➖ »
«
➖ ➕
Peshitta OT
PesOT
The Book of Enoch (1917)
1Eno(Cha)
←
Isaiah
Isa
62
→
[1]ܡܸܛܠ ܨܸܗܝܘܿܢ ܠܵܐ ܐܸܫܬ̇ܘܿܩ ܘܡܸܛܠ ܐܘܿܪܸܫܠܸܡ ܠܵܐ ܐܸܫܠܸܐ ܥܕܲܡܵܐ ܕܬܸܦܘܿܩ ܙܲܕ̇ܝܼܩܘܼܬ̣ܵܗ̇ ܐܲܝܟ݂ ܢܘܼܗܪܵܐ: ܘܦܘܼܪܩܵܢܵܗ̇ ܐܲܝܟ݂ ܠܲܡܦܹܝܕ݂ܵܐ ܢܸܕ݂ܠܲܩ. [No book]
[2]ܘܢܸܚܙܘܿܢ ܥܲܡܡܹ̈ܐ ܙܲܕ̇ܝܼܩܘܼܬܹܟ݂ܝ: ܘܟ݂ܠܗܘܿܢ ܡܲܠ̈ܟܹ̇ܐ ܐܝܼܩܵܪܹܟ݂ܝ. ܘܢܸܬ̣ܩܪܸܐ ܠܹܟܝ ܫܡܵܐ ܚܲܕ݂ܬ̣ܵܐ: ܕܦܘܼܡܹܗ ܕܡܵܪܝܵܐ ܢܣܝܼܡܝܼܘܗܝ. [No book]
[3]ܘܬܸܗܘܹܝܢ ܟܠܝܼܠܵܐ ܕܬܸܫܒ̇ܘܿܚܬܵܐ ܒܐܝܼܕܹܗ ܕܡܵܪܝܵܐ: ܘܬ̣ܵܓ̣ܵܐ ܕܡܲܠܟ̇ܘܼܬ̣ܵܐ ܒܐܝܼܕܹܗ ܕܐܲܠܵܗܹܟ݂ܝ. [No book]
[4]ܘܬ̣ܘܼܒ̣ ܠܵܐ ܬܸܬ̣ܩܪܹܝܢ ܫܒ̣ܝܼܬܵܐ. ܘܐܲܪܥܹܟ݂ܝ ܬܘܼܒ̣ ܠܵܐ ܬܸܬ̣ܩܪܸܐ ܨܵܕ݂ܝܬ̣ܵܐ. ܐܸܠܵܐ ܬܸܬ̣ܩܪܹܝܢ ܨܸܒ̣ܝܵܢܝ: ܘܐܲܪܥܹܟ݂ܝ ܒܥܝܼܠܬܵܐ. ܡܸܛܠ ܕܲܨܒ̣ܵܐ ܒܹܟ݂ܝ ܡܵܪܝܵܐ. ܘܐܲܪܥܹܟ݂ܝ ܬܸܬ̣ܒܲܥܸܠ. [No book]
[5]ܡܸܛܠ ܕܐܲܝܟ݂ ܕܒ̣ܵܥܹ̇ܠ ܓܲܕ̇ܘܼܕ݂ܵܐ ܠܲܒ̣ܬ̣ܘܼܠܬܵܐ: ܗܵܟܲܢܵܐ ܢܸܒ̣ܥ̱ܠܘܼܢܹܟ݂ܝ ܒܢܲܝ̈ܟ̇ܝ. ܘܐܲܝܟ݂ ܕܚܵܕܹ̇ܐ ܚܲܬ̣ܢܵܐ ܒܟܲܠܬ̣ܵܐ: ܢܸܚܕܸ̇ܐ ܒܹܟ݂ܝ ܐܵܠܵܗܹܟ݂ܝ. [No book]
[6]ܥܲܠ ܫܘܼܪ̈ܲܝܟ̇ܝ ܐܘܿܪܸܫܠܸܡ ܐܲܩܝܼܡܹ̇ܬ̣ ܢܵܛܘܿܪܹ̈ܐ ܟܠܝܘܿܡ: ܒܐܝܼܡܵܡܵܐ ܘܲܒ̣ܠܸܠܝܵܐ ܐܲܡܝܼܢܵܐܝܼܬ̣. ܕܠܵܐ ܢܸܫܬ̇ܩܘܼܢ: ܘܠܵܐ ܢܸܫܠܘܿܢ ܡܲܕ݂ܟ̇ܪ̈ܵܢܹܝܗ̇ ܩܕ݂ܵܡ ܡܵܪܝܵܐ. [No book]
[7]ܘܠܵܐ ܬܸܬ̇ܠܝܼܢ ܠܗܘܿܢ ܫܸܠܝܵܐ ܥܕܲܡܵܐ ܕܢܲܬ̣ܩܢܹܟ݂ܝ: ܘܲܥܕܲܡܵܐ ܕܢܲܥܒ̇ܕܹܟ݂ܝ ܐܘܿܪܸܫܠܸܡ ܬܸܫܒ̇ܘܼܚܬܵܐ ܒܐܲܪܥܵܐ. [No book]
[8]ܝܑܼܡܵܐ ܡܵܪܝܵܐ ܒܝܲܡܝܼܢܹܗ ܘܒܲܕ݂ܪܵܥܹܗ ܥܲܫܝܼܢܵܐ: ܕܠܵܐ ܐܸܬܸ̇ܠ ܬܘܼܒ̣ ܥܒ̣ܘܼܪܹܟ݂ܝ ܡܹܐܟ݂ܘܼܠܬܵܐ ܠܲܒ̣ܥܸܠܕ̇ܒ̣ܵܒܲܝ̈ܟ̇ܝ ܘܠܵܐ ܢܸܫܬ̇ܘܿܢ ܒܢܲܝ̈ ܢܘܼܟ݂ܪ̈ܵܝܹܐ ܚܲܡܪܹܟ݂ܝ ܕܲܠܐܝܼܬ̇ܝ ܒܹܗ. [No book]
[9]ܐܸܠܵܐ ܡܟܲܢܫܵܢܵܘ̈ܗܝ ܢܹܐܟ݂ܠܘܼܢܹܗ. ܘܲܢܫܲܒ̇ܚܘܼܢ ܠܡܵܪܝܵܐ. ܘܲܡܟܲܢܫܵܢܵܘ̈ܗܝ ܢܸܫܬ̇ܘܿܢܹܗ ܒܕ݂ܵܪ̈ܲܝ ܩܲܕ̇ܝܼ̈ܫܵܬ̣ܵܐ. [No book]
[10]ܥܒܲܪܘ ܥܒܲܪܘ ܒܬܲܪܥܵܐ ܦܲܢܵܘ ܐܘܼܪܚܵܐ ܠܥܲܡܵܐ. ܕܪܘܿܫܘ ܫܒ̣ܝܼܠܵܐ. ܘܩܘܿܠܘ ܟܹܐܦܵܘ̈ܗܝ ܐܲܪܝܼܡܘ ܐܵܬ̤ܵܐ ܠܥܲܡܡܹ̈ܐ. [No book]
[11]ܗܵܐ ܡܵܪܝܵܐ ܐܲܫ̣ܡܲܥ ܠܣܵܘ̈ܦܹܝܗ̇ ܕܐܲܪܥܵܐ. ܐܸܡܲܪܘ ܠܒܲܪܬ̣ ܨܸܗܝܘܿܢ ܕܗܵܐ ܐܵܬܹ̇ܐ ܦܵܪܘܿܩܹܟ݂ܝ. ܗܵܐ ܐܲܓ̣ܪܹܗ ܥܲܡܹܗ: ܘܲܥܒ̣ܵܕܹ̇ܗ ܩܕ݂ܵܡܵܘܗܝ. [No book]
[12]ܘܢܸܩܪܘܿܢ ܐܸܢܘܿܢ ܥܲܡܵܐ ܩܲܕ̇ܝܼܫܵܐ: ܦܪ̈ܝܼܩܵܘܗܝ ܕܡܵܪܝܵܐ. ܘܐܲܢ̄ܬ̇ܝ ܬܸܬ̣ܩܪܹܝܢ ܬܒ̣ܝܼܥܬܵܐ: ܩܪܝܼܬ̣ܵܐ ܕܠܵܐ ܐܸܫܬܲܒ̣ܩܲܬ̤. [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top