|
|
| [1]ܒܲܝܐܘܼܗܝ ܒܲܝܐܘܼܗܝ ܠܥܲܡܝ: ܐܵܡܲܪ ܐܲܠܵܗܟ݂ܘܿܢ. |
[No book] |
| [2]ܡܠܵܘ ܒܠܸܒܵܗ̇ ܕܐܘܿܪܸܫܠܸܡ: ܘܲܩܪܵܘ ܠܵܗ̇. ܡܸܛܠ ܕܐܸܬ̣ܡܲܠܝܲܬ̤ ܚܲܝܠܵܐ: ܘܲܨܒ̣ܵܬ̤ ܒܲܚܛܝܼܬ̣ܵܐ. ܘܩܲܒ̇ܠܲܬ̣ ܡ̣ܢ ܐܝܼܕܹܗ ܕܡܵܪܝܵܐ ܐܲܥܦܐ ܕܟ݂ܠܗܘܿܢ ܚܛܵܗܹ̈ܝܗ̇. |
[No book] |
| [3]ܩܵܠܵܐ ܕܩܵܪܹܐ ܒܡܲܕ݂ܒ̇ܪܵܐ: ܦܲܢܵܘ ܐܘܼܪܚܵܐ ܠܡܵܪܝܵܐ: ܘܲܬ̣ܪܘܿܨܘ ܒܲܦܩܲܥܬ̣ܵܐ ܫܒ̣ܝܼ̈ܠܹܐ ܠܐܲܠܵܗܲܢ. |
[No book] |
| [4]ܟܠܗܘܿܢ ܢܲܚ̈ܠܹܐ ܢܸܬ̣ܡܲܠܘܿܢ ܘܟ݂ܠܗܘܿܢ ܛܘܼܪܹ̈ܐ ܘܪ̈ܵܡܵܬ̣ܵܐ ܢܸܬ̣ܡܲܟ̇ܟ݂ܘܼܢ. ܘܢܸܗܘܹܐ ܥܲܪܡܵܐ ܠܫܲܦܝܵܐ: ܘܐܲܬ̣ܪܵܐ ܥܲܣܩܵܐ ܠܲܦܩܲܥܬ̣ܵܐ. |
[No book] |
| [5]ܘܢܸܬ̣ܓ̇ܠܹܐ ܐܝܼܩܵܪܹܗ ܕܡܵܪܝܵܐ. ܘܢܸܚܙܘܿܢܹܗ ܐܲܟ݂ܚ̄ܕ݂ܵܐ ܟܠ ܒܣܲܪ. ܡܸܛܠ ܕܦܘܼܡܹܗ ܕܡܵܪܝܵܐ ܡܲܠܸܠ. |
[No book] |
| [6]ܩܵܠܵܐ ܕܐܵܡܲܪ ܩܪܝܼ ܘܐܸܡܲܪ ܡܵܢܵܐ ܐܸܩܪܸܐ. ܟܠ ܒܣܲܪ ܥܡܝܼܪܵܐ: ܘܟ݂ܠܵܗ̇ ܝܵܐܝܘܼܬܹܗ ܐܲܝܟ݂ ܥܘܼܦܝܵܐ ܕܚܲܩܠܵܐ. |
[No book] |
| [7]ܝܑܼܒܸܫ̣ ܥܡܝܼܪܵܐ: ܘܲܚ̣ܡܵܐ ܥܘܼܦܝܵܐ ܡܸܛܠ ܕܪܘܼܚܹܗ ܕܡܵܪܝܵܐ ܢܸܫܒܲܬ̤ ܒܹܗ. ܗܵܟܲܢܵܐ ܗ̄ܘܼ ܥܡܝܼܪܹܗ ܕܥܲܡܵܐ ܗܵܢܵܐ. |
[No book] |
| [8]ܝܵܒܹ̇ܫ ܥܡܝܼܪܵܐ: ܘܚܵܡܹ̇ܐ ܥܘܼܦܝܵܐ ܘܡܸܠܬܹܗ ܕܐܲܠܵܗܲܢ ܩܲܝܵܡܵܐ ܠܥܵܠܡܝܼܢ. |
[No book] |
| [9]ܥܲܠ ܛܘܼܪܹ̈ܐ ܪ̈ܵܡܹܐ ܣܲܩܝ ܠܹܟ݂ܝ ܨܸܗܝܘܿܢ ܡܣܲܒܲܪܬܵܐ ܐܲܪܝܼܡܝ ܩܵܠܹܟ݂ܝ ܒܚܲܝܠܵܐ: ܐܘܿܪܸܫܠܸܡ ܡܣܲܒܲܪܬܵܐ ܐܲܪܝܼܡܝ: ܘܠܵܐ ܬܸܕ݂ܚ̄ܠܝܼܢ ܐܹܡܲܪܝ ܠܩܘܼܪ̈ܝܵܐ ܕܲܝܗܘܼܕ݂ܵܐ: ܗܵܐ ܐܲܠܵܗܟܹܝܢ. |
[No book] |
| [10]ܗܵܐ ܡܵܪܝܵܐ ܐܲܠܵܗܵܐ ܐܵܬܹ̇ܐ ܒܥܘܼܫܢܵܐ: ܘܲܕ݂ܪܵܥܹܗ ܒܚܲܝܠܵܐ. ܗܵܐ ܐܲܓ̣̱ܪܹܗ ܥܲܡܹܗ: ܘܲܥܒ̣ܵܕܹ̇ܗ ܩܕ݂ܵܡܵܘܗܝ. |
[No book] |
| [11]ܐܲܝܟ݂ ܪܵܥܝܵܐ ܕܪܵܥܹ̇ܐ ܠܲܓ̣ܙܵܪܹܗ: ܘܒܲܕ݂ܪܵܥܹܗ ܡܟܲܢܸܫ ܐܸܡܪܹ̈ܐ. ܘܲܒ̣ܚܲܢܹܗ ܫܵܩܹܠ ܠܗܘܿܢ. ܘܠܲܕ݂ܡܲܝ̈ܢܩܵܢ ܡܬܲܪܣܸܐ. |
[No book] |
| [12]ܡܲܢ̣ܘܼ ܐܲܟ̇ܝܼܠ ܡܲـ̈ـܝܵܐ ܒܫܘܼܥܠܹܗ: ܘܲܫܡܲܝܵܐ ܡܫܲܚ ܒܙܲܪܬܹ̇ܗ. ܘܐܲܟ̇ܝܼܠ ܒܲܙܘܵܪܹܗ ܥܲܦܪܵܗ̇ ܕܐܲܪܥܵܐ. ܘܲܬ̣ܩܲܠ ܛܘܼܪܹ̈ܐ ܒܡܲܬ̣ܩܵܠܵܐ: ܘܪ̈ܵܡܵܬ̣ܵܐ ܒܡܲܣܲܐܬ̣ܵܐ. |
[No book] |
| [13]ܡܲܢܘܼ ܬܲܩܸܢ ܪܘܼܚܹܗ ܕܡܵܪܝܵܐ ܐܵܘ ܡܲܢܘܼ ܗܘ̤ܵܐ ܠܹܗ ܡܵܠܹ̇ܟ݂ ܡܸܠܟܵܐ. |
[No book] |
| [14]ܒܡܲܢܘܼ ܐܸܬ̣ܡ̱ܠܸܟ݂: ܘܐܲܠܦܹܗ ܘܣܲܟ̇ܠܹܗ ܐܘܼܪܚܵܐ ܕܕ݂ܝܼܢܵܐ ܘܐܲܠܦܹܗ ܝܑܼܕܲܥܬ̣ܵܐ. ܘܐܘܼܪܚܵܐ ܕܣܘܼܟܵܠܵܐ ܚܵܘܝܹܗ. |
[No book] |
| [15]ܗܵܐ ܥܲܡܡܹ̈ܐ ܐܲܝܟ݂ ܢܘܼܛܦܬܵܐ ܡ̣ܢ ܩܲܕ݂ܣܵܐ: ܘܐܲܝܟ݂ ܢܸܙܠܵܐ ܕܡܲܣܲܐܬ̣ܵܐ. ܘܓ̣ܵܙܪ̈ܵܬ̣ܵܐ ܐܲܝܟ݂ ܕܲܚܝܼܚܵܐ ܢܸܫ̈ܕ݂ܝܵܢ. |
[No book] |
| [16]ܘܠܸܒ̣ܢܵܢ ܠܵܐ ܚܫܝܼܒ̣ ܠܹܗ ܠܝܲܩܕܵܢܵܐ. ܘܚܲܝ̄ܘܬܹܗ ܠܵܐ ܚܫܝܼܒ̣ܵܐ ܠܹܗ ܠܵܥܠܵܬ̣ܵܐ. |
[No book] |
| [17]ܘܟ݂ܠܗܘܿܢ ܥܲܡܡܹ̈ܐ ܐܲܝܟ݂ ܠܵܐ ܡܸܕܸ̇ܡ ܚܫܝܼܒ̣ܝܼܢ ܠܹܗ. ܠܐܲܒ̣ܕܵܢܵܐ ܘܲܠܚܲܪܒܵܐ ܚܫܝܼܒ̣ܝܼܢ ܠܹܗ. |
[No book] |
| [18]ܠܡܲܢ ܕܲܡܝܼܬ̇ܘܿܢܵܝܗܝ ܠܐܲܠܵܗܵܐ. ܘܠܲܐܝܕܵܐ ܕܡܘܼܬ̣ ܕܲܡܝܼܬ̇ܘܼܢܵܝܗܝ. |
[No book] |
| [19]ܨܲܠܡܵܐ ܗ̄ܘܼ ܕܲܥܒܲܕ݂ ܢܲܓܵܪܵܐ ܘܩܲܝܢܵܝܵܐ ܒܕܲܗܒ̣ܵܐ ܩܲܪܡܹܗ. ܘܣܹܐܡܵܐ ܨܪܝܼܦܵܐ ܩ̣ܒܲܥ ܒܹܗ. |
[No book] |
| [20]ܦܪܲܫ̣ ܗ̤ܘ ܩܲܝܣܵܐ ܕܠܵܐ ܡܲܒ̣ܠܲܛ ܘܲܓ̣ܒ̣ܵܐ ܢܲܓܵܪܵܐ. ܘܲܒ̣ܚܸܡ̱ܬܹܗ ܓܲܠܦܹܗ ܘܡܲܬ̣ܩܸܢ ܨܲܠܡܵܐ ܕܠܵܐ ܙܵܐܲܥ. |
[No book] |
| [21]ܠܵܐ ܫ̣ܡܲܥܬ̇ܘܿܢ: ܘܠܵܐ ܝܼܕܲܥ̣ܬ̇ܘܿܢ ܘܠܵܐ ܐܸܬ̣ܐ̱ܡܲܪܠܟ݂ܘܿܢ ܡ̣ܢ ܪܹܫܝܼܬ̣ܵܐ. ܘܠܵܐ ܐܸܣܬܲܟܲܠܬ̇ܘܿܢ: ܫܲܬ̣ܐ̱ܣܹ̈ܝܗ̇ ܕܐܲܪܥܵܐ. |
[No book] |
| [22]ܘܲܠܡܲܢ ܕܝܵܬܹܒ̣ ܥܲܠ ܚܘܼܓ̣ܬ̣ܵܗ̇ ܕܐܲܪܥܵܐ: ܘܥܵܡܘܿܪܹ̈ܝܗ̇ ܐܲܝܟ݂ ܩܲܡܨܵܐ ܕܲܡ̣ܬܲܚ ܫܡܲܝܵܐ ܐܲܝܟ݂ ܟܸܦܬ̣ܵܐ. ܘܲܡܬܲܚ ܐܸܢܘܿܢ ܐܲܝܟ݂ ܡܲܫܟ̇ܢܵܐ ܠܝܲܬ̣ܒܵܐ. |
[No book] |
| [23]ܕܲܥ̣ܒܲܕ݂ ܫܲܠܝܼܛܵܢܹ̈ܐ ܠܵܐ ܡܸܕܸ̇ܡ: ܘܕܲܝܵܢܹ̈ܐ ܕܐܲܪܥܵܐ ܐܲܝܟ݂ ܕܠܲܝܬ̇ ܐܸܢܘܿܢ. |
[No book] |
| [24]ܠܵܐ ܢܸܨܒ̣ܘܼܢ: ܘܠܵܐ ܢܸܙܪ̱ܥܘܼܢ. ܘܠܵܐ ܢܲܪܡܘܿܢ ܥܸܩܵܪܵܐ ܒܐܲܪܥܵܐ. ܢܸܦܘܿܚ ܒܗܘܿܢ ܘܢܹܐܒ̣ܫܘܼܢ. ܘܥܲܠܥܵܠܵܐ ܬܸܫܩܘܿܠ ܐܸܢܘܿܢ ܐܲܝܟ݂ ܕܲܠܚܲܒ̇ܬ̣ܵܐ. |
[No book] |
| [25]ܠܡܲܢ ܕܲܡܝܼܬ̇ܘܿܢܵܢܝ ܕܦܵܚܹ̇ܡ ܐ̄ܢܵܐ ܠܹܗ: ܐܵܡܲܪ ܩܲܕ̇ܝܼܫܵܐ. |
[No book] |
| [26]ܐܲܪܝܼܡܘ ܥܲܝܢܲܝ̈ܟ̇ܘܿܢ ܠܲܡܪܵܘܡܵܐ. ܘܲܚܙܵܘ ܡܲܢ̣ܘܼ ܒܪܵܐ ܗܵܠܹܝܢ. ܕܡܲܦܸܩ ܒܡܸܢܝܵܢܵܐ ܚܲܝ̈ܠܵܘܵܬ̣ܗܘܿܢ: ܘܲܠܟ݂ܠܗܘܿܢ ܩ̣ܪܵܐ ܫܡܵܗܹ̈ܐ ܒܣܘܿܓ̣ܵܐܐ ܕܐܝܼܩܵܪܹܗ: ܘܲܒ̣ܥܘܼܫܢܵܐ ܕܚܲܝܠܹܗ ܐ̄ܢܵܫ ܠܵܐ ܛܵܥܹ̇ܐ. |
[No book] |
| [27]ܠܡܵܢܵܐ ܡܡܲܠܸܠ ܐܲܢ̄ܬ̇ ܝܲܥܩܘܿܒ̣: ܘܐܵܡܲܪ ܐܲܢ̄ܬ̇ ܝܼܣܪܵܝܹܠ. ܕܲܡܛܲܫ̈ܝܵܢ ܐܘܼܪ̈ܚܵܬ̣ܝ ܡ̣ܢ ܡܵܪܝܵܐ: ܘܡܲܥܒܲܪ ܕܝܼܢܝ ܡ̣ܢ ܐܲܠܵܗܝ. |
[No book] |
| [28]ܠܵܐ ܝܼܕܲܥܬ̇: ܘܠܵܐ ܫ̣ܡܲܥܬ̇: ܕܐܲܠܵܗܵܐ ܠܥܵܠܲܡ ܡܵܪܝܵܐ ܗ̄ܘܼ ܕܲܒ̣ܪܵܐ ܣܵܘ̈ܦܹܝܗ̇ ܕܐܲܪܥܵܐ. ܠܵܐ ܡܸܬ̇ܛܲܪܲܦ: ܘܠܵܐ ܠܵܐܹ̇ܐ: ܘܠܲܝܬ̇ ܒܘܼܕܵܩܵܐ ܠܣܘܼܟܵܠܹܗ. |
[No book] |
| [29]ܝܵܗܹ̇ܒ̣ ܚܝܠܵܐ ܠܲܡܛܲܪ̈ܦܹܐ ܘܲܠܡܲܟ݂ܐܒ̇ܝ̈ ܟܹܐܒ̣ܵܐ ܡܲܣܓܸ̇ܐ ܥܘܼܫܢܵܐ. |
[No book] |
| [30]ܢܸܬ̇ܛܲܪܦܘܼܢ ܥܠܲܝܡܹ̈ܐ ܘܢܹܠܐܘܿܢ ܘܓܲܕ̇ܘܼ̈ܕܹܐ ܡܸܬ̇ܬܲܩܵܠܘܼ ܢܸܬܲܩܠܘܼܢ. |
[No book] |
| [31]ܘܐܲܝܠܹܝܢ ܕܲܡܣܲܒ̇ܪܝܼܢ ܒܡܵܪܝܵܐ: ܢܚܲܠܦܘܼܢ ܚܲܝܠܗܘܿܢ. ܘܢܵܘܥܘܿܢ ܓܸܦܹ̈ܐ ܐܲܝܟ݂ ܕܝܵܘܢܵܐ. ܘܢܸܪ̱ܗܛܘܼܢ: ܘܠܵܐ ܢܸܠܐܘܿܢ ܘܲܢܗܲܠܟ݂ܘܿܢ: ܘܠܵܐ ܢܸܬ̇ܛܲܪܦܘܼܢ. |
[No book] |