|
|
| [1]In diebus illis ægrotavit Ezechias usque ad mortem; et introivit ad eum Isaias, filius Amos, propheta, et dixit ei: Hæc dicit Dominus: Dispone domui tuæ, quia morieris tu, et non vives. |
[No book] |
| [2]Et convertit Ezechias faciem suam ad parietem, et oravit ad Dominum, |
[No book] |
| [3]et dixit: Obsecro, Domine, memento, quæso, quomodo ambulaverim coram te in veritate et in corde perfecto, et quod bonum est in oculis tuis fecerim. Et flevit Ezechias fletu magno. |
[No book] |
| [4]Et factum est verbum Domini ad Isaiam, dicens: |
[No book] |
| [5]Vade, et dic Ezechiæ: Hæc dicit Dominus Deus David patris tui: Audivi orationem tuam, et vidi lacrimas tuas; ecce ego adjiciam super dies tuos quindecim annos, |
[No book] |
| [6]et de manu regis Assyriorum eruam te, et civitatem istam, et protegam eam. |
[No book] |
| [7]Hoc autem tibi erit signum a Domino, quia faciet Dominus verbum hoc quod locutus est: |
[No book] |
| [8]ecce ego reverti faciam umbram linearum per quas descenderat in horologio Achaz in sole, retrorsum decem lineis. Et reversus est sol decem lineis per gradus quos descenderat. |
[No book] |
| [9]Scriptura Ezechiæ, regis Juda, cum ægrotasset et convaluisset de infirmitate sua. |
[No book] |
| [10]Ego dixi in dimidio dierum meorum: Vadam ad portas inferi; quæsivi residuum annorum meorum. |
[No book] |
| [11]Dixi: Non videbo Dominum Deum in terra viventium; non aspiciam hominem ultra, et habitatorem quietis. |
[No book] |
| [12]Generatio mea ablata est, et convoluta est a me, quasi tabernaculum pastorum. Præcisa est velut a texente vita mea; dum adhuc ordirer, succidit me. De mane usque ad vesperam finies me. |
[No book] |
| [13]Sperabam usque ad mane; quasi leo sic contrivit omnia ossa mea; de mane usque ad vesperam finies me. |
[No book] |
| [14]Sicut pullus hirundinis, sic clamabo; meditabor ut columba. Attenuati sunt oculi mei, suspicientes in excelsum. Domine, vim patior, responde pro me. |
[No book] |
| [15]Quid dicam, aut quid respondebit mihi, cum ipse fecerit? Recogitabo tibi omnes annos meos in amaritudine animæ meæ. |
[No book] |
| [16]Domine, si sic vivitur, et in talibus vita spiritus mei, corripies me, et vivificabis me. |
[No book] |
| [17]Ecce in pace amaritudo mea amarissima. Tu autem eruisti animam meam ut non periret; projecisti post tergum tuum omnia peccata mea. |
[No book] |
| [18]Quia non infernus confitebitur tibi, neque mors laudabit te: non exspectabunt qui descendunt in lacum veritatem tuam. |
[No book] |
| [19]Vivens, vivens ipse confitebitur tibi, sicut et ego hodie; pater filiis notam faciet veritatem tuam. |
[No book] |
| [20]Domine, salvum me fac ! et psalmos nostros cantabimus cunctis diebus vitæ nostræ in domo Domini. |
[No book] |
| [21]Et jussit Isaias ut tollerent massam de ficis, et cataplasmarent super vulnus, et sanaretur. |
[No book] |
| [22]Et dixit Ezechias: Quod erit signum quia ascendam in domum Domini? |
[No book] |