̇ܕܹ̇ܬ̣ ܠܡܲܩܕܲܫܝ. ܘܲܩܪܹܝܬ̣ ܠܓܲܢ̄ܒܵܪܹ̈ܐ ܒܪܘܼܓ̣ܙܝ. ܘܡܸܬ̣ܥܲܫܢܝܼܢ ܒܓܲܐܝܘܼܬ̣ܝ. [No book]
[4]ܩܵܠܵܐ ܕܲܪܓ̣ܘܼܫܝܵܐ ܒܛܘܼܪܵܐ: ܕܘܼܡܝܵܐ ܕܥܲܡܡܹ̈ܐ ܣܲܓ̇ܝܹ̈ܐܐ ܩܵܠܵܐ ܕܲܪܓ̣ܘܼܫܝܵܐ ܕܡܲܠܟ̇ـ̈ـܘܵܬ̣ܵܐ ܕܥܲܡܡܹ̈ܐ ܕܡܸܬ̣ܟܲܢܫܝܼܢ. ܡܵܪܝܵܐ ܚܲܝܠܬ̣ܵܢܵܐ ܣܵܥܲܪ ܚܲܝ̈ܠܹܐ. [No book]
[5]ܩܪ̈ܲܒ̣ܬ̣ܵܢܹܐ ܐܵܬܹ̇ܝܢ ܡ̣ܢ ܪܘܼܚܩܵܐ: ܘܡ̣ܢ ܣܵܘ̈ܦܲܝ ܫܡܲܝܵܐ ܡܵܪܝܵܐ: ܘܡܵܐܢܹ̈ܐ ܕܪܘܼܓ̣ܙܹܗ: ܠܲܡܚܲܒܵܠܘܼ ܠܟ݂ܠܵܗ̇ ܐܲܪܥܵܐ. [No book]
[6]ܐܲܝܠܸܠܘ ܡܸܛܠ ܕܩܲܪܝܼܒ̣ ܗ̄ܘܼ ܝܵܘܡܹܗ ܕܡܵܪܝܵܐ: ܘܐܲܝܟ݂ ܒܸܙܬ̣ܵܐ ܡ̣ܢ ܫܸܠܝܵܐ ܢܹܐܬܹܐ. [No book]
[7]ܡܸܛܠ ܗܵܢܵܐ ܟܠܗܹܝܢ ܐܝܼ̈ܕܲܝܵܐ ܢܸܬ̣ܪ̈ܲܦܝܵܢ. ܘܟ݂ܠܹܗ ܠܸܒܵܐ ܕܐ̄ܢܵܫܵܐ ܢܸܬ̣ܡ̱ܣܹܐ ܘܢܸܬ̇ܕܲܠܚܘܼܢ. [No book]
[8]ܘܨܵܘܪ̈ܵܢܹܐ ܘܚܸܒ̣̈ܠܹܐ ܐܲܝܟ݂ ܕܝܵܠܹܕ̇ܬܵܐ ܢܹܐܚܕ̇ܘܿܢ ܐܸܢܘܿܢ. ܘܢܸܬ̣ܡ̱ܗܘܿܢ ܓܒܲܪ ܒܚܲܒ̣ܪܹܗ. ܘܐܲܦܹ̈ܐ ܕܫܲܠܗܹܒ̣ܝܼܬ̣ܵܐ ܐܲܦܲܝ̈ܗܘܿܢ. [No book]
[9]ܗܵܐ ܝܵܘܡܹܗ ܕܡܵܪܝܵܐ ܐܵܬܹ̇ܐ: ܕܐܵܣܝܘܼ ܠܲܝܬ̇ ܠܹܗ ܐܲܟ̇ܬ̣ܵܢ ܘܚܲܡܝܼܡ ܪܘܼܓ̣ܙܹܗ ܕܢܸܥܒ̇ܕ݂ܝܼܗ̇ ܠܐܲܪܥܵܐ ܠܚܘܼܪܒܵܐ: ܘܚܲܛܵܝܹ̈ܝܗ̇ ܢܵܘܒܸ̇ܕ݂ ܡܸܢܵܗ̇. [No book]
[10]ܡܸܛܠ ܕܟ݂ܵܘܟ̇ܒܹ̈ܐ ܕܲܫܡܲܝܵܐ ܘܚܲܝ̈ܠܵܘܵܬ̣ܗܘܿܢ ܠܵܐ ܢܲܢ̱ܗܪܘܿܢ ܢܸܚܫܲܟ݂ ܫܸܡܫܵܐ ܒܡܲܦܩܹܗ. ܘܢܘܼܗܪܹܗ ܕܣܲܗܪܵܐ ܠܵܐ ܢܲܢܗܲܪ. [No book]
[11]ܐܸܦܩܘܿܕ݂ ܒܝܼܫܬܵܐ ܥܲܠ ܬܹܒܹܝܠ: ܘܥܲܠ ܪ̈ܲܫܝܼܥܹܐ ܥܵܘܼܠܗܘܿܢ. ܐܹܒܲܛܸܠ ܪܵܡܘܼܬ̣ܵܐ ܕܫܲܒ̣ܗ̱ܪ̈ܵܢܹܐ. ܘܓܲܐܝܘܼܬ̣ܵܐ ܕܥܲܫܝܼܢܹ̈ܐ ܐܹܡܲܟܸ̇ܟ݂. [No book]
[12]ܐܵܘܩܲܪ ܓܲܒ̣ܪܵܐ ܡ̣ܢ ܕܲܗܒ̣ܵܐ: ܘܐ̄ܢܵܫܵܐ ܡ̣ܢ ܕܲܗܒ̣ܵܐ ܕܐܵܘܦܹܝܪ. [No book]
[13]ܡܸܛܠ ܗܵܢܵܐ ܠܲܫܡܲܝܵܐ ܐܲܪܓܸ̇ܙ. ܘܲܬ̣ܙܘܼܥ ܐܲܪܥܵܐ ܡ̣ܢ ܕܘܼܟ̇ܬ̣ܵܗ̇: ܒܲܟ݂ܐܵܬܹܗ ܕܡܵܪܝܵܐ ܚܲܝܠܬ̣ܵܢܵܐ: ܒܝܵܘܡܵܐ ܕܚܸܡܬ̣ܵܐ ܕܪܘܼܓ̣ܙܹܗ. [No book]
[14]ܢܸܗܘܘܿܢ ܐܲܝܟ݂ ܛܒܲܝܵـ̈ـܐ ܕܥܵܪܩܝܼܢ: ܘܐܲܝܟ݂ ܥܵـ̈ـܢܵܐ ܕܠܲܝܬ̇ ܠܵܗ̇ ܡܟܲܢܫܵܢܵܐ ܐ̄ܢܵܫ ܠܥܲܡܹܗ ܢܸܬ̣ܦ̄ܢܘܿܢ: ܘܲܓ̣ܒܲܪ ܠܐܲܪܥܹܗ ܢܸܥܪ̱ܩܘܼܢ. [No book]
[15]ܟܠ ܕܢܸܫܬܲܟܲܚ: ܢܸܬ̇ܕ̇ܩܲܪ. ܘܟ݂ܠ ܕܢܸܬ̇ܬܵܘܣܸܦ: ܢܸܦܸܠ ܒܚܲܪܒܵܐ. [No book]
[16]ܘܝܲܠܘܼܕܲܝ̈ܗܘܿܢ ܢܸܫܬܲܩܦܘܼܢ ܠܥܹܢܲܝܗܘܿܢ ܘܢܸܬ̣ܒܲܙܙܘܼܢ ܒܵܬܲܝ̈ܗܘܿܢ. ܘܢܸܫܲܝ̈ܗܘܿܢ ܢܸܨܛܲܥܪ̈ܵܢ. [No book]
[17]ܗܵܐ ܡܥܝܼܪ ܐ̄ܢܵܐ ܥܠܲܝܟ̇ܘܿܢ ܠܡܵܕ݂ܵܝܹ̈ܐ: ܕܟܸܣܦܵܐ ܠܵܐ ܚܫܝܼܒ̣ ܠܗܘܿܢ: ܘܲܒ̣ܕܲܗܒ̣ܵܐ ܠܵܐ ܡܸܨܛ̄ܒܹܝܢ. [No book]
[18]ܩܸܫ̈ܬܵܬ̣ܵܐ ܕܲܥܠܲܝܡܹ̈ܐ ܢܸܬ̣ܬܲܒ̇ܪ̈ܵܢ. ܘܥܲܠ ܦܹܐܪܹ̈ܐ ܕܟܲܪܣܵܐ ܠܵܐ ܢܪܲܚܡܘܼܢ. ܘܥܲܠ ܒܢܲܝ̈ܟ̇ܘܿܢ ܠܵܐ ܢܚ̈ܘܼܣܵܢ ܥܲܝܢܲܝ̈ܗܘܿܢ. [No book]
[19]ܘܬܸܗܘܹܐ ܒܵܒܹܠ ܚܲܝܠܵܐ ܕܡܲܠ̈ܟ̇ܘܵܬ̣ܵܐ: ܘܫܘܼܒ̣ܚܵܐ ܕܓܲܐܝܘܼܬ̣ܵܐ ܕܟܲܠܕ݂ܵܝܹ̈ܐ: ܐܲܝܟ݂ ܕܲܗܦܲܟ݂ ܐܲܠܵܗܵܐ ܠܲܣܕ݂ܘܿܡ ܘܲܠܥܵܡܘܿܪܵܐ. [No book]
[20]ܠܵܐ ܬܸܬܲܒ̣ ܠܥܵܠܲܡ: ܘܠܵܐ ܬܸܫܪܹܐ ܠܕ݂ܵܪܕܵܪ̈ܝܼܢ ܘܠܵܐ ܢܸܫܪܘܿܢ ܬܲܡܵܢ ܥܲܪ̈ܒ̣ܵܝܹܐ: ܘܪ̈ܵܥܵܘܵܬ̣ܵܐ ܠܵܐ ܢܸܪܥܘܿܢ ܬܲܡܵܢ. [No book]
[21]ܐܸܠܵܐ ܢܸܪ̈ܒ̇ܥܵܢ ܬܲܡܵܢ ܚܲܝ̈ܘܵܬ̣ܵܐ. ܘܢܸܬ̣ܡ̱ܠܘܼܢ ܒܵܬܲܝ̈ܗܘܿܢ ܒ̈ܢܵܬ̣ ܩܵܠܹ̈ܐ. ܘܢܸܫ̱ܪ̈ܝܵܢ ܬܲܡܵܢ ܒ̈ܢܵܬ̣ ܢܲܥܵܡܹ̈ܐ: ܘܫܹܐܕܹ̈ܐ ܢܪܲܩܕ݂ܘܼܢ ܬܲܡܵܢ. [No book]
[22]ܘܢܸܥ̱ܢ̈ܝܵܢ ܣܝܼܪܹ̈ܢܵܣ ܒܣܵܚܪ̈ܵܬ̣ܗܘܿܢ: ܘܝܵܪܘܿܪܹ̈ܐ ܒܗܲܝ̈ܟ̇ܠܹܐ ܕܦܘܼܢܵܩܲܝ̈ܗܘܿܢ ܩܲܪܝܼܒ̣ ܗ̄ܘܼ ܙܲܒ̣ܢܵܗ̇ ܠܡܹܐܬ̣ܵܐ: ܘܝܵܘ̈ܡܵܬ̣ܵܗ̇ ܬܘܼܒ̣ ܠܵܐ ܢܸܬ̣ܡܲܬ̣ܚܘܼܢ. [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top