➖ »
«
➖ ➕
Peshitta OT
PesOT
The Book of Enoch (1917)
1Eno(Cha)
←
Isaiah
Isa
2
→
[1]ܦܸܬ̣ܓ̣ܵܡܵܐ ܕܲܚܙܵܐ ܐܹܫܲܥܝܵܐ ܒܲܪ ܐܵܡܘܿܨ: ܥܲܠ ܝܼܗܘܼܕ݂ܵܐ: ܘܥܲܠ ܐܘܿܪܸܫܠܸܡ. [No book]
[2]ܢܸܗܘܸܐ ܒܝܵܘ̈ܡܵܬ̣ܵܐ ܐ̄ܚܪ̈ܵܝܹܐ: ܛܘܼܪܒܲܝܬܹ̇ܗ ܕܡܵܪܝܵܐ. ܡܲܬ̣ܩܲܢ ܒܪܹܫ ܛܘܼܪܹ̈ܐ: ܘܪܵܡ ܡ̣ܢ ܪ̈ܵܡܵܬ̣ܵܐ. ܘܲܢܣܲܟ̇ܘܿܢ ܠܹܗ ܟܠܗܘܿܢ ܥܲܡܡܹ̈ܐ. [No book]
[3]ܘܢܹܐܙܠ̄ܘܿܢ ܥܲܡܡܹ̈ܐ ܣܲܓ̇ܝܹ̈ܐܐ: ܘܢܹܐܡܪܘܼܢ: ܬܵܘ ܢܸܣܲܩ ܠܛܘܼܪܹܗ ܕܡܵܪܝܵܐ: ܘܲܠܒܹܝܬ̣ ܐܲܠܵܗܹܗ ܕܝܲܥܩܘܿܒ̣. ܘܢܲܠܦܲܢ ܡ̣ܢ ܐܘܼܪ̈ܚܵܬܹܗ. ܘܲܢܗܲܠܸܟ݂ ܒܲܫܒ̣ܝܼܠܵܘ̈ܗܝ. ܡܸܛܠ ܕܡ̣ܢ ܨܸܗܝܘܿܢ ܢܵܦܹ̇ܩ ܢܵܡܘܿܣܵܐ: ܘܦܸܬ̣ܓ̣ܵܡܹܗ ܕܡܵܪܝܵܐ ܡ̣ܢ ܐܘܿܪܸܫܠܸܡ. [No book]
[4]ܘܲܢܕ݂ܘܿܢ ܒܹܝܬ̣ ܥܲܡܡܹ̈ܐ. ܘܢܲܟܸ̇ܣ ܠܥܲܡܡܹ̈ܐ ܣܲܓ̇ܝܹ̈ܐܐ ܕܲܒ̣ܪܘܼܚܩܵܐ. ܘܢܸܪܥܘܿܢ ܣܲܦ̮ܣܹܪ̈ܲܝܗܘܿܢ ܠܣܸܟܲܝ̈ ܦܲܕܵܢܹ̈ܐ: ܘܪ̈ܘܼܡܚܲܝܗܘܿܢ ܠܡܲܓ̇ܠܹ̈ܐ. ܘܠܵܐ ܢܸܫܩܘܿܠ ܥܵܡܵܐ ܥܲܠ ܥܲܡܵܐ ܣܲܝܦܵܐ. ܘܬ̣ܘܼܒ̣ ܠܵܐ ܢܹܐܠܦܘܼܢ ܩܪܵܒ̣ܵܐ. [No book]
[5]ܕܒܹܝܬ̣ ܝܲܥܩܘܿܒ̣: ܬܵܘ ܢܹܐܙܲܠ ܒܢܘܼܗܪܹܗ ܕܡܵܪܝܵܐ. [No book]
[6]ܡܸܛܠ ܕܲܫܒ̣ܩܬܵܝܗܝ ܠܥܲܡܵܟ݂ ܕܒܹܝܬ̣ ܝܲܥܩܘܿܒ̣. ܡܸܛܠ ܕܐܸܬ̣ܡ̱ܠܝܼܘ ܐܲܝܟ݂ ܕܡ̣ܢ ܩܕ݂ܝܼܡ. ܘܲܡܢܲܚܫܝܼܢ ܐܲܝܟ݂ ܦܠܸܫܬܵܝܹ̈ܐ. ܘܣܘܿܓ̣ܵܐܐ ܕܲܒ̣ܢܲـ̈ـܝܵܐ ܢܘܼܟ݂ܪ̈ܵܝܹܐ ܪܲܒ̇ܝܘܼ. [No book]
[7]ܘܐܸܬ̣ܡܲܠܝܲܬ̇ ܐܲܪ̱ܥܗܘܿܢ ܣܹܐܡܵܐ ܘܕܲܗܒ̣ܵܐ ܘܠܲܝܬ̇ ܣܵܟ݂ܵܐ ܠܓܲܙܲܝ̈ܗܘܿܢ ܘܐܸܬ̣ܡܲܠܝܲܬ̤ ܐܲܪ̱ܥܗܘܿܢ ܪ̈ܲܟ݂ܫܵܐ: ܘܠܲܝܬ̇ ܣܵܟ݂ܵܐ ܠܡܲܪ̈ܟ̇ܒ̣ܵܬ̣ܗܘܿܢ. [No book]
[8]ܘܐܸܬ̣ܡܲܠܝܲܬ̤ ܐܲܪ̱ܥܗܘܿܢ ܦܬܲܟ݂ܪܹ̈ܐ. ܠܲܥܒ̣ܵܕ݂ ܐܝܼܕܲܝ̈ܗܘܿܢ ܣܵܓ̇ܕ̇ܝܼܢ: ܠܕܲܥ̣ܒܲܕ݂ ܨܸܒ̣̈ܥܵܬ̣ܗܘܿܢ. [No book]
[9]ܘܐܸܬ̣ܡܲܟܸ̇ܟ݂ ܐ̄ܢܵܫܵܐ: ܘܐܸܫܬܲܦܲܠ ܓܲܒ̣ܪܵܐ ܘܠܵܐ ܬܸܫܒ̇ܘܿܩ ܠܗܘܿܢ. [No book]
[10]ܥܘܿܠܘ ܒܛܲܪ̈ܵܢܹܐ: ܘܐܸܬ̇ܛܲܡ̄ܪܘ ܒܥܲܦܪܵܐ: ܡ̣ܢ ܩܕ݂ܵܡ ܕܸܚ̱ܠܬܹܗ ܕܡܵܪܝܵܐ: ܘܡ̣ܢ ܗܸܕ݂ܪܵܐ ܕܥܘܼܫܢܹܗ. [No book]
[11]ܥܲܝܢܹ̈ܐ ܪ̈ܵܡܵܬ̣ܵܐ ܕܐ̄ܢܵܫܵܐ ܢܡܲܟܸ̇ܟ݂. ܘܢܸܬ̣ܡܲܟܸ̇ܟ݂ ܪܵܘܡܵܐ ܕܓܲܒ̣ܪܵܐ. ܘܢܸܥܫܲܢ ܡܵܪܝܵܐ ܒܲܠܚܘܿܕ݂ܵܘܗܝ ܒܝܵܘܡܵܐ ܗܵܘܿ. [No book]
[12]ܡܸܛܠ ܕܝܵܘܡܹܗ ܕܡܵܪܝܵܐ: ܥܲܠ ܟܠ ܕܡܸܬ̣ܓܲܐܹܐ ܘܡܸܬ̇ܬ̇ܪܝܼܡ: ܘܥܲܠ ܟܠ ܕܡܸܫܬܲܩܲܠ ܕܢܸܬ̣ܡܲܟܲܟ݂. [No book]
[13]ܘܥܲܠ ܟܠܗܘܿܢ ܐܲܪ̈ܙܹܐ ܕܢܸܒ̣ܢܵܢ ܕܪܵܡܝܼܢ ܘܲܡܫܲܩܠܝܼܢ: ܘܥܲܠ ܟܠܗܘܿܢ ܒܲܠܘܼܛܹ̈ܐ ܕܒܲܝܫܵܢ. [No book]
[14]ܘܥܲܠ ܟܠܗܘܿܢ ܛܘܼܪܹ̈ܐ ܕܪܵܡܝܼܢ: ܘܥܲܠ ܟܠ ܪ̈ܵܡܵܬ̣ܵܐ ܕܪ̈ܵܡܵܢ. [No book]
[15]ܘܥܲܠ ܟܠ ܡܲܓܕ̇ܠܹ̈ܐ ܕܪܵܡܝܼܢ: ܘܥܲܠ ܟܠ ܫܘܼܪܹ̈ܐ ܕܥܲܫܝܼܢܝܼܢ. [No book]
[16]ܘܥܲܠ ܟܠܗܹܝܢ ܐܸܠܦܹ̈ܐ ܕܬܲܪܫܝܼܫ: ܘܥܲܠ ܟܠܗܘܿܢ ܕܵܘܩܹ̈ܐ ܕܪܸܓ̇ܬ̣ܵܐ. [No book]
[17]ܘܢܸܬ̣ܡܲܟܲܟ݂ ܪܵܘܡܵܐ ܕܐ̄ܢܵܫܵܐ: ܘܢܸܫܬܲܦܲܠ ܪܵܘܡܵܐ ܕܓܲܒ̣ܪܵܐ ܘܢܸܥܫܲܢ ܡܵܪܝܵܐ ܒܲܠܚܘܿܕ݂ܵܘܗܝ ܒܝܵܘܡܵܐ ܗܵܘܿ. [No book]
[18]ܘܲܦܬܲܟ݂ܪܹ̈ܐ ܓܡܝܼܪܵܐܝܼܬ̣ ܢܸܥܒ̇ܪܘܼܢ. [No book]
[19]ܘܢܸܥܠܘܿܢ ܒܲܡܥܲܪܹ̈ܐ ܕܟܹܐܦܵܐ: ܘܲܒ̣ܚܘܼܠܵܢܹ̈ܐ ܕܥܲܦܪܵܐ ܡ̣ܢ ܩܕ݂ܵܡ ܕܸܚ̱ܠܬܹܗ ܕܡܵܪܝܵܐ: ܘܡ̣ܢ ܗܸܕ݂ܪܵܐ ܕܥܘܼܫܢܹܗ: ܡܵܐ ܕܩܵܐܹ̇ܡ ܠܲܡܟܲܒܵܫܘܼ ܠܐܲܪܥܵܐ. [No book]
[20]ܒܹܗ ܒܝܵܘܡܵܐ ܗܵܘܿ: ܢܸܫܕ̇ܘܿܢ ܐ̄ܢܵܫܵܐ ܦܬܲܟ݂ܪܹ̈ܐ ܕܕܲܗܒ̣ܵܐ ܘܲܕ݂ܣܹܐܡܵܐ: ܕܲܥ̣ܒܲܕ݂ܘ ܠܗܘܿܢ ܠܡܸܣܓܲܕ݂ ܠܲܣܪܝܼܩܘܼܬ̣ܵܐ: ܘܠܲܦܪ̈ܲܚܕ̇ܘܼܕܹܐ. [No book]
[21]ܠܡܸܥܲܠ ܒܲܡܥܲܪܹ̈ܐ ܕܛܲܪܵܢܵܐ: ܘܒܲܫܩܝܼܦܹ̈ܐ ܕܟܹܐܦܵܐ ܡ̣ܢ ܩܕ݂ܵܡ ܕܸܚ̱ܠܬܹܗ ܕܡܵܪܝܵܐ: ܘܡ̣ܢ ܗܸܕ݂ܪܵܐ ܕܥܘܼܫܢܹܗ: ܡܵܐ ܕܩܵܐܹ̇ܡ ܠܲܡܟܲܒܵܫܘܼ ܠܐܲܪܥܵܐ. [No book]
[22]ܫܠܵܘ ܠܟ݂ܘܿܢ ܡ̣ܢ ܐ̄ܢܵܫܵܐ ܕܲܢܫܲܡܬ̣ܵܐ ܒܲܢܚܝܼܪ̈ܵܘܗܝ: ܡܸܛܠ ܕܐܲܝܟ݂ ܡܵܢܵܐ ܚܫܝܼܒ̣. [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top