|
|
| [1]ܘܲܗܘ̤ܵܐ ܡ̣ܢ ܒܵܬܲܪ ܝܵܘ̈ܡܵܬ̣ܵܐ ܒܙܲܒ̣ܢܵܐ ܕܲܚܨܵܕܼܵܐ ܕܚܸܛܹ̈ܐ: ܘܐܸܬ̇ܕܲܟ̣ܪܵܗ̇ ܫܸܡܫܘܿܢ: ܠܐܲܢ̄ܬ̇ܬܹܗ ܒܓܲܕܝܵܐ ܕܥܸܙܹ̈ܐ: ܘܐܸܡܲܪ ܐܹܙܲܠ ܠܘܵܬ̣ ܐܲܢ̄ܬ̇ܬ̣ܝ ܠܩܲܝܛܘܿܢܵܐ ܘܠܵܐ ܫܲܒ̣ܩܹܗ ܐܲܒ̣ܘܼܗ̇ ܠܡܸܥܲܠ. |
[No book] |
| [2]ܘܐܸܡܲܪ ܠܹܗ ܐܲܒ̣ܘܼܗܝ: ܣܵܒܲܪ ܗ̄ܘܹܝܬ̣ ܕܡܸܣܢܵܐ ܣܢܲܝܬܵܗ̇: ܘܝܲܗ̄ܒ̣ܬܵܗ̇ ܠܫܵܘܫܒ̣ܝܼܢܵܟ̣ ܗܵܐ ܚܵܬ̣ܵܗ̇ ܙܥܘܿܪܬܵܐ ܕܛܵܒ̣ܵܐ ܡܸܢܵܗ̇: ܬܸܗܘܹܐ ܠܵܟ̣ ܚܠܵܦܹܝܗ̇. |
[No book] |
| [3]ܘܐܸܡܲܪ ܠܗܘܿܢ ܫܸܡܫܘܿܢ: ܙܲܟܵܝ ܐ̄ܢܵܐ ܡ̣ܢ ܦܠܸܫܬܵܝܹ̈ܐ: ܡܸܛܠ ܕܥܵܒܹܕܼ ܐ̄ܢܵܐ ܥܲܡܟ̣ܘܿܢ ܒܝܼܫܬܵܐ. |
[No book] |
| [4]ܘܐܸܙܲܠ ܫܸܡܫܘܿܢ ܘܐܸܚܲܕܼ ܬܠܵܬ̣ ܡܵܐܐ ܬܲܥ̈ܠܝܼܢ: ܘܲܢܣܲܒ̣ ܠܲܡܦܹܝ̈ܕܹܐ: ܘܐܸܣܲܪ ܒܕܼܘܼܢ̈ܒ̇ܝܵܬ̣ܗܘܿܢ: ܬܪܹܝܢ ܬܪܹܝܢ ܬܲܥ̈ܠܝܼܢ ܐܲܟ̣ܚ̄ܕܼܵܐ: ܘܐܸܣܲܪ ܚܲܕܼ ܚܲܕܼ ܠܲܡܦܹܝܕܼܵܐ ܒܹܝܬ̣ ܬܪܹܝܢ ܬܲܥ̈ܠܝܼܢ: ܒܲܝܢܵܬ̣ ܬܲܪܬܹ̇ܝܢ ܕܘܼܢ̈ܒ̇ܝܵܬ̣ܗܘܿܢ. |
[No book] |
| [5]ܘܐܵܘܚܸܕܼ ܢܘܼܪܵܐ ܒܠܲܡܦܹ̈ܝܕܹܐ: ܘܲܫܒܲܩ ܒܩܵܝ̈ܡܵܬ̣ܵܐ ܕܲܦܠܸܫܬܵܝܹ̈ܐ: ܘܐܵܘܩܸܕܼ ܡ̣ܢ ܓܕܼܝܼܫܹ̈ܐ: ܘܲܥܕܲܡܵܐ ܠܩܵܝ̈ܡܵܬ̣ܵܐ: ܘܥܕܲܡܵܐ ܠܟܲܪ̈ܡܹܐ: ܘܲܥܕܲܡܵܐ ܠܙܲܝ̈ܬܹ̇ܐ. |
[No book] |
| [6]ܘܐܵܡ̇ܪܝܼܢ ܦܠܸܫܬܵܝܹ̈ܐ: ܡܲܢܘܼ ܥܒܲܕܼ ܗܵܟܲܢܵܐ: ܐܵܡ̇ܪܝܼܢ ܫܸܡܫܘܿܢ ܚܲܬ̣ܢܹܗ ܕܬܲܡܢܲܡ: ܥܲܠ ܕܲܢܣܲܒ̣ ܐܲܢ̄ܬ̇ܬܹܗ ܘܝܲܗ̄ܒ̣ܵܗ̇ ܠܫܵܘܫܒ̣ܝܼܢܹܗ. ܘܲܣܠܸܩܘ ܦܠܸܫܬܵܝܹ̈ܐ: ܘܐܵܘܩܕܼܘܼܗ̇ ܠܵܗ̇ ܘܲܠܒܹܝܬ̣ ܐܲܒ̣ܘܼܗ̇ ܒܢܘܼܪܵܐ. |
[No book] |
| [7]ܘܐܸܡܲܪ ܠܗܘܿܢ ܫܸܡܫܘܿܢ: ܐܵܦܸܢ ܬܸܥܒ̇ܕܼܘܼܢ ܗܵܟܲܢܵܐ: ܡܸܬ̣ܢܲܩܲܡ ܐ̄ܢܵܐ ܡܸܢܟ̣ܘܿܢ: ܘܗܵܝܕܹ̇ܝܢ ܫܵܠܹܐ ܐ̄ܢܵܐ. |
[No book] |
| [8]ܘܲܡ̣ܚܵܐ ܐܸܢܘܿܢ ܒܲܡܚܘܿܬ̣ܵܐ: ܡ̣ܢ ܫܵܩܲܝ̈ܗܘܿܢ ܘܲܥܕܲܡܵܐ ܠܚܲܨܲܝ̈ܗܘܿܢ: ܡܚܘܿܬ̣ܵܐ ܪܲܒ̇ܬ̣ܵܐ ܘܐܸܙܲܠ ܘܝܼܬܸܒ̣ ܒܣܵܚܵܦ ܕܒܲܫܩܝܼܦܵܐ ܕܥܲܛܡܝܼܢ. |
[No book] |
| [9]ܘܲܣܠܸܩܘ ܦܠܸܫܬܵܝܹ̈ܐ ܘܲܫܪܵܘ ܒܲܝܗܘܼܕܼܵܐ. |
[No book] |
| [10]ܘܐܵܡ̇ܪܝܼܢ ܓܲܒ̣ܪܹ̈ܐ ܕܲܝܗܘܼܕܼܵܐ ܠܡܵܢܵܐ ܣܠܸܩܬ̇ܘܿܢ: ܐܵܡ̇ܪܝܼܢ ܕܢܹܐܣܘܿܪ ܠܫܸܡܫܘܿܢ ܣܠܸܩ̄ܢ: ܕܢܸܥܒܸ̇ܕܼ ܠܹܗ ܐܲܝܟ̣ ܕܲܥܒܲܕܼ ܠܲܢ. |
[No book] |
| [11]ܘܲܢܚܸܬ̣ܘ ܬܠܵܬ̣ܵܐ ܐܲܠܦ̈ܝܼܢ ܓܲܒ̣ܪ̈ܝܼܢ ܡ̣ܢ ܝܼܗܘܼܕܼܵܐ: ܠܣܵܚܵܦ ܕܒܲܫܩܝܼܦܵܐ ܕܥܲܛܡܝܼܢ: ܘܐܵܡ̇ܪܝܼܢ ܠܫܸܡܫܘܿܢ: ܠܵܐ ܝܵܕܲܥ ܐܲܢ̄ܬ̇ ܕܫܲܠܝܼܛܝܼܢ ܒܲܢ ܦܠܸܫܬܵܝܹ̈ܐ: ܡܸܛܠ ܡܵܢܵܐ ܥܒܲܕ̇ܬ̇ ܠܲܢ ܗܵܟܲܢܵܐ. ܐܵܡܲܪ ܠܗܘܿܢ: ܐܲܝܟ̣ ܡܵܐ ܕܲܥܒܲܕܼܘ: ܗܵܟܲܢܵܐ ܥܸܒ̣ܕܹܬ̣ ܠܗܘܿܢ. |
[No book] |
| [12]ܐܵܡ̇ܪܝܼܢ ܠܗ: ܠܡܹܐܣܪܵܟ̣ ܢܚܸܬ̣̄ܢ ܘܲܠܡܲܫܠܵܡܘܼܬ̣ܵܟ̣ ܒܐܝܼܕܼܵܐ ܕܲܦܠܸܫܬܵܝܹ̈ܐ ܐܵܡܲܪ ܠܗܘܿܢ: ܝܼܡܵܘ ܠܝܼ ܕܠܵܐ ܬܲܗܪܘܼܢܵܢܝ ܐܲܢ̄ܬ̇ܘܿܢ. |
[No book] |
| [13]ܐܵܡܪܹܝܢ ܠܹܗ ܠܵܐ: ܐܸܠܵܐ ܡܹܐܣܲܪ ܐܵܣܪܝܼܢ ܚ̄ܢܲܢ ܠܵܟ̣: ܘܡܲܫ̱ܠܡܝܼܢ ܚ̄ܢܲܢ ܠܵܟ̣ ܒܐܝܼܕܲܝ̈ܗܘܿܢ: ܘܡܸܩܛܲܠ ܠܵܐ ܩܵܛܠܝܼܢ ܚ̄ܢܲܢ ܠܵܟ̣. ܘܐܲܣܪܘܼܗ̇ ܒܬܲܪܬܹ̇ܝܢ ܫܸܫ̈ܠܵܬ̣ܵܐ ܚܲܕܼ̈ܬ̣ܵܬ̣ܵܐ: ܘܐܲܣܩܘܼܗܝ ܡ̣ܢ ܫܩܝܼܦܵܐ ܗܵܘ̇. |
[No book] |
| [14]ܘܡܵܛܝܼ ܥܕܲܡܵܐ ܠܲܠܚܝܼ: ܘܲܦܠܸܫܬܵܝܹ̈ܐ ܩܵܡ̣ܘ ܠܡܸܩܛܠܹܗ: ܘܐܲܨܠܚܲܬ̤ ܥܠܵܘܗܝ ܪܘܼܚܹܗ ܕܡܵܪܝܵܐ: ܘܲܗ̤ܘܲܝ̈ ܫܸܫ̈ܠܵܬ̣ܵܐ ܕܥܲܠ ܐܝܼܕܼܵܘ̈ܗܝ: ܐܲܝܟ̣ ܟܸܬܵܢܵܐ ܕܣܸܦܲܬ̤ ܒܹܗ ܢܘܼܪܵܐ: ܘܐܸܫܬ̇ܪܝܼܘ ܐܲܣܘܼܪܹ̈ܐ ܡ̣ܢ ܐܝܼܕܼܵܘ̈ܗܝ. |
[No book] |
| [15]ܘܐܸܫܟܲܚ ܦܲܟܵܐ ܕܲܚܡܵܪܵܐ ܛܲܪܘܼܢܵܐ: ܘܐܵܘܫܸܛ ܐܝܼܕܹܗ ܘܢܲܣܒܹ̇ܗ: ܘܩܲܛܸܠ ܒܹܗ ܐܵܠܹܦ ܓܲܒ̣ܪ̈ܝܼܢ. |
[No book] |
| [16]ܘܐܸܡܲܪ ܫܸܡܫܘܿܢ: ܒܦܲܟܵܐ ܕܲܚܡܵܪܵܐ ܟܵܫ̈ܝܵܬ̣ܵܐ ܟܫܹܝܬ̣ ܡܸܢܗܘܿܢ: ܒܦܲܟܵܐ ܕܲܚܡܵܪܵܐ ܩܲܛܠܹܬ̣ ܐܵܠܹܦ ܓܲܒ̣ܪ̈ܝܼܢ. |
[No book] |
| [17]ܘܟܲܕܼ ܫܲܠܸܡ ܠܲܡܡܲܠܵܠܘܼ: ܫܕܼܵܝܗܝ ܦܲܟܵܐ ܡ̣ܢ ܐܝܼܕܹܗ: ܘܲܩ̣ܪܵܐ ܫܡܹܗ ܕܐܲܬ̣ܪܵܐ ܗܵܘ̇ ܕܡܵܐ ܕܦܲܟܵܐ. |
[No book] |
| [18]ܘܲܨܗܝܼ ܛܵܒ̣: ܘܲܩܪܵܐ ܠܡܵܪܝܵܐ ܘܐܸܡܲܪ: ܐܲܢ̄ܬ̇ ܝܲܗ̄ܒ̣ܬ̇ ܒܐܝܼܕܹܗ ܕܥܲܒ̣ܕܵܟ̣ ܢܸܨܚܵܢܵܐ ܗܵܢܵܐ ܪܲܒܵܐ: ܘܗܵܫܵܐ ܐܹܡܘܼܬ̣ ܠܨܲܗܝܵܐ: ܘܐܸܦܸܠ ܒܐܝܼܕܼܵܐ ܕܥܘܼܪ̈ܠܹܐ ܗܵܠܹܝܢ. |
[No book] |
| [19]ܘܒܲܙܥ̣ ܡܵܪܝܵܐ ܐܲܠܵܗܵܐ ܠܘܼܓ̣ܡܵܐ ܕܦܲܟܵܐ ܕܲܚܡܵܪܵܐ: ܘܲܢܦܲܩܘ ܡܸܢܹܗ ܡܲـ̈ـܝܵܐ: ܘܐܸܫܬ̇ܝܼ ܘܐܸܬ̣ܦܲܢܝܲܬ̤ ܪܘܼܚܹܗ. ܡܸܛܠ ܗܵܢܵܐ ܩ̣ܪܵܐ ܫܡܹܗ ܕܐܲܬ̣ܪܵܐ ܗܵܘ̇: ܥܹܝܢ ܩܲܪܢܵܐ ܕܦܲܟܵܐ ܕܲܚܡܵܪܵܐ ܥܕܲܡܵܐ ܠܝܵܘܡܵܢܵܐ. |
[No book] |
| [20]ܘܗ̤ܘ ܪܢ ܠܝܼܣܪܵܝܹܠ ܒܝܵܘ̈ܡܵܬ̣ܵܐ ܕܲܦܠܸܫܬܵܝܹ̈ܐ ܥܸܣܪܝܼܢ ܫܢ̈ܝܼܢ. |
[No book] |