|
|
| [1]Confractus est Bel, contritus est Nabo; facta sunt simulacra eorum bestiis et jumentis, onera vestra gravi pondere usque ad lassitudinem. |
[No book] |
| [2]Contabuerunt, et contrita sunt simul; non potuerunt salvare portantem, et anima eorum in captivitatem ibit. |
[No book] |
| [3]Audite me, domus Jacob, et omne residuum domus Israël; qui portamini a meo utero, qui gestamini a mea vulva. |
[No book] |
| [4]Usque ad senectam ego ipse, et usque ad canos ego portabo; ego feci, et ego feram; ego portabo, et salvabo. |
[No book] |
| [5]Cui assimilastis me, et adæquastis, et comparastis me, et fecistis similem? |
[No book] |
| [6]Qui confertis aurum de sacculo, et argentum statera ponderatis, conducentes aurificem ut faciat deum, et procidunt, et adorant. |
[No book] |
| [7]Portant illum in humeris gestantes, et ponentes in loco suo, et stabit, ac de loco suo non movebitur; sed et cum clamaverint ad eum, non audiet; de tribulatione non salvabit eos. |
[No book] |
| [8]Mementote istud, et confundamini; redite, prævaricatores, ad cor. |
[No book] |
| [9]Recordamini prioris sæculi, quoniam ego sum Deus, et non est ultra Deus nec est similis mei. |
[No book] |
| [10]Annuntians ab exordio novissimum, et ab initio quæ necdum facta sunt, dicens: Consilium meum stabit, et omnis voluntas mea fiet. |
[No book] |
| [11]Vocans ab oriente avem, et de terra longinqua virum voluntatis meæ; et locutus sum, et adducam illud; creavi et faciam illud. |
[No book] |
| [12]Audite me, duro corde, qui longe estis a justitia. |
[No book] |
| [13]Prope feci justitiam meam, non elongabitur, et salus mea non morabitur. Dabo in Sion salutem, et in Israël gloriam meam. |
[No book] |