|
|
| [1]ܩܘܼܡܝ ܐܲܢܗܲܪܝ ܡܸܛܠ ܕܲܡܛ̣ܵܐ ܢܘܼܗܪܹܟ݂ܝ. ܘܐܝܼܩܵܪܹܗ ܕܡܵܪܝܵܐ ܥܠܝܟ̇ܝ ܢܸܕ݂ܢܲܚ. |
[No book] |
| [2]ܡܸܛܠ ܕܗܵܐ ܚܸܫܘܿܟ݂ܵܐ ܡܟܲܣܸܐ ܠܐܲܪܥܵܐ: ܘܥܲܪܦܸܠܵܐ ܠܐܸܡܘ̈ܬ̣ܵܐ. ܘܲܥܠܲܝܟ̇ܝ ܢܸܕ݂ܢܲܚ ܡܵܪܝܵܐ. ܘܐܝܼܩܵܪܹܗ ܥܠܲܝܟ̇ܝ ܢܸܬ̣ܚ̄ܙܹܐ. |
[No book] |
| [3]ܘܢܹܐܬ̣ܘܿܢ ܥܲܡܡܹ̈ܐ ܠܢܘܼܗܪܹܟ݂ܝ: ܘܡܲܠ̈ܟܹ̇ܐ ܠܢܘܼܗܪܵܐ ܕܕܸܢܚܹܟ݂ܝ. |
[No book] |
| [4]ܐܲܪܝܼܡܝ ܥܲܝܢܲܝ̈ܟ̇ܝ ܠܲܚܕ݂ܵܪ̈ܲܝܟ̇ܝ ܘܲܚܙܵܝ ܕܟ݂ܠܗܘܿܢ ܡܸܬ̣ܟܲܢܫܝܼܢ ܘܐܵܬܹ̇ܝܢ ܠܹܟ݂ܝ. ܒܢܲܝ̈ܟ̇ܝ ܡ̣ܢ ܪܘܼܚܩܵܐ ܢܹܐܬ̣ܘܿܢ ܘܲܒ̣̈ܢܵܬܹܟ݂ܝ ܥܲܠ ܦܸܪ̈ܝܵܘܵܬ̣ܵܐ ܢܸܬ̣ܪ̈ܲܒ̇ܝܵܢ. |
[No book] |
| [5]ܗܵܝܕܹ̇ܝܢ ܬܸܚܙܹܝܢ: ܘܬܸܢܗ̱ܪܝܼܢ ܘܬܸܚܕܹ̇ܝܢ: ܘܲܢܪܘܼܚ ܠܸܒܸ̇ܟ݂ܝ. ܡܸܛܠ ܕܗܵܦܹ̇ܟ݂ ܠܹܟ݂ܝ ܥܘܼܬ̣ܪܹܗ ܕܝܲܡܵܐ. ܘܚܲܝ̈ܠܹܐ ܕܥܲܡܡܹ̈ܐ ܢܹܐܬ̣ܘܿܢ ܠܹܟ݂ܝ. |
[No book] |
| [6]ܐܲܒܲܠܬܵܐ ܕܓܲܡ̈ܠܹܐ ܬܟܲܣܹܝܟ݂ܝ ܒܘܼܟ݂ܪܹ̈ܐ ܕܡܸܕ݂ܝܲܢ ܘܕܲܐܥܦܵܐ: ܟܠܗܘܿܢ ܡ̣ܢ ܫܒ̣ܵܐ ܢܹܐܬ̣ܘܿܢ. ܕܲܗܒ̣ܵܐ ܘܲܠܒ̣ܘܿܢ̄ܬܵܐ ܢܸܫܩ̄ܠܘܼܢ ܘܬܸܫ̈ܒ̇ܚܵܬܹܗ ܕܡܵܪܝܵܐ ܢܣܲܒ̇ܪܘܼܢ. |
[No book] |
| [7]ܟܠܵܗ̇ ܥܵـ̈ـܢܵܐ ܕܩܹܕ݂ܵܪ ܢܟܲܢܫܘܼܢ ܠܹܟ݂ܝ ܘܕܸܟ݂ܪܹ̈ܐ ܕܲܢܒ̣ܵܐܘܼܬ̣ ܢܫܲܡܫܘܼܢܹܟ݂ܝ. ܘܢܸܣܩܘܼܢ ܠܨܸܒ̣ܝܵܢܵܐ ܥܲܠ ܡܲܕ݂ܒܲܚܝ ܘܒܲܝܬܵܐ ܕܬܸܫܒ̇ܘܿܚܬ̇ܝ ܐܹܫܲܒܲܚ. |
[No book] |
| [8]ܡܲܢ ܐܸܢܘܿܢ ܗܵܠܹܝܢ ܕܐܲܝܟ݂ ܥܢܵܢܹ̈ܐ ܦܵܪܚܝܼܢ: ܘܐܲܝܟ݂ ܝܵܘܢܹ̈ܐ ܠܟ݂ܵܘܲܝ̈ܗܹܝܢ. |
[No book] |
| [9]ܡܸܛܠ ܕܠܝܼ ܢܣܲܟ̇ܝܵܢ ܓܵܙܪ̈ܵܬ̣ܵܐ: ܘܐܸܠܦܹ̈ܐ ܕܬܲܪܫܝܼܫ ܐܲܝܟ݂ ܕܲܒ̣ܩܲܕ݂ܡܵܝܬܵܐ. ܠܡܲܝܬܵܝܘܼ ܒܢܲܝ̈ܟ̇ܝ ܡ̣ܢ ܪܘܼܚܩܵܐ: ܘܣܹܐܡܗܘܿܢ ܘܕܲܗ̱ܒ̣ܗܘܿܢ ܥܲܡܗܘܿܢ: ܠܲܫܡܹܗ ܕܡܵܪܝܵܐ ܐܲܠܵܗܹܟ݂ܝ: ܘܩܲܕ̇ܝܼܫܵܐ ܕܝܼܣܪܵܝܹܠ ܕܫܲܒ̇ܚܹܟ݂ܝ. |
[No book] |
| [10]ܘܢܸܒ̣ܢܘܿܢ ܒܢܲܝ̈ ܢܘܼܟ݂ܪ̈ܵܝܹܐ ܫܘܼܪ̈ܲܝܟ̇ܝ. ܘܡܲܠܟܲܝ̈ܗܘܿܢ ܢܫܲܡܫܘܼܢܹܟ݂ܝ ܡܸܛܠ ܕܲܒ̣ܪܘܼܓ̣ܙܝ ܡܚܹܝ̇ܬ̣ܟ݂ܝ. ܘܲܒ̣ܨܸܒ̣ܝܵܢܝ ܪܲܚܡܹ̇ܬ̣ ܥܠܲܝܟ̇ܝ. |
[No book] |
| [11]ܢܸܬ̣ܦܲܬ̣ܚܘܿܢ ܬܲܪ̈ܥܲܝܟ̇ܝ ܐܲܡܝܼܢܵܐܝܼܬ̣: ܒܐܝܼܡܵܡܵܐ ܘܲܒ̣ܠܸܠܝܵܐ: ܘܠܵܐ ܢܸܬ̇ܬܲܚܕ̇ܘܼܢ. ܘܢܸܥܠܘܼܢ ܠܹܟ݂ܝ ܚܲܝ̈ܠܹܐ ܕܥܲܡܡܹ̈ܐ: ܘܡܲܠܟܲܝ̈ܗܘܿܢ ܟܲܕ݂ ܕܒ̣ܝܼܪܝܼܢ. |
[No book] |
| [12]ܡܸܛܠ ܕܥܲܡܵܐ ܘܡܲܠܟ̇ܘܼܬ̣ܵܐ ܕܠܵܐ ܢܸܦ̱ܠܚܘܼܢܹܟ݂ܝ: ܢܹܐܒ̣ܕ̇ܘܼܢ ܘܥܲܡܡܹ̈ܐ ܒܚܲܪܒܵܐ ܢܸܬ̣ܚܲܪܒ̇ܘܼܢ. |
[No book] |
| [13]ܐܝܼܩܵܪܵܐ ܕܠܸܒ̣ܢܵܢ ܢܹܐܬܹܐ ܠܹܟ݂ܝ: ܒܪܘܿܬ̣ܵܐ ܗܕ݂ܝܼܪܬܵܐ ܘܫܲܪ̈ܘܲܝܢܹܐ ܐܲܟ݂ܚ̄ܕ݂ܵܐ: ܠܲܡܫܲܒܵܚܘܼܢ ܐܲܬ̣ܪܵܐ ܕܡܲܩܕܲܫܝ: ܘܠܲܐܬ̣ܪܵܐ ܕܪܸ̈ܓ̣ܠܲܝ ܐܝܼܩܵܪܝ. |
[No book] |
| [14]ܘܢܹܐܬ̣ܘܿܢ ܠܹܟ݂ܝ ܟܲܕ݂ ܡܡܲܟ̇ܟ݂ܝܼܢ ܒܢܲܝ̈ ܡܡܲܟ̇ܟ݂ܵܢܲܝ̈ܟ̇ܝ ܘܢܸܣܓ̇ܕ݂ܘܼܢ ܠܦܲܣܹ̈ܐ ܕܪܸ̈ܓ̣ܠܲܝܟ̇ܝ ܟܠܗܘܿܢ ܡܲܪ̈ܓ̇ܙܵܢܲܝܟ̇ܝ ܘܢܸܩܪܘܿܢܹܟ݂ܝ ܨܸܗܝܘܿܢ ܩܪܝܼܬܹܗ ܕܡܵܪܝܵܐ ܩܲܕ̇ܝܼܫܵܐ ܕܝܼܣܪܵܝܹܠ. |
[No book] |
| [15]ܚܠܵܦ ܕܲܗ̤ܘܲܝܬ̇ܝ ܫܒ̣ܝܼܩܬ̣ܵܐ ܘܲܣܢܝܼܐܬ̣ܵܐ ܡ̣ܢ ܒܠܲܝ ܕܥܵܒܲܪ: ܐܸܥܒ̇ܕܹܟ݂ܝ ܐܝܼܩܵܪܵܐ ܠܥܵܠܲܡ: ܘܚܲܕ݂ܘܼܬ̣ܵܐ ܠܕ݂ܵܪܕܵܪ̈ܝܼܢ. |
[No book] |
| [16]ܘܬܹܐܢܩܝܼܢ ܚܲܠܒ̣ܵܐ ܕܥܲܡܡܹ̈ܐ ܘܒܸܙܬ̣ܵܐ ܕܡܲܠ̈ܟܹ̇ܐ ܬܹܐܢܩܝܼܢ. ܘܬܸܕ̇ܥܝܼܢ ܕܐܸܢܵܐ ܐ̄ܢܵܐ ܡܵܪܝܵܐ ܦܵܪܘܿܩܹܟ݂ܝ: ܘܲܡܦܲܨܝܵܢܹܟ݂ܝ ܬܲܩܝܼܦܹܗ ܕܝܲܥܩܘܿܒ̣. |
[No book] |
| [17]ܚܠܵܦ ܢܚܵܫܵܐ ܐܲܝܬܹ̇ܐ ܕܲܗܒ̣ܵܐ. ܘܲܚܠܵܦ ܦܲܪܙܠܵܐ ܐܲܝܬܹ̇ܐ ܣܹܐܡܵܐ. ܘܲܚܠܵܦ ܩܲܝܣܹ̈ܐ ܢܚܵܫܵܐ. ܘܚܠܵܦ ܟܹܐܦܹ̈ܐ ܦܲܪܙܠܵܐ. ܘܐܸܥܒܸ̇ܕ݂ ܫܠܵܡܵܐ ܦܵܩܘܿܕܹܟ݂ܝ: ܘܫܲܠܝܼܛܹܟ݂ܝ ܙܲܕ̇ܝܼܩܘܼܬ̣ܵܐ. ܘܠܵܐ ܢܸܫܬ̇ܡܲܥ ܬܘܼܒ̣ ܥܵܘܼܠܵܐ ܒܐܲܪܥܹܟ݂ܝ |
[No book] |
| [18]ܘܒܸܙܬ̣ܵܐ ܘܲܬ̣ܒ̣ܵܪܵܐ ܒܲܬ̣ܚܘܼܡܲܝ̈ܟ̇ܝ ܘܢܸܩܪܘܿܢ ܫܘܼܪ̈ܲܝܟ̇ܝ ܦܘܼܪܩܵܢܵܐ: ܘܬܲܪ̈ܥܲܝܟ̇ܝ ܬܸܫܒ̇ܘܿܚܬܵܐ. |
[No book] |
| [19]ܘܠܵܐ ܢܸܗܘܹܐ ܠܹܟ݂ܝ ܬܘܼܒ̣ ܫܸܡܫܵܐ ܠܢܘܼܗܪܵܐ ܕܐܝܼܡܵܡܵܐ. ܘܢܘܼܗܪܹܗ ܕܣܲܗܪܵܐ ܠܵܐ ܢܸܢܗܲܪ ܠܹܟ݂ܝ. ܡܸܛܠ ܕܢܸܗܘܹܐ ܠܹܟ݂ܝ ܡܵܪܝܵܐ ܢܘܼܗܪܵܐ ܠܥܵܠܲܡ. |
[No book] |
| [20]ܘܢܸܫܠ̱ܡܘܼܢ ܝܵܘ̈ܡܵܬ̣ܵܐ ܕܐܸܒ̣ܠܹܟ݂ܝ. |
[No book] |
| [21]ܘܟ݂ܠܹܗ ܥܲܡܹܟ݂ܝ ܙܲܕ̇ܝܼܩܵܐ ܠܥܵܠܲܡ ܢܹܐܪܬ̇ܘܼܢ ܐܲܪܥܵܐ. ܢܘܼܪܒܵܐ ܕܢܸܨܒܹ̇ܬ̣: ܥܒ̣ܵܕ݂ ܐܝܼ̈ܕܲܝ ܢܸܫܬܲܒܲܚ. |
[No book] |
| [22]ܙܥܘܿܪܵܐ ܢܸܗܘܹܐ ܒܐܲܠܦܹ̈ܐ: ܘܲܒ̣ܨܝܼܪܵܐ ܒܥܲܡܵܐ ܥܲܫܝܼܢܵܐ ܐܸܢܵܐ ܡܵܪܝܵܐ ܠܙܲܒ̣ܢܹܗ ܐܸܛܪܝܼܘܗܝ. |
[No book] |