➖ »
«
➖ ➕
Reconstruction of Beza's Greek Textus-Receptus NT (1598)
Beza GNT
Peshitta OT
PesOT
←
Isaiah
Isa
64
→
[No book] [1]ܠܵܐ ܦ̣ܬܲܚܬ̇ ܫܡܲܝܵܐ ܘܲܢܚܸܬ̇ܬ̇ ܘܡܢ ܩܕ݂ܵܡܲܝܟ ܕܵܠܘܼ ܛܘܼܪܹ̈ܐ. ܘܐܸܬ̣ܦܲܫܲܪܘ ܐܲܝܟ݂ ܕܡܸܬ̣ܦܲܫܪܵܐ ܫܥܘܿܬ̣ܵܐ ܡ̣ܢ ܩܕ݂ܵܡ ܢܘܼܪܵܐ.
[No book] [2]ܘܬ̣ܵܘܩܸܕ݂ ܢܘܼܪܵܐ ܠܲܒ̣ܥܸܠܕ̇ܒ̣ܵܒܲܝ̈ܟ. ܘܢܸܬ̣̱ܝܼܕܲܥ ܫܡܵܟ݂ ܠܲܒ̣ܥܸܠܕ̇ܒ̣ܵܒܲܝ̈ܟ. ܘܢܸܬ̇ܕܲܠܚܘܼܢ ܥܲܡܡܹ̈ܐ ܡ̣ܢ ܩܕ݂ܵܡܲܝܟ.
[No book] [3]ܟܲܕ݂ ܥ̣ܒܲܕ̇ܬ̇ ܕܚܝܼ̈ܠܵܬ̣ܵܐ ܕܠܵܐ ܣܲܟ̇ܝܼܢ ܠܵܟ݂: ܢܚܸܬ̇ܬ̇: ܘܡ̣ܢ ܩܕ݂ܵܡܲܝܟ ܕܵܠܘܼ ܛܘܼܪܹ̈ܐ.
[No book] [4]ܡ̣ܢ ܥܵܠܲܡ ܠܵܐ ܨܵܬ̣ܘ ܘܠܵܐ ܫܡܲܥܘ ܘܥܹܝܢ ܠܵܐ ܚܙܵܬ̤ ܐܲܠܵܗ ܠܒܲܪ ܡܸܢܵܟ݂. ܕܥܵܒܹ̇ܕ݂ ܐܲܢ̄ܬ̇ ܠܐܲܝܠܹܝܢ ܕܲܡܣܲܟܹ̇ܝܢ ܠܵܟ݂.
[No book] [5]ܘܦܵܓܲܥ ܐܲܢ̄ܬ̇ ܒܒ̣ܘܼܣܵܡܵܐ ܒܐܲܝܠܹܝܢ ܕܥܵܒ̣ܕ̇ܝܼܢ ܙܲܕ̇ܝܼܩܘܼܬ̣ܵܐ ܒܐܘܼܪ̈ܚܵܬ̣ܵܟ݂ ܢܸܬ̇ܕܲܟ݂ܪܘܼܢܵܟ݂. ܗܵܐ ܐܲܢ̄ܬ̇ ܪܓܸܙܬ̇ ܘܲܚܛܲܝܢ ܒܗܹܝܢ. ܒܥܵܠܲܡ ܢܸܬ̣ܦܪܸܩ.
[No book] [6]ܕܲܗ̤ܘܲܝܢ ܐܲܝܟ݂ ܛܲܡܹ̈ܐܐ ܟܠܲܢ. ܘܐܲܝܟ݂ ܐܘܼܪܩܲܥܬ̣ܵܐ ܕܟܸܦ̮ܣܵܢܝܼܬ̣ܵܐ ܟܠܵܗ̇ ܙܲܕ̇ܝܼܩܘܼܬܲܢ. ܢܬܲܪܢ ܐܲܝܟ݂ ܛܲܪ̈ܦܹܐ ܟܠܲܢ. ܘܐܲܝܟ݂ ܥܲܠܥܵܠܵܐ ܫܲܩ̣ܠܘܿܢ ܚܛܵܗܲܝ̈ܢ.
[No book] [7]ܘܠܲܝܬ̇ ܕܩܵܪܹܐ ܒܲܫܡܵܟ݂: ܘܲܕ݂ܥܵܗܹ̇ܕ݂ ܠܲܡܚܲܡܣܵܢܘܼ ܒܵܟ݂. ܡܸܛܠ ܕܐܲܗ̣ܦܸܟ݂ܬ̇ ܐܲܦܲܝ̈ܟ ܡܸܢܲܢ: ܘܐܲܫܠܸܡ̣ܬܵܢ ܒܝܲܕ݂ ܚܛܵܗܲܝ̈ܢ.
[No book] [8]ܗܵܫܵܐ ܡܵܪܝܵܐ ܐܲܒ̣ܘܼܢ ܐܲܢ̄ܬ̇ ܚܢܲܢ ܛܝܼܢܵܐ: ܘܐܲܢ̄ܬ̇ ܓܵܒ̣ܘܿܠܲܢ ܘܲܥܒ̣ܵܕ݂ ܐܝܼܕܲܝ̈ܟ ܚܢܲܢ ܟܠܲܢ.
[No book] [9]ܠܵܐ ܬܸܪܓܲܙ ܡܵܪܝܵܐ ܛܵܒ̣ ܠܥܵܠܲܡ. ܘܠܵܐ ܬܸܬ̇ܕ̇ܟܲܪ ܠܥܵܠܲܡ ܚܛܵܗܲܝ̈ܢ ܚܙܝܼ ܕܥܲܡܵܟ݂ ܚܢܲܢ ܟܠܲܢ.
[No book] [10]ܩܘܼܪ̈ܝܵܐ ܕܩܘܼܕ݂ܫܵܟ݂ ܗ̤ܘܲܝ̈ ܡܲܕ݂ܒ̇ܪܵܐ. ܘܨܸܗܝܘܿܢ ܗܘ̤ܵܬ̣ ܡܲܕ݂ܒ̇ܪܵܐ: ܘܐܘܿܪܸܫܠܸܡ ܚܲܪܒ̇ܬ̣ܵܐ.
[No book] [11]ܒܹܝܬ̣ ܩܘܼܕ݂ܫܲܢ ܘܬܸܫܒ̇ܘܿܚܬܲܢ: ܕܫܲܒ̇ܚܘܼܟ݂ ܐܲܒ̣ܵܗܲܝ̈ܢ: ܗܘ̤ܵܐ ܠܝܲܩܕܵܢܵܐ ܕܢܘܼܪܵܐ. ܘܟ݂ܠܵܗ̇ ܪܸܓ̇ܬܲܢ ܗܘ̤ܵܬ̣ ܠܚܘܼܪܒܵܐ.
[No book] [12]ܥܲܠ ܗܵܠܹܝܢ ܚܲܡ̣ܣܸܢܬ̇ ܡܵܪܝܵܐ. ܘܲܫܬܸܩܬ̇ ܘܡܲܟܸ̇ܟ݂ܬܵܢ ܛܵܒ̣.
Author: Theodore Beza (1519–1605)
Source: www.hagiascriptura.com

See information...
Top