|
|
| [1]Et nunc hæc dicit Dominus creans te, Jacob, et formans te, Israël: Noli timere, quia redemi te, et vocavi te nomine tuo; meus es tu. |
[No book] |
| [2]Cum transieris per aquas, tecum ero, et flumina non operient te; cum ambulaveris in igne, non combureris, et flamma non ardebit in te. |
[No book] |
| [3]Quia ego Dominus Deus tuus, Sanctus Israël, salvator tuus, dedi propitiationem tuam Ægyptum, Æthopiam, et Saba pro te. |
[No book] |
| [4]Ex quo honorabilis factus es in oculis meis, et gloriosus, ego dilexi te, et dabo homines pro te, et populos pro anima tua. |
[No book] |
| [5]Noli timere, quia ego tecum sum; ab oriente adducam semen tuum, et ab occidente congregabo te. |
[No book] |
| [6]Dicam aquiloni: Da; et austro: Noli prohibere; affer filios meos de longinquo, et filias meas ab extremis terræ. |
[No book] |
| [7]Et omnem qui invocat nomen meum, in gloriam meam creavi eum, formavi eum, et feci eum. |
[No book] |
| [8]Educ foras populum cæcum, et oculos habentem; surdum, et aures ei sunt. |
[No book] |
| [9]Omnes gentes congregatæ sunt simul, et collectæ sunt tribus. Quis in vobis annuntiet istud, et quæ prima sunt audire nos faciet? Dent testes eorum, justificentur, et audiant et dicant: Vere. |
[No book] |
| [10]Vos testes mei, dicit Dominus, et servus meus quem elegi; ut sciatis, et credatis mihi, et intelligatis quia ego ipse sum; ante me non est formatus Deus, et post me non erit. |
[No book] |
| [11]Ego sum, ego sum Dominus; et non est absque me salvator. |
[No book] |
| [12]Ego annuntiavi, et salvavi; auditum feci, et non fuit in vobis alienus: vos testes mei, dicit Dominus, et ego Deus. |
[No book] |
| [13]Et ab initio ego ipse; et non est qui de manu mea eruat. Operabor, et quis avertet illud? |
[No book] |
| [14]Hæc dicit Dominus, redemptor vester, Sanctus Israël: Propter vos misi in Babylonem, et detraxi vectes universos, et Chaldæos in navibus suis gloriantes. |
[No book] |
| [15]Ego Dominus, Sanctus vester, creans Israël, rex vester. |
[No book] |
| [16]Hæc dicit Dominus, qui dedit in mari viam, et in aquis torrentibus semitam; |
[No book] |
| [17]qui eduxit quadrigam et equum, agmen et robustum; simul obdormierunt, nec resurgent; contriti sunt quasi linum, et extincti sunt. |
[No book] |
| [18]Ne memineritis priorum, et antiqua ne intueamini. |
[No book] |
| [19]Ecce ego facio nova, et nunc orientur, utique cognoscetis ea; ponam in deserto viam, et in invio flumina. |
[No book] |
| [20]Glorificabit me bestia agri, dracones, et struthiones, quia dedi in deserto aquas, flumina in invio, ut darem potum populo meo, electo meo. |
[No book] |
| [21]Populum istum formavi mihi, laudem meam narrabit. |
[No book] |
| [22]Non me invocasti, Jacob; nec laborasti in me, Israël. |
[No book] |
| [23]Non obtulisti mihi arietem holocausti tui, et victimis tuis non glorificasti me; non te servire feci in oblatione, nec laborem tibi præbui in thure. |
[No book] |
| [24]Non emisti mihi argento calamum, et adipe victimarum tuarum non inebriasti me; verumtamen servire me fecisti in peccatis tuis, præbuisti mihi laborem in iniquitatibus tuis. |
[No book] |
| [25]Ego sum, ego sum ipse qui deleo iniquitates tuas propter me, et peccatorum tuorum non recordabor. |
[No book] |
| [26]Reduc me in memoriam, et judicemur simul: narra si quid habes ut justificeris. |
[No book] |
| [27]Pater tuus primus peccavit, et interpretes tui prævaricati sunt in me: |
[No book] |
| [28]et contaminavi principes sanctos; dedi ad internecionem Jacob, et Israël in blasphemiam. |
[No book] |