➖ »
«
➖ ➕
Peshitta OT
PesOT
Shem Tob's Hebrew Matthew (1400)
ShemTob
←
Isaiah
Isa
32
→
[1]ܗܵܐ ܒܙܲܕ̇ܝܼܩܘܼܬ̣ܵܐ ܡܲܠܟܵܐ. ܘܪܵܘ̱ܪ̈ܒ̣ܵܢܹܐ ܒܕ݂ܝܼܢܵܐ ܢܸܫܬܲܠܛܘܼܢ. [No book]
[2]ܘܢܸܗܘܹܐ ܓܲܒ̣ܪܵܐ ܐܲܝܟ݂ ܓܸܢܝܵܐ ܠܪܘܼܚܵܐ. ܘܐܲܝܟ݂ ܣܸܬܵܪܵܐ ܠܙܵܪܝܼܦ̮ܬܵܐ: ܘܐܲܝܟ݂ ܬܲܦܵܐ ܕܡܲـ̈ـܝܵܐ ܒܨܲܗܝܵܐ: ܘܐܲܝܟ݂ ܛܸܠܵܠܵܐ ܕܟܹܐܦܵܐ ܥܲܫܝܼܢܬܵܐ ܒܐܲܪܥܵܐ ܡܛܲܪܦܬܵܐ. [No book]
[3]ܘܠܵܐ ܢܸܬ̇ܬ̇ܫ̈ܝܼܥܵܢ ܥܲܝܢܲܝ̈ܗܘܿܢ ܕܐܲܝܠܹܝܢ ܕܚܵܙܹ̇ܝܢ. ܘܐܸܕ݂ܢܲܝ̈ܗܘܿܢ ܕܐܲܝܠܹܝܢ ܕܫܵܡ̇ܥܝܼܢ: ܢܨܘܼ̈ܬ̣ܵܢ. [No book]
[4]ܘܠܸܒܵܐ ܕܲܣܟܲܠ ܢܸܣܬܲܟܲܠ ܝܑܼܕܲܥܬ̣ܵܐ: ܘܠܸܫܵܢܵܐ ܕܠܲܥܓܵܐ ܢܸܣܬܲܪܗܲܒ̣ ܠܲܡܡܲܠܵܠܘܼ ܫܠܵܡܵܐ. [No book]
[5]ܘܠܵܐ ܢܸܩܪܘܼܢ ܬܘܼܒ̣ ܠܫܵܛܝܵܐ ܫܲܠܝܼܛܵܐ. ܐܵܦܠܵܐ ܠܲܣܪܝܼܩܵܐ ܢܸܩܪܘܿܢ ܦܵܪܘܿܩܵܐ. [No book]
[6]ܡܸܛܠ ܕܫܵܛ̇ܝܵܐ ܫܵܛܝܘܼܬ̣ܵܐ ܡܡܲܠܸܠ ܘܠܸܒܹ̇ܗ ܚܵܫܹ̇ܠ ܥܵܘܼܠܵܐ. ܕܢܸܥܒܸ̇ܕ݂ ܚܲܠܦܘܼܬ̣ܵܐ: ܘܲܢܡܲܠܸܠ ܥܲܠ ܛܵܥ̇ܝܘܼܬ̣ܵܐ: ܘܲܢܣܲܪܸܩ ܢܲܦ̮ܫܵܐ ܕܟܲܦܢܵܐ: ܘܡܲܫܬ̇ܝܵܐ ܕܨܲܗܝܵܐ ܢܓܲܝܸܙ. [No book]
[7]ܒܝܼܫܝܼܢ ܐܸܢܘܿܢ ܡܵܐܢܵܘ̈ܗܝ ܕܲܣܪܝܼܩܵܐ. ܘܗ̤ܘ ܬܲܪܥܝܼܬ̣ܵܐ ܡܸܬ̣ܚܲܫܲܒ̣: ܠܲܡܚܲܒܵܠܘܼ ܡܸܣܟܹ̇ܢܹ̈ܐ ܒܡܹܐܡܪܵܐ ܕܫܘܼܩܪܵܐ: ܘܡܸܠܬܹܗ ܕܒ̣ܵܝܫܵܐ ܒܕ݂ܝܼܢܵܐ. [No book]
[8]ܘܪܲܒܵܐ ܪܲܒ̇ܘܼܬ̣ܵܐ ܡܸܬ̣ܪܲܥܹܐ ܘܗ̤ܘ ܥܲܠ ܪܲܒ̇ܘܼܬ̣ܵܐ ܢܩܘܼܡ. [No book]
[9]ܢܸܫܹ̈ܐ ܥܲܬ̇ܝܼܪ̈ܵܬ̣ܵܐ: ܩܘܼܡܹ̈ܝܢ ܫܡܲܥܹ̈ܝܢ ܩܵܠܝ. ܒܢܵـ̈ـܬ̣ܵܐ ܕܲܡܣܲܒ̇ܪ̈ܵܢ: ܨܘܼ̈ܬܹܝܢ ܡܸܠܲܝ. [No book]
[10]ܝܵܘ̈ܡܵܬ̣ܵܐ ܕܫܲܢ̄ܬܵܐ ܢܸܪ̈ܓ̇ܙܵܢ ܐܲܝܠܹܝܢ ܕܲܡܣܲܒ̇ܪ̈ܵܢ. ܡܸܛܠ ܕܲܓ̣ܡܲܪ ܩܛܵܦܵܐ: ܘܐܸܬ̣ܚ̄ܡܸܠ: ܘܠܵܐ ܐܸܬ̣ܵܐ. [No book]
[11]ܙܘܼܥܹ̈ܝܢ ܥܲܬ̇ܝܼܪ̈ܵܬ̣ܵܐ: ܘܲܪܓܲܙܹܝܢ ܐܲܝܠܹܝܢ ܕܲܡܣܲܒ̇ܪ̈ܵܢ ܫܠܲܚܹ̈ܝܢ ܥܲܪܛܸܠ: ܡܚܵܝܑܹܝ̈ܢ ܣܲܩܹ̈ܐ ܒܚܲܨܲܝܟܹ̇ܝ̈ܢ. [No book]
[12]ܘܥܲܠ ܬܕܲܝ̈ܟܹ̇ܝܢ ܐܲܪ̈ܩܸܕܹܝܢ: ܥܲܠ ܬܸܕ݂ܐܵܐ ܕܚܲܩܠܵܐ: ܘܥܲܠ ܓܦܸܬܵܐ ܕܦܹܐܪܹ̈ܝܗ̇. [No book]
[13]ܘܥܲܠ ܐܲܪܥܹܗ ܕܥܲܡܝ ܟܘܼ̈ܒܹ̇ܐ ܘܝܲܥܪܵܐ ܢܹܐܥܘܿܢ: ܘܲܒ̣ܟ݂ܠܗܘܿܢ ܒܵـ̈ـܬܹ̇ܐ ܕܚܲܕ݂ܘܼܬ̣ܵܐ: ܘܒܲܩܪܝܼܬ̣ܵܐ ܥܲܫܝܼܢܬܵܐ. [No book]
[14]ܡܸܛܠ ܕܢܵܘܣܵܐ ܐܸܬ̇ܛܥܝܼ. ܘܚܲܝܠܵܐ ܕܲܩܪܝܼܬ̣ܵܐ ܐܸܫܬ̇ܒܸܩ. ܘܫܘܼܦ̱ܪܗܘܿܢ ܕܒ̣ܵـ̈ـܬܹ̇ܐ ܗܘ̤ܵܐ ܠܲܡܥܲܪܹ̈ܐ ܥܕܲܡܵܐ ܠܥܵܠܲܡ. ܟܘܼ̈ܒܹ̇ܐ ܘܚܲܕ݂ܘܼܬ̣ܵܐ ܠܲܥܪ̈ܵܕܹܐ: ܘܒܹܝܬ̣ ܪܸܥܝܵܐ ܠܲܓ̣ܙܵܪܹ̈ܐ ܕܥܵـ̈ـܢܵܐ. [No book]
[15]ܥܕܲܡܵܐ ܕܬܸܬ̇ܥܝܼܪ ܥܠܲܝܢ ܪܘܼܚܵܐ ܡ̣ܢ ܡܪܵܘܡܵܐ: ܘܢܸܗܘܐ ܡܲܘܒ̇ܪܵܐ ܐܲܝܟ݂ ܟܲܪܡ̄ܠܵܐ: ܘܟܲܪܡ̄ܠܵܐ ܐܲܝܟ݂ ܥܒ̣ܵܐ ܢܸܬ̣ܚܫܸܒ̣. [No book]
[16]ܘܢܸܫܪܹܐ ܕܝܼܢܵܐ ܒܡܲܕ݂ܒ̇ܪܵܐ: ܘܙܲܕ̇ܝܼܩܘܼܬ̣ܵܐ ܒܟܲܪܡ̄ܠܵܐ ܬܸܬ̣̱ܝܼܗܸܒ̣. [No book]
[17]ܘܢܸܗܘܹܐ ܥܒ̣ܵܕ݂ܵܗ̇ ܕܙܲܕ̇ܝܼܩܘܼܬ̣ܵܐ ܫܠܵܡܵܐ: ܘܦܘܼܠܚܵܢܵܗ̇ ܕܙܲܕ̇ܝܼܩܘܼܬ̣ܵܐ ܫܸܠܝܵܐ: ܘܣܲܒ̣ܪܵܐ ܠܥܵܠܲܡ ܥܵܠܡܝܼܢ. [No book]
[18]ܘܢܸܬܸ̇ܒ̣ ܥܲܡܝ ܒܕܲܝܪܵܐ ܕܲܫܠܵܡܵܐ: ܘܲܒ̣ܡܲܫܟ̇ܢܵܐ ܕܣܲܒ̣ܪܵܐ: ܘܒܹܝܬ̣ ܡܲܫ̱ܪܝܵܐ ܕܣܲܒ̣ܪܵܐ. [No book]
[19]ܘܲܒ̣ܪܕ݂ܵܐ ܢܸܚܘܿܬ̣ ܥܲܠ ܥܵܒ̣ܵܐ: ܘܐܲܝܟ݂ ܦܩܲܥܬ̣ܵܐ ܬܸܬ̣ܡ̱ܟܸܟ݂ ܡܕ݂ܝܼܢ̄ܬܵܐ. [No book]
[20]ܛܘܼܒܲܝܟ̇ܘܿܢ ܕܙܵܪܥܝܼܢ ܥܲܠ ܟܠ ܡܝܼ̈ܢ: ܟܲܪ ܕܕ݂ܵܪܹܟ݂ ܬܵܘܪܵܐ ܘܲܚܡܵܪܵܐ. [No book]
Author: Shem-Tob ben Isaac Ibn Shaprut (14th century)

See information...
Top