➖ »
«
➖ ➕
Peshitta NT (literal)
PesNT(lit)
Aleppo Codex (~920)
Alep
←
Isaiah
Isa
6
→
[No book] [1]בשנת מות המלך עזיהו ואראה את אדני ישב על כסא רם ונשא ושוליו מלאים את ההיכל
[No book] [2]שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו־ובשתים יעופף
[No book] [3]וקרא זה אל זה ואמר קדוש קדוש קדוש יהוה צבאות מלא כל הארץ כבודו
[No book] [4]וינעו אמות הספים מקול הקורא והבית ימלא עשן
[No book] [5]ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות־ראו עיני
[No book] [6]ויעף אלי אחד מן השרפים ובידו רצפה במלקחים־לקח מעל המזבח
[No book] [7]ויגע על פי־ויאמר הנה נגע זה על שפתיך וסר עונך וחטאתך תכפר
[No book] [8]ואשמע את קול אדני אמר את מי אשלח ומי ילך לנו ואמר הנני שלחני
[No book] [9]ויאמר לך ואמרת לעם הזה שמעו שמוע ואל תבינו וראו ראו ואל תדעו
[No book] [10]השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב־ורפא לו
[No book] [11]ואמר עד מתי אדני ויאמר עד אשר אם שאו ערים מאין יושב ובתים מאין אדם והאדמה תשאה שממה
[No book] [12]ורחק יהוה את האדם ורבה העזובה בקרב הארץ
[No book] [13]ועוד בה עשריה ושבה והיתה לבער כאלה וכאלון אשר בשלכת מצבת בם־זרע קדש מצבתה
Source: unbound.biola.edu
Top