|
|
| [1]ܗܵܟܲܢܵܐ ܐܵܡܲܪ ܡܵܪܝܵܐ ܠܲܡܫܝܼܚܹܗ: ܠܟ݂ܘܼܪܸܫ ܕܐܸܚܕܹ̇ܬ̣ ܒܝܲܡܝܼܢܹܗ. ܢܸܫܬܲܥܒ̇ܕ݂ܘܼܢ ܩܕ݂ܵܡܵܘܗܝ ܥܲܡܡܹ̈ܐ. ܘܚܲܨܵܐ ܕܡܲܠ̈ܟܹ̇ܐ ܐܹܫܲܪܸܐ ܠܡܸܦ̮ܬܲܚ ܩܕ݂ܵܡܵܘܗܝ ܬܲܪ̈ܥܹܐ: ܘܬܲܪ̈ܥܹܐ ܠܵܐ ܢܸܬ̇ܬܲܚܕ̇ܘܼܢ. |
[No book] |
| [2]ܐܸܢܵܐ ܩܕ݂ܵܡܲܝܟ ܐܹܙܲܠ. ܘܥܲܪܡܵܐ ܐܹܫܲܦܸܐ. ܬܲܪ̈ܥܹܐ ܕܲܢܚܵܫܵܐ ܐܹܬܲܒܲܪ. ܘܡܘܼܟ݂̈ܠܹܐ ܕܦܲܪܙܠܵܐ ܐܹܓܲܕܸ̇ܡ. |
[No book] |
| [3]ܘܐܸܬܸ̇ܠ ܠܵܟ݂ ܣܝܼ̈ܡܵܬ̣ܵܐ ܕܲܒ̣ܚܸܫܘܿܟ݂ܵܐ: ܘܲܛܡܝܼܪ̈ܵܬ̣ܵܐ ܡܣܲܬ̇ܪ̈ܵܬ̣ܵܐ. ܕܬܸܕܲܥ ܕܐܸܢܵܐ ܐ̄ܢܵܐ ܡܵܪܝܵܐ ܕܲܩܪܹܝܬ̣ܵܟ݂ ܒܲܫܡܵܟ݂: ܐܲܠܵܗܹܗ ܕܝܼܣܪܵܝܹܠ. |
[No book] |
| [4]ܡܸܛܠ ܥܲܒ̣ܕ̇ܝ ܝܲܥܩܘܿܒ̣: ܘܝܼܣܪܵܝܹܠ ܓܲܒ̣ܚ: ܩܪܹܝܬ̣ܵܟ݂ ܒܲܫܡܵܘ ܘܟ̇ܢܝܼܬ̣ܵܟ݂: ܘܠܵܐ ܝܼܕܲܥܬܵܢܝ. |
[No book] |
| [5]ܐܸܢܵܐ ܐ̄ܢܵܐ ܡܵܪܝܵܐ: ܘܠܲܝܬ̇ ܬܘܼܒ̣ ܠܒܲܪ ܡܹܢܝ: ܘܠܲܝܬ̇ ܐܲܠܵܗ. ܐܲܥܫܸܢ̇ܬܵܟ݂: ܘܠܵܐ ܝܼܕܲܥܬܵܢܝ. |
[No book] |
| [6]ܕܢܸܕ̇ܥܘܼܢ ܡ̣ܢ ܡܲܕ݂ܢܵܚܲܝ̈ ܫܸܡܫܵܐ. ܘܡ̣ܢ ܡܲܥܪ̈ܵܒ̣ܵܘܗܝ: ܕܠܲܝܬ̇ ܠܒܲܪ ܡܹܢܝ. ܐܸܢܵܐ ܐ̄ܢܵܐ ܡܵܪܝܵܐ ܘܠܲܝܬ̇ ܬܘܼܒ̣. |
[No book] |
| [7]ܕܲܓܒܲܠ ܢܘܼܗܪܵܐ: ܘܲܒ̣ܪܵܐ ܚܸܫܘܿܟ݂ܵܐ. ܥܒܲܕ݂ ܫܠܵܡܵܐ: ܘܲܒ̣ܪܵܐ ܒܝܼܫܬܵܐ ܐܸܢܵܐ ܐ̄ܢܵܐ ܡܵܪܝܵܐ ܕܥܸܒ̣ܕܹ̇ܬ̣ ܗܵܠܹܝܢ ܟܠܗܹܝܢ. |
[No book] |
| [8]ܐܸܬ̣ܒܲܣܲܡܘ ܫܡܲܝܵܐ ܡ̣ܢ ܠܥܸܠ ܘܲܥܢܵܢܹ̈ܐ ܢܸܪ̈ܣܵܢ ܙܲܕ̇ܝܼܩܘܼܬ̣ܵܐ. ܬܸܬ̣ܦܬܲܚ ܐܲܪܥܵܐ: ܘܢܸܣܓܹ̇ܐ ܦܘܼܪܩܵܢܵܐ. ܘܙܲܕ̇ܝܼܩܘܼܬ̣ܵܐ ܬܸܫܘܲܝ ܐܲܟ݂ܚ̄ܕ݂ܵܐ. ܐܸܢܵܐ ܐ̄ܢܵܐ ܡܵܪܝܵܐ ܕܲܒ̣ܪܹܝܬ̣ ܗܵܠܹܝܢ. |
[No book] |
| [9]ܘܵܝ ܠܲܕ݂ܕ݂ܵܐܹ̇ܢ ܥܲܡ ܓܵܒ̣ܘܿܠܹܗ: ܚܸܨܦܵܐ ܡ̣ܢ ܚܸܨܦܹ̈ܝܗ̇ ܕܐܲܪܥܵܐ ܕܲܠܡܵܐ ܐܵܡܲܪ ܛܝܼܢܵܐ ܠܦܲܚܵܪܵܐ ܡܵܢܵܐ ܥܵܒܹ̇ܕ݂ ܐܲܢ̄ܬ̇. ܘܠܵܐ ܗ̄ܘܹܝܬ̣ ܥܒ̣ܵܕ݂ܵܐ ܕܐܝܼܕܲܝ̈ܟ. |
[No book] |
| [10]ܘܵܝ ܠܲܕ݂ܵܐܡܲܪ ܠܐܲܒ̣ܵܐ: ܡܵܢܵܐ ܡܵܘܠܸܕ݂ ܐܲܢ̄ܬ̇ ܘܠܲܐܢ̄ܬ̇ܬ̣ܵܐ: ܕܡܵܢܵܐ ܒܵܛ̇ܢܲܬ̇ܝ. |
[No book] |
| [11]ܗܵܟܲܢܵܐ ܐܵܡܲܪ ܡܵܪܝܵܐ ܩܲܕ̇ܝܼܫܵܐ ܕܝܼܣܪܵܝܠ ܘܓ̣ܵܒ̣ܘܿܠܹܗ. ܡܵܪܝܵܐ ܚܲܝܠܬ̣ܵܢܐ ܫܡܹܗ. ܫܲܐܠܘܼܢܝ ܐܵܬ̣ܘܵܬ̣ܵܐ ܥܲܠ ܒܢܲܝ̈. ܘܥܲܠ ܥܒ̣ܵܕ݂ ܐܝܼܕܲܝ̈ ܦܘܼܩܕ̇ܘܼܢܝ. |
[No book] |
| [12]ܐܸܢܵܐ ܥܸܒ̣ܕܹ̇ܬ̣ ܐܲܪܥܵܐ: ܘܒܲܪܢܵܫܵܐ ܥܠܹܝܗ̇ ܐܸܢܵܐ ܒܐܝܼܕܲܝ̈ ܡܸܬ̣ܚܹ̇ܬ̣ ܫܡܲܝܵܐ. ܘܦܸܩܕܹ̇ܬ̣ ܠܟ݂ܠܹܗ ܚܲܝܠܗܘܿܢ. |
[No book] |
| [13]ܐܸܢܵܐ ܐܲܥܝܼܪܬܹ̇ܗ ܒܙܲܕ̇ܝܼܩܘܼܬ̣ܵܐ ܘܟ݂ܠܗܹܝܢ ܐܘܼܪ̈ܚܵܬܹܗ ܐܹܫܲܦܸܐ. ܗ̤ܘ ܢܸܒ̣ܢܸܐ ܩܪܝܼܬ̣ܝ ܘܲܫܒ̣ܝܼܬܝ ܢܫܲܕܲܪ ܠܵܐ ܒܲܕ݂ܡܲـ̈ـܝܵܐ: ܘܠܵܐ ܒܫܘܼܚܕܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [14]ܗܵܟܲܢܵܐ ܐܵܡܲܪ ܡܵܪܝܵܐ: ܠܐܹܘܬ̣ܵܗ̇ ܕܡܸܨܪܹܝܢ: ܬܲܓܵܪܹ̈ܐ ܕܟ݂ܘܼܫ ܘܕܲܫܒ̣ܵܐ. ܓܲܒ̣ܪܹ̈ܐ ܕܲܡܫܘܼܚܬ̣ܵܐ ܥܠܲܝܟ̇ܝ ܢܸܥܒ̇ܪܘܼܢ. ܘܕ݂ܝܼܠܹܟ݂ܝ ܢܸܗܘܘܿܢ: ܘܒ̣ܵܬ̣ܪܹܟ݂ܝ ܢܹܐܙܠ̄ܘܼܢ. ܘܲܒ̣ܫܸܫ̈ܠܵܬ̣ܵܐ ܢܸܥܒ̇ܪܘܼܢ. ܘܠܹܟ݂ܝ ܢܸܣܓ̇ܕ݂ܘܼܢ. ܘܒܹܟ݂ܝ ܢܨܲܠܘܿܢ ܕܒܹܟ݂ܝ ܗ̄ܘܼ ܐܲܠܵܗܵܐ: ܘܠܲܝܬ̇ ܬܘܼܒ̣ ܐܲܠܵܗ ܐ̄ܚܪܹܝܢ. |
[No book] |
| [15]ܫܲܪܝܼܪܵܐܝܼܬ̣ ܐܲܢ̄ܬ̇ ܗ̄ܘܼ ܡܣܲܬ̇ܪܵܐ: ܐܲܠܵܗܹܗ ܕܝܼܣܪܵܝܹܠ ܘܦܵܪܘܿܩܹܗ. |
[No book] |
| [16]ܒ̣ܗܸܬ̣ܘ ܘܐܲܚܦܲܪܘ ܟܠܗܘܿܢ ܐܲܟ݂ܚ̄ܕ݂ܵܐ. ܕܲܡܗܲܠܟ݂ܝܼܢ ܒܚܸܦܪܵܐ: ܘܓ̣ܵܠܦܝܼܢ ܦܬܲܟ݂ܪܹ̈ܐ. |
[No book] |
| [17]ܦܘܼܪܩܵܢܹܗ ܕܝܼܣܪܵܝܹܠ ܒܡܵܪܝܵܐ ܗ̄ܘܼ ܦܵܪܘܿܩܵܐ ܕܥܵܠܡܹ̈ܐ ܠܵܐ ܬܸܒ̣ܗ̄ܬ̣ܘܼܢ: ܘܠܵܐ ܬܸܚ̄ܦܪܘܼܢ ܠܥܵܠܲܡ ܥܵܠܡܝܼܢ. |
[No book] |
| [18]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ ܕܲܒ̣ܪܵܐ ܫܡܲܝܵܐ: ܘܗ̤ܘܝܘܼ ܐܲܠܵܗܵܐ ܕܲܓ̣ܒܲܠ ܐܲܪܥܵܐ: ܘܥܲܒ̣ܕܵܗ̇ ܘܗ̤ܘܝܘܼ ܬܲܩ̣ܢܵܗ̇. ܠܵܐ ܗ̄ܘܼܵܐ ܣܪܝܼܩܵܐܝܼܬ̣ ܒܪܵܗ̇ ܐܸܠܵܐ ܕܬܸܬܸ̇ܒ̣ ܒܵܗ̇ ܒܪܝܼܬܹܗ. ܐܸܢܵܐ ܐ̄ܢܵܐ ܡܵܪܝܵܐ ܘܠܲܝܬ̇ ܬܘܼܒ̣. |
[No book] |
| [19]ܠܵܐ ܗ̄ܘܼܵܐ ܒܛܘܼܫܝܵܐ ܡܲܠܠܹܬ̣ ܒܐܲܬ̣ܪܵܐ ܕܐܲܪܥܵܐ ܚܸܫܘܿܟ݂ܬܵܐ: ܘܠܵܐ ܐܸܡ̇ܪܹܬ̣ ܠܙܲܪܥܵܐ ܕܝܲܥܩܘܿܒ̣ ܕܲܣܪܝܼܩܵܐܝܼܬ̣ ܒܥܵܐܘܼܢܝ ܕܐܸܢܵܐ ܐ̄ܢܵܐ ܡܵܪܝܵܐ ܕܲܡܡܲܠܸܠ ܐ̄ܢܵܐ ܙܲܕ̇ܝܼܩܘܼܬ̣ܵܐ: ܘܲܡܚܵܘܸܐ ܐ̄ܢܵܐ ܬܪܝܼܨܘܼܬ̣ܵܐ. |
[No book] |
| [20]ܐܸܬ̣ܟܲܢܲܫܘ: ܘܬ̣ܵܘ: ܘܐܸܬ̣ܩܲܪܲܒ̣ܘ ܐܲܟ݂ܚ̄ܕ݂ܵܐ: ܐܲܝܠܹܝܢ ܕܡܸܬ̣ܦܲܨܹܝܢ ܡ̣ܢ ܥܲܡܡܹ̈ܐ. ܘܠܵܐ ܝܸܕ݂ܥ̣ܘ ܕܲܫܩܲܠܘ ܩܲܝܣܵܐ ܓܠܝܼܦܵܐ ܘܨܲܠܝܼܘ ܠܐܲܠܵܗܵܐ ܕܠܵܐ ܦܵܪܹܩ. |
[No book] |
| [21]ܚܵܘܵܘ ܘܲܩܪܘܿܒ̣ܘ: ܘܐܸܬ̣ܡܲܠܲܟ݂ܘ ܐܲܟ݂ܚ̄ܕ݂ܵܐ. ܡܲܢܘܼ ܐܲܫܡܲܥ ܗܵܕܹܐ ܡ̣ܢ ܩܕ݂ܝܼܡ. ܘܡ̣ܢ ܪܹܫܝܼܬ̣ܵܐ ܐܸܢܵܐ ܐ̄ܢܵܐ ܡܵܪܝܵܐ. ܘܠܲܝܬ̇ ܬܘܼܒ̣ ܐܲܠܵܗ ܠܒܲܪ ܡܹܢܝ. ܐܲܠܵܗܵܐ ܙܲܕ̇ܝܼܩܵܐ ܘܦܵܪܘܿܩܵܐ: ܘܠܲܝܬ̇ ܠܒܲܪ ܡܹܢܝ. |
[No book] |
| [22]ܐܸܬ̣ܩܲܪܲܒ̣ܘ ܠܘܵܬ̣ܝ ܟܠܟ݂ܘܿܢ ܥܸܒ̣ܪܹ̈ܝܗ̇ ܕܐܲܪܥܵܐ: ܕܬܸܬ̣ܦܲܪܩܘܼܢ ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ: ܘܠܲܝܬ̇ ܬܘܼܒ̣. |
[No book] |
| [23]ܒܝܼ ܝܼܡ̇ܝܼܬ̣: ܘܢܸܦܩܲܬ̤ ܡ̣ܢ ܦܘܼܡܝ ܡܸܠܬ̣ܵܐ ܕܙܲܕ̇ܝܼܩܘܼܬ̣ܵܐ: ܘܠܵܐ ܬܸܗܦܘܿܟ݂ ܕܠܝܼ ܬܸܟ̇ܘܿܦ ܟܠ ܒܪܘܿܟ ܘܒ̣ܝܼ ܢܹܐܡܸܐ ܟܠ ܠܸܫܵܢ. |
[No book] |
| [24]ܘܢܹܐܡܪܘܿܢ ܒܡܵܪܝܵܐ ܗ̄ܝܼ ܙܲܕ̇ܝܼܩܘܼܬ̣ܵܐ. ܘܥܲܫܝܼܢܹ̈ܐ ܠܘܵܬܹܗ ܢܹܐܙ̄ܠܘܼܢ. ܘܢܸܒ̣ܗ̱ܬ̣ܘܼܢ ܟܠ ܕܣܵܩܪܝܼܢ ܠܵܟ݂. |
[No book] |
| [25]ܒܝܼ ܢܸܫܬܲܒܲܚ ܘܢܸܙܕܲܕܲܩ ܟܠܹܗ ܙܲܪܥܹܗ ܕܝܼܣܪܵܝܹܠ. |
[No book] |