➖ »
«
➖ ➕
Epistle to the Laodiceans (Latin)
Lao[LA]
Peshitta OT
PesOT
←
Isaiah
Isa
50
→
[No book] [1]ܗܵܟܲܢܵܐ ܐܵܡܲܪ ܡܵܪܝܵܐ: ܐܲܝܢܵܘ ܟܬ̣ܵܒ̣ܵܐ ܕܫܘܼܒ̣ܩܵܢܵܐ ܕܫܸܒ̣ܩܹ̇ܬ̣ ܠܐܸܡܟ݂ܘܿܢ. ܐܵܘ ܡܲܢܘܼ ܡܵܪܹܐ ܚܵܘܒܲܬ̣ܝ ܕܙܲܒܸ̇ܢܬ̇ܟ݂ܘܿܢ ܠܹܗ. ܗܵܐ ܒܲܚܛܵܗܲܝ̈ܟ̇ܘܿܢ ܐܸܙܕܲܒܲܢ̣ܬ̇ܘܿܢ. ܘܲܒ̣ܥܵܘܼܠܟ݂ܘܿܢ ܐܸܫܬܲܒ̣ܩܲܬ̤ ܐܸܡܟ݂ܘܿܢ.
[No book] [2]ܠܡܵܢܵܐ ܐܹܬܹܝ̇ܬ̣: ܘܠܲܝܬ̇ ܐ̄ܢܵܫ ܘܲܩܪܹܝܬ̣ ܘܠܲܝܬ̇ ܕܥܵܢܹ̇ܐ ܚܨܵܕ݂ܵܐ ܚܸܨܕܲܬ̤ ܐܝܼܕ݂ܝ ܘܦܸܕܲܬ̤ ܐܵܘ ܠܲܝܬ̇ ܒܝܼ ܚܲܝܠܵܐ ܠܲܡܦܲܨܵܝܘܼ ܗܵܐ ܒܲܟ݂ܐܵܬ̣ܝ ܡܲܚܪܸܒ̣ ܐ̄ܢܵܐ ܝܲܡܵܐ. ܘܥܵܒܹ̇ܕ݂ ܐ̄ܢܵܐ ܢܲܗܪ̈ܵܘܵܬ̣ܵܐ ܐܲܝܟ݂ ܡܲܕ݂ܒ̇ܪܵܐ: ܘܣܵܪܹܝܢ ܢܘܼܢܲܝ̈ܗܘܿܢ ܡ̣ܢ ܒܠܲܝ ܡܲـ̈ـܝܵܐ: ܘܡܵܝܬ̇ܝܼܢ.
[No book] [3]ܘܡܲܠܒܸ̇ܫ ܐ̄ܢܵܐ ܠܲܫܡܲܝܵܐ ܚܸܫܘܿܟ݂ܵܐ. ܘܣܲܩܵܐ ܥܵܒܹ̇ܕ݂ ܐ̄ܢܵܐ ܬܲܟ݂ܣܝܼܬܗܘܿܢ.
[No book] [4]ܡܵܪܝܵܐ ܐܲܠܵܗܵܐ ܝܲܗ̄ܒ̣ ܠܝܼ ܠܸܫܵܢܵܐ ܕܝܘܼܠܦܵܢܵܐ. ܕܐܵܘܕܲܥ ܘܐܹܚܵܘܸܐ ܠܲܡܛܲܪ̈ܦܹܐ ܡܸܠܬ̣ܵܐ. ܐܲܥܝܪ ܒܨܲܦܪܵܐ. ܒܨܲܦܪܵܐ ܢܸܥܒܸ̇ܕ݂ ܠܝܼ ܐܸܕ݂ܢܹ̈ܐ ܠܡܸܫܡܲܥ ܝܘܼܠܦܵܢܵܐ.
[No book] [5]ܡܵܪܝܵܐ ܐܲܠܵܗܵܐ ܦ̣ܬܲܚ ܠܝܼ ܐܸܕ݂ܢܹ̈ܐ. ܘܐܸܢܵܐ ܠܵܐ ܗܸܦ̣ܟܹ̇ܬ̣ ܠܒܸܣܬܲܪܝ: ܐܵܦܠܵܐ ܩܵܡܹ̇ܬ̣ ܒܚܸܪܝܵܢܵܐ.
[No book] [6]ܓܘܼܫܡܝ ܝܸܗ̄ܒܹ̇ܬ̣ ܠܡܲܚ̈ܘܵܬ̣ܵܐ: ܘܦܲܟܲܝ̈ ܠܫܘܼ̈ܩܵܦܹܐ. ܘܐܲܦܲܝ̈ ܠܵܐ ܐܲܦܢܝܼܬ̣ ܡ̣ܢ ܒܸܗܬ̇ܬ̣ܵܐ ܘܡ̣ܢ ܪܘܼܩܵܐ.
[No book] [7]ܘܡܵܪܝܵܐ ܐܲܠܵܗܵܐ ܥܲܕ̇ܪܲܢܝ. ܡܸܛܠ ܗܵܢܵܐ ܠܵܐ ܒܸܗ̇ܬܹ̇ܬ̣: ܡܸܛܠ ܗܵܢܵܐ ܥܸܒ̣ܕܹ̇ܬ̣ ܐܲܦܲܝ̈ ܐܲܝܟ݂ ܟܹܐܦܵܐ: ܘܝܸܕ݂ܥܹ̇ܬ̣ ܕܠܵܐ ܒܵܗܹ̇ܬ̣ ܐ̄ܢܵܐ.
[No book] [8]ܕܩܲܪܝܼܒ̣ ܗ̄ܘܼ ܡܙܲܕ̇ܩܵܢܝ. ܡܲܢܘܼ ܕܕ݂ܵܐܹ̇ܢ ܥܲܡܝ: ܢܩܘܼܡ ܐܲܟ݂ܚ̄ܕ݂ܵܐ. ܐܵܘ ܡܲܢܘܼ ܒܥܸܠ ܕܝܼܢܝ: ܢܸܬ̣ܩܲܪܲܒ̣ ܠܘܵܬ̣ܝ.
[No book] [9]ܗܵܐ ܡܵܪܝܵܐ ܐܲܠܵܗܵܐ ܡܥܲܕܲܪ ܠܝܼ: ܡܲܢܘܼ ܡܚܲܝܸܒ̣ ܠܝܼ. ܗܵܐ ܟܠܗܘܿܢ ܐܲܝܟ݂ ܠܒ̣ܘܼܫܵܐ ܒܵܠܹ̇ܝܢ: ܘܣܵܣܵܐ ܢܹܐܟ݂ܘܼܠ ܐܸܢܘܿܢ.
[No book] [10]ܡܲܢܘܼ ܒܟ݂ܘܿܢ ܕܕ݂ܵܚܹ̇ܠ ܡ̣ܢ ܡܵܪܝܵܐ: ܢܸܫܡܲܥ ܒܩܵܠܵܐ ܕܥܲܒ̣ܕܹ̇ܗ ܕܲܡܗܲܠܸܟ݂ ܒܚܸܫܘܿܟ݂ܵܐ: ܘܠܲܝܬ̇ ܠܹܗ ܢܘܼܗܪܵܐ. ܢܣܲܒܲܪ ܒܲܫܡܹܗ ܕܡܵܪܝܵܐ: ܘܢܸܬ̣ܦܪܸܩ ܒܐܲܠܵܗܹܗ.
[No book] [11]ܗܵܐ ܟܠܟ݂ܘܿܢ ܫܵܒ̣ܩܲܝ̈ ܢܘܼܪܵܐ ܐܲܢ̄ܬ̇ܘܿܢ: ܘܲܡܓ̣ܵܘ̈ܙܠܲܝ ܫܲܠܗܹܒ̣ܝܼܬ̣ܵܐ. ܙܸܠܘ ܒܙܲܗܪܵܐ ܕܢܘܼܪܟ݂ܘܿܢ: ܘܲܒ̣ܫܲܠܗܹܒ̣ܝܼܬ̣ܵܐ ܕܓ̣ܵܘܙܲܠܬ̇ܟ݂ܘܿܢ. ܡ̣ܢ ܐܝܼܕܲܝ̈ ܗ̤ܘܵܬ̣ܟ݂ܘܿܢ ܗܵܕܹܐ: ܕܲܒ̣ܟܲܪܝܘܼܬ̣ܵܐ ܬܸܕ݂ܡ̱ܟ݂ܘܼܢ.
 
Top