➖ »
«
➖ ➕
Peshitta OT
PesOT
The First Book of Clement
1Clem
←
Isaiah
Isa
39
→
[1]ܒܙܲܒ̣ܢܵܐ ܗܵܘܿ: ܫܲܕܲܪ ܡܪܘܿܕ݂ܵܟ݂ ܒܸܠܕܵܢ ܒܲܪ ܒܸܠܕܵܢ ܡܲܠܟܵܐ ܕܒ̣ܵܒܹܠ: ܐܸܓ̇ܪ̈ܵܬ̣ܵܐ ܘܩܘܼܪ̈ܒܵܢܹܐ ܠܚܹܙܲܩܝܵܐ: ܡܸܛܠ ܕܲܫܡܲܥ ܕܐܹܬ̣ܟ̇ܪܲܗ: ܘܲܚܣܲܢ: ܘܐܸܬ̣ܚ̄ܠܸܡ. [No book]
[2]ܘܲܚܕ݂ܝܼ ܒܗܘܿܢ ܚܹܙܲܩܝܵܐ ܘܚܵܘܝܼ ܐܸܢܘܿܢ ܒܹܝܬ̣ ܓܲܙܹܗ: ܟܸܣܦܵܐ: ܘܕܲܗܒ̣ܵܐ: ܘܒܸܣܡܹ̈ܐ: ܘܡܸܫܚܵܐ ܛܵܒ̣ܵܐ: ܘܟ݂ܠܗܘܿܢ ܒܹܝܬ̣ ܡܵܐܢܵܘ̈ܗܝ: ܘܟ݂ܠ ܕܐܸܫܬ̇ܟܲܚ ܒܓܲܙܵܘ̈ܗܝ ܘܠܵܐ ܫܒܲܩ ܡܸܕܸ̇ܡ ܚܹܙܲܩܝܵܐ ܕܠܵܐ ܚܵܘܝܼ ܐܸܢܘܿܢ: ܒܒܲܝܬܹ̇ܗ ܘܲܒ̣ܟ݂ܠܹܗ ܒܹܝܬ̣ ܫܘܼܠܛܵܢܹܗ. [No book]
[3]ܘܐܸܬ̣ܵܐ ܐܹܫܲܥܝܵܐ ܢܒ̣ܝܼܵܐ ܠܘܵܬ̣ ܚܹܙܲܩܝܵܐ ܡܲܠܟܵܐ: ܘܐܸܡܲܪ ܠܹܗ: ܡܵܢܵܐ ܐܸܡܲܪܘ ܠܵܟ݂ ܗܵܠܹܝܢ ܓܲܒ̣ܪܹ̈ܐ. ܘܡ̣ܢ ܐܲܝܡܸܟܵܐ ܐܸܬ̣ܵܘ ܠܘܵܬ̣ܵܟ݂ ܘܐܸܡܲܪ ܚܹܙܲܩܝܵܐ: ܡ̣ܢ ܐܲܪܥܵܐ ܪܲܚܝܼܩܬܵܐ ܕܒ̣ܵܒܹܠ ܐܸܬ̣ܵܘ ܠܘܵܬ̣ܝ. [No book]
[4]ܘܐܸܡܲܪ ܡܵܢܵܐ ܚܙܵܘ ܒܒܲܝܬܵܟ݂ ܘܐܸܡܲܪ ܚܹܙܲܩܝܵܐ ܟܠ ܕܐܝܼܬ̣ ܒܒܲܝܬ̇ܝ ܚܙܵܘ: ܘܠܵܐ ܫܸܒ̣ܩܹ̇ܬ̣ ܡܸܕܸ̇ܡ ܒܒܲܝܬ̇ܝ ܕܠܵܐ ܚܵܘܝܼܬ̣ ܐܸܢܘܿܢ. [No book]
[5]ܘܐܸܡܲܪ ܐܹܫܲܥܝܵܐ ܠܚܹܙܲܩܝܵܐ: ܫܡܲܥ ܦܸܬ̣ܓ̣ܵܡܹܗ ܕܡܵܪܝܵܐ ܚܲܝܠܬ̣ܵܢܵܐ. [No book]
[6]ܗܵܐ ܝܵܘ̈ܡܵܬ̣ܵܐ ܐܵܬܹ̇ܝܢ: ܘܢܸܫܬ̇ܩܸܠ ܟܠ ܕܐܝܼܬ̣ ܒܒܲܝܬܵܟ݂ ܘܓܲܙܵܐ ܕܐܲܒ̣ܗܲܝ̈ܟ ܕܲܥܕܲܡܵܐ ܠܝܵܘܡܵܢܵܐ ܠܒ̣ܵܒܹܠ ܢܹܐܙܲܠ. ܘܡܸܕܸ̇ܡ ܠܵܐ ܢܸܫܬ̇ܚܲܪ ܠܵܟ݂: ܐܵܡܲܪ ܡܵܪܝܵܐ. [No book]
[7]ܘܡ̣ܢ ܒܢܲܝ̈ܟ ܕܢܵܦܩܝܼܢ ܡܸܢܵܟ݂: ܕܡܵܘܠܸܕ݂ ܐܲܢ̄ܬ̇: ܢܸܬ̇ܕܲܒ̣ܪܘܼܢ: ܘܢܸܗܘܘܿܢ ܡܗܲܝܡܢܹ̈ܐ ܒܗܲܝܟ̇ܠܹܗ ܕܡܲܠܟܵܐ ܕܒ̣ܵܒܹܠ. [No book]
[8]ܘܐܸܡܲܪ ܚܿܙܲܩܝܵܐ ܠܐܹܫܲܥܝܵܐ: ܫܲܦܝܼܪ ܦܸܬ̣ܓ̣ܵܡܹܗ ܕܡܵܪܝܵܐ ܕܐܸܡܲܪܬ̇: ܢܸܗܘܹܐ ܫܠܵܡܵܐ ܘܩܘܼܫܬܵܐ ܒܝܵܘ̈ܡܲܝ. [No book]
Translation: Charles H. Hoole (1885)
Source: www.earlychristianwritings.com
Top