➖ »
«
➖ ➕
Peshitta OT
PesOT
Greek Textus Receptus (1550/1894)
TR GNT
←
Isaiah
Isa
9
→
[1]ܣܲܪܗܒܲܬ̤ ܐܲܪܥܵܐ ܕܲܙܒ̣ܘܿܠܘܿܢ: ܘܐܲܪܥܵܐ ܕܢܲܦ̮ܬܵܠܝܼ. ܘܐܘܼܚܕܵܢܵܐ ܥ̣ܫܸܢ: ܐܘܼܪܚܵܐ ܕܝܲܡܵܐ: ܥܸܒ̣ܪ̈ܵܘܗܝ ܕܝܘܿܪܕ̇ܢܵܢ ܢܲܗܪܵܐ: ܓܠܝܼܠܵܐ ܕܥܲܡܡܹ̈ܐ. [No book]
[2]ܥܲܡܵܐ ܕܲܡܗܲܠܟ݂ܝܼܢ ܒܚܸܫܘܿܟ݂ܵܐ: ܚ̣ܙܵܘ ܢܘܼܗܪܵܐ ܪܲܒܵܐ. ܘܲܕ݂ܝܵܬ̣ܒ̇ܝܼܢ ܒܐܲܪܥܵܐ ܕܛܸܠܵܠܲܝ̈ ܡܵܘܬܵܐ: ܢܘܼܗܪܵܐ ܕܢܲܚ̣ ܥܠܲܝܗܘܿܢ. [No book]
[3]ܐܲܣܓ̇ܝܼܬ̇ ܥܲܡܵܐ: ܘܠܹܗ ܐܵܘܪܸܒ̣ܬ̇ ܚܲܕ݂ܘܼܬ̣ܵܐ. ܚܕ݂ܝܼܘ ܩܕ݂ܵܡܲܝܟ ܐܲܝܟ݂ ܗܵܢ̇ܘܿܢ ܕܚܵܕܹܝܢ ܒܲܚܨܵܕ݂ܵܐ: ܘܐܲܝܟ݂ ܗܵܢ̇ܘܿܢ ܕܕ݂ܵܝܨܝܼܢ ܡܵܐ ܕܲܡܦܲܠܓ̣ܝܼܢ ܒܸܙܬ̣ܵܐ. [No book]
[4]ܡܸܛܠ ܕܢܝܼܪܵܐ ܕܫܘܼܥܒܵܕ݂ܗܘܿܢ: ܘܚܘܼܛܪܵܐ ܕܟܲܬ̣ܦ̄ܗܘܿܢ: ܘܫܲܒ̣ܛܵܐ ܕܲܡܫܲܥܒܸ̇ܕ݂ ܗ̄ܘܼܵܐ ܠܗܘܿܢ: ܬܒܲܪܬ̇ ܐܲܝܟ݂ ܝܵܘܡܵܐ ܕܡܸܕ݂ܝܲܢ. [No book]
[5]ܡܸܛܠ ܕܟ݂ܠ ܩܵܠ ܐܸܫܬ̇ܡܲܥ ܒܙܵܘܥܬ̣ܵܐ. ܘܢܲܚܬܵܐ ܡܦܲܠܦܲܠ ܒܲܕ݂ܡܵܐ. ܘܲܗܘ̤ܵܐ ܠܝܲܩܕܵܢܵܐ ܘܲܠܡܹܐܟ݂ܘܼܠܬܵܐ ܕܢܘܼܪܵܐ. [No book]
[6]ܡܸܛܠ ܕܝܲܠܕܵܐ ܐܸܬ̣̱ܝܼܠܸܕ݂ ܠܲܢ: ܘܲܒ̣ܪܵܐ ܐܸܬ̣̱ܝܼܗܸܒ̣ ܠܲܢ. ܘܲܗܘ̤ܵܐ ܫܘܼܠܛܵܢܹܗ ܥܲܠ ܟܲܬ̣ܦܹܗ. ܘܐܸܬ̣ܩ̄ܪܝܼ ܫܡܹܗ ܕܘܼܡܵܪܵܐ ܘܡܵܠܘܿܟ݂ܵܐ: ܐܲܠܵܗܵܐ ܓܲܢ̄ܒܵܪܵܐ ܕܥܵܠܡܹ̈ܐ: ܫܲܠܝܼܛܵܐ ܕܲܫܠܵܡܵܐ. [No book]
[7]ܠܡܲܣܓܵܝܘܼ ܫܘܼܠܛܵܢܹܗ. ܘܠܲܫܠܵܡܹܗ ܠܲܝܬ̇ ܣܵܟ݂ܵܐ: ܥܲܠ ܟܘܼܪܣܝܹܗ ܕܕ݂ܵܘܝܼܕ݂: ܘܥܲܠ ܡܲܠܟ̇ܘܼܬܹܗ. ܕܢܲܬ̣ܩ̄ܢܝܼܗ̇ ܘܲܢܣܲܡܟ݂ܝܼܗ̇ ܒܕ݂ܝܼܢܵܐ ܘܲܒ̣ܙܲܕ̇ܝܼܩܘܼܬ̣ܵܐ: ܡܸܟܹ̇ܝܠ ܘܲܥܕܲܡܵܐ ܠܥܵܠܲܡ. ܛܢܵܢܹܗ ܕܡܵܪܝܵܐ ܚܲܝܠܬ̣ܵܢܵܐ ܥܵܒܹ̇ܕ݂ ܗܵܕܹܐ. [No book]
[8]ܦܸܬ̣ܓ̣ܵܡܵܐ ܫܲܕܲܪ ܡܵܪܝܵܐ ܒܝܲܥܩܘܿܒ̣: ܘܲܢ̣ܦܲܠ ܒܝܼܣܪܵܝܹܠ. [No book]
[9]ܘܢܸܕ̇ܥܘܼܢ ܥܲܡܡܹ̈ܐ ܟܠܗܘܿܢ: ܐܲܦܪܹܝܡ ܘܥܵܡ̇ܘܿܪܹ̈ܝܗ̇ ܕܫܵܡܪܹܝܢ: ܒܓܲܐܝܘܼܬ̣ܵܐ ܘܲܒ̣ܪܲܒ̇ܘܼܬ̣ ܠܸܒܵܐ: ܘܐܵܡ̇ܪܝܼܢ. [No book]
[10]ܠܸܒ̣ܢܹ̈ܐ ܢܲܪܡܸܐ: ܘܢܸܓ̣ܙܘܿܪ ܓܙܝܼܪ̈ܵܬ̣ܵܐ. ܘܢܸܦܣܘܿܩ ܫܲܩܡܹ̈ܐ: ܘܐܲܪ̈ܙܹܐ ܢܸܚܠܘܿܦ. [No book]
[11]ܘܢܲܥܫܸܢ ܡܵܪܝܵܐ ܠܐܵܠܘܼܨܵܘ̈ܗܝ ܕܪܵܨܵܢ ܥܠܵܘܗܝ. ܘܠܲܒ̣ܥܸܠܕ̇ܒ̣ܵܒ̣ܵܘ̈ܗܝ ܢܓܲܪܸܓ̣. [No book]
[12]ܠܐܲܕ݂ܘܿܡ ܡ̣ܢ ܡܲܕ݂ܢ̱ܚܵܐ: ܘܠܲܦܠܸܫܬܵܝܹ̈ܐ ܡ̣ܢ ܡܲܥ̱ܪܒ̣ܵܐ. ܘܢܹܐܟ݂ܠܘܼܢܹܗ ܠܝܼܣܪܵܝܹܠ ܒܟ݂ܠܹܗ ܦܘܼܡܗܘܿܢ ܘܲܒ̣ܗܵܠܹܝܢ ܟܠܗܹܝܢ ܠܵܐ ܗ̣ܦܲܟ݂ ܪܘܼܓ̣ܙܹܗ. ܘܬ̣ܘܼܒ̣ ܐܝܼܕܹܗ ܪܵܡܵܐ. [No book]
[13]ܘܥܲܡܵܐ ܠܵܐ ܐܸܬ̣ܦ̄ܢܝܼܘ: ܥܕܲܡܵܐ ܕܲܒ̣ܠܲܥ̣ܘ. ܘܲܠܡܵܪܝܵܐ ܚܲܝܠܬ̣ܵܢܵܐ ܠܵܐ ܒܥ̣ܵܘ. [No book]
[14]ܘܐܵܘܒܸ̇ܕ݂ ܡܵܪܝܵܐ ܡ̣ܢ ܝܼܣܪܵܝܹܠ: ܪܹܫܵܐ ܘܕ݂ܘܼܢܒ̇ܬ̣ܵܐ: ܘܕ݂ܘܼܢܒ̇ܬ̣ܵܐ ܘܪܹܫܵܐ: ܒܝܵܘܡܵܐ ܚܲܕ݂. [No book]
[15]ܣܵܒ̣ܵܐ ܘܲܗܕ݂ܝܼܪ ܐܲܦܹ̈ܐ ܗ̤ܘܝܘܼ ܪܹܫܵܐ. ܘܲܢܒ̣ܝܼܵܐ ܕܡܲܠܸܦ ܫܘܼܩܪܵܐ ܗܘ̤ܝܘܼ ܕܘܼܢܒ̇ܬ̣ܵܐ. [No book]
[16]ܘܢܸܗܘܘܿܢ ܡܲܛܐ̱ܒ̣ܵܢܵܘ̈ܗܝ ܕܥܲܡܵܐ ܗܵܢܵܐ: ܡܲܛܥܹܝܢ ܘܲܡܛܲܒ̇ܥܝܼܢ ܠܹܗ. [No book]
[17]ܡܸܛܠ ܗܵܢܵܐ ܠܵܐ ܢܚܲܕܸ̇ܐ ܡܵܪܝܵܐ ܥܲܠ ܥܠܲܝܡܲܝ̈ܗܘܿܢ. ܘܥܲܠ ܝܲܬ̣ܡܲܝ̈ܗܘܿܢ ܘܥܲܠ ܐܲܪ̈ܡܠܵܬ̣ܗܘܿܢ ܠܵܐ ܢܪܲܚܸܦ. ܡܸܛܠ ܕܟ݂ܠܗܘܿܢ ܚܲܠܦܝܼܢ ܘܒ̣ܝܼܫܝܼܢ. ܘܟ݂ܠ ܦܘܼܡ ܡܡܲܠܸܠ ܫܵܛ̇ܝܘܼܬ̣ܵܐ. ܘܲܒ̣ܗܵܠܹܝܢ ܟܠܗܹܝܢ ܠܵܐ ܗ̣ܦܲܟ݂ ܪܘܼܓ̣ܙܹܗ. ܘܬ̣ܘܼܒ̣ ܐܝܼܕܹܗ ܪܵܡܵܐ. [No book]
[18]ܡܸܛܠ ܕܣܸܦܲܬ̤ ܚܛܝܼܬ̣ܵܐ ܐܲܝܟ݂ ܢܘܼܪܵܐ: ܘܬܹܐܟ݂ܘܿܠ ܝܲܥܪܵܐ ܘܟ݂ܘܼ̈ܒܹ̇ܐ. ܘܬܸܣܲܦ ܒܣܵܘ̈ܟܹ̇ܐ ܕܥܵܒ̣ܵܐ. ܘܢܸܬ̣ܥܲܪܩ̄ܠܘܼܢ ܓܒܲـ̈ـܝܵܐ ܒܬܸܢܵܢܵܐ. [No book]
[19]ܒܲܟ݂ܐܵܬܹܗ ܕܡܵܪܝܵܐ ܚܲܝܠܬ̣ܵܢܵܐ ܙܵܥܲܬ̤ ܐܲܪܥܵܐ. ܘܲܗܘ̤ܵܐ ܥܲܡܵܐ ܐܲܝܟ݂ ܗܵܘܿ ܕܐܸܟܲܠܬܹܗ ܢܘܼܪܵܐ. ܘܲܓ̣ܒܲܪ ܥܲܠ ܐܲܚܘܼܗܝ ܠܵܐ ܢܚܘܼܣ. [No book]
[20]ܘܢܸܓ̣ܙܘܿܪ ܥܲܠ ܝܲܡܝܼܢܹܗ ܘܢܸܟ݂ܦܲܢ. ܘܢܹܐܟ݂ܘܿܠ ܥܲܠ ܣܸܡܵܠܹܗ. ܘܠܵܐ ܢܸܣܒ̇ܥܘܼܢ ܓܒܲܪ ܒܸܣܪܵܐ ܕܲܕ݂ܪܵܥܹܗ ܢܹܐܟ݂ܘܿܠ. [No book]
[21]ܡܢܲܫܹܐ ܠܐܲܦܪܹܝܡ: ܘܐܲܦܪܹܝܡ ܠܲܡܢܲܫܸܐ: ܘܐܲܟ݂ܚܕ݂ܵܐ ܥܲܠ ܝܼܗܘܼܕ݂ܵܐ. ܘܲܒ̣ܗܵܠܹܝܢ ܟܠܗܹܝܢ ܠܵܐ ܗ̣ܦܲܟ݂ ܪܘܼܓ̣ܙܹܗ. ܘܬ̣ܘܼܒ̣ ܐܝܼܕܹܗ ܪܵܡܵܐ. [No book]
Author: Stephanus (1550), with variants of Scrivener (1894)
Source: unbound.biola.edu
Top