➖ »
«
➖ ➕
Peshitta OT
PesOT
The Acts of Thomas
ActThom
←
Isaiah
Isa
46
→
[1]ܢܦܲܠ̣ ܒܹܝܠ: ܘܐܸܣܬ̇ܚܸܦ ܢܒ̣ܘܿ ܘܲܗܘ̤ܵܘ ܦܬܲܟ݂ܪ̈ܲܝܗܘܿܢ ܓܠܝܼܦܹ̈ܐ ܛܲܥܢܹ̈ܐ ܥܕ݂ܝܼ̈ܕܹܐ: ܠܚܲܝ̄ܘܼܬ̣ܵܐ ܘܠܲܒ̣ܥܝܼܪܵܐ ܟܦܲܢܬܵܐ. [No book]
[2]ܐܸܣܬ̇ܚܸܦܘ ܘܲܢܦܲܠܘ ܐܲܟ݂ܚ̄ܕ݂ܵܐ. ܘܠܵܐ ܐܸܫܟܲܚܘ ܠܲܡܫܵܘܙܒ̣ܵܘܼ ܛܵܥܘܿܢܲܝ̈ܗܘܿܢ ܘܐܸܙܲܠ ܒܫܸܒ̣ܝܵܐ ܢܲܦ̮̈ܫܵܬ̣ܗܘܿܢ. [No book]
[3]ܫܘܼܡܥܘܼܢܝ ܝܒܹܝܬ̣ ܝܲܥܩܘܿܒ̣: ܘܟ݂ܠܹܗ ܫܲܪܟܹ̇ܗ ܕܝܼܣܪܵܝܹܠ ܕܡܸܫܬܲܩܠܝܼܢ ܒܟܲܪܣܵܐ: ܘܡܸܫܬܲܩܠܝܼܢ ܒܡܲܪܒ̇ܥܵܐ. [No book]
[4]ܥܕܲܡܵܐ ܠܣܲܝܒ̇ܘܼܬ̣ܵܐ ܐܸܢܵܐ ܗ̄ܘܼ ܘܲܥܕܲܡܵܐ ܠܩܲܫܝܼܫܘܼܬ̣ܵܐ ܐܸܢܵܐ ܐܸܣܒ̇ܘܿܠ ܐܸܢܵܐ ܥܸܒ̣ܕܹ̇ܬ̣: ܘܐܸܢܵܐ ܐܸܫܩܘܿܠ ܘܐܸܢܵܐ ܐܸܣܒ̇ܘܿܠ ܘܐܹܦܲܨܹܐ. [No book]
[5]ܠܡܲܢ ܕܲܡܝܼܬ̇ܘܿܢܵܢܝ ܘܦܲܚܸܡ̣ܬ̇ܘܿܢܵܢܝ. [No book]
[6]ܠܲܕ݂ܛܵܥܹ̇ܝܢ ܘܡܲܦܩܝܼܢ ܕܲܗܒ̣ܵܐ ܡ̣ܢ ܟܝܼܣܲܝ̈ܗܘܿܢ ܘܣܹܐܡܵܐ ܒܡܲܣܲܐܬ̣ܵܐ ܬܵܩ̇ܠܝܼܢ. ܘܐܵܓ̣ܪܝܼܢ ܩܲܢܝܵܢܵܐ. ܘܥܵܒ̣ܕ̇ܝܼܢ ܐܲܠܵܗܵܐ ܘܣܵܓ̣ܕܝܼܢ ܠܹܗ: ܘܐܵܦ ܡܨܲܠܹܝܢ ܠܹܗ. [No book]
[7]ܘܫܵܩܠܝܼܢ ܠܹܗ ܥܲܠ ܟܲܬ̣ܦܬ̣̈ܗܘܿܢ: ܘܲܡܗܲܠܟ݂ܝܼܢ ܠܹܗ. ܘܣܵܝܡܝܼܢ ܠܹܗ ܥܲܠ ܕܘܼܟ̇ܬܹܗ. ܘܠܵܐ ܡܸܫܟܲܚ ܠܲܡܩܵܡ ܡ̣ܢ ܕܘܼܟ̇ܬܹܗ ܘܐܵܦ ܡܨܲܠܹܝܢ ܠܹܗ: ܘܠܵܐ ܥܵܢܹ̇ܐ ܠܗܘܿܢ. ܘܠܵܐ ܦܵܪܹܩ ܠܗܘܿܢ ܡ̣ܢ ܐܘܼܠܨܵܢܲܝ̈ܗܘܿܢ. [No book]
[8]ܐܸܬ̇ܕܲܟ݂ܪܘ ܗܵܠܹܝܢ ܘܐܸܬ̣ܒܲܝܲܢܘ ܘܐܲܝܬܵܘ ܥܵܘܿܠܹ̈ܐ ܥܲܠ ܠܸܒ̇ܟ݂ܘܿܢ. [No book]
[9]ܐܸܬܲܕܲܟ݂ܪܘ ܩܲܕ݂ܡܵـ̈ـܝܵܬ̣ܵܐ ܕܡ̣ܢ ܥܵܠܲܡ. ܕܐܸܢܵܐ ܐ̄ܢܵܐ ܐܲܠܵܗܵܐ: ܘܠܲܝܬ̇ ܬܘܼܒ̣ ܐܲܠܵܗ: ܘܠܲܝܬ̇ ܐܲܟ݂ܘܵܬ̣ܝ. [No book]
[10]ܘܲܡܚܵܘܸܐ ܐ̄ܢܵܐ ܡ̣ܢ ܪܹܫܝܼܬ̣ܵܐ ܐ̄ܚܪ̈ܵܝܬܵܐ: ܘܡ̣ܢ ܩܕ݂ܝܼܡ ܐܲܝܠܹܝܢ ܕܠܵܐ ܐܸܬ̣ܥ̱ܒܸܕ݂ ܐܵܡܲܪ ܐ̄ܢܵܐ. ܬܲܪܥܝܼܬܝ ܡܩܝܼܡ ܐ̄ܢܵܐ. ܘܟ݂ܠܹܗ ܨܸܒ̣ܝܵܢܝ ܥܵܒܹ̇ܕ݂ ܐ̄ܢܵܐ. [No book]
[11]ܩܵܪܹܐ ܐ̄ܢܵܐ ܡ̣ܢ ܡܲܕ݂ܢ̄ܚܵܐ ܛܲܝܪܵܐ: ܘܡ̣ܢ ܐܲܪܥܵܐ ܪܲܚܝܼܩܬܵܐ ܓܲܒ̣ܪܵܐ ܕܬܲܪܥܝܼܬ̣ܝ. ܐܸܢܵܐ ܡܡܲܠܸܠ ܐ̄ܢܵܐ: ܐܵܦ ܡܲܝܬܹܐ ܐ̄ܢܵܐ. ܓܸܒ̣ܠܹ̇ܬ̣: ܐܵܦ ܥܵܒܸܕ݂ ܐ̄ܢܵܐ. [No book]
[12]ܫܘܼܡܥܘܼܢܝ ܥܲܫܝܼ̈ܢܲܝ ܠܸܒܵܐ: ܪ̈ܲܚܝܼܩܲܝ ܡ̣ܢ ܙܲܕ̇ܝܼܩܘܼܬ̣ܵܐ. [No book]
[13]ܩܸܪܒܲܬ̤ ܙܲܕ̇ܝܼܩܘܼܬ̣ܝ ܠܡܹܐܬ̣ܵܐ: ܘܦܘܼܪܩܵܢܝ ܠܵܐ ܢܵܘܚܲܪ ܘܐܸܬܸ̇ܠ ܒܨܸܗܝܘܿܢ ܦܘܼܪܩܵܢܵܐ: ܘܠܝܼܣܪܵܝܹܠ ܬܸܫܒ̇ܘܿܚܬ̇ܝ. [No book]
 
Top