|
|
| [1]ܘܲܗܘ̤ܵܐ ܒܝܵܘ̈ܡܵܬ̣ܵܐ ܗܵܢܘܿܢ: ܘܡܲܠܟܵܐ ܠܲܝܬ̇ ܗ̄ܘ̣ܵܐ ܒܝܼܣܪܵܝܹܠ. ܘܲܗܘ̤ܵܐ ܓܲܒ̣ܪܵܐ ܠܹܘܝܼ ܥܵܡܲܪ ܗ̄ܘ̣ܵܐ ܒܲܫܦܘܿܠܵܐ ܕܛܘܼܪܵܐ: ܘܲܢܣܲܒ̣ ܠܹܗ ܐܲܢ̄ܬ̇ܬ̣ܵܐ ܕܪܘܼܟ̣ܬ̣ܵܐ ܡ̣ܢ ܒܹܝܬ̣ ܠܚܸܡ ܕܲܝܗܘܼܕܼܵܐ. |
[No book] |
| [2]ܘܙܲܢܝܲܬ̣ ܥܠܵܘܗܝ ܕܪܘܼܟ̣ܬܹ̇ܗ: ܘܩܵܡܲܬ̤ ܘܐܸܙܲܠ̄ܬ̇ ܡ̣ܢ ܠܘܵܬܹܗ ܠܒܹܝܬ̣ ܐܲܒ̣ܘܼܗ̇ ܠܒܹܝܬ̣ ܠܚܸܡ ܕܲܝܗܘܼܕܼܵܐ: ܘܲܗܘ̤ܵܬ̣ ܬܲܡܵܢ ܝܵܘ̈ܡܵܬ̣ܵܐ ܝܲܪ̈ܚܹܐ ܐܲܪܒ̇ܥܵܐ. |
[No book] |
| [3]ܘܩܵܡ ܒܲܥܠܵܗ̇ ܘܐܸܙܲܠ ܒܵܬ̣ܪܵܗ̇: ܕܢܸܡܠܹܐ ܒܠܸܒܵܗ̇ ܘܢܲܝܬܹ̇ܝܗ̇: ܘܲܥܠܲܝܡܹܗ ܘܲܬ̣ܪܹܝܢ ܚܡܵܪ̈ܝܼܢ ܥܲܡܹܗ. ܘܐܲܥܸܠܬܹܗ ܠܒܹܝܬ̣ ܐܲܒ̣ܘܼܗ̇: ܘܲܚܙܵܝܗܝ ܐܲܒ̣ܘܼܗܝ ܕܲܥܠܲܝܡܬ̣ܵܐ ܘܲܚܕܼܝܼ ܠܩܘܼܒ̣ܠܹܗ. |
[No book] |
| [4]ܘܐܲܚܕܹ̇ܗ ܚܡܘܼܗܝ ܐܲܒ̣ܘܼܗ̇ ܕܲܥܠܲܝܡܬ̣ܵܐ: ܘܝܼܬܸܒ̣ ܠܘܵܬܹܗ ܬܠܵܬ̣ܵܐ ܝܵܘ̈ܡܝܼܢ: ܘܲܠܥܸܣܘ ܘܐܸܫܬ̇ܝܼܘ ܘܒ̣ܵܬ̣ܘ ܬܲܡܵܢ. |
[No book] |
| [5]ܘܲܒ̣ܝܵܘܡܵܐ ܕܐܲܪܒ̇ܥܵܐ: ܩܲܕܸ̇ܡ ܒܨܲܦܪܵܐ ܠܡܹܐܙܲܠ: ܘܐܸܡܲܪ ܐܲܒ̣ܘܼܗ̇ ܕܲܥܠܲܝܡܬ̣ܵܐ ܠܚܲܬ̣ܢܹܗ. ܣܡܘܿܟ̣ ܠܸܒܵܟ̣ ܒܲܩܨܵܝܵܐ ܕܠܲܚܡܵܐ: ܘܗܵܝܕܹ̇ܝܢ ܬܩܘܼܡ ܘܬܹܐܙܲܠ. |
[No book] |
| [6]ܘܝܼܬܸܒ̣ܘ ܘܲܠܥܸܣܘ ܬܪ̈ܲܝܗܘܿܢ ܐܲܟ̣ܚ̄ܕܼܵܐ ܘܐܸܫܬ̇ܝܼܘ. ܘܐܸܡܲܪ ܐܲܒ̣ܘܼܗܝ ܕܲܥܠܲܝܡܬ̣ܵܐ: ܠܚܲܬ̣ܢܹܗ: ܐܸܢ ܨܵܒܹ̇ܐ ܐܲܢ̄ܬ̇: ܒܘܼܬ̣ ܘܢܸܛܐܲܒ̣ ܠܵܟ̣. |
[No book] |
| [7]ܘܩܵܡ ܓܲܒ̣ܪܵܐ ܠܡܹܐܙܲܠ: ܘܐܲܠܨܹܗ ܚܡܘܼܗܝ: ܘܒ̣ܵܬ̣ ܠܹܗ ܬܲܡܵܢ. |
[No book] |
| [8]ܘܩܲܕܸ̇ܡ ܒܨܲܦܪܵܐ ܒܝܵܘܡܵܐ ܕܚܲܡܫܵܐ ܠܡܹܐܙܲܠ: ܘܐܸܡܲܪ ܠܹܗ ܐܲܒ̣ܘܼܗ̇ ܕܲܥܠܲܝܡܬ̣ܵܐ: ܣܡܘܿܟ̣ ܠܸܒܵܟ̣: ܘܐܸܬ̣ܟܲܪ̄ܟ̣ ܥܲܕܼ ܨܵܠܹ̇ܐ ܝܵܘܡܵܐ: ܘܲܠܥܸܣܘ ܬܪ̈ܲܝܗܘܿܢ ܘܐܸܫܬ̇ܝܼܘ. |
[No book] |
| [9]ܘܩܵܡ̣ ܓܲܒ̣ܪܵܐ ܠܡܹܐܙܲܠ: ܗ̤ܘ ܘܲܕܼܪܘܼܟ̣ܬܹ̇ܗ ܘܲܥܠܲܝܡܹܗ: ܘܐܸܡܲܪ ܠܹܗ ܚܡܘܼܗܝ ܐܲܒ̣ܘܼܗ̇ ܕܲܥܠܲܝܡܬ̣ܵܐ: ܗܵܐ ܦ̣ܢܵܐ ܝܵܘܡܵܐ: ܒܘܼܬ̣ ܗܵܪܟܵܐ ܘܢܸܛܐܲܒ̣ ܠܵܟ̣: ܘܩܲܕܸ̇ܡܘ ܡܚܵܪ ܘܙܸܠܘ ܠܡܲܫܟܲܢܟ̣ܘܿܢ. |
[No book] |
| [10]ܘܠܵܐ ܨܒ̣ܵܐ ܓܲܒ̣ܪܵܐ ܠܲܡܒ̣ܵܬ̣: ܘܩܵܡ ܘܐܸܙܲܠ ܘܡܲܛܝܼ ܠܘܼܩܒܲܠ ܝܵܒ̣ܘܿܣ ܕܗ̤ܝ ܗ̄ܝ̣ ܐܘܿܪܸܫܠܸܡ: ܘܥܲܡܹܗ ܬܪܹܝܢ ܚܡܵܪ̈ܝܼܢ ܟܲܕܼ ܛܥܝܼܢܝܼܢ: ܘܲܕܼܪܘܼܟ̣ܬܹ̇ܗ ܥܲܡܹܗ. |
[No book] |
| [11]ܗܸܢܘܿܢ ܥܲܠ ܓܹܢ̄ܒ̣ ܝܵܒ̣ܘܿܣ: ܘܝܵܘܡܵܐ ܪܟ̣ܢ ܠܹܗ ܛܵܒ̣. ܘܐܸܡܲܪ ܥܠܲܝܡܵܐ ܠܡܵܪܹܗ: ܬܵܐ ܢܸܣܛܹܐ ܠܲܩܪܝܼܬ̣ܵܐ ܗܵܕܹܐ ܝܵܒ̣ܘܿܣ: ܘܲܢܒ̣ܘܼܬ̣ ܒܵܗ̇. |
[No book] |
| [12]ܐܵܡܲܪ ܠܹܗ ܡܵܪܹܗ: ܠܵܐ ܢܸܣܛܹܐ ܠܲܩܪܝܼܬ̣ܵܐ ܢܘܼܟ̣ܪܵܝܬܵܐ ܕܠܵܐ ܗ̄ܘ̣ܵܬ̣ ܡ̣ܢ ܕܒܹܝܬ̣ ܝܼܣܪܵܝܹܠ: ܐܸܠܵܐ ܢܸܥܒܲܪ ܥܕܲܡܵܐ ܠܲܓܒܲܥ. |
[No book] |
| [13]ܘܐܸܡܲܪ ܠܹܗ ܡܵܪܹܗ: ܬܵܐ ܢܸܬ̣ܩܲܪܲܒ̣ ܠܚܲܕܼ ܡ̣ܢ ܐܲܬ̣ܪ̈ܵܘܵܬ̣ܵܐ: ܘܲܢܒܘܼܬ̣ ܒܲܓܒܲܥ ܐܵܘ ܒܪܵܡܬ̣ܵܐ. |
[No book] |
| [14]ܘܲܥ̣ܒܲܪܘ ܘܐܸܙܲܠ̣ܘ: ܘܥܸܪܒܲܬ̤ ܠܗܘܿܢ ܫܸܡܫܵܐ ܥܲܠ ܓܹܢ̄ܒ̣ ܓܒܲܥ ܕܒܸܢܝܵܡܹܝܢ. |
[No book] |
| [15]ܘܲܣܛܵܘ ܠܬܲܡܵܢ ܠܲܡܒ̣ܵܬ̣. ܘܥܲܠ̣ܘ ܠܲܓܒܲܥ ܘܝܼܬܸܒ̣ܘ ܒܫܘܼܩܵܐ ܕܲܩܪܝܼܬ̣ܵܐ: ܘܠܲܝܬ̇ ܐ̄ܢܵܫ ܕܡܲܥܸܠ ܠܗܘܿܢ ܠܒܲܝܬܵܐ ܠܲܡܒ̣ܵܬ̣. |
[No book] |
| [16]ܘܗܵܐ ܓܲܒ̣ܪܵܐ ܣܵܒ̣ܵܐ ܐܵܬܹ̇ܐ ܡ̣ܢ ܥܒ̣ܵܕܹܗ ܡ̣ܢ ܚܲܩܠܵܐ ܒܪܲܡܫܵܐ: ܘܓܲܒ̣ܪܵܐ ܡܢ ܛܘܼܪܵܐ ܗ̄ܘ̣ܵܐ ܕܐܲܦܪܹܝܡ: ܘܥܵܡܲܪ ܗ̄ܘ̣ܵܐ ܒܲܓ̣ܒܲܥ ܕܒܸܢܝܵܡܹܝܢ. ܘܐ̄ܢܵܫܵܘ̈ܗܝ ܕܐܲܬ̣ܪܵܐ ܒ̈ܢܲܝ ܒܸܢܝܵܡܹܝܢ: ܒܝܼܫܝܼܢ ܗ̄ܘ̣ܵܘ ܥܒ̣ܵܕܲܝ̈ܗܘܿܢ ܛܵܒ̣. |
[No book] |
| [17]ܘܐܲܪܝܼܡ ܥܲܝܢܵܘ̈ܗܝ ܓܲܒ̣ܪܵܐ ܣܵܒ̣ܵܐ: ܘܲܚܙܵܐ ܐܲܪܚܵܐ ܒܫܘܼܩܵܐ ܕܲܩܪܝܼܬ̣ܵܐ: ܘܐܸܡܲܪ ܠܹܗ ܓܲܒ̣ܪܵܐ ܣܵܒ̣ܵܐ: ܠܐܲܝܟܵܐ ܐܵܙܹ̇ܠ ܐܲܢ̄ܬ̇: ܘܡ̣ܢ ܐܲܝܡܸܟܵܐ ܐܵܬܹ̇ܐ ܐܲܢ̄ܬ̇. |
[No book] |
| [18]ܐܵܡܲܪ ܠܹܗ: ܡܸܥܒܲܪ ܥܵܒ̣ܪܝܼܢ ܚ̄ܢܲܢ ܡ̣ܢ ܒܹܝܬ̣ ܠܚܸܡ ܕܲܝܗܘܼܕܼܵܐ: ܥܕܲܡܵܐ ܠܲܫܦܘܿܠܲܝ̈ ܛܘܼܪܵܐ. ܘܡ̣ܢ ܬܲܡܵܢ ܐ̄ܢܵܐ. ܘܐܸܙܹܠ̄ܬ̇ ܥܕܲܡܵܐ ܠܒܹܝܬ̣ ܠܚܸܡ ܕܲܝܗܘܼܕܼܵܐ. ܘܲܠܒܲܝܬܹ̇ܗ ܕܡܵܪܝܵܐ ܐܵܙܹ̇ܠ ܐ̄ܢܵܐ: ܘܠܲܝܬ̇ ܐ̄ܢܵܫ ܕܡܲܥܸܠ ܠܲܢ ܠܒܲܝܬܵܐ. |
[No book] |
| [19]ܐܵܦ ܬܸܒ̣ܢܵܐ ܐܵܦ ܟܸܣܬ̣ܵܐ ܐܝܼܬ̣ ܠܚܸܡܪ̈ܲܢ: ܘܐܵܦ ܠܲܚܡܵܐ ܘܚܲܡܪܵܐ ܐܝܼܬ̣ ܠܝܼ ܘܠܲܐܡܬ̣ܵܟ̣ ܘܠܲܥܠܲܝܡܵܐ ܥܲܒ̣ܕܵܟ̣: ܘܡܸܕܸ̇ܡ ܠܵܐ ܚܲܣܝܼܪ. |
[No book] |
| [20]ܐܵܡܲܪ ܠܹܗ ܓܲܒ̣ܪܵܐ ܣܵܒ̣ܵܐ ܫܠܵܡ ܠܵܟ̣: ܟܠܡܸܕܸ̇ܡ ܕܚܲܣܝܼܪ ܠܵܟ̣ ܐܸܢܵܐ ܐܸܬܸ̇ܠ: ܒܲܠܚܘܿܕܼ ܒܫܘܼܩܵܐ ܠܵܐ ܬܒ̣ܘܼܬ̣. |
[No book] |
| [21]ܘܐܲܥܠܹܗ ܠܒܲܝܬܹ̇ܗ ܘܐܲܪܡܝܼ ܠܚܸܡܪܹ̈ܗ: ܘܐܲܫܝܼܓܘ ܪܸ̈ܓ̣ܠܝܗܘܿܢ: ܘܲܠܥܸܣܘ ܘܐܸܫܬ̇ܝܼܘ. |
[No book] |
| [22]ܘܗܸܢܘܿܢ ܫܦܲܪ ܠܸܒ̇ܗܘܿܢ: ܘܗܵܐ ܐ̄ܢܵܫܲܝ̈ ܩܪܝܼܬ̣ܵܐ ܓܲܒ̣ܪܹ̈ܐ ܥܵܘܵܠܹ̈ܐ ܐܸܬ̣ܟܲܪܟ̇ܘܼܗܝ ܠܒܲܝܬܵܐ: ܘܥܲܠ ܬܲܪܥܵܐ ܡܸܬ̣ܟܲܬ̇ܫܝܼܢ: ܘܐܵܡ̇ܪܝܼܢ ܠܓܲܒ̣ܪܵܐ ܣܵܒ̣ܵܐ ܡܵܪܹܗ ܕܒܲܝܬܵܐ: ܐܲܦܸܩ ܠܓܲܒ̣ܪܵܐ ܕܥܲܠ ܠܒܲܝܬܵܟ̣ ܕܢܸܕ̇ܥܝܼܘܗܝ. |
[No book] |
| [23]ܘܲܢܦܲܩ ܠܘܵܬ̣ܗܘܿܢ ܓܲܒ̣ܪܵܐ ܣܵܒ̣ܵܐ ܡܵܪܹܗ ܕܒܲܝܬܵܐ: ܘܐܸܡܲܪ ܠܗܘܿܢ: ܠܵܐ ܐܲܚܲܝ̈ ܠܵܐ ܬܲܒ̣ܐ̱ܫܘܼܢ ܗܵܟܲܢܵܐ: ܡܸܛܠ ܕܥܲܠ̣ ܓܲܒ̣ܪܵܐ ܗܵܢܵܐ ܠܒܲܝܬ̇ܝ ܠܵܐ ܬܸܥܒ̇ܕܼܘܼܢ ܨܲܥܪܵܐ ܗܵܢܵܐ. |
[No book] |
| [24]ܗܵܐ ܒܪܲܬܝ ܒܬ̣ܘܼܠܬܵܐ: ܘܲܕܼܪܘܼܟ̣ܬܹ̇ܗ: ܐܲܦܸܩ̣ ܐܸܢܹܝܢ ܠܟ̣ܘܿܢ: ܘܨܲܥܲܪܘ ܐܸܢܹܝܢ: ܘܲܥܒܸܕܼܘ ܠܗܹܝܢ ܡܸܕܸ̇ܡ ܕܫܲܦܝܼܪ ܒܥܲܝܢܲܝ̈ܟ̇ܘܿܢ: ܘܲܠܓܲܒ̣ܪܵܐ ܗܵܢܵܐ ܠܵܐ ܬܸܥܒ̇ܕܼܘܼܢ ܨܲܥܪܵܐ ܗܵܢܵܐ. |
[No book] |
| [25]ܘܠܵܐ ܨܒ̣ܵܘ ܓܲܒ̣ܪܹ̈ܐ ܗܵܢܘܿܢ ܠܡܸܫ̱ܡܥܹܗ. ܘܐܸܚܲܕܼ ܓܲܒ̣ܪܵܐ ܕܪܘܼܟ̣ܬܹ̇ܗ. ܘܐܲܦܩܵܗ̇ ܠܗܘܿܢ ܠܒܲܪ: ܘܚܲܟ̣ܡܘܼܗ̇: ܘܐܸܫܬܲܢܲܕܼܘ ܒܵܗ̇ ܟܠܹܗ ܠܸܠܝܵܐ ܥܕܲܡܵܐ ܠܨܲܦܪܵܐ: ܘܫܲܒ̣ܩܘܼܗ̇ ܟܲܕܼ ܣܠܸܩ ܨܲܦܪܵܐ. |
[No book] |
| [26]ܘܐܸܬ̣ܵܬ̤ ܐܲܢ̄ܬ̇ܬ̣ܵܐ ܠܥܸܕܵܢ ܨܲܦܪܵܐ: ܘܢܸܦܠܲܬ̤ ܒܬܲܪܥܵܐ ܕܓܲܒ̣ܪܵܐ ܐܲܝܟܵܐ ܕܡܵܪܵܗ̇ ܬܲܡܵܢ: ܥܕܲܡܵܐ ܕܢܸܓܗܲܬ̤. |
[No book] |
| [27]ܘܩܵܡ̣ ܡܵܪܵܗ̇ ܒܨܲܦܪܵܐ: ܘܲܦܬܲܚ̣ ܬܲܪܥܵܐ ܕܒܲܝܬܵܐ. ܘܲܢܦܲܩ̣ ܕܢܑܹܙܲܠ ܠܐܘܼܪܚܹܗ: ܘܲܚܙܵܐ ܕܪܘܼܟ̣ܬܹ̇ܗ ܪܲܡܝܵܐ ܥܲܠ ܬܲܪܥܵܐ ܕܒܲܝܬܵܐ: ܘܐܝܼܕܼܵܗ̇ ܥܲܠ ܬܲܪܥܵܐ. |
[No book] |
| [28]ܐܵܡܲܪ ܠܵܗ̇ ܩܘܼܡܝ ܢܹܐܙܲܠ: ܘܠܵܐ ܥܵܢ̇ܝܵܐ ܗ̄ܘ̣ܵܬ̣ ܠܹܗ. ܘܫܲܩܠܵܗ̇ ܥܲܠ ܚܡܵܪܹܗ: ܘܩܵܡ̣ ܓܲܒ̣ܪܵܐ ܘܐܸܙܲܠ̣ ܠܐܲܬ̣ܪܹܗ. |
[No book] |
| [29]ܘܥܲܠ ܠܒܲܝܬܹ̇ܗ: ܘܲܢܣܲܒ̣ ܣܲܟ̇ܝܼܢܵܐ: ܘܦܲܫܚܵܗ̇ ܠܲܕܼܪܘܼܟ̣ܬܹ̇ܗ ܠܬܲܪܬܲܥܸܣܪܹ̈ܐ ܡ̈ܢܵܘܵܢ: ܘܲܫܕܼܵܗ̇ ܒܟ̣ܠܗܘܿܢ ܬܚ̈ܘܼܡܹܐ ܕܝܼܣܪܵܝܹܠ. |
[No book] |
| [30]ܘܟ̣ܠܡ̇ܢ ܕܲܚܙܵܗ̇: ܐܸܡܲܪ: ܠܵܐ ܗܘ̤ܵܬ̣ ܘܠܵܐ ܐܸܬ̣ܚܲܙܝܲܬ̤ ܐܲܝܟ̣ ܗܵܕܹܐ: ܡ̣ܢ ܝܵܘܡܵܐ ܕܲܣܠܸܩ̣ܘ ܒ̈ܢܲܝ ܝܼܣܪܵܝܹܠ ܡ̣ܢ ܐܲܪܥܵܐ ܕܡܸܨܪܹܝܢ ܘܲܥܕܲܡܵܐ ܠܝܵܘܡܵܢܵܐ: ܘܐܸܬ̣ܪܲܥܝܼܘ ܥܠܹܝܗ̇: ܘܐܸܬ̣ܡܲܠܲܟ̣ܘ ܘܡܲܠܸܠ̣ܘ. |
[No book] |