➖ »
«
➖ ➕
Aleppo Codex (~920)
Alep
The Epistle of Barnabas
EpiBar
←
Isaiah
Isa
8
→
[1]ויאמר יהוה אלי קח לך גליון גדול וכתב עליו בחרט אנוש למהר שלל חש בז [No book]
[2]ואעידה לי עדים נאמנים־את אוריה הכהן ואת זכריהו בן יברכיהו [No book]
[3]ואקרב אל הנביאה ותהר ותלד בן ויאמר יהוה אלי קרא שמו מהר שלל חש בז [No book]
[4]כי בטרם ידע הנער קרא אבי ואמי־ישא את חיל דמשק ואת שלל שמרון לפני מלך אשור [No book]
[5]ויסף יהוה דבר אלי עוד לאמר [No book]
[6]יען כי מאס העם הזה את מי השלח ההלכים לאט ומשוש את רצין ובן רמליהו [No book]
[7]ולכן הנה אדני מעלה עליהם את מי הנהר העצומים והרבים־את מלך אשור ואת כל כבודו ועלה על כל אפיקיו והלך על כל גדותיו [No book]
[8]וחלף ביהודה שטף ועבר עד צואר יגיע והיה מטות כנפיו מלא רחב ארצך עמנו אל [No book]
[9]רעו עמים וחתו והאזינו כל מרחקי ארץ התאזרו וחתו התאזרו וחתו [No book]
[10]עצו עצה ותפר דברו דבר ולא יקום כי עמנו אל [No book]
[11]כי כה אמר יהוה אלי כחזקת היד ויסרני מלכת בדרך העם הזה לאמר [No book]
[12]לא תאמרון קשר לכל אשר יאמר העם הזה קשר ואת מוראו לא תיראו ולא תעריצו [No book]
[13]את יהוה צבאות אתו תקדישו והוא מוראכם והוא מערצכם [No book]
[14]והיה למקדש ולאבן נגף ולצור מכשול לשני בתי ישראל לפח ולמוקש־ליושב ירושלם [No book]
[15]וכשלו בם רבים ונפלו ונשברו ונוקשו ונלכדו [No book]
[16]צור תעודה חתום תורה בלמדי [No book]
[17]וחכיתי ליהוה המסתיר פניו מבית יעקב וקויתי לו [No book]
[18]הנה אנכי והילדים אשר נתן לי יהוה לאתות ולמופתים בישראל־מעם יהוה צבאות השכן בהר ציון [No book]
[19]וכי יאמרו אליכם דרשו אל האבות ואל הידענים המצפצפים והמהגים הלוא עם אל אלהיו ידרש בעד החיים אל המתים [No book]
[20]לתורה ולתעודה אם לא יאמרו כדבר הזה אשר אין לו שחר [No book]
[21]ועבר בה נקשה ורעב והיה כי ירעב והתקצף וקלל במלכו ובאלהיו־ופנה למעלה [No book]
[22]ואל ארץ יביט והנה צרה וחשכה מעוף צוקה ואפלה מנדח [No book]
[23]כי לא מועף לאשר מוצק לה כעת הראשון הקל ארצה זבלון וארצה נפתלי והאחרון הכביד־דרך הים עבר הירדן גליל הגוים [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top