➖ »
«
➖ ➕
Peshitta OT
PesOT
Peshitta NT (Khabouris)
PesNT(Kha)
←
Isaiah
Isa
53
→
[1]ܡܲܢ ܗܲܝܡܸܢ ܠܫܸܡܥܲܢ. ܘܲܕ݂ܪܵܥܹܗ ܕܡܵܪܝܵܐ ܠܡܲܢ ܐܸܬ̣ܓ̇ܠܝܼ. [No book]
[2]ܣܠܸܩ̣ ܐܲܝܟ݂ ܝܲܠܘܼܕ݂ܵܐ ܩܕ݂ܵܡܵܘܗܝ: ܘܐܲܝܟ݂ ܥܸܩܵܪܵܐ ܡ̣ܢ ܐܲܪܥܵܐ ܨܗܝܼܬ̣ܵܐ ܠܲܝܬ̇ ܗ̄ܘܼܵܐ ܠܹܗ ܚܸܙܘܵܐ: ܘܠܵܐ ܙܝܼܘܵܐ ܘܲܚܙܲܝܢܵܝܗܝ ܕܠܲܝܬ̇ ܗ̄ܘܼܵܐ ܠܹܗ ܚܸܙܘܵܐ ܘܕܲܓܸܠܢܵܝܗܝ. [No book]
[3]ܫܝܼܛܵܐ ܘܡܲܟ̇ܝܼܟ݂ܵܐ ܕܐ̄ܢܵܫܵܐ: ܓܲܒ̣ܪܵܐ ܗ̄ܘܼ ܕܟܹܐܒܹ̈ܐ: ܘܝܵܕܲܥ ܚܲܫܹ̈ܐ. ܐܲܦܢܝܼܢ ܐܲܦܝܼ̈ܢ ܡܸܢܹܗ. ܘܫܵܛܢܵܝܗܝ ܘܠܵܐ ܚ̣ܫܲܒ̣ܢܵܝܗܝ. [No book]
[4]ܫܲܪܝܼܪܵܐܝܼܬ̣ ܚܲܫܲܝ̈ܢ ܗ̤ܘ ܣܲܝܒܲܪ ܘܟܹܐܒܲܝ̈ܢ ܗ̤ܘ ܣ̣ܒܲܠ. ܘܲܚܢܲܢ ܚܫܲܒ̣ܢܵܝܗܝ ܟܬ̣ܝܼܫܵܐ: ܘܲܡܡܲܚܝܵܐ ܕܐܲܠܵܗܵܐ: ܘܲܡܡܲܟ̇ܟ݂ܵܐ. [No book]
[5]ܗ̤ܘ ܡ̣ܬ̣ܩܛܸܠ ܡܸܛܠ ܚܛܵܗܲܝ̈ܢ. ܘܡܸܬ̣ܡܲܟܲܟ݂ ܡܸܛܠ ܥܵܘܼܠܲܢ ܡܲܪܕ̇ܘܼܬ̣ܵܐ ܕܲܫܠܵܡܲܢ ܥܠܵܘܗܝ. ܘܲܒ̣ܫܘܼ̈ܡܵܬܹܗ ܢܸܬ̣ܐܲܣܹܐ. [No book]
[6]ܟܠܲܢ ܐܲܝܟ݂ ܥܵـ̈ـܢܵܐ ܛܥܲܝܢ. ܘܐ̄ܢܵܫ ܠܣܸܛܪܹܗ ܦܢܲܝܢ ܘܡܵܪܝܵܐ ܐܲܦ̮ܓܲܥ ܒܹܗ ܚܛܵܗܹ̈ܐ ܕܟ݂ܠܲܢ. [No book]
[7]ܩ̣ܪܸܒ̣ ܘܐܸܬ̣ܡܲܟܲܟ݂: ܘܠܵܐ ܦ̣ܬܲܚ ܦܘܼܡܹܗ. ܐܲܝܟ݂ ܐܸܡܪܵܐ ܠܢܸܟ݂ܣܬ̣ܵܐ ܐܸܬ̇ܕܲܒܲܪ. ܘܐܲܝܟ݂ ܢܸܩܝܵܐ ܩܕ݂ܵܡ ܓܵܙܘܿܙܵܐ ܫܲܬ̣ܝܼܩ ܗ̄ܘܼܵܐ: ܘܠܵܐ ܦ̣ܬܲܚ ܦܘܼܡܹܗ. [No book]
[8]ܘܡ̣ܢ ܚܒ̣ܘܼܫܝܵܐ ܘܡ̣ܢ ܕܝܼܢܵܐ ܐܸܬ̇ܕ̇ܒܲܪ ܘܕ݂ܵܪܹܗ ܡܲܢܘܼ ܢܸܫܬܲܥܸܐ. ܡܸܛܠ ܕܐܸܬ̣ܓܲܙܲܪ ܡ̣ܢ ܐܲܪܥܵܐ ܕܚܲܝܹ̈ܐ: ܘܡ̣ܢ ܥܵܘܿܠܹ̈ܐ ܕܥܲܡܝ ܩ̣ܪܸܒ̣ܘ ܠܹܗ. [No book]
[9]ܝܲܗ̄ܒ̣ ܪܲܫܝܼܥܵܐ ܩܲܒ̣ܪܹܗ: ܘܥܲܬ̇ܝܼܪܵܐ ܒܡܵܘܬܹ̇ܗ ܥܲܠ ܕܠܵܐ ܥ̣ܒܲܕ݂ ܥܵܘܼܠܵܐ: ܘܠܲܝܬ̇ ܢܸܟ݂ܠܵܐ ܒܦܘܼܡܹܗ. [No book]
[10]ܘܡܵܪܝܵܐ ܨܒ̣ܵܐ ܕܲܢܡܲܟ̇ܟ݂ܝܼܘܗܝ ܘܢܲܚܫܝܼܘܗܝ ܐܸܬ̇ܬ̇ܣܝܼܡ ܚܛܵܗܵܐ ܒܢܲܦ̮ܫܹܗ. ܕܢܸܚܙܹܐ ܙܲܪܥܵܐ: ܘܢܲܓܲܪ ܝܵܘ̈ܡܵܬ̣ܵܐ. ܘܨܸܒ̣ܝܵܢܹܗ ܕܡܵܪܝܵܐ ܒܐܝܼܕܹܗ ܢܲܨܠܲܚ. [No book]
[11]ܘܡ̣ܢ ܥܲܡܠܵܐ ܕܢܲܦ̮ܫܹܗ ܢܸܚܙܹܐ: ܘܲܢܣܲܒܲܥ ܒܝܼܕܲܥܬ̣ܵܐ: ܘܲܢܙܲܟܸ̇ܐ ܠܙܲܕ̇ܝܼܩܹ̈ܐ. ܥܲܒ̣ܕܵܐ ܗ̄ܘܼ ܕܣܲܓ̇ܝܼ̈ܐܹܐ. ܘܲܚܛܵܗܲܝ̈ܗܘܢ ܗ̤ܘ ܢܸܣܒ̇ܘܿܠ. [No book]
[12]ܡܸܛܠ ܗܵܢܵܐ ܐܹܦܲܠܓ̣ܝܼܘܗܝ ܒܣܲܓ̇ܝܼ̈ܐܹܐ. ܘܲܠܥܲܫܝܼܢܹ̈ܐ ܢܦܲܠܸܓ̣ ܒܸܙܬ̣ܵܐ. ܚܠܵܦ ܕܲܫܕ݂ܵܐ ܢܲܦ̮ܫܹܗ ܠܡܵܘܬܵܐ: ܘܥܲܡ ܥܵܘܿܠܹ̈ܐ ܐܸܬ̣ܡ̱ܢܝ ܘܗ̤ܘ ܚܛܵܗܹ̈ܐ ܕܣܲܓ̇ܝܼ̈ܐܹܐ ܫ̣ܩܲܠ: ܘܲܒ̣ܥܵܘܿܠܹ̈ܐ ܦܓܲܥ. [No book]
 
Top