➖ »
«
➖ ➕
Peshitta OT
PesOT
Greek Textus Receptus (1550/1894)
TR GNT
←
Isaiah
Isa
54
→
[1]ܫܲܒܲܚܝ ܥܩܲܪܬ̣ܵܐ ܕܠܵܐ ܝܸܠܕܲܬ̤ ܘܐܸܬ̣ܦܲܨ̄ܚܝ ܒܬܸܫܒ̇ܘܿܚܬܵܐ: ܘܕ݂ܘܼܨܝ ܠܵܐ ܚܲܒ̇ܠܲܬ̤. ܡܸܛܠ ܕܲܣܓ̣ܝܼܘ ܒܢܹ̈ܝܗ̇ ܕܨܵܕ݂ܝܼܬ̣ܵܐ: ܝܲܬ̇ܝܼܪ ܡ̣ܢ ܒܢܹ̈ܝܗ̇ ܕܲܒ̣ܠܝܼܠܬܵܐ: ܐܵܡܲܪ ܡܵܪܝܵܐ. [No book]
[2]ܐܲܦ̮ܬܵܝ ܐܲܬ̣ܪܵܐ ܕܡܲܫܟ̇ܢܲܝ̈ܟ̇ܝ. ܘܝܵܪ̈ܝܼܥܵܬ̣ܵܐ ܕܡܲܫܟ̇ܢܲܝ̈ܟܝ ܡܬ̣ܘܿܚܝ: ܘܠܵܐ ܬܚܘܼܣܝܼܢ. ܐܵܘܪܸܟ݂ܝ ܛܘܼܢܒܲܝ̈ܟ̇ܝ ܘܣܸܟܲܝ̈ܟ̇ܝ ܫܲܪܲܪܝ. [No book]
[3]ܡܸܛܠ ܕܲܠܝܲܡܝܼܢܵܐ ܘܲܠܣܸܡܵܠܵܐ ܬܸܣܓܹ̇ܝܢ. ܘܙܲܪܥܹܟ݂ܝ ܢܹܐܪܲܬ̣ ܥܲܡܡܹ̈ܐ. ܘܩܘܼܪ̈ܝܵܐ ܕܨܵܕ݂̈ܝܵܢ ܢܵܘܬ̇ܒ̣ܘܿܢ. [No book]
[4]ܠܵܐ ܬܸܕ݂ܚ̄ܠܝܼܢ ܡܸܛܠ ܕܠܵܐ ܒܵܗ̇ܬܲܬ̇ܝ. ܘܠܵܐ ܬܸܬܲܟ݂ܣܝܼܢ: ܡܸܛܠ ܕܠܵܐ ܡܲܚܦܪܲܬ̇ܝ. ܡܸܛܠ ܕܒܸܗܬ̇ܬ̣ܵܐ ܕܛܲܠܝܘܼܬܹܟ݂ܝ ܬܸܛܥܹܝܢ: ܘܚܸܣܕܵܐ ܕܐܲܪܡܠܘܼܬܹܟ݂ܝ ܬܘܼܒ̣ ܠܵܐ ܬܸܬ̇ܕܲܟ݂ܪܝܼܢ. [No book]
[5]ܡܸܛܠ ܕܡܵܪܹܟ݂ܝ ܥܵܒܹ̇ܕ݂ ܠܹܟ݂ܝ ܗܵܟܲܢܵܐ: ܡܵܪܝܵܐ ܚܲܝܠܬ̣ܵܢܵܐ ܫܡܹܗ. ܘܦܵܪܘܿܩܹܟ݂ܝ ܩܲܕ̇ܝܼܫܵܐ ܕܝܼܣܪܵܝܹܠ. ܐܲܠܵܗܵܐ ܕܟ݂ܠܵܗ̇ ܐܲܪܥܵܐ ܢܸܬ̣ܩܪܸܐ. [No book]
[6]ܡܸܛܠ ܕܐܲܝܟ݂ ܕܠܲܐ̄ܢܬ̇ܬ̣ܵܐ ܫܒ̣ܝܼܩܬܵܐ ܘܥܲܝܝܼܩܲܬ̣ ܪܘܼܚܵܐ ܩܪܵܟ݂ܝ ܡܵܪܝܵܐ ܘܐܲܝܟ݂ ܐܲܢ̄ܬ̇ܬ̣ ܛܲܠܝܘܼܬ̣ܵܐ ܕܡܸܫܬܲܒ̣ܩܵܐ: ܐܵܡܲܪ ܐܲܠܵܗܹܟ݂ܝ. [No book]
[7]ܒܪܘܼܓ̣ܙܵܐ ܙܥܘܿܪܵܐ ܫܒܲܩ̇ܬܹ̇ܟ݂ܝ: ܘܲܒ̣ܪ̈ܲܚܡܲܝ ܣܲܓ̇ܝܼ̈ܐܹܐ ܐܹܟܲܢܫܹܟ݂ܝ. [No book]
[8]ܒܪܘܼܓ̣ܙܵܐ ܪܲܒܵܐ ܐܲܦܢܹ̇ܝܬ̣ ܐܲܦܲܝ̈ ܡܸܢܹܟ݂ܝ. ܘܲܒ̣ܪ̈ܲܚܡܲܝ ܕܲܠܥܵܠܲܡ ܪܲܚܡܹ̇ܬ̣ ܥܠܲܝܟ̇ܝ: ܐܵܡܲܪ ܡܵܪܝܵܐ ܦܵܪܘܿܩܹܟ݂ܝ. [No book]
[9]ܗܵܕܹܐ ܐܲܝܟ݂ ܝܵܘ̈ܡܵܬ̣ܵܐ ܗ̄ܝܼ ܠܝܼ ܕܢܘܿܚ: ܕܝܼܡ̇ܝܼܬ̣ ܕܠܵܐ ܢܸܥܒ̇ܪܘܼܢ ܬܘܼܒ̣ ܡܲـ̈ـܝܵܐ ܕܢܘܿܚ ܥܲܠ ܐܲܪܥܵܐ. ܗܵܟܲܢܵܐ ܝܼܡ̇ܝܼܬ̣ ܕܠܵܐ ܐܸܪܓܲܙ ܥܠܲܝܟ̇ܝ: ܘܠܵܐ ܐܸܟ݂ܐܹܐ ܒܟ݂ܝ. [No book]
[10]ܡܸܛܠ ܕܛܘܼܪܹ̈ܐ ܢܸܬ̣ܡܲܟ̇ܟ݂ܘܼܢ: ܘܪ̈ܵܡܵܬ̣ܵܐ ܢܸܬ̣ܪ̈ܲܟ݂ܢܵܢ. ܘܛܲܝܒ̇ܘܼܬ̣ܝ ܡܸܢܹܟ݂ܝ ܠܵܐ ܬܸܥܒܲܪ. ܘܲܩܝܵܡܵܐ ܕܲܫܠܵܡܹܟ݂ܝ ܠܵܐ ܢܸܥܒܲܪ: ܐܵܡܲܪ ܡܵܪܝܵܐ ܡܪܲܚܡܵܢܵܐ. [No book]
[11]ܡܡܲܟܲܟ݂ܬܵܐ ܘܲܡܥܲܠܥܲܠܬܵܐ ܕܠܵܐ ܐܸܬ̣ܒܲܝܐܲܬ̤. ܗܵܐ ܐܸܢܵܐ ܥܵܒܹ̇ܕ݂ ܐ̄ܢܵܐ: ܟܹܐܦܲܝ̈ܟ̇ܝ ܒܹܪ̈ܘܿܠܹܐ. ܘܐܲܬ̣ܩܸܢ ܫܲܬ̣ܐ̱ܣܲܝ̈ܟ̇ܝ ܒܟܹܐܦܹ̈ܐ ܕܣܲܦܝܼܠܵܐ. [No book]
[12]ܘܐܸܒ̣ܢܸܐ ܐܸܣܲܝ̈ܟ̇ܝ ܒܟܹܐܦܹ̈ܐ ܕܐܝܼܵܣܦܘܿܢ: ܘܬܲܪ̈ܥܲܝܟܝ ܒܟܹܐܦܹ̈ܐ ܕܲܩܪܘܿܣܛܸܠܘܿܣ: ܘܲܬ̣ܚܘܼܡܲܝ̈ܟ̇ܝ ܒܟܹܐܦܹ̈ܐ ܓܲܒ̣̈ܝܵܬ̣ܵܐ. [No book]
[13]ܘܟ݂ܠܗܘܿܢ ܒܢܲܝ̈ܟ̇ܝ ܢܸܠܦܘܼܢܵܢܝ. ܘܢܸܣܓܸ̇ܐ ܫܠܵܡܵܐ ܕܲܒ̣ܢܲܝ̈ܟ̇ܝ. [No book]
[14]ܘܲܒ̣ܙܲܕ̇ܝܼܩܘܼܬ̣ܵܐ ܬܸܬ̣ܩܢܝܼܢ. ܐܸܬ̣ܪܲܚܲܩܝ ܡ̣ܢ ܥܫܘܼܩܝܵܐ: ܡܸܛܠ ܕܠܵܐ ܬܸܕ݂ܚ̄ܠܝܼܢ. ܘܡ̣ܢ ܬܒ̣ܵܪܵܐ: ܡܸܛܠ ܕܠܵܐ ܩܵܪܹܒ̣ ܠܹܟ݂ܝ. [No book]
[15]ܘܟ݂ܠ ܕܡܸܬ̣ܦܢܹܝܢ ܡ̣ܢ ܐܝܼܕܲܝ̈: ܢܸܥܠܘܼܢ ܠܹܟ݂ܝ. ܘܬܸܗܘܹܝܢ ܒܹܝܬ̣ ܓܵܘܣܵܐ ܠܥܵܡܘܿܪ̈ܲܝܟ̇ܝ. [No book]
[16]ܗܵܐ ܐܸܢܵܐ ܒܪܹܝܬ̣ ܐܘܼܡܵܢܵܐ ܕܢܵܦܲܚ ܒܢܘܼܪܵܐ ܡܲܦܘܼܚܵܐ: ܘܓ̣ܵܡܲܪ ܡܵܐܢܵܐ ܠܲܥܒ̣ܵܕܹܗ. ܘܐܸܢܵܐ ܒܪܹܝܬ̣ ܡܚܲܒ̇ܠܵܢܵܐ ܠܲܡܚܲܒܵܠܘܼ. [No book]
17[No verse] [No book]
[18]ܟܠ ܡܵܐܢ ܕܡܸܬ̇ܬܲܩܲܢ ܥܠܲܝܟ̇ܝ: ܠܵܐ ܢܸܣܲܩ ܠܪܹܫ. ܘܟ݂ܠ ܠܫܵܢ ܕܲܢܩܘܼܡ ܥܲܡܹܟ݂ܝ ܒܕ݂ܝܼܢܵܐ: ܬܚܲܝܒ̣ܝܼܢܹܗ ܗܵܕܲܐ ܗ̄ܝܼ ܝܵܪܬ̇ܘܼܬ̣ܵܐ ܕܥܲܒ̣ܕܵܘ̈ܗܝ ܕܡܵܪܝܵܐ. ܘܙܲܕ̇ܝܼܩܘܼܬ̣ܗܘܿܢ ܡ̣ܢ ܩܕ݂ܲܡܲܝ: ܐܵܡܲܪ ܡܵܪܝܵܐ. [No book]
Author: Stephanus (1550), with variants of Scrivener (1894)
Source: unbound.biola.edu
Top