➖ »
«
➖ ➕
Peshitta OT
PesOT
The First Book of Clement
1Clem
←
Judges
Jdg
3
→
[1]ܘܗܵܠܹܝܢ ܥܲܡܡܹ̈ܐ ܕܲܫܒܲܩ ܡܵܪܝܵܐ ܠܲܡܢܲܣܵܝܘܼ ܒܗܘܿܢ ܠܝܼܣܪܵܝܹܠ: ܟܠ ܕܠܵܐ ܝܼܕܲܥܘ ܠܟ̣ܠܗܘܿܢ ܩܪ̈ܵܒ̣ܵܐ ܕܲܟ̣ܢܲܥ̈ܢܵܝܹܐ. [No book]
[2]ܒܲܠܚܘܿܕܼ ܡܸܛܠ ܕܢܸܕ̇ܥܘܼܢ ܕܵܪܹ̈ܐ ܕܲܒ̣̈ܢܲܝ ܝܼܣܪܵܝܹܠ ܕܢܹܐܠܦܘܼܢ ܩܪܵܒ̣ܵܐ: ܒܲܠܚܘܿܕܼ ܩܲܕܼܡܵܝܹ̈ܐ ܠܵܐ ܝܼܕܲܥ̣ܘ. [No book]
[3]ܚܲܡܫܵܐ ܛܪ̈ܘܼܢܹܐ ܕܲܦܠܸܫ̈ܬܵܝܹܐ: ܘܟ̣ܠܗܘܿܢ ܟܢܲܥ̈ܢܵܝܹܐ ܘܨܲܝ̈ܕ̇ܢܵܝܹܐ: ܘܚܵܘܝܹ̈ܐ ܝܵܬ̣ܒܲܝ̈ ܛܘܼܪܵܐ ܕܠܸܒ̣ܢܵܢ: ܘܡ̣ܢ ܛܘܼܪܵܐ ܕܲܒ̣̈ܢܲܝ ܚܸܪܡܘܿܢ: ܘܲܥܕܲܡܵܐ ܠܡܲܥܠܵܢܵܐ ܕܲܚܡܵܬ̣. [No book]
[4]ܗܘ̤ܵܘ ܠܲܡܢܲܣܵܝܘܼ ܒܗܘܿܢ ܠܝܼܣܪܵܝܹܠ: ܕܢܸܕܲܥ ܐܸܢ ܫܵܡ̇ܥܝܼܢ ܦܘܼܩܕܵܢܵܘ̈ܗܝ ܕܡܵܪܝܵܐ: ܕܦܲܩܸܕܼ ܠܐܲܒ̣ܵܗܲܝ̈ܗܘܿܢ ܒܐܝܼܕܼܵܐ ܕܡܘܼܫܹܐ. [No book]
[5]ܘܲܒ̣̈ܢܲܝ ܝܼܣܪܵܝܹܠ ܝܼܬܸܒ̣ܘ ܒܲܝܢܵܬ̣ ܟܢܲܥ̈ܢܵܝܹܐ: ܘܚܵܘܵܝܹ̈ܐ: ܘܐܵܡܘܿܪ̈ܵܝܹܐ: ܘܦܲܪ̈ܙܵܝܹܐ: ܘܚܹܝ̈ܬ̣ܵܝܹܐ: ܘܝܵܒ̣ܘܿܣܵܝܹ̈ܐ. [No book]
[6]ܘܲܢܣܲܒ̣ܘ ܡ̣ܢ ܒ̈ܢܵܬ̣ܗܘܿܢ ܠܗܘܿܢ ܢܸܫܹ̈ܐ: ܘܲܒ̈ܢܵܬ̣ܗܘܿܢ ܝܲܗ̄ܒ̣ܘ ܠܲܒ̣ܢܲܝ̈ܗܘܿܢ: ܘܲܦܠܲܚܘ ܠܐܲܠܵܗܲܝ̈ܗܘܿܢ. [No book]
[7]ܘܲܥ̣ܒܲܕܘ ܒ̈ܢܲܝ ܝܼܣܪܵܝܹܠ ܕܒ̣ܝܼܫ ܩܕܼܵܡ ܡܵܪܝܵܐ: ܘܲܛܥܵܘ ܠܡܵܪܝܵܐ ܐܲܠܵܗܗܘܿܢ: ܘܲܦܠܲܚܘ ܠܒܲܥܠܵܐ ܘܠܐܸܣܬ̇ܪ̈ܵܬ̣ܵܐ. [No book]
[8]ܘܐܸܬ̣ܚܲܡܲܬ̣ ܡܵܪܝܵܐ ܥܲܠ ܝܼܣܪܵܝܹܠ: ܘܐܲܫܠܸܡ ܐܸܢܘܿܢ ܝܐܝܼܕܼܵܐ ܕܟ̣ܘܼܫܵܢ ܥܵܘܿܠܵܐ ܡܲܠܟܵܐ ܕܐܵܪܵܡ ܢܲܗܪ̈ܝܼܢ: ܘܲܦܠܲܚܘ ܒ̈ܢܲܝ ܝܼܣܪܵܝܹܠ ܠܟ̣ܘܼܫܵܢ ܥܵܘܿܠܵܐ ܬܡܵܢܹܐ ܫܢ̈ܝܼܢ. [No book]
[9]ܘܲܩܪܵܘ ܒ̈ܢܲܝ ܝܼܣܪܵܝܹܠ ܠܡܵܪܝܵܐ: ܘܐܲܩܝܼܡ ܡܵܪܝܵܐ ܦܵܪܘܿܩܵܐ ܠܲܒ̣̈ܢܲܝ ܝܼܣܪܵܝܹܠ: ܘܲܦܪܲܩ ܐܸܢܘܿܢ ܥܲܬ̣ܢܵܐܹܝܠ ܒܲܪ ܩܲܢܲܙ ܐܲܚܘܼܗܝ ܕܟ̣ܵܠܵܒ̣ ܕܲܙܥܘܿܪ ܡܸܢܹܗ. [No book]
[10]ܘܲܗܘ̤ܵܬ̣ ܥܠܵܘܗܝ ܐܝܼܕܹܗ ܕܡܵܪܝܵܐ: ܘܕܼܵܢ ܠܝܼܣܪܵܝܹܠ: ܘܲܢܦܲܩ ܠܲܩܪܵܒ̣ܵܐ: ܘܐܲܫܠܸܡ ܡܵܪܝܵܐ ܒܐܝܼܕܼܵܘ̈ܗܝ ܠܟ̣ܘܼܫܲܢ ܥܵܘܿܠܵܐ ܡܲܠܟܵܐ ܕܐܵܪܵܡ ܢܲܗܪ̈ܝܼܢ: ܘܥܸܫܢܲܬ̤ ܐܝܼܕܹܗ ܥܲܠ ܟܘܼܫܲܢ ܥܵܘܿܠܵܐ. [No book]
[11]ܘܐܸܬ̇ܬ̇ܢܝܼܚܲܬ̤ ܐܲܪܥܵܐ ܐܲܪܒ̇ܥܝܼܢ ܫܢ̈ܝܼܢ: ܘܡܝܼܬ̣ ܥܲܬ̣ܢܵܐܹܝܠ ܒܲܪ ܩܲܢܲܙ. [No book]
[12]ܘܐܵܘܣܸܦ ܒ̈ܢܲܝ ܝܼܣܪܵܝܹܠ ܠܡܸܥܒܲܕܼ ܕܒ̣ܝܼܫ ܩܕܼܵܡ ܡܵܪܝܵܐ: ܘܚܲܝܸܠ ܡܵܪܝܵܐ ܠܥܸܓܠܘܿܢ ܡܲܠܟܵܐ ܕܡܘܼܐܵܒ̣ ܥܲܠ ܝܼܣܪܵܝܹܠ: ܥܲܠ ܕܲܥܒܲܕܼܘ ܕܒ̣ܝܼܫ ܩܕܼܵܡ ܡܵܪܝܵܐ. [No book]
[13]ܘܟܲܢܸܫ ܥܠܲܝܗܘܿܢ ܠܲܒ̣̈ܢܲܝ ܥܲܡܘܿܢ ܘܠܲܥܡܵܠܹܝܩ: ܘܐܸܙܲܠ̣ܘ ܘܲܡܚܵܘ ܠܝܼܣܪܵܝܹܠ: ܘܝܼܪܸܬ̣ܘ ܩܪܝܼܬ̣ܵܐ ܕܕܸܩ̈ܠܹܐ. [No book]
[14]ܘܲܦܠܲܚ̣ܘ ܒ̈ܢܲܝ ܝܼܣܪܵܝܹܠ ܠܥܸܓܠܘܿܢ ܡܲܠܟܵܐ ܕܡܘܼܐܵܒ̣ ܬܡܵܢܲܥܸܣܪܹ̈ܐ ܫܢ̈ܝܼܢ. [No book]
[15]ܘܲܩܪܵܘ ܒ̈ܢܲܝ ܝܼܣܪܵܝܹܠ ܠܡܵܪܝܵܐ: ܘܐܲܩܝܼܡ ܠܗܘܿܢ ܡܵܪܝܵܐ ܦܵܪܘܿܩܵܐ: ܠܐܵܗܘܿܪ ܒܲܪ ܓܹܐܪܵܐ ܡ̣ܢ ܫܲܒ̣ܛܵܐ ܕܒܸܢܝܵܡܹܝܢ: ܓܲܒ̣ܪܵܐ ܕܲܦܫܝܼܓ̣ܵܐ ܗܘ̣ܵܬ̣ ܐܝܼܕܹܗ ܕܝܲܡܝܼܢܵܐ: ܘܫܲܕܲܪܘ ܒ̈ܢܲܝ ܝܼܣܪܵܝܹܠ ܩܘܼܪܒܵܢܵܐ ܒܐܝܼܕܹܗ ܠܥܸܓ̣ܠܘܿܢ ܡܲܠܟܵܐ ܕܡܘܼܐܵܒ̣. [No book]
[16]ܘܲܥܒܲܕܼ ܠܹܗ ܐܵܗܘܿܪ ܣܲܝܦܵܐ ܕܲܬ̣ܪܹܝܢ ܦܘܼܡܵܘ̈ܗܝ: ܩܦܸܣ ܐܘܼܪܟܹ̇ܗ: ܘܐܲܣܪܹܗ ܠܓ̣ܵܘ ܡ̣ܢ ܠܒ̣ܘܼܫܹܗ ܥܲܠ ܥܲܛܡܹܗ ܕܝܲܡܝܼܢܵܐ. [No book]
[17]ܘܩܲܪܸܒ̣ ܩܘܼܪܒܵܢܵܐ ܠܥܸܓ̣ܠܘܿܢ ܡܲܠܟܵܐ ܕܡܘܼܐܵܒ̣: ܘܥܸܓ̣ܠܘܿܢ ܡܲܠܟܵܐ ܓܲܒ̣ܪܵܐ ܗ̄ܘ̣ܵܐ ܕܲܒ̣ܪܝܼܪ ܛܵܒ̣. [No book]
[18]ܘܟܲܕܼ ܓܲܡܲܪ ܠܲܡܩܲܪܵܒ̣ܘܼ ܩܘܼܪܒܵܢܵܐ: ܫܪܵܐ ܠܥܲܡܵܐ ܫܩ̈ܝܼܠܲܝ ܩܘܼܪܒܵܢܵܐ. [No book]
[19]ܘܗ̤ܘ ܗ̣ܦܲܟ̣ ܡ̣ܢ ܦܣܝܼܠܝܼܢ ܕܥܲܠ ܓܹܢ̄ܒ̣ ܓܲܠܓܵܠܵܐ: ܘܐܸܡܲܪ ܠܹܗ: ܡܸܠܬ̣ܵܐ ܕܣܸܬ̣ܪܵܐ ܐܝܼܬ̣ ܠܝܼ ܕܐܹܡܲܪ ܠܵܟ̣ ܡܲܠܟܵܐ ܒܲܝܢܲܝ ܘܠܵܟ̣: ܘܐܸܡܲܪ ܡܲܠܟܵܐ ܥܒܲܪܘ ܡ̣ܢ ܬܲܡܵܢ: ܘܲܦܪܲܩ̣ܘ ܠܗܘܿܢ ܟܠܗܘܿܢ ܐܲܝܠܝܢ ܕܩܵܝ̇ܡܝܼܢ ܗ̄ܘ̣ܵܘ ܠܘܵܬܹܗ. [No book]
[20]ܘܐܵܗܘܿܪ ܥܲܠ ܠܘܵܬܹܗ: ܘܗ̤ܘ ܝܵܬܹ̇ܒ̣ ܗ̄ܘ̣ܵܐ ܒܥܸܠܝܼܬ̣ܵܐ ܒܲܠܚܘܿܕܼܵܘܗܝ ܕܡܲܬ̣ܩܢܵܐ ܗ̄ܘ̣ܵܬ̣ ܠܹܗ. ܘܐܸܡܲܪ ܐܵܗܘܿܪ: ܡܸܠܬ̣ܵܐ ܕܐܲܠܵܗܵܐ ܐܝܼܬ̣ ܠܝܼ ܕܐܹܡܲܪ ܠܵܟ̣: ܘܩܵܡ̣ ܥܸܓ̣ܠܘܿܢ ܡ̣ܢ ܟܘܼܪܣܝܹܗ. [No book]
[21]ܘܐܵܘܫܸܛ ܐܵܗܘܿܪ ܐܝܼܕܹܗ ܕܣܸܡܵܠܵܐ: ܘܲܢܣܲܒ̣ ܣܲܝܦܵܐ ܡ̣ܢ ܥܲܛܡܹܗ ܕܝܲܡܝܼܢܵܐ: ܘܲܡܚܵܝܗܝ ܒܟܲܪܣܹܗ. [No book]
[22]ܘܐܸܬ̣ܵܐ ܡܲܪܩܩܹܗ ܒܵܬܲܪ ܡܚܘܿܬܹܗ: ܘܣܲܟ̣ܪܵܗ̇ ܚܸܠܒܵܐ ܠܲܡܚܘܿܬ̣ܵܐ: ܡܸܛܠ ܕܠܵܐ ܫܲܡܛܹܗ ܣܲܝܦܵܐ ܡ̣ܢ ܟܲܪܣܹܗ: ܘܲܢܦܲܩ ܡܣܲܪܗ̱ܒ̣ܵܐܝܼܬ̣. [No book]
[23]ܘܲܢܦܲܩ ܐܵܗܘܿܪ ܠܲܟ̣ܣܘܼܣܛܪܘܿܢ ܘܐܸܚܲܕܼ ܬܲܪ̈ܥܹܐ ܕܥܸܠܝܼܬ̣ܵܐ ܒܐܲܦܵܘ̈ܗܝ ܘܲܢܦܲܩ. [No book]
[24]ܗ̤ܘ ܢܦܲܩ ܘܥܲܒ̣ܕܵܘ̈ܗܝ ܥܲܠܘ: ܘܚܵܙܹ̇ܝܢ ܬܲܪ̈ܥܹܐ ܕܥܸܠܝܼܬ̣ܵܐ ܛܦܹܝܢ: ܘܐܵܡ̇ܪܝܼܢ: ܟܒܲܪ ܠܲܦܪܘܼܬ̇ܕ̇ܩܵܐ ܢܦܲܩ ܒܬ̣ܵܘܵܢܵܐ ܕܥܸܠܝܼܬ̣ܵܐ. [No book]
[25]ܘܟܲܬܲܪܘ ܣܲܓ̇ܝܼ: ܘܚܵܙܹ̇ܝܢ ܠܵܐ ܦܵܬܲܚ ܬܲܪ̈ܥܹܐ ܕܥܸܠܝܼܬ̣ܵܐ: ܘܲܢܣܲܒ̣ܘ ܩܠܝܼ̈ܕܹܐ ܘܲܦܬܲܚܘ: ܘܚܵܙܹ̇ܝܢ ܡܵܪܗܘܿܢ ܪܡܸܐ ܥܲܠ ܐܲܪܥܵܐ ܘܡܝܼܬ̣. [No book]
[26]ܘܥܲܕܼ ܗܸܢܘܿܢ ܡܸܬ̇ܬܵܘܗܝܼܢ ܗ̄ܘ̣ܵܘ: ܐܲܗܘܿܪ ܥܒܲܪ ܠܲܦܣܝܼܠܝܼܢ ܘܐܸܬ̣ܦܲܠܲܛ: ܘܲܪܗܸܛ ܠܫܝܼܥܪܲܬ̣. [No book]
[27]ܘܟܲܕܼ ܐܸܬ̣ܵܐ: ܩܪܵܐ ܒܫܝܼܦܘܿܪܵܐ ܒܛܘܼܪܵܐ ܕܐܲܦܪܹܝܡ: ܘܲܢܚܸܬ̣ܘ ܥܲܡܹܗ ܒ̈ܢܲܝ ܝܼܣܪܵܝܹܠ ܡ̣ܢ ܛܘܼܪܵܐ: ܘܗ̤ܘ ܩܕܼܵܡܲܝܗܘܿܢ. [No book]
[28]ܘܐܸܡܲܪ ܠܗܘܿܢ: ܬܵܘ ܒܵܬܲܪܝ: ܡܸܛܠ ܕܐܲܫܠܸܡ ܡܵܪܝܵܐ ܠܲܒ̣ܥܸܠܕ̇ܒ̣ܵܒܲܝ̈ܟ̇ܘܿܢ ܡܘܼܐܵܒ̣ܵܝܹ̈ܐ ܒܐܝܼܕܲܝ̈ܟ̇ܘܿܢ. ܘܲܢܚܸܬ̣ܘ ܒܵܬ̣ܪܹܗ: ܘܐܸܚܲܕܼܘ ܡܲܥܒܲܪܬ̣ܵܐ ܕܝܘܿܪܕ̇ܢܵܢ ܕܡܘܼܐܵܒ̣: ܘܠܵܐ ܫܒܲܩ̣ܘ ܠܐ̄ܢܵܫ ܕܢܸܥܒܲܪ. [No book]
[29]ܘܩܲܛܸܠܘ ܡ̣ܢ ܡܘܼܐܵܒ̣ܵܝܹ̈ܐ ܒܗܵܘ̇ ܙܲܒ̣ܢܵܐ: ܐܲܝܟ̣ ܥܸܣܪܵܐ ܐܲܠܦ̈ܝܼܢ ܓܲܒ̣ܪ̈ܝܼܢ: ܟܠ ܕܥܲܬ̇ܝܼܪ ܘܟ̣ܠ ܓܒܲܪ ܚܲܝܠܬ̣ܵܢ: ܘܠܵܐ ܐܸܬ̣ܦܲܠܲܛ ܐ̄ܢܵܫ. [No book]
[30]ܘܐܸܬ̇ܬܲܒܲܪܘ ܡܘܼܐܵܒ̣ܵܝܹ̈ܐ ܒܗܵܘ̇ ܙܲܒ̣ܢܵܐ ܬܚܹܝܬ̣ ܐܝܼܕܼܵܐ ܕܝܼܣܪܵܝܹܠ: ܘܫܲܠܝܲܬ̤ ܐܲܪܥܵܐ ܬܡܵܢܐܝܼܢ ܫܢ̈ܝܼܢ. [No book]
[31]ܘܒ̣ܵܬ̣ܪܹܗ ܗܘ̤ܵܐ ܫܲܡܓܲܪ ܒܲܪ ܥܢܵܬ̣: ܘܲܚܪܲܒ̣ ܡ̣ܢ ܦܠܸܫܬܵܝܹ̈ܐ: ܫܸܬ̣ܡܵܐܐ ܓܲܒ̣ܪ̈ܝܼܢ ܒܡܲܣܵܣܵܐ ܕܬ̣ܵܘܪܹ̈ܐ: ܘܲܦܪܲܩ ܐܵܦ ܗ̤ܘ ܠܝܼܣܪܵܝܹܠ. [No book]
Translation: Charles H. Hoole (1885)
Source: www.earlychristianwritings.com
Top