|
|
| [1]ܗܵܐ ܠܥܲܒ̣ܕ̇ܝ ܣܲܡ̇ܟܹ̇ܬ̣. ܘܲܒ̣ܓܲܒ̣ܚ̄ ܨܒ̣ܵܬ̤ ܢܲܦ̮ܫܝ. ܘܝܸܗ̄ܒܹ̇ܬ̣ ܪܘܼܚܝ ܥܠܵܘܗܝ: ܕܢܲܦܸܩ ܕܝܼܢܵܐ ܠܥܲܡܡܹ̈ܐ. |
[No book] |
| [2]ܠܵܐ ܢܸܩܥܸܐ: ܘܠܵܐ ܢܪܝܼܒ̣ ܘܠܵܐ ܢܲܫܡܲܥ ܩܵܠܹܗ ܒܫܘܼܩܵܐ. |
[No book] |
| [3]ܩܲܢܝܵܐ ܪܥܝܼܥܵܐ ܠܵܐ ܢܸܬ̣ܒܲܪ. ܘܲܫܪܵܓ̣ܵܐ ܕܲܡܛܲܦܛܸܦ ܠܵܐ ܢܲܕ݂ܥܸܟ݂. ܒܩܘܼܫܬܵܐ ܢܲܦܸܩ ܕܝܼܢܵܐ. |
[No book] |
| [4]ܠܵܐ ܢܸܕ݂ܥܲܟ݂ ܘܠܵܐ ܢܛܲܦܛܸܦ: ܥܕܲܡܵܐ ܕܲܢܣܝܼܡ ܕܝܼܢܵܐ ܒܐܲܪܥܵܐ. ܘܲܠܢܵܡܘܿܣܹܗ ܓܵܙܪ̈ܵܬ̣ܵܐ ܢܣܲܟ̇ـ̈ـܝܵܢ. |
[No book] |
| [5]ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ: ܕܲܒ̣ܪܵܐ ܫܡܲܝܵܐ ܘܲܡ̣ܬܚ ܐܸܢܘܿܢ. ܘܲܪܩܲܥ̣ ܐܲܪܥܵܐ ܘܟ݂ܠ ܕܒ̣ܵܗ̇. ܘܝܲܗ̄ܒ̣ ܢܫܲܡܬ̣ܵܐ ܠܥܲܡܵܐ ܕܲܥܠܹܝܗ̇: ܘܪܘܼܚܵܐ ܠܕܲܡܗܲܠܟ݂ܝܼܢ ܒܵܗ̇. |
[No book] |
| [6]ܐܸܢܵܐ ܡܵܪܝܵܐ ܩܪܹܝܬ̣ܵܟ݂ ܒܙܲܕ̇ܝܩܘܼܬ̣ܵܐ: ܘܐܸܚ̇ܕܹ̇ܬ̣ ܒܐܝܼܕ݂ܵܟ݂ ܘܚܲܝܸܠܬܵܟ݂. ܘܝܲܗ̄ܒ̣ܬܵܟ݂ ܩܝܵܡܵܐ ܠܥܲܡܵܐ: ܘܢܘܼܗܪܵܐ ܠܥܲܡܡܹ̈ܐ. |
[No book] |
| [7]ܕܲܬ̣ܦܲܬܲܚ ܥܲܝܢܹ̈ܐ ܕܲܥܘܼܝܼܪܹ̈ܐ: ܘܬܲܦܸܩ ܠܐܲܣܝܼܪܹ̈ܐ ܡ̣ܢ ܒܹܝܬ̣ ܚܒ̣ܘܼܫܝܵܐ: ܘܡ̣ܢ ܒܹܝܬ̣ ܐܲܣܝܼܪܹ̈ܐ ܠܲܕ݂ܝܵܬ̣ܒ̇ܝܼܢ ܒܚܸܫܘܿܟ݂ܵܐ. |
[No book] |
| [8]ܐܸܢܵܐ ܐ̄ܢܵܐ ܡܵܪܝܵܐ: ܘܗܵܢܵܘ ܫܹܡܝ. ܘܐܝܼܩܵܪܝ ܠܐܲܚܪܹܝܢ ܠܵܐ ܐܸܬܸ̇ܠ: ܘܐܵܦܠܵܐ ܬܸܫܒ̇ܘܿܚܬ̇ܝ ܠܲܓ̣ܠܝܼܦܹ̈ܐ. |
[No book] |
| [9]ܚܲܕ݂̈ܬ̣ܵܬ̣ܵܐ ܐܸܢܵܐ ܡܚܵܘܸܐ. ܘܩܲܕ݂ܡܵـ̈ـܝܵܬ̣ܵܐ ܗܵܐ ܐܸܬܲܝ̈. ܘܥܲܕ݂ܠܵܐ ܢܸܨܡ̱̈ܚܵܢ: ܐܲܫ̱ܡ̇ܥܹܬ̣ ܐܸܢܹܝܢ ܠܟ݂ܘܿܢ. ܬܸܫܒ̇ܘܼܚܬܵܐ ܕܐܹܫܲܥܝܵܐ. |
[No book] |
| [10]ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ. ܬܸܫܒ̇ܘܿܚܬܹܗ ܡ̣ܢ ܣܵܘ̈ܦܹܝܗ̇ ܕܐܲܪܥܵܐ. ܢܵܚܬܲܝ̈ ܝܲܡܵܐ ܒܲܡܠܹܐܹܗ: ܘܓ̣ܵܙܪ̈ܵܬ̣ܵܐ ܘܲܕ݂ܥܵܡ̇ܪܝܼܢ ܒܗܹܝܢ. |
[No book] |
| [11]ܢܸܚܕܹ̇ܐ ܡܲܕ݂ܒ̇ܪܵܐ ܘܩܘܼܪ̈ܝܹܗ: ܘܡܲܪ̈ܓܹܐ ܬܸܗܘܹܐ ܩܕ݂ܵܪ. ܢܫܲܒ̇ܚܘܼܢ ܝܵܬ̣ܒܲܝ̈ ܫܩܝܼ̈ܦܹܐ: ܘܡ̣ܢ ܪܹܫܵܐ ܕܛܘܼܪܹ̈ܐ ܢܸܩܥܘܿܢ. |
[No book] |
| [12]ܘܢܸܬ̇ܠܘܼܢ ܬܸܫܒ̇ܘܿܚܬܵܐ ܠܡܵܪܝܵܐ: ܘܬܸܫ̈ܒ̇ܚܵܬܹܗ ܢܚܵܘܘܿܢ ܒܓ̣ܵܙܪ̈ܵܬ̣ܵܐ. |
[No book] |
| [13]ܡܵܪܝܵܐ ܐܲܝܟ݂ ܓܲܢ̄ܒܵܪܵܐ ܢܸܦܘܿܩ. ܘܐܲܝܟ݂ ܓܲܒ̣ܪܵܐ ܩܪܲܒ̣ܬ̣ܵܢܵܐ ܢܓܲܪܸܓ̣ ܛܢܵܢܵܐ. ܢܸܩܥܸܐ ܘܢܸܬ̣ܓܲܢ̄ܒܲܪ: ܘܢܸܩܛܘܿܠ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ. |
[No book] |
| [14]ܫܸܬ̣ܩܹ̇ܬ̣: ܡ̣ܢ ܥܵܠܲܡ ܐܹܫܬ̇ܘܿܩ ܣܲܝܒ̇ܪܹܬ̣ ܐܲܝܟ݂ ܝܵܠܹܕ̇ܬܵܐ. ܐܲܬ̣ܡܲܗ ܘܐܲܬ̣ܘܲܪ ܐܲܟ݂ܚ̄ܕ݂ܵܐ. |
[No book] |
| [15]ܐܲܚܪܸܒ̣ ܛܘܼܪܹ̈ܐ ܘܪ̈ܵܡܵܬ̣ܵܐ: ܘܟ݂ܠܹܗ ܥܘܼܫܢ̱ܗܘܿܢ ܐܵܘܒܸ̇ܫ. ܐܸܥܒܸ̇ܕ݂ ܢܲܗܪ̈ܵܘܵܬ̣ܵܐ ܠܓ̣ܵܙܪ̈ܵܬ̣ܵܐ: ܘܐܵܓ̣ܡܹ̈ܐ ܐܵܘܒܸ̇ܫ. |
[No book] |
| [16]ܐܸܕ݂ܒܲܪ ܥܘܝܼܪܹ̈ܐ ܒܐܘܼܪܚܵܐ ܕܠܵܐ ܝܵܕ݂ܥܝܼܢ. ܘܒܲܫܒ̣ܝܼ̈ܠܹܐ ܕܠܵܐ ܝܵܕ݂ܥܝܼܢ ܗ̄ܘܼܵܘ: ܐܹܗܲܠܸܟ݂ ܐܸܢܘܿܢ. ܐܸܥܒܸ̇ܕ݂ ܚܸܫܘܿܟ݂ܵܐ ܩܕ݂ܵܡܲܝܗܘܿܢ ܢܘܼܗܪܵܐ. ܘܥܲܪܡܵܐ ܐܹܫܲܦܹܐ. ܗܵܠܹܝܢ ܦܸܬ̣ܓ̣ܵܡܹ̈ܐ ܥܸܒ̣ܕܹ̇ܬ̣ ܠܗܘܿܢ. ܘܠܵܐ ܫܸܒ̣ܩܹ̇ܬ̣ ܐܸܢܘܿܢ. |
[No book] |
| [17]ܢܸܗܦ̄ܟ݂ܘܿܢ ܠܒܸܣܬܲܪܗܘܿܢ: ܘܢܸܒ̣ܗ̱ܬ̣ܘܼܢ ܒܒܸܗܬ̇ܬ̣ܵܐ: ܐܲܝܠܹܝܢ ܕܲܬ̣ܟ݂ܝܼܠܝܼܢ ܥܲܠ ܓܠܝܼܦܹ̈ܐ: ܘܐܵܡ̇ܪܝܼܢ ܠܲܢܣܝܟܹ̈ܐ: ܕܐܲܢ̄ܬ̇ܘܿܢ ܐܸܢܘܿܢ ܐܲܠܵܗܲܝ̈ܢ. |
[No book] |
| [18]ܚܲܪ̈ܫܹܐ ܫܡܲܥܘ. ܘܲܥܘܝܼܪܹ̈ܐ ܐܸܣܬܲܟܲܠܘ: ܘܲܚܙܵܘ. |
[No book] |
| [19]ܡܲܢ̣ܘܼ ܥܘܝܼܪܵܐ ܐܸܠܵܐ ܥܲܒ̣ܕ̇ܝ: ܘܚܲܪܫܵܐ ܐܲܝܟ݂ ܡܲܠܲܐܟ݂ܝ ܕܐܹܫܲܕܲܪ ܡܲܢܘܼ ܥܘܝܼܪܵܐ ܐܲܝܟ݂ ܫܲܠܝܼܛܵܐ: ܘܲܥܘܝܼܪܵܐ ܐܲܝܟ݂ ܥܲܒ̣ܕܹ̇ܗ ܕܡܵܪܝܵܐ. |
[No book] |
| [20]ܚܵܪܹ̇ܬ̣ ܣܲܓ̇ܝܼ ܘܠܵܐ ܢܵܛ̇ܪܝܼܢ ܐ̄ܢܬ̇ܘܿܢ ܘܦܸܬ̣ܚܹ̇ܬ̣ ܐܸܕ݂ܢܹ̈ܐ: ܘܠܵܐ ܫܵܡ̇ܥܝܼܢ ܐ̄ܢܬ̇ܘܿܢ. |
[No book] |
| [21]ܡܵܪܝܵܐ ܨܒ̣ܵܐ ܡܸܛܠ ܙܲܕ̇ܝܼܩܘܼܬܹܗ: ܕܢܵܘܪܸܒ̣ ܢܵܡܘܿܣܵܐ ܘܲܢܫܲܒ̇ܚܝܼܘܗܝ. |
[No book] |
| [22]ܘܗ̤ܘ ܥܲܡܵܐ ܒܙܝܼܙܵܐ ܘܕ݂ܝܼܫܵܐ ܦܲܚܹ̈ܐ ܐܸܢܘܿܢ ܟܠܗܘܿܢ ܓܲܕ݂ܘܼ̈ܕܹܐ ܘܲܒ̣̈ܒ̣ܵܬܹ̇ܐ ܐܲܣܝܼܪܹ̈ܐ ܛܲܫܝܼܘ. ܗܘ̤ܵܘ ܠܒܸܙܬ̣ܵܐ: ܘܠܲܝܬ̇ ܕܲܡܦܲܨܸܐ ܘܠܲܕ݂ܝܵܫܵܐ: ܘܠܲܝܬ̇ ܕܡܲܦܢܸܐ. |
[No book] |
| [23]ܡܲܢܘܼ ܐܝܼܬ̣ ܒܟ݂ܘܿܢ ܕܢܲܫܡܲܥ ܗܵܕܹܐ. ܘܲܢܨܘܼܬ̣ ܘܢܸܫܡܲܥ ܠܐܲܚܪܬ̣ܵܐ. |
[No book] |
| [24]ܡܲܢܘܼ ܝܲܗ̄ܒ̣ ܠܝܲܥܩܘܿܒ̣ ܠܲܕ݂ܝܵܫܵܐ: ܘܠܝܼܣܪܵܝܹܠ ܠܲܒ̣ܙܵܙܵܐ. ܠܵܐ ܗ̄ܘܼܵܐ ܡܵܪܝܵܐ ܥܲܠ ܕܲܚܛܲܝܢ ܠܹܗ: ܘܠܵܐ ܨܒܲܝܢ ܠܲܡܗܲܠܵܟ݂ܘܼ ܒܐܘܼܪ̈ܚܵܬܹܗ: ܘܠܵܐ ܫ̣ܡܲܥܢ ܢܵܡܘܿܣܹܗ. |
[No book] |
| [25]ܐܹܫܲܕ݂ ܥܠܲܝܗܘܿܢ ܚܸܡܬ̣ܵܐ ܕܪܘܼܓ̣ܙܹܗ. ܘܥܘܼܫܢܵܐ ܕܲܩܪܵܒ̣ܵܐ ܐܵܘܩܸܕ݂ ܐܸܢܘܿܢ ܡ̣ܢ ܚܕ݂ܵܪ̈ܲܝܗܘܿܢ ܘܠܵܐ ܝܼܕܲܥܘ ܘܚܸܒܲܬ ܒܗܘܿܢ ܢܘܼܪܵܐ: ܘܠܵܐ ܐܲܝܬܝܼܘ ܥܲܠ ܒܵܠܗܘܿܢ. |
[No book] |