➖ »
«
➖ ➕
Peshitta OT
PesOT
The First Book of Clement
1Clem
←
Judges
Jdg
12
→
[1]ܘܲܩܥܵܘ ܓܲܒ̣ܪܹ̈ܐ ܕܐܲܦܪܹܝܡ: ܘܲܥܒܲܪܘ ܠܓܲܪܒ̇ܝܵܐ: ܘܐܸܡܲܪܘ ܠܢܲܦ̮ܬܲܚ: ܠܡܵܢܵܐ ܥܒܲܪܬ̇ ܠܡܸܬ̣ܟܲܬܵܫܘܼ ܥܲܡ ܒ̈ܢܲܝ ܥܲܡܘܿܢ: ܘܠܲܢ ܠܵܐ ܩܪܲܝܬ̇ ܠܡܹܐܙܲܠ ܥܲܡܵܟ̣. ܒܲܝܬܵܟ̣ ܡܵܘܩܕܼܝܼܢ ܚ̄ܢܲܢ ܥܠܲܝܟ ܒܢܘܼܪܵܐ. [No book]
[2]ܘܐܸܡܲܪ ܠܗܘܿܢ ܢܲܦ̮ܬܲܚ: ܓܲܒ̣ܪܹ̈ܐ: ܢܵܨܹܐ ܗ̄ܘܹ̇ܝܬ̣ ܐܸܢܵܐ ܘܥܲܡܝ ܥܲܡ ܒ̈ܢܲܝ ܥܲܡܘܿܢ: ܘܲܩܪܹܝܬ̣ܟ̣ܘܿܢ ܘܠܵܐ ܦܪܲܩܬ̇ܘܿܢܵܢܝ ܡ̣ܢ ܐܝܼܕܲܝ̈ܗܘܿܢ. [No book]
[3]ܘܟܲܕܼ ܚܙܹܝܬ̣ ܕܠܲܝܬ̇ ܕܦܵܪܹܩ ܠܝܼ: ܣܵܡܹ̇ܬ̣ ܢܲܦ̮ܫܝ ܒܲܙܘܵܪ̈ܲܝ: ܘܥܸܒ̣ܪܹܬ̣ ܥܲܠ ܒ̈ܢܲܝ ܥܲܡܘܿܢ: ܘܐܲܫܠܸܡ ܐܸܢܘܿܢ ܡܵܪܝܵܐ ܒܐܝܼܕܲܝ̈ ܘܗܵܫܵܐ ܠܡܵܢܵܐ ܣܠܸܩܬ̇ܘܿܢ ܥܠܲܝ ܝܵܘܡܵܢܵܐ ܕܬܸܬ̣ܟܲܬ̇ܫܘܿܢ ܥܲܡܝ. [No book]
[4]ܘܟܲܢܸܫ̣ ܢܲܦ̮ܬܲܚ ܠܟ̣ܠܗܘܿܢ ܐ̄ܢܵܫܵܐ ܕܓܸܠܥܵܕܼ: ܘܐܸܬ̣ܟܲܬܲܫ ܥܲܡ ܐܲܦܪܹܝܡ: ܘܲܡܚ̣ܵܘ ܐ̄ܢܵܫܲܝ̈ ܓܸܠܥܵܕܼ ܠܐ̄ܢܵܫܲܝ̈ ܐܲܦܪܹܝܡ: ܡܸܛܠ ܕܐܵܡ̇ܪܝܼܢ: ܕܐܲܦܪܹ̈ܝܡܵܝܹܐ ܐܸܢܘܿܢ ܕܒܹܝܬ̣ ܐܲܦܪܹܝܡ ܘܲܡܢܲܫܹܐ. [No book]
[5]ܘܐܸܚܲܕܼܘ ܓܸܠܥܵܕܼܵܝܹ̈ܐ ܠܡܲܥܒܲܪܬܵܐ ܕܝܘܿܪܕ̇ܢܵܢ ܕܐܲܦܪܹܝܡ. ܘܡܵܐ ܕܥܵܒ̣ܪܝܼܢ ܗ̄ܘ̣ܵܘ ܒܡܲܥܒܲܪܬܵܐ ܐܲܝܠܹܝܢ ܕܡܸܬ̣ܦܲܠܛܝܼܢ ܗ̄ܘ̣ܵܘ ܡ̣ܢ ܐܲܦܪܹܝܡ ܠܡܸܥܒܲܪ: ܡܫܲܐܠܝܼܢ ܗ̄ܘ̣ܵܘ ܠܹܗ ܐ̄ܢܵܫܲܝ̈ ܓܸܠܥܵܕܼ: ܐܲܦܪܹܝܡܵܝܵܐ ܐܲܢ̄ܬ̇: ܐܵܡܲܪ ܠܵܐ. [No book]
[6]ܐܵܡ̇ܪܝܼܢ ܠܹܗ: ܐܸܡܲܪ ܫܸܒ̇ܠܹ̈ܐ. ܐܵܡܲܪ ܣܸܒ̇ܠܹ̈ܐ: ܡܸܛܠ ܕܠܵܐ ܓܹܝܪ ܡܸܫܟܲܚ ܗ̄ܘ̣ܵܐ ܠܲܡܡܲܠܵܠܘܼ ܗܵܟܲܢܵܐ: ܘܐܲܥܒ̇ܪܘܼܗܝ ܘܢܲܟ̣ܣܘܼܗܝ ܥܲܠ ܡܲܥܒܲܪܬܵܐ ܕܝܘܿܪܕ̇ܢܵܢ ܘܲܢܦܲܠ̣ܘ ܒܙܲܒ̣ܢܵܐ ܗܵܘ̇ ܡ̣ܢ ܐܲܦܪܹܝܡ: ܐܲܪܒ̇ܥܝܼܢ ܘܲܬ̣ܪܹܝܢ ܐܲܠܦ̈ܝܼܢ. [No book]
[7]ܘܕܼܵܢ ܢܲܦ̮ܬܲܚ ܠܝܼܣܪܵܝܹܠ ܫܸܬ̣ ܫܢ̈ܝܼܢ: ܘܡܝܼܬ̣ ܢܲܦ̮ܬܲܚ ܓܸܠܥܵܕܼܵܝܵܐ: ܘܐܸܬ̣ܩܒܲܪ ܒܲܩܪܝܼ̣ܬ̣ܵܐ ܕܓܸܠܥܵܕܼ. [No book]
[8]ܘܕܼܵܢ ܡ̣ܢ ܒܵܬ̣ܪܹܗ ܠܝܼܣܪܵܝܹܠ: ܐܲܒ̣ܝܼܨܵܢ ܕܡ̣ܢ ܒܹܝܬ̣ ܠܚܸܡ. [No book]
[9]ܘܲܗܘ̤ܵܘ ܠܹܗ ܬܠܵܬ̣ܝܼܢ ܒܢ̈ܝܼܢ: ܘܲܬ̣ܠܵܬ̣ܝܼܢ ܒ̈ܢܵܢ. ܘܲܬ̣ܠܵܬ̣ܝܼܢ ܒ̈ܢܵܬܹܗ ܐܲܦܸܩ ܠܒܲܪ: ܘܲܬ̣ܠܵܬ̣ܝܼܢ ܟܲܠ̈ܠܵܢ ܐܲܥܸܠ̣ ܡ̣ܢ ܠܒܲܪ. ܘܕܼܵܢ ܠܝܼܣܪܵܝܹܠ ܫܒܲܥ ܫܢ̈ܝܼܢ. [No book]
[10]ܘܡܝܼܬ̣ ܐܲܒ̣ܝܼܨܵܢ: ܘܐܸܬ̣ܩܒܲܪ ܒܒܹܝܬ̣ ܠܚܸܡ. [No book]
[11]ܘܕܼܵܢ ܡ̣ܢ ܒܵܬ̣ܪܹܗ ܠܝܼܣܪܵܝܹܠ ܐܲܠܘܿܢ ܕܡ̣ܢ ܙܒ̣ܘܿܠܘܿܢ ܥܣܲܪ ܫܢ̈ܝܼܢ. [No book]
[12]ܘܡܝܼܬ̣ ܐܲܠܘܿܢ ܕܡ̣̤ ܙܒ̣ܘܿܠܘܿܢ: ܘܐܸܬ̣ܩܒܲܪ ܒܐܲܝܠܘܿܢ ܒܐܲܪܥܵܐ ܕܲܙܒ̣ܘܿܠܘܿܢ. [No book]
[13]ܘܕܼܵܢ ܡ̣ܢ ܒܵܬ̣ܪܹܗ ܠܝܼܣܪܵܝܹܠ: ܥܲܟ̣ܪܘܿܢ ܒܲܪ ܗܸܠܝܵܢ ܐܲܦܪܲܥܬ̇ܘܿܢܵܝܵܐ. [No book]
[14]ܘܲܗܘ̤ܵܘ ܠܹܗ ܐܲܪܒ̇ܥܝܼܢ ܒܢ̈ܝܼܢ: ܘܲܬ̣ܠܵܬ̣ܝܼܢ ܒ̈ܢܲܝ ܒܢܵܘ̈ܗܝ: ܘܲܗܘ̤ܵܘ ܪܟ̣ܝܼܒ̣ܝܼܢ ܥܲܠ ܫܲܒ̣ܥܝܼܢ ܥܝܼ̈ܠܝܼܢ: ܘܕܼܵܢ ܠܝܼܣܪܵܝܹܠ ܬܡܵܢܹܐ ܫܢ̈ܝܼܢ. [No book]
[15]ܘܡܝܼܬ̣ ܥܲܟ̣ܪܘܿܢ ܒܲܪ ܗܸܠܝܵܢ ܐܲܦܪܲܥܬ̇ܘܿܢܵܝܵܐ: ܘܐܸܬ̣ܩܒܲܪ ܒܐܲܦܪܲܥܬ̇ܘܿܢ: ܒܐܲܪܥܵܐ ܕܐܲܦܪܹܝܡ ܒܛܘܼܪܵܐ ܕܲܥܡܵܠܩܵܝܹ̈ܐ. [No book]
Translation: Charles H. Hoole (1885)
Source: www.earlychristianwritings.com
Top