|
|
| [1]Et factum est in diebus Achaz, filii Joathan, filii Oziæ, regis Juda, ascendit Rasin, rex Syriæ, et Phacee, filius Romeliæ, rex Israël, in Jerusalem, ad præliandum contra eam: et non potuerunt |
[No book] |
| [2]debellare eam. Et nuntiaverunt domui David, dicentes: Requievit Syria super Ephraim. Et commotum est cor ejus, et cor populi ejus, sicut moventur ligna silvarum a facie venti. |
[No book] |
| [3]Et dixit Dominus ad Isaiam: Egredere in occursum Achaz, tu et qui derelictus est Jasub, filius tuus, ad extremum aquæductus piscinæ superioris in via agri Fullonis; |
[No book] |
| [4]et dices ad eum: Vide ut sileas; noli timere, et cor tuum ne formidet a duabus caudis titionum fumigantium istorum, in ira furoris Rasin, regis Syriæ, et filii Romeliæ; |
[No book] |
| [5]eo quod consilium inierit contra te Syria in malum, Ephraim, et filius Romeliæ, dicentes: |
[No book] |
| [6]Ascendamus ad Judam, et suscitemus eum, et avellamus eum ad nos, et ponamus regem in medio ejus filium Tabeel. |
[No book] |
| [7]Hæc dicit Dominus Deus: Non stabit, et non erit istud; |
[No book] |
| [8]sed caput Syriæ Damascus, et caput Damasci Rasin; et adhuc sexaginta et quinque anni, et desinet Ephraim esse populus; |
[No book] |
| [9]et caput Ephraim Samaria, et caput Samariæ filius Romeliæ. Si non credideritis, non permanebitis. |
[No book] |
| [10]Et adjecit Dominus loqui ad Achaz, dicens: |
[No book] |
| [11]Pete tibi signum a Domino Deo tuo, in profundum inferni, sive in excelsum supra. |
[No book] |
| [12]Et dixit Achaz: Non petam, et non tentabo Dominum. |
[No book] |
| [13]Et dixit: Audite ergo, domus David. Numquid parum vobis est molestos esse hominibus, quia molesti estis et Deo meo? |
[No book] |
| [14]Propter hoc dabit Dominus ipse vobis signum: ecce virgo concipiet, et pariet filium, et vocabitur nomen ejus Emmanuel. |
[No book] |
| [15]Butyrum et mel comedet, ut sciat reprobare malum, et eligere bonum. |
[No book] |
| [16]Quia antequam sciat puer reprobare malum et eligere bonum, derelinquetur terra quam tu detestaris a facie duorum regum suorum. |
[No book] |
| [17]Adducet Dominus super te, et super populum tuum, et super domum patris tui, dies qui non venerunt a diebus separationis Ephraim a Juda, cum rege Assyriorum. |
[No book] |
| [18]Et erit in die illa: sibilabit Dominus muscæ quæ est in extremo fluminum Ægypti, et api quæ est in terra Assur; |
[No book] |
| [19]et venient, et requiescent omnes in torrentibus vallium, et in cavernis petrarum, et in omnibus frutetis, et in universis foraminibus. |
[No book] |
| [20]In die illa radet Dominus in novacula conducta in his qui trans flumen sunt, in rege Assyriorum, caput et pilos pedum, et barbam universam. |
[No book] |
| [21]Et erit in die illa: nutriet homo vaccam boum, et duas oves, |
[No book] |
| [22]et præ ubertate lactis comedet butyrum; butyrum enim et mel manducabit omnis qui relictus fuerit in medio terræ. |
[No book] |
| [23]Et erit in die illa: omnis locus ubi fuerint mille vites, mille argenteis, in sinas et in vepres erunt. |
[No book] |
| [24]Cum sagittis et arcu ingredientur illuc: vepres enim et spinæ erunt in universa terra. |
[No book] |
| [25]Et omnes montes qui in sarculo sarrientur, non veniet illuc terror spinarum et veprium: et erit in pascua bovis, et in conculcationem pecoris. |
[No book] |