➖ »
«
➖ ➕
Peshitta OT
PesOT
The Acts of Thomas
ActThom
←
Isaiah
Isa
56
→
[1]ܗܵܟܲܢܵܐ ܐܵܡܲܪ ܡܵܪܝܵܐ. ܛܵܪܘ ܕܝܼܢܵܐ ܘܲܥܒܸܕ݂ܘ ܙܲܕ̇ܝܼܩܘܼܬ̣ܵܐ. ܡܸܛܠ ܕܩܲܪܝܼܒ̣ ܗ̄ܘܼ ܦܘܼܪܩܵܢܝ ܠܡܹܐܬ̣ܵܐ: ܘܙܲܕ̇ܝܼܩܘܼܬ̣ܝ ܠܡܸܬ̣ܓ̇ܠܵܝܘܼ. [No book]
[2]ܛܘܼܒ̣ܵܘܗܝ ܠܓܲܒ̣ܪܵܐ ܕܢܸܥܒܸ̇ܕ݂ ܗܵܕܹܐ: ܘܒܲܪܢܵܫܵܐ ܕܢܸܬ̣ܚܲܝܲܠ ܒܵܗ̇. ܘܢܸܛܲܪ ܐܵܦ ܫܲܒ̇ܬ̣ܵܐ ܕܠܵܐ ܢܲܚܠܝܼܗ̇ ܘܢܸܛܲܪ ܐܝܼܕ݂ܵܘ̈ܗܝ ܕܠܵܐ ܢܸܥܒܸ̇ܕ݂ ܕܒ̣ܝܼܫ. [No book]
[3]ܘܠܵܐ ܢܹܐܡܲܪ ܒܲܪ ܢܘܼܟ݂ܪ̈ܵܝܹܐ ܕܡܸܬ̣ܠܵܘܸܐ ܠܡܵܪܝܵܐ: ܕܡܸܦܪܲܫ ܦܵܪܹܫ ܠܝܼ ܡܵܪܝܵܐ ܡ̣ܢ ܥܲܡܹܗ. ܘܠܵܐ ܢܹܐܡܲܪ ܡܗܲܝܡܢܵܐ: ܕܩܲܝܣܵܐ ܐ̄ܢܵܐ ܝܲܒ̇ܝܼܫܵܐ. [No book]
[4]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ: ܠܲܡܗܲܝܡ̈ܢܹܐ ܕܢܵܛܪܝܼܢ ܫܲܒܲܝ̈: ܘܓ̣ܵܒܹ̇ܝܢ ܡܸܕܸ̇ܡ ܕܨܵܒܹ̇ܐ ܐ̄ܢܵܐ: ܘܡܸܬ̣ܚܲܝܠܝܼܢ ܒܲܩܝܵܡܝ. [No book]
[5]ܐܸܬܸ̇ܠ ܠܗܘܿܢ ܒܒܲܝܬ̇ܝ ܘܲܒ̣ܫܘܼܪ̈ܲܝ ܐܲܬ̣ܪܵܐ. ܘܲܫܡܵܐ ܕܛܵܒ̣ ܡ̣ܢ ܒܢܲـ̈ـܝܵܐ ܘܡ̣ܢ ܒܢܵـ̈ـܬ̣ܵܐ: ܫܡܵܐ ܕܲܠܥܵܠܲܡ ܐܸܬܸ̇ܠ ܠܗܘܿܢ ܕܠܵܐ ܓܵܡܲܪ. [No book]
[6]ܘܠܲܒ̣ܢܲܝ̈ ܢܘܼܟ݂ܪ̈ܵܝܹܐ ܕܡܸܬ̣ܠܵܘܹܝܢ ܠܡܵܪܝܵܐ ܠܲܡܫܲܡܵܫܘܼܬܹܗ: ܘܲܠܡܸܪܚܲܡ ܫܡܹܗ ܕܡܵܪܝܵܐ: ܘܲܕ݂ܢܸܗܘܘܿܢ ܠܹܗ ܥܲܒ̣̈ܕܹ̇ܐ. ܟܠ ܕܢܵܛܲܪ ܫܲܒ̇ܬ̣ܵܐ ܕܠܵܐ ܢܲܚܠܝܼܗ̇: ܘܡܸܬ̣ܚܲܠܝܼܢ ܒܲܩܝܵܡܝ. [No book]
[7]ܐܲܝܬܹ̇ܐ ܐܸܢܘܿܢ ܠܛܘܼܪܝ ܩܲܕ̇ܝܼܫܵܐ ܘܐܹܚܲܕܸ̇ܐ ܐܸܢܘܿܢ ܒܒܲܝܬܵܐ ܕܲܨܠܘܿܬ̣ܝ ܥܠܵـ̈ـܘܵܬ̣ܗܘܿܢ ܘܕܸܒ̣ܚܲܝ̈ܗܘܿܢ ܠܨܸܒ̣ܝܵܢܵܐ ܠܡܲܕ݂ܒܲܚܝ. ܡܸܛܠ ܕܒܲܝܬ̇ܝ: ܒܹܝܬ̣ ܨܠܘܿܬ̣ܵܐ ܢܸܬ̣ܩ̄ܪܸܐ: ܠܟ݂ܠܗܘܿܢ ܥܲܡܡܹ̈ܐ. [No book]
[8]ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ: ܕܲܡܟܲܢܸܫ ܠܲܡܒܲܕ̇ܪܹ̈ܐ ܕܝܼܣܪܵܝܹܠ: ܬܘܼܒ̣ ܐܹܟܲܢܸܫ ܥܠܵܘܗܝ ܠܲܡܟܲܢܵܫܹ̈ܐ. [No book]
[9]ܟܠ ܚܲܝ̄ܘܼܬ̣ܵܐ ܕܕܲܒ̣ܪܵܐ: ܬܵܝ ܐܲܟ݂ܘܿܠܝ ܠܟ݂ܠܵܗ̇ ܚܲܝ̄ܘܼܬ̣ܵܐ ܕܥܵܒ̣ܵܐ. [No book]
[10]ܚܵܙܹ̇ܝܢ ܟܠܗܘܿܢ ܥܘܝܼܪܹ̈ܐ ܘܠܵܐ ܝܵܕ݂ܥܝܼܢ. ܟܠܗܘܿܢ ܟܲܠ̈ܒܹ̇ܐ ܐܸܢܘܿܢ ܦܹܐܩܹ̈ܐ: ܘܠܵܐ ܡܸܫܟ̇ܚܝܼܢ ܠܡܸܒܲܚ. ܚܵܙܹ̇ܝܢ ܘܕ݂ܵܡ̇ܟܝܼܢ: ܘܪܵܚܡܝܼܢ ܠܲܡܢܵܡ. [No book]
[11]ܘܟܲܠ̈ܒܹ̇ܐ ܐܸܢܘܿܢ ܕܝܲܥܢܵܐ ܢܲܦ̮ܫܗܘܿܢ: ܘܠܵܐ ܝܵܕ݂ܥܝܼܢ ܠܡܸܣܒܲܥ. ܢܸܗܘܘܿܢ ܒܝܼܫܝܼܢ ܘܠܵܐ ܝܵܕ݂ܥܝܼܢ ܣܘܼܟܵܠܵܐ ܟܠܗܘܿܢ ܠܐܘܼܪܚܗܘܿܢ ܦܢܵܘ: ܘܐ̄ܢܵܫ ܠܣܸܛܪܹܗ ܘܲܠܓܲܒܹ̇ܗ. [No book]
[12]ܬܵܘ ܢܸܣܲܒ̣ ܚܲܡܪܵܐ: ܘܢܸܣܲܒ̣ ܫܲܟ݂ܪܵܐ ܘܢܸܗܘܹܐ ܐܲܝܟ݂ ܕܝܵܘܡܵܢܵܐ: ܘܢܵܘܬܲܪ ܠܲܢ ܣܘܿܓ̣ܵܐܐ ܕܛܵܒ̣. [No book]
 
Top