|
|
| [No book] |
[1]Væ coronæ superbiæ, ebriis Ephraim, et flori decidenti, gloriæ exsultationis ejus, qui erant in vertice vallis pinguissimæ, errantes a vino. |
| [No book] |
[2]Ecce validus et fortis Dominus sicut impetus grandinis; turbo confringens, sicut impetus aquarum multarum inundantium et emissarum super terram spatiosam. |
| [No book] |
[3]Pedibus conculcabitur corona superbiæ ebriorum Ephraim. |
| [No book] |
[4]Et erit flos decidens gloriæ exsultationis ejus, qui est super verticem vallis pinguium, quasi temporaneum ante maturitatem autumni, quod, cum aspexerit videns, statim ut manu tenuerit, devorabit illud. |
| [No book] |
[5]In die illa erit Dominus exercituum corona gloriæ, et sertum exsultationis residuo populi sui; |
| [No book] |
[6]et spiritus judicii sedenti super judicium, et fortitudo revertentibus de bello ad portam. |
| [No book] |
[7]Verum hi quoque præ vino nescierunt, et præ ebrietate erraverunt; sacerdos et propheta nescierunt præ ebrietate; absorpti sunt a vino, erraverunt in ebrietate, nescierunt videntem, ignoraverunt judicium. |
| [No book] |
[8]Omnes enim mensæ repletæ sunt vomitu sordiumque, ita ut non esset ultra locus. |
| [No book] |
[9]Quem docebit scientiam? et quem intelligere faciet auditum? Ablactatos a lacte, avulsos ab uberibus. |
| [No book] |
[10]Quia manda, remanda; manda, remanda; exspecta, reexspecta; exspecta, reexspecta; modicum ibi, modicum ibi. |
| [No book] |
[11]In loquela enim labii, et lingua altera loquetur ad populum istum. |
| [No book] |
[12]Cui dixit: Hæc est requies mea, reficite lassum; et hoc est meum refrigerium: et noluerunt audire. |
| [No book] |
[13]Et erit eis verbum Domini: Manda, remanda; manda, remanda; exspecta, reexspecta; exspecta, reexspecta; modicum ibi, modicum ibi; ut vadant, et cadant retrorsum, et conterantur, et illaqueentur, et capiantur. |
| [No book] |
[14]Propter hoc audite verbum Domini, viri illusores, qui dominamini super populum meum, qui est in Jerusalem. |
| [No book] |
[15]Dixistis enim: Percussimus fœdus cum morte, et cum inferno fecimus pactum: flagellum inundans cum transierit, non veniet super nos quia posuimus mendacium spem nostram, et mendacio protecti sumus. |
| [No book] |
[16]Idcirco hæc dicit Dominus Deus: Ecce ego mittam in fundamentis Sion lapidem, lapidem probatum, angularem, pretiosum, in fundamento fundatum; qui crediderit, non festinet. |
| [No book] |
[17]Et ponam in pondere judicium, et justitiam in mensura; et subvertet grando spem mendacii, et protectionem aquæ inundabunt. |
| [No book] |
[18]Et delebitur fœdus vestrum cum morte, et pactum vestrum cum inferno non stabit: flagellum inundans cum transierit, eritis ei in conculcationem. |
| [No book] |
[19]Quandocumque pertransierit, tollet vos, quoniam in mane diluculo pertransibit in die et in nocte; et tantummodo sola vexatio intellectum dabit auditui. |
| [No book] |
[20]Coangustatum est enim stratum, ita ut alter decidat; et pallium breve utrumque operire non potest. |
| [No book] |
[21]Sicut enim in monte divisionum stabit Dominus; sicut in valle quæ est in Gabaon irascetur, ut faciat opus suum, alienum opus ejus: ut operetur opus suum, peregrinum est opus ejus ab eo. |
| [No book] |
[22]Et nunc nolite illudere, ne forte constringantur vincula vestra; consummationem enim et abbreviationem audivi a Domino Deo exercituum, super universam terram. |
| [No book] |
[23]Auribus percipite, et audite vocem meam: attendite, et audite eloquium meum. |
| [No book] |
[24]Numquid tota die arabit arans ut serat? proscindet et sarriet humum suam? |
| [No book] |
[25]Nonne cum adæquaverit faciem ejus, seret gith et cyminum sparget? et ponet triticum per ordinem, et hordeum, et milium, et viciam in finibus suis? |
| [No book] |
[26]Et erudiet illum in judicio; Deus suus docebit illum. |
| [No book] |
[27]Non enim in serris triturabitur gith, nec rota plaustri super cyminum circuibit; sed in virga excutietur gith, et cyminum in baculo. |
| [No book] |
[28]Panis autem comminuetur; verum non in perpetuum triturans triturabit illum, neque vexabit eum rota plaustri, neque ungulis suis comminuet eum. |
| [No book] |
[29]Et hoc a Domino Deo exercituum exivit, ut mirabile faceret consilium, et magnificaret justitiam. |