➖ »
«
➖ ➕
The Book of Enoch (1917)
1Eno(Cha)
Peshitta OT
PesOT
←
Isaiah
Isa
63
→
[No book] [1]ܡܲܢܘܼ ܗܵܢܵܐ ܕܐܵܬܹ̇ܐ ܡ̣ܢ ܐܲܕ݂ܘܿܡ. ܘܣܘܼ̈ܡܵܩܝܼܢ ܢܲܚܬܵܘ̈ܗܝ ܡ̣ܢ ܒܘܼܨܵܪ ܘܲܗܕ݂ܝܼܪ ܒܲܠܒ̣ܘܼܫܵܘ̈ܗܝ ܘܥܲܫܝܼܢ ܒܣܘܿܓ̣ܵܐܐ ܕܚܲܝܠܹܗ. ܐܸܢܵܐ ܡܡܲܠܸܠ ܒܙܲܕ̇ܝܼܩܘܼܬ̣ܵܐ: ܘܡܲܣܓܹ̇ܐ ܠܡܸܦܪܲܩ.
[No book] [2]ܠܡܵܢܵܐ ܣܘܼ̈ܡܵܩܝܼܢ ܢܲܚ̈ܬܲܝܟ ܘܲܠܒ̣ܘܼܫܲܝ̈ܟ: ܐܲܝܟ݂ ܗܵܘܿ ܕܲܥܨܲܪ ܒܡܲܥܨܲܪܬܵܐ.
[No book] [3]ܡܲܥܨܲܪܬܵܐ ܕܵܫܹ̇ܬ̣ ܒܲܠܚܘܿܕܲܝ ܘܐ̄ܢܵܫ ܡ̣ܢ ܥܲܡܡܹ̈ܐ ܠܲܝܬ̇ ܗ̄ܘܼܵܐ ܥܲܡܝ. ܥܸܨܪܹܬ̣ ܐܸܢܘܿܢ ܒܪܘܼܓ̣ܙܝ ܘܕ݂ܵܫܹ̇ܬ̣ ܐܸܢܘܿܢ ܒܚܸܡܬ̣ܝ. ܘܲܢܕ݂ܵܐ ܕܸܡܗܘܿܢ ܥܲܠ ܠܒ̣ܘܼ̈ܫܲܝ ܘܟ݂ܠܗܘܿܢ ܢܲܚ̈ܬܲܝ ܦܲܠܦܠܹ̇ܬ̣.
[No book] [4]ܡܸܛܠ ܕܝܵܘܡܵܐ ܕܲܬ̣ܒܲܥܬ̣ܵܐ ܒܠܒ̇ܝ. ܘܫܲܢ̄ܬܵܐ ܕܦܘܼܪܩܵܢܝ ܡܛܵܬ̤.
[No book] [5]ܚܵܪܹܬ̣ ܘܠܲܝܬ̇ ܕܲܡܥܲܕܲܪ ܘܐܸܬ̇ܕܲܡ̇ܪܹܬ̣ ܘܠܲܝܬ̇ ܕܣܵܡܹ̇ܟ݂ ܘܦܲܪܩܲܢܝ ܕܪܵܥܝ ܘܚܸܡܬ̣ܵܐ ܗ̤ܝ ܣܡܲܟ݂ܬܲܢܝ.
[No book] [6]ܕܵܫܹ̇ܬ̣ ܥܲܡܡܹ̈ܐ ܒܪܘܼܓ̣ܙܝ ܘܕ݂ܵܘܝܼܬ̣ ܐܸܢܘܿܢ ܒܚܸܡܬ̣ܝ ܘܐܲܚܬܹ̇ܬ̣ ܠܐܲܪܥܵܐ ܥܘܼܫ̱ܢܗܘܿܢ.
[No book] [7]ܛܲܝܒ̇ܘܼܬܹܗ ܕܡܵܪܝܵܐ ܐܸܬ̇ܕ̇ܟܲܪ. ܘܬܸܫܒ̇ܘܿܚܬܹ̇ܗ ܕܡܵܪܝܵܐ ܥܲܠ ܕܟ݂ܠ ܕܦܲܪܥܲܝܢܝ ܡܵܪܝܵܐ. ܘܐܲܣܓܝܼ ܛܲܝܒ̇ܘܼܬܹܗ ܥܲܠ ܕܒܹܝܬ̣ ܝܼܣܪܵܝܹܠ ܕܦܲܪܥܲܝܢܝ ܐܲܝܟ݂ ܪ̈ܲܚܡܵܘܗܝ: ܘܐܲܝܟ݂ ܣܘܿܓ̣ܵܐܐ ܕܛܲܝܒ̇ܘܼܬܹܗ.
[No book] [8]ܘܐܸܡܲܪ ܕܥܲܡܝ ܐܸܢܘܿܢ ܒ̈ܢܲܝܵܐ ܕܠܵܐ ܡܕܲܓ̇ܠܝܼܢ ܘܲܗܘ̤ܵܐ ܠܗܘܿܢ ܦܵܪܘܿܩܵܐ.
[No book] [9]ܒܟ݂ܠ ܐܘܼܠܨܵܢܲܝ̈ܗܘܿܢ ܠܵܐ ܐܲܠܸܨ ܐܸܢܘܿܢ. ܘܡܲܠܲܐܟ݂ܵܐ ܕܐܲܦܵܘ̈ܗܝ ܦܪܲܩ ܐܸܢܘܿܢ. ܒܲܡܪܲܚܡܵܢܘܼܬܹܗ ܘܲܒ̣ܪܘܼܚܵܦܹܗ ܦܪܲܩ̣ ܐܸܢܘܿܢ. ܘܐܲܪܝܼܡ ܐܸܢܘܿܢ ܘܫܲܩܸܠ ܐܸܢܘܿܢ: ܟܠܗܘܿܢ ܝܵܘ̈ܡܵܬܹܗ ܕܥܵܠܡܵܐ.
[No book] [10]ܘܗܸܢܘܿܢ ܡܲܪܡܲܪܘ: ܘܐܲܟ݂ܐܸܒ̣ܘ ܠܪܘܼܚܵܐ ܕܩܘܼܕ݂ܫܹܗ. ܘܲܗܦܲܟ݂ ܗܘ̤ܵܐ ܠܗܘܿܢ ܒܥܸܠܕ̇ܒ̣ܵܒ̣ܵܐ. ܘܗܘ̤ ܐܸܬ̣ܟܲܬܲܫ ܥܲܡܗܘܿܢ.
[No book] [11]ܘܐܸܬ̇ܕ̇ܟܲܪ ܝܵܘ̈ܡܵܬ̣ܵܐ ܕܥܵܠܲܡ ܕܡܘܼܫܹܐ ܥܲܒ̣ܕܹ̇ܗ: ܐܲܝܟ݂ ܕܐܲܣܸܩ̣ ܡ̣ܢ ܝܲܡܵܐ ܠܪܵܥܝܵܐ ܕܥܵܢܹ̈ܗ: ܘܐܲܝܟ݂ ܕܣܵܡ̣ ܒܓ̣ܵܘܹܗ ܪܘܼܚܵܐ ܕܩܘܼܕ݂ܫܹܗ.
[No book] [12]ܡܕܲܒܲܪ ܠܝܲܡܝܼܢܹܗ ܕܡܘܼܫܹܐ ܕܪܵܥܵܐ ܕܬܸܫܒ̇ܘܿܚܬܹ̇ܗ. ܬܪܲܥ̣ ܝܲܡܵܐ ܡ̣ܢ ܩܕ݂ܵܡܲܝܗܘܿܢ. ܘܲܥ̣ܒܲܕ݂ ܠܗܘܿܢ ܫܡܵܐ ܠܥܵܠܲܡ.
[No book] [13]ܕܲܒܲܪ ܐܸܢܘܿܢ ܒܲܬ̣ܗܘܿܡܵܐ ܐܲܝܟ݂ ܣܘܼܣܝܵܐ ܒܡܲܕ݂ܒ̇ܪܵܐ. ܘܠܵܐ ܐܸܬ̇ܬ̇ܩܸܠܘ.
[No book] [14]ܐܲܝܟ݂ ܒܥܝܼܪܵܐ ܕܢܵܚܬܵܐ ܒܲܦܩܲܥܬ̣ܵܐ: ܪܘܼܚܹܗ ܕܡܵܪܝܵܐ ܕܲܒ̇ܪܲܬ̤ ܐܸܢܘܿܢ. ܗܵܟܲܢܵܐ ܕܲܒܲܪܬ̇ ܐܸܢܘܿܢ ܠܥܲܡܵܟ݂: ܘܲܥܒܲܕ̇ܬ̇ ܠܵܟ݂ ܫܡܵܐ ܡܫܲܒ̇ܚܵܐ.
[No book] [15]ܚܘܼܪ ܡ̣ܢ ܫܡܲܝܵܐ. ܘܲܚܙܝܼ ܡ̣ܢ ܡܸܕ݂ܝܵܪܵܟ݂ ܩܲܕ̇ܝܼܫܵܐ ܘܲܡܫܲܒ̇ܚܵܐ ܐܲܝܟܵܘ ܛܢܵܢܵܟ݂ ܘܓܲܢ̄ܒܵܪܘܼܬ̣ܵܟ݂: ܘܗܘܼܦܵܟ݂ܵܐ ܕܲܡܥܲܝ̈ܟ ܘܲܕ݂ܪ̈ܵܚܡܲܝܟ ܕܐܸܬ̣ܗ̱ܦܸܟ݂ܘ ܥܠܲܝܢ.
[No book] [16]ܡܸܛܠ ܕܐܲܢ̄ܬ̇ܘܼ ܐܲܒ̣ܘܼܢ. ܐܲܒ̣ܪܵܗܵܡ ܠܵܐ ܝܼܕܲܥ̄ܢ ܘܝܼܣܪܵܝܹܠ ܠܵܐ ܐܸܫܬܵܘܕ̇ܥ̄ܢ ܘܐܲܢ̄ܬ̇ܘܼ ܡܵܪܝܵܐ ܐܲܒ̣ܘܼܢ ܦܵܪܘܿܩܲܢ ܘܡ̣ܢ ܥܵܠܲܡ ܫܡܵܟ݂.
[No book] [17]ܠܡܵܢܵܐ ܐܲܛܥ̣ܝܼܬܵܢ ܡܵܪܝܵܐ ܡ̣ܢ ܐܘܼܪܚܵܟ݂. ܘܩܲܫܝܼܬ̇ ܠܸܒܲܢ ܡ̣ܢ ܕܸܚܠܬ̣ܵܟ݂. ܐܸܬ̣ܦܲܢܝ ܡܸܛܠ ܥܲܒ̣ܕܲܝ̈ܟ ܫܲܒ̣ܛܵܐ ܕܝܵܪܬ̇ܘܼܬ̣ܵܟ݂.
[No book] [18]ܩܲܠܝܼܠ ܢܹܐܪܲܬ̣ ܥܲܡܵܐ ܕܩܘܼܕ݂ܫܵܟ݂. ܐܵܠܘܿܨܲܝ̈ܢ ܕܵܫܘ ܡܲܩܕ̇ܫܵܟ݂.
[No book] [19]ܗ̤ܘܲܝܢ ܡ̣ܢ ܥܵܠܲܡ: ܥܲܕ݂ܠܵܐ ܐܸܫܬܲܠܲܛܬ̇ ܥܠܲܝܗܘܿܢ. ܘܠܵܐ ܐܸܬ̣ܩܪܝܼ ܫܡܵܟ݂ ܥܠܲܝܗܘܿܢ.
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top