|
|
| [1]ܘܐܸܡܲܪ ܠܝܼ ܡܵܪܝܵܐ ܣܲܒ̣ ܠܵܟ݂ ܓܸܠܵܝܘܼܢܵܐ ܪܲܒܵܐ: ܘܲܟ݂ܬ̣ܘܼܒ̣ ܥܠܵܘܗܝ ܒܲܟ݂ܬ̣ܵܒ̣ܵܐ ܕܐ̄ܢܵܫܵܐ: ܠܲܡܣܲܪܗܵܒ̣ܘܼ ܫܸܒ̣ܝܵܐ: ܘܲܠܡܸܬ̣ܟܲܒ̣ ܒܸܙܬ̣ܵܐ. |
[No book] |
| [2]ܘܣܲܗܸܕ݂ ܠܝܼ ܣܵܗ̈ܕܹ̇ܐ ܕܲܡܗܲܝܡܢܝܼܢ: ܠܐܘܿܪܝܼܵܐ ܟܵܗܢܵܐ: ܘܠܲܙܟܲܪܝܵܐ ܒܲܪ ܒܪܲܟ݂ܝܵܐ. |
[No book] |
| [3]ܘܩܸܪܒܹ̇ܬ̣ ܠܲܢܒ̣ܝܼܬ̣ܵܐ: ܘܒܸܛܢܲܬ̤ ܘܝܸܠܕܲܬ̤ ܒܪܵܐ. ܘܐܸܡܲܪ ܠܝܼ ܡܵܪܝܵܐ: ܩܪܝܼ ܫܡܹܗ ܡܣܲܪܗܸܒ̣ ܫܵܒܹ̇ܐ: ܘܬ̣ܵܘܟܹ̇ܒ̣ ܒܵܐܹ̇ܙ. |
[No book] |
| [4]ܡܸܛܠ ܕܥܲܕ݂ܠܵܐ ܢܸܕܲܥ ܛܲܠܝܵܐ ܠܡܸܩܪܵܐ ܐܲܒ̣ܵܐ ܘܐܸܡܵܐ: ܢܸܫܩܘܿܠ ܩܸܢܝܵܢܵܐ ܕܕܲܪܡܣܘܿܩ: ܘܒܸܙܬ̣ܵܐ ܕܫܵܡ̇ܪܹܝܢ: ܩܕ݂ܵܡ ܡܲܠܟܵܐ ܕܐܵܬ̣ܘܿܪ. |
[No book] |
| [5]ܘܐܵܘܣܸܦ ܬܘܼܒ̣ ܡܵܪܝܵܐ ܠܡܹܐܡܲܪ ܠܝܼ. |
[No book] |
| [6]ܥܲܠ ܕܐܲܣܠܝܼܘ ܥܲܡܵܐ ܗܵܢܵܐ ܡܲـ̈ـܝܵܐ ܕܫܝܼܠܘܿܚܵܐ ܕܪܵܕܹܝܢ ܒܫܸܠܝܵܐ: ܘܲܚܕ݂ܝܼܘ ܒܪܵܨܵܢ ܘܲܒ̣ܒܲܪ ܪܘܿܡܲܠܝܵܐ. |
[No book] |
| [7]ܡܸܛܠ ܗܵܢܵܐ ܢܲܣܸܩ ܥܠܲܝܗܘܿܢ ܡܵܪܝܵܐ: ܡܲـ̈ـܝܵܐ ܕܢܲܗܪܵܐ ܣܲܓ̇ܝܹ̈ܐܐ ܘܥܲܫܝܼܢܹ̈ܐ: ܠܡܲܠܟܵܐ ܕܐܵܬ̣ܘܿܪ: ܘܲܠܟ݂ܠܹܗ ܐܝܼܩܵܪܹܗ. ܘܢܸܣܲܩ ܥܲܠ ܟܠܗܘܿܢ ܦܨܝܼܕܲܝ̈ܗܘܿܢ: ܘܲܢܗܲܠܸܟ݂ ܥܲܠ ܟܠܗܘܿܢ ܫܘܼܪ̈ܲܝܗܘܿܢ. |
[No book] |
| [8]ܘܢܸܥܒܲܪ ܒܲܝܗܘܼܕ݂ܵܐ: ܘܢܸܓ̣ܪܘܿܦ ܘܢܸܥܒܲܪ: ܘܲܥܕܲܡܵܐ ܠܨܵܘܪܵܐ ܢܸܡܛܹܐ. ܘܢܸܗܘܹܐ ܪܵܘܡܵܐ ܕܟܸܢܦܵܘ̈ܗܝ: ܡܠܸܐ ܦܬ̣ܵܝܵܗ̇ ܕܐܲܪܥܵܟ݂ ܥܲܡܲܢܘܼܐܹܝܠ. |
[No book] |
| [9]ܙܘܼܥܘ ܥܲܡܡܹ̈ܐ: ܘܐܸܬ̇ܬܲܒ̣̄ܪܘ. ܘܨܘܼܬ̣ܘ ܟܠܗܘܿܢ ܪ̈ܲܚܝܼܩܹܝܗ̇ ܕܐܲܪܥܵܐ. ܐܸܬ̣ܥܲܫܲܢܘ ܘܐܸܬ̇ܬܲܒ̣̄ܪܘ. |
[No book] |
| [10]ܐܸܬ̣ܪܲܥܵܘ ܬܲܪܥܝܼܬ̣ܵܐ: ܘܬܸܬ̣ܒܲܛܲܠ ܡܲܠܸܠܘ ܡܸܠܬ̣ܵܐ: ܘܠܵܐ ܬܸܬ̣ܩܲܝܲܡ ܡܸܛܠ ܥܲܡܲܢܘܼܐܹܝܠ. |
[No book] |
| [11]ܗܵܟܲܢܵܐ ܐܸܡܲܪ ܠܝܼ ܡܵܪܝܵܐ: ܐܲܝܟ݂ ܡܹܐܚܲܕ݂ ܐܝܼܕ݂ܵܐ: ܘܢܲܣܛܹܝܢܝ: ܠܵܐ ܐܹܗܲܠܸܟ݂ ܒܐܘܼܪܚܹܗ ܕܥܲܡܵܐ ܗܵܢܵܐ. |
[No book] |
| [12]ܘܐܸܡܲܪ: ܠܵܐ ܬܹܐܡܪܘܿܢ ܡܸܪܕܵܐ: ܐܲܝܟ݂ ܕܐܸܡܲܪ ܥܲܡܵܐ ܗܵܢܵܐ ܡܸܪܕܵܐ: ܘܲܒ̣ܪܸܚܠܲܬ̣ܗܘܿܢ ܠܵܐ ܬܸܕ݂ܚ̄ܠܘܼܢ: ܘܠܵܐ ܬܙܘܼܥܘܼܢ. |
[No book] |
| [13]ܠܡܵܪܝܵܐ ܚܲܝܠܬ̣ܵܢܵܐ ܩܲܕܸ̇ܫܘ: ܘܗ̤ܘܝܘܼ ܕܸܚܠܲܬ̣ܟ݂ܘܿܢ: ܘܗ̤ܘܝܘܼ ܡܣܲܝܥܵܢܟ݂ܘܿܢ. |
[No book] |
| [14]ܘܢܸܗܘܹܐ ܠܡܲܩܕ̇ܫܵܐ: ܘܲܠܟܹܐܦܵܐ ܕܲܡܚܘܿܬ̣ܵܐ: ܘܲܠܛܲܪܵܢܵܐ ܕܬ̣ܘܼܩ̱ܠܬ̣ܵܐ: ܠܲܬ̣ܪ̈ܲܝܗܘܿܢ ܒܵـ̈ـܬܹ̇ܐ ܕܝܼܣܪܵܝܹܠ: ܠܦܲܚܹ̈ܐ ܘܠܲܡܨܝܼ̈ܕ݂ܵܬ̣ܵܐ ܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ. |
[No book] |
| [15]ܘܢܸܬ̇ܬܲܩܠܘܼܢ ܒܗܘܿܢ ܣܲܓ̇ܝܹ̈ܐܐ: ܘܢܸܦܠܘܿܢ: ܘܢܸܬ̇ܬܲܒ̣ܪܘܿܢ: ܘܢܸܬ̇ܬ̇ܨܝܼܕ݂ܘܼܢ: ܘܢܸܬ̇ܬܲܚܕ̇ܘܼܢ. |
[No book] |
| [16]ܨܘܿܪܘ ܣܵܗܕ̇ܘܼܬ̣ܵܐ: ܘܲܚܬ̣ܘܿܡܘ ܢܵܡܘܿܣܵܐ. |
[No book] |
| [17]ܒܝܘܼܠܦܵܢܝ ܐܹܟܲܬܲܪ ܠܡܵܪܝܵܐ ܕܐܲܦܢܝܼ ܐܲܦܵܘ̈ܗܝ ܡ̣ܢ ܕܒܹܝܬ̣ ܝܲܥܩܘܿܒ̣: ܘܐܹܣܲܟܹ̇ܐ ܠܹܗ. |
[No book] |
| [18]ܗܵܐ ܐܸܢܵܐ ܘܲܒ̣ܢܲـ̈ـܝܵܐ ܕܝܲܗ̄ܒ̣ ܠܝܼ ܡܵܪܝܵܐ: ܠܐܵܬ̤ܵܐ ܘܲܠܬܸܕ݂ܡܘܼܪܬܵܐ ܒܝܼܣܪܵܝܹܠ: ܡ̣ܢ ܩܕ݂ܵܡ ܡܵܪܝܵܐ ܚܲܝܠܬ̣ܵܢܵܐ ܕܲܫܪܸܐ ܒܛܘܼܪܵܐ ܕܨܸܗܝܘܿܢ. |
[No book] |
| [19]ܝܛܘܟܲܕ݂ ܢܹܐܡܪܘܿܢ ܠܟ݂ܘܿܢ: ܕܲܫܐܲܠܘ ܡ̣ܢ ܙܲܟ̇ܘܼܪܹ̈ܐ ܘܡ̣ܢ ܝܲܕ̇ܘܼܥܹ̈ܐ: ܕܢܵܨ̇ܪܝܼܢ: ܘܢܵܗ̇ܡܝܼܢ: ܠܵܐ ܗܘ̤ܵܘ ܥܲܡܹܗ ܕܐܲܠܵܗܵܐ ܐܲܝܠܹܝܢ ܕܫܵܐ̇ܠܝܼܢ ܠܡܝܼ̈ܬܹܐ ܥܲܠ ܚܲܝܹ̈ܐ. |
[No book] |
| [20]ܠܢܵܡܘܿܣܵܐ ܘܲܠܣܵܗܕ̇ܘܼܬ̣ܵܐ: ܕܠܵܐ ܢܹܐܡܪܘܿܢ ܐܲܝܟ݂ ܡܸܠܬ̣ܵܐ ܗܵܕܹܐ: ܕܠܲܝܬ̇ ܠܡܸܬܲܠ ܥܠܹܝܗ̇ ܫܘܼܚܕܵܐ. |
[No book] |
| [21]ܘܢܸܥܒܲܪ ܒܵܗ̇: ܘܲܢܩܲܫܹܝܗ̇: ܘܢܸܟ݂ܦܲܢ. ܘܡܵܐ ܕܲܟ݂ܦܸܢ ܢܸܪܓܲܙ: ܘܲܢܨܲܚܸܐ ܠܡܲܠܟܹ̇ܗ ܘܠܲܐܠܵܗܹܗ. |
[No book] |
| [22]ܘܢܸܬ̣ܦ̄ܢܹܐ ܠܥܸܠ: ܘܒܲܐܪܥܵܐ ܢܚܘܼܪ: ܘܐܘܼܠܨܵܢܵܐ ܘܚܸܫܘܿܟ݂ܵܐ: ܘܥܵܩܵܬ̣ܵܐ ܘܥܲܡܛܵܢܵܐ ܢܸܕ݂ܚ̄ܩܝܼܘܗܝ ܡܸܛܠ ܕܠܵܐ ܢܛܲܪܸܦ ܠܐܲܝܢܵܐ ܕܲܡܥܵܩ: ܐܲܝܟ݂ ܕܲܒ̣ܙܲܒ̣ܢܵܐ ܩܲܕ݂ܡܵܝܵܐ. |
[No book] |