➖ »
«
➖ ➕
Peshitta OT
PesOT
The First Book of Clement
1Clem
←
Isaiah
Isa
27
→
[1]ܒܝܵܘܡܵܐ ܗܵܘܿ: ܢܸܦܩܘܿܕ݂ ܡܵܪܝܵܐ ܒܚܲܪܒܹ̇ܗ ܩܫܝܼܬ̣ܵܐ ܘܪܲܒ̇ܬ̣ܵܐ ܘܥܲܫܝܼܢܬܵܐ: ܥܲܠ ܠܹܘܝܵܬ̣ܵܢ ܚܸܘܝܵܐ ܚܲܪܡܵܢܵܐ: ܘܥܲܠ ܠܹܘܝܵܬ̣ܵܢ ܚܸܘܝܵܐ ܥܩܲܠܩ̄ܠܵܐ. ܘܢܸܩܛܘܿܠ ܠܬܲܢܝܼܢܵܐ ܕܲܒ̣ܝܲܡܵܐ. [No book]
[2]ܒܝܵܘܡܵܐ ܗܵܘ: ܟܲܪܡܵܐ ܕܚܲܡܪܵܐ ܥܲܢܵܘ ܠܹܗ. [No book]
[3]ܐܸܢܵܐ ܡܵܪܝܵܐ ܢܵܛܲܪ ܐ̄ܢܵܐ ܠܹܗ: ܐܲܡܝܼܢܵܐܝܼܬ̣ ܐܲܫܩܹܝܘܗܝ: ܘܐܸܦܩܘܿܕ݂ ܥܠܵܘܗܝ ܒܠܸܠܝܵܐ ܘܒ̣ܐܝܼܡܵܡܵܐ ܐܸܛܪܝܼܘܗܝ. [No book]
[4]ܫܘܼܪܵܐ ܠܲܝܬ̇ ܠܹܟ݂ܝ: ܡܲܢ ܕܹܝܢ ܝܲܗ̄ܒ̣ ܒܹܟ݂ܝ ܝܲܥܪܵܐ ܘܟ݂ܘܼ̈ܒܹ̇ܐ. ܒܩܘܼܪܒܵܐ ܐܸܦܘܿܚ ܒܹܗ: ܘܐܵܘܩ̄ܕ݂ܝܼܘܗܝ ܐܲܟ݂ܚ̄ܕ݂ܵܐ. [No book]
[5]ܐܵܘ ܢܹܐܚܘܿܕ݂ ܒܥܘܼܫܢܝ: ܘܐܸܥܒܸ̇ܕ݂ ܠܹܗ ܫܠܵܡܵܐ. ܫܠܵܡܵܐ ܐܸܥܒܸ̇ܕ݂ ܠܹܗ. [No book]
[6]ܐܲܝܠܹܝܢ ܕܡ̣ܢ ܥܸܩܵܪܹܗ ܕܝܲܥܩܘܿܒ̣. ܢܸܓ̣ܦܸܐ ܘܢܲܦܪܲܥ ܝܼܣܪܵܝܹܠ ܘܢܸܡܠܘܿܢ ܐܲܦܲܝ̈ ܬܹܒܹܝܠ ܦܹܐܪܹ̈ܐ. [No book]
[7]ܐܲܝܟ݂ ܡܚܘܿܬ̣ܵܐ ܕܲܡܚܵܝܗܝ: ܡܚܵܝܗܝ. ܘܐܲܝܟ݂ ܩܸܛܠܵܐ ܕܩܲܛܸܠܹܗ: ܩܲܛܠܹܗ. [No book]
[8]ܒܣܲܐܬ̣ܵܐ ܕܐܲܟ̇ܝܼܠ: ܬܕ݂ܘܼܢܝܼܘܗܝ: ܒܕܲܪܢܵܐ ܒܪܘܼܚܹܗ ܫܩܝܼܬ̣ܵܐ ܒܝܵܘܡܵܐ ܚܲܡܝܼܡܵܐ. [No book]
[9]ܡܸܛܠ ܗܵܢܵܐ: ܒܗܵܕܹܐ ܢܸܫܬ̇ܒܸܩ ܥܵܘܼܠܹܗ ܕܝܲܥܩܘܿܒ̣ ܘܲܒ̣ܗܵܠܹܝܢ ܟܠܗܘܿܢ ܦܹܐܪܹ̈ܐ ܬܸܥܒܲܪ ܚܛܝܼܬܹܗ: ܡܵܐ ܕܣܵܐܹ̇ܡ ܟܠܗܹܝܢ ܟܹܐܦܹ̈ܐ ܕܡܲܕ݂ܒ̇ܚܵܐ: ܐܲܝܟ݂ ܟܹܐܦܹ̈ܐ ܕܟܸܠܫܵܐ ܕܡܸܬ̣ܦܲܟ̇ـ̈ـܟ݂ܵܢ: ܗܵܟܲܢܵܐ ܠܵܐ ܢܸܬ̣ܩܲܝܡܘܿܢ ܦܬܲܟ݂ܪܹ̈ܐ ܘܕܸܚ̈ܠܵܬ̣ܵܐ. [No book]
[10]ܡܸܛܠ ܕܲܩܪܝܼܬ̣ܵܐ ܥܲܫܝܼܢܬܵܐ: ܒܲܠܚܘܿܕܹܝܗ̇ ܚܵܪܒܵܐ ܘܡܸܫܬܲܒ̣ܩܵܐ: ܘܚܵܪܒܵܐ ܐܲܝܟ݂ ܡܲܕ݂ܒ̇ܪܵܐ. ܬܲܡܵܢ ܢܸܪܥܸܐ ܥܸܓ̣ܠܵܐ: ܘܬܲܡܵܢ ܢܸܪܥܹܐ ܘܲܢܓܲܡܲܪ ܬܸܕ݂ܐܹ̈ܝܗ̇. [No book]
[11]ܒܝܲܒ̣ܫܵܐ ܕܲܚܨܵܕ݂ܵܐ: ܢܸܬ̇ܬܲܒ̣ܪ̈ܵܢ ܢܸܫܹ̈ܐ ܕܐܵܬ̣̈ܝܵܢ ܡܲܢܗ̱ܪ̈ܵܢ ܠܵܗ̇: ܡܸܛܠ ܕܠܵܐ ܗ̄ܘܼܵܐ ܥܲܡܵܐ ܣܲܟ̇ܘܼܠܬ̣ܵܢܵܐ. ܡܸܛܠ ܗܵܢܵܐ ܠܵܐ ܢܪܲܚܸܡ ܥܠܵܘܗܝ ܥܵܒ̣ܘܿܕܹܗ ܘܓ̣ܵܒ̣ܘܿܠܹܗ ܠܵܐ ܢܪܲܚܸܦ ܥܠܵܘܗܝ. [No book]
[12]ܘܢܸܗܘܹܐ ܒܝܵܘܡܵܐ ܗܵܘܿ: ܢܸܚܒ̇ܘܿܛ ܡܵܪܝܵܐ ܡ̣ܢ ܫܸܒ̣ܠ̱ܬ̣ܵܐ ܕܢܲܗܪܵܐ: ܥܕܲܡܵܐ ܠܢܲܚܠܵܐ ܕܡܸܨܪܹܝܢ. ܘܐܲܢ̄ܬ̇ܘܿܢ ܬܸܬ̣ܠܲܩܛܘܼܢ ܚܲܕ݂ ܠܘܵܬ̣ ܚܲܕ݂: ܒܢܲܝ̈ ܝܼܣܪܵܝܹܠ. [No book]
[13]ܘܢܸܗܘܹܐ ܒܝܵܘܡܵܐ ܗܵܘܿ: ܢܸܬ̣ܩܪܸܐ ܫܝܼܦܘܿܪܵܐ ܪܲܒܵܐ: ܘܢܹܐܬ̣ܘܿܢ ܕܐܸܒܲܕ݂ܘ ܒܐܲܪܥܵܐ ܕܡܸܨܪܹܝܢ: ܘܕܸܐܬ̣ܒܲܕܲܪܘ ܒܐܲܪܥܵܐ ܕܐܵܬ̣ܘܿܪ. ܘܢܸܣܓ̇ܕ݂ܘܼܢ ܒܐܲܪܥܹܗ ܕܡܵܪܝܵܐ ܠܡܵܪܝܵܐ: ܒܛܘܼܪܹܗ ܩܲܕ̇ܝܼܫܵܐ ܒܐܘܿܪܸܫܠܸܡ. [No book]
Translation: Charles H. Hoole (1885)
Source: www.earlychristianwritings.com
Top