➖ »
«
➖ ➕
Peshitta OT
PesOT
The Second Book of Clement
2Clem
←
Isaiah
Isa
25
→
[1]ܡܵܪܝܵܐ ܐܲܠܵܗܝ ܐܲܢ̄ܬ̇: ܐܹܪܲܡ̱ܪܡܵܟ݂: ܘܐܵܘܕܹ̇ܐ ܠܲܫܡܵܟ݂. ܕܲܥ̣ܒܲܕ̇ܬ̇ ܕܘܼܡܵܪܵܐ ܘܬܲܪܥܝܼܬ̣ܵܐ ܡܗܲܝܡܲܢܬܵܐ. ܡ̣ܢ ܪܘܼܚܩܵܐ ܐܵܡܹܝܢ. [No book]
[2]ܡܸܛܠ ܕܲܥܒܲܕ̇ܬ̇ ܩܪܝܼܬ̣ܵܐ ܠܝܲܓܪܵܐ: ܘܲܩܪܝܼܬ̣ܵܐ ܥܲܫܝܼܢܬܵܐ ܠܡܲܦܘܼܠܬܵܐ ܢܵܘܣܵܐ ܕܢܘܼܟ݂ܪ̈ܵܝܹܐ ܠܥܵܠܲܡ ܡ̣ܢ ܩܪܝܼܬ̣ܵܐ ܠܵܐ ܢܸܬ̣ܒ̇ܢܹܐ. [No book]
[3]ܡܸܛܠ ܗܵܢܵܐ ܢܫܲܒ̇ܚܘܼܢܵܟ݂ ܥܲܡܡܹ̈ܐ ܣܲܓ̇ܝܼ̈ܐܹܐ. ܘܲܩܪܝܼܬ̣ܵܐ ܕܥܲܡܡܹ̈ܐ ܥܲܫܝܼܢܹ̈ܐ ܢܸܕ݂ܚ̄ܠܘܼܢ ܠܵܟ݂. [No book]
[4]ܡܸܛܠ ܕܲܗ̤ܘܲܝܬ̇ ܡܣܲܝܥܵܢܵܐ ܠܡܸܣܟܹ̇ܢܵܐ: ܘܥܵܕ݂ܘܿܪܵܐ ܠܒ̣ܵܝܫܵܐ ܒܐܘܼܠܨܵܢܹܗ: ܣܸܬܵܪܵܐ ܡ̣ܢ ܙܵܪܝܼܦ̮ܬܵܐ: ܘܛܸܠܵܠܵܐ ܡ̣ܢ ܫܘܒܵܐ. [No book]
[5]ܡܸܛܠ ܕܪܘܼܚܵܐ ܕܥܲܫܝܼܢܵܐ ܐܲܝܟ݂ ܙܵܪܝܼܦ̮ܬܵܐ ܒܐܸܣܬ̣ܵܐ: ܘܐܲܝܟ݂ ܛܸܠܵܠܵܐ ܒܫܵܘܒܵܐ. ܪܵܡܘܼܬ̣ܵܐ ܕܢܘܼܟ݂ܪ̈ܵܝܹܐ ܬܸܬ̣ܡܲܟܲܟ݂: ܘܫܵܘܒܵܐ ܒܛܸܠܵܠܵܐ ܕܲܥܢܵܢܹ̈ܐ. ܫܲܒ̇ܘܼܩܵܐ ܕܥܲܫܝܼܢܹ̈ܐ ܢܸܬ̣ܡܲܟܲܟ݂. [No book]
[6]ܘܢܸܥܒܸ̇ܕ݂ ܡܵܪܝܵܐ ܚܲܝܠܬ̣ܵܢܵܐ ܒܟ݂ܠܗܘܿܢ ܥܲܡܡܹ̈ܐ ܒܛܘܼܪܵܐ ܗܵܢܵܐ: ܡܲܫܬ̇ܝܵܐ ܫܲܡܝܼܢܵܐ: ܘܡܲܫܬ̇ܝܵܐ ܢܛܝܼܪܵܐ ܘܫܲܡܝܼܢܵܐ: ܕܡܲܚܝܵܢܲܢ ܫܡܲܝܵܐ ܘܥܲܫܝܼܢܵܐ. [No book]
[7]ܘܢܸܬ̣ܒ̇ܠܲܥ ܒܛܘܼܪܵܐ ܗܵܢܵܐ: ܐܲܦܲܝ̈ ܫܲܠܝܼܛܵܐ ܕܫܲܠܝܼܛ ܗ̄ܘܼܵܐ ܥܲܠ ܟܠܗܘܿܢ ܥܲܡܡܹ̈ܐ. ܘܢܸܟ݂ܣܬ̣ܵܐ ܕܐܸܬ̣ܢܲܟ݂ܣܲܬ̤ ܥܲܠ ܐܲܦܲܝ̈ ܟܠܗܘܿܢ ܥܲܡܡܹ̈ܐ. [No book]
[8]ܘܢܸܬ̣ܒܲܠܥ ܡܵܘܬܵܐ ܠܙܵܟ݂ܘܼ ܠܥܵܠܡܝܼܢ. ܘܢܲܥܒܲܪ ܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ ܕܸܡ̱ܥܬ̣ܵܐ ܡ̣ܢ ܟܠ ܐܲܦܝܼ̈ܢ. ܘܚܸܣܕܵܐ ܕܥܲܡܹܗ ܢܲܥܒܲܪ ܡ̣ܢ ܟܠܵܗ̇ ܐܲܪܥܵܐ: ܡܸܛܠ ܕܡܵܪܝܵܐ ܡܲܠܸܠ̣. [No book]
[9]ܘܬܹܐܡܲܪ ܒܝܵܘܡܵܐ ܗܵܘܿ: ܗܵܢܵܘ ܡܵܪܝܵܐ ܐܲܠܵܗܲܢ: ܕܣܲܟ̇ܝܼܢ ܠܹܗ ܘܢܸܦ̱ܪܩܲܢ ܗܵܢܵܘ ܡܵܪܝܵܐ ܐܲܠܵܗܲܢ ܕܣܲܟ̇ܝܼܢ ܠܹܗ: ܢܕ݂ܘܼܨ ܢܸܚܕܹ̇ܐ ܒܦܘܼܪܩܵܢܹܗ. [No book]
[10]ܡܸܛܠ ܕܬܸܬ̇ܢܝܼܚ ܐܝܼܕܹܗ ܕܡܵܪܝܵܐ ܒܛܘܼܪܵܐ ܗܵܢܵܐ: ܘܢܸܬ̇ܬ̇ܕܝܼܫ ܡܘܼܐܵܒ̣ ܬܚܘܿܬ̣ܵܘܗܝ: ܐܲܝܟ݂ ܕܡܸܬ̇ܬ̇ܕ̇ܝܼܫ ܬܸܒ̣ܢܵܐ ܒܓܲܪܓ̇ܪܵܐ. [No book]
[11]ܘܲܢܦܲܪܸܣ ܐܝܼܕ݂ܵܘ̈ܗܝ ܒܓ̣ܵܘܹܗ: ܐܲܝܟ݂ ܕܲܡܦܲܪܸܣ ܣܲܚܵܝܵܐ ܠܡܸܣܚܵܐ ܘܢܸܡܲܟ ܥܘܼܫܢܹܗ ܥܲܡ ܫܘܼܘܵܛܵܐ ܕܐܝܼܕ݂ܵܘ̈ܗܝ. [No book]
[12]ܘܒܹܝܬ̣ ܡܸܪܕܵܐ ܕܥܘܼܫܢܵܐ ܕܫܘܼܪ̈ܲܝܟ̇ܝ ܢܡܲܟܸ̇ܟ݂: ܘܲܢܫܲܦܸܠ: ܘܲܢܡܲܛܹܐ ܠܐܲܪܥܵܐ ܥܕܲܡܵܐ ܠܥܲܦܪܵܐ. [No book]
Translation: Charles H. Hoole (1885)
Source: www.earlychristianwritings.com
Top