➖ »
«
➖ ➕
Peshitta OT
PesOT
The First Book of Clement
1Clem
←
Isaiah
Isa
20
→
[1]ܒܫܲܢ̄ܬܵܐ ܕܐܸܬ̣ܵܐ ܬܹܐܪܬܵܢ ܠܐܲܫܕ̇ܘܿܕ݂: ܟܲܕ݂ ܫܲܕ̇ܪܹܗ ܣܲܪܓ̣ܘܿܢ ܡܲܠܟܵܐ ܕܐܵܬ̣ܘܿܪ: ܘܐܸܬ̣ܟܲܬܲܫ ܥܲܡ ܐܲܫܕ̇ܘܿܕ݂ ܘܟܲܒ̣ܫܵܗ̇. [No book]
[2]ܒܹܗ ܒܙܲܒ̣ܢܵܐ ܗܵܘܿ: ܡܲܠܸܠ̣ ܡܵܪܝܵܐ ܒܝܲܕ݂ ܐܹܫܲܥܝܵܐ ܢܒ̣ܝܼܵܐ ܒܲܪ ܐܵܡܘܿܨ: ܘܐܸܡܲܪ ܠܹܗ: ܙܸܠ ܫܪܝܼ ܣܲܩܵܐ ܡ̣ܢ ܚܲܨܲܝ̈ܟ: ܘܲܡܣܵܢܲܝ̈ܟ ܡ̣ܢ ܪܸ̈ܓ̣ܠܲܝܟ. ܘܲܥܒܲܕ݂ ܗܵܟܲܢܵܐ: ܘܗܲܠܸܟ݂ ܥܲܪܛܸܠ ܘܚܸܦܝܵܝ. [No book]
[3]ܘܐܸܡܲܪ ܡܵܪܝܵܐ: ܐܲܝܟܲܢܵܐ ܕܗܲܠܸܟ݂ ܥܲܒ̣ܕܲܝ ܐܹܫܲܥܝܵܐ ܥܲܪܛܸܠ ܘܚܸܦܝܵܝ: ܗܵܟܲܢܵܐ ܢܸܗܘ̈ܝܵܢ ܐܵܬ̣̈ܘܵܬ̣ܵܐ ܘܬܸܕ݂ܡܪ̈ܵܬ̣ܵܐ ܬܠܵܬ̣ ܫܢ̈ܝܼܢ ܥܲܠ ܡܨܪܹܝܢ ܘܥܲܠ ܟܘܼܫ. [No book]
[4]ܗܵܟܲܢܵܐ ܢܸܕ݂ܒܲܪ ܡܲܠܟܵܐ ܕܐܵܬ̣ܘܿܪ ܫܟ݂ܝܼܬ̣ܵܐ ܕܡܸܨܪܹܝܢ: ܘܲܫܒ̣ܝܼܬ̣ܵܐ ܕܟ݂ܘܼܫ: ܥܠܲܝܡܹ̈ܐ ܘܣܵܒܹ̈ܐ ܥܲܪܛܸܠ ܘܚܸܦܝܵܝ ܘܢܸܬ̣ܓ̇ܠܹܐ ܦܘܼܪܣܵܝܵܗ̇ ܕܡܸܨܪܹܝܢ. [No book]
[5]ܘܢܸܬ̇ܬܲܒ̣ܪܘܿܢ ܘܢܸܒ̣ܗ̱ܬ̣ܘܼܢ: ܡ̣ܢ ܟܘܼܫ ܬܘܼܟ݂ܠܵܢܗܘܿܢ: ܘܡ̣ܢ ܡܸܨܪܹܝܢ ܬܸܫܒ̇ܘܿܚܬ̇ܗܘܿܢ. [No book]
[6]ܘܢܹܐܡܲܪ ܥܵܡ̇ܘܿܪܵܐ ܕܓ̣ܵܙܲܪܬܵܐ ܗܵܕܹܐ ܒܝܵܘܡܵܐ ܗܵܘܿ: ܗܵܪܟܵܐ ܗ̄ܘܼ ܬܘܼܟ݂ܠܵܢܲܢ: ܕܲܥܪܲܩܢ ܠܡܸܬ̣ܥܲܕܵܪܘܼ ܘܲܠܡܸܬ̣ܦܲܨܵܝܘܼ ܡ̣ܢ ܡܲܠܟܵܐ ܕܐܵܬ̣ܘܿܪ. ܘܲܚܢܲܢ ܐܲܝܟܲܢܵܐ ܢܸܬ̣ܦܲܨܹܐ. [No book]
Translation: Charles H. Hoole (1885)
Source: www.earlychristianwritings.com
Top