|
|
| [1]ܘܐܵܘܣܸܦ̣ܘ ܬܘܼܒ̣ ܒ̈ܢܲܝ ܝܼܣܪܵܝܹܠ ܠܡܸܥܒܲܕܼ ܕܒ̣ܝܼܫ ܩܕܼܵܡ ܡܵܪܝܵܐ: ܘܐܵܗܘܿܪ ܡܝܼܬ̣. |
[No book] |
| [2]ܘܐܲܫܠܸܡ ܐܸܢܘܿܢ ܡܵܪܝܵܐ ܒܐܝܼܕܼܵܐ ܕܢܵܒ̣ܝܼܢ ܡܲܠܟܵܐ ܕܲܟ̣ܢܲܥܢ ܕܐܲܡܠܸܟ̣ ܒܚܵܨܘܿܪ: ܘܪܲܒ̇ ܚܲܝܠܹܗ ܣܝܼܣܪܵܐ: ܘܗ̤ܘ ܝܵܬܹܒ̣ ܗ̄ܘ̣ܵܐ ܒܚܲܪܫܲܬ̣ ܕܥܲܡܡܹ̈ܐ. |
[No book] |
| [3]ܘܐܲܙܥܸܩܘ ܒ̈ܢܲܝ ܝܼܣܪܵܝܹܠ ܠܡܵܪܝܵܐ: ܡܸܛܠ ܕܲܬ̣ܫܲܥܡܵܐܐ ܡܲܪ̈ܟ̇ܒ̣ܵܬ̣ܵܐ ܕܦܲܪܙܠܵܐ ܐܝܼܬ̣ ܗ̄ܘܲܝ̈ ܠܹܗ: ܘܗ̤ܘ ܡܫܲܥܒܸ̇ܕܼ ܗ̄ܘ̣ܵܐ ܠܲܒ̣̈ܢܲܝ ܝܼܣܪܵܝܹܠ ܒܲܩܛܝܼܪܵܐ ܥܸܣܪܝܼܢ ܫܢ̈ܝܼܢ. |
[No book] |
| [4]ܘܲܕܼܒ̣ܘܿܪܵܐ ܐܲܢ̄ܬ̇ܬ̣ܵܐ ܢܒ̣ܝܼܬ̣ܵܐ: ܐܲܢ̄ܬܲܬ̤ ܠܦܝܼܬ̣ܘܪ: ܗ̤ܝ ܗܘ̤ܵܬ̣ ܕܵܝܢܵܐ ܠܝܼܣܪܵܝܹܠ ܒܗܵܘ̇ ܙܲܒ̣ܢܵܐ. |
[No book] |
| [5]ܘܗ̤ܝ ܕܒ̣ܘܼܪܵܐ ܝܵܬ̣ܒܵܐ ܗ̄ܘ̣ܵܬ̣ ܬܚܹܝܬ̣ ܕܸܩܠܵܐ: ܒܹܝܬ̣ ܪܵܡܬ̣ܵܐ ܘܒܹܝܬ̣ ܐܹܝܠ ܕܲܒ̣ܛܘܼܪܵܐ ܕܐܲܦܪܹܝܡ: ܘܲܣܠܸܩܘ ܠܘܵܬ̣ܵܗ̇ ܒ̈ܢܲܝ ܝܼܣܪܵܝܹܠ ܠܕܼܝܼܢܵܐ. |
[No book] |
| [6]ܘܫܲܕ̇ܪܲܬ̤ ܩܪܬ̤ ܠܒ̣ܵܪܵܩ ܒܲܪ ܐܲܒ̣ܝܼܢܥܵܡ ܡ̣ܢ ܪܩܸܡ ܕܢܲܦ̮ܬܵܠܝܼ: ܘܐܵܡܪܵܐ ܠܹܗ: ܠܵܐ ܦܲܩܕܼܵܟ̣ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܕܬܹܐܙܲܠ ܘܬܸܬܸ̇ܒ̣ ܒܛܘܼܪܵܐ ܕܬ̣ܵܒ̣ܘܿܪ: ܘܬܸܕܼܒܲܪ ܥܲܡܵܟ̣ ܥܸܣܪܵܐ ܐܲܠܦ̈ܝܼܢ ܓܲܒ̣ܪ̈ܝܼܢ: ܡ̣ܢ ܒ̈ܢܲܝ ܢܲܦ̮ܬܵܠܝܼ: ܘܡ̣ܢ ܒ̈ܢܲܝ ܙܒ̣ܘܿܠܘܿܢ. |
[No book] |
| [7]ܘܢܹܐܬ̣ܘܿܢ ܥܲܡܵܟ̣ ܠܢܲܚܠܵܐ ܕܩܝܼܫܘܿܢ: ܥܲܠ ܣܝܼܣܪܵܐ ܪܲܒ̇ ܚܲܝܠܵܐ ܕܢܵܒ̣ܝܼܢ: ܘܥܲܠ ܡܲܪ̈ܟ̇ܒ̣ܵܬܹܗ: ܘܥܲܠ ܚܲܝܠܹܗ: ܘܐܲܫܠ̱ܡܝܼܘܗܝ ܒܐܝܼܕܲܝ̈ܟ. |
[No book] |
| [8]ܐܵܡܲܪ ܠܵܗ̇ ܒܵܪܵܩ: ܐܸܢ ܐܵܙ̇ܠ̄ܐ ܐܲܢ̄ܬ̇ܝ ܥܲܡܝ: ܐܵܙܹ̇ܠ ܐ̄ܢܵܐ. ܘܐܸܢ ܠܵܐ ܐܵܙ̇ܠ̄ܐ ܐܲܢ̄ܬ̇ܝ ܥܲܡܝ: ܠܵܐ ܐܵܙܹ̇ܠ ܐ̄ܢܵܐ. |
[No book] |
| [9]ܐܵܡܪܵܐ ܠܹܗ. ܡܹܐܙܲܠ ܐܵܙܵܠ̄ܐ ܐ̄ܢܵܐ ܥܲܡܵܟ̣: ܒܪܲܡ ܒܵܪܵܩ ܠܵܐ ܬܸܫܬܲܒ̣ܗܲܪ ܥܲܠ ܐܘܼܪܚܵܐ ܕܐܵܙܹܠ ܐܲܢ̄ܬ̇: ܡܸܛܠ ܕܒ̣ܐܝܼܕܼܵܐ ܕܐܲܢ̄ܬ̇ܬ̣ܵܐ ܢܲܫ̱ܠܡܝܼܘܗܝ ܡܵܪܝܵܐ ܠܣܝܼܣܪܵܐ. ܘܩܵܡܲܬ̤ ܕܒ̣ܘܿܪܵܐ ܘܐܸܙܲܠ̄ܬ̤ ܥܲܡ ܒܵܪܵܩ ܠܲܪܩܸܡ. |
[No book] |
| [10]ܘܟܲܢܸܫ ܒܵܪܵܩ ܠܲܙܒ̣ܘܿܠܘܿܢ: ܘܲܠܢܲܦ̮ܬܵܠܝܼ ܠܲܪܩܸܡ. ܘܲܣܠܸܩ̣ܘ ܥܲܡܹܗ ܥܸܣܪܵܐ ܐܲܠܦ̈ܝܼܢ ܓܲܒ̣ܪ̈ܝܼܢ: ܘܣܸܠܩܲܬ̤ ܥܲܡܹܗ ܐܵܦ ܕܒ̣ܘܿܪܵܐ. |
[No book] |
| [11]ܘܚܘܿܒ̣ܵܪ ܩܝܼܢܵܢ: ܢܦܲܩ ܡ̣ܢ ܩܝܼܢ ܡ̣ܢ ܒ̈ܢܲܝ ܚܘܿܒ̣ܵܒ̣ ܚܡܘܼܗܝ ܕܡܘܼܫܹܐ: ܘܲܢܩܲܫ ܡܲܫܟ̇ܢܹܗ ܥܕܲܡܵܐ ܠܒܸܛ̱ܡܬ̣ܵܐ ܕܒܲܨܥܝܼܢܝܼܢ ܕܥܲܠ ܓܹܢ̄ܒ̣ ܪܩܸܡ. |
[No book] |
| [12]ܘܚܵܘܝܼܘ ܠܣܝܼܣܪܵܐ ܕܲܣܠܸܩ ܒܵܪܵܩ ܒܲܪ ܐܲܒ̣ܝܼܢܥܵܡ ܠܛܘܼܪܵܐ ܕܬ̣ܵܒ̣ܘܿܪ. |
[No book] |
| [13]ܘܟܲܢܸܫ ܣܝܼܣܪܵܐ ܟܠܗܹܝܢ ܡܲܪ̈ܟ̇ܒ̣ܵܬܹܗ: ܬܫܲܥܡܵܐܐ ܡܲܪ̈ܟ̇ܒ̣ܵܬ̣ܵܐ ܕܦܲܪܙܠܵܐ: ܘܟ̣ܠܹܗ ܥܲܡܵܐ ܕܥܲܡܹܗ: ܡ̣ܢ ܚܲܪܫܲܬ̣ ܕܥܲܡܡܹ̈ܐ: ܘܲܥܕܲܡܵܐ ܠܢܲܚܠܵܐ ܕܩܝܼܫܘܿܢ. |
[No book] |
| [14]ܘܐܸܡܪܲܬ̤ ܕܒ̣ܘܿܪܵܐ ܠܒ̣ܵܪܵܩ: ܩܘܼܡ: ܡܸܛܠ ܕܗܵܢܘܿ ܝܵܘܡܵܐ ܕܐܲܫܠܸܡ ܡܵܪܝܵܐ ܠܣܝܼܣܪܵܐ ܒܐܝܼܕܲܝ̈ܟ. ܗܵܐ ܡܵܪܝܵܐ ܢܵܦܹ̇ܩ ܩܕܼܵܡܲܝܟ ܘܲܢܚܸܬ̣ ܒܵܪܵܩ ܡ̣ܢ ܛܘܼܪܵܐ ܕܬ̣ܵܒ̣ܘܿܪ: ܘܥܸܣܪܵܐ ܐܲܠܦ̈ܝܼܢ ܓܲܒ̣ܪ̈ܝܼܢ ܥܲܡܹܗ. |
[No book] |
| [15]ܘܲܬ̣ܒܲܪ ܡܵܪܝܵܐ ܠܣܝܼܣܪܵܐ ܘܲܠܟ̣ܠܗܹܝܢ ܡܲܪ̈ܟ̇ܒ̣ܵܬܹܗ: ܘܲܠܟ̣ܠܵܗ̇ ܡܲܫܪܝܼܬܹܗ ܒܦܘܼܡܵܐ ܕܚܲܪܒܵܐ ܩܕܼܵܡ ܒܵܪܵܩ: ܘܲܢܚܸܬ̣ ܣܝܼܣܪܵܐ ܡ̣ܢ ܡܲܪܟܲܒ̣ܬܹܗ: ܘܲܥ̣ܪܲܩ ܒܪܸ̈ܓ̣ܠܵܘܗܝ. |
[No book] |
| [16]ܘܒ̣ܵܪܵܩ ܪܕܲܦ ܒܵܬܲܪ ܡܲܪ̈ܟ̇ܒ̣ܵܬܹܗ ܘܒ̣ܵܬܲܪ ܡܲܫܪܝܼܬܹܗ: ܥܕܲܡܵܐ ܠܚܲܪܫܹ̇ܬ̣ ܕܥܲܡܡܹ̈ܐ: ܘܢܸܦܠܲܬ̤ ܟܠܵܗ̇ ܡܲܫܪܝܼܬܹܗ ܕܣܝܼܣܪܵܐ ܒܦܘܼܡܵܐ ܕܚܲܪܒܵܐ: ܘܐ̄ܢܵܫ ܠܵܐ ܐܸܬ̣ܦܲܠܲܛ ܟܲܕܼ ܚܲܝ. |
[No book] |
| [17]ܘܣܝܼܣܪܵܐ ܥܪܲܩ̣ ܒܲܪܓܸܠ: ܘܥܲܠ̣ ܠܡܲܫܟ̇ܢܵܐ ܕܲܥܢܵܐܹܝܠ ܐ̄ܢܬܲܬ̣ ܚܘܿܒ̣ܵܪ ܩܸܢܝܵܢܵܐ: ܡܸܛܠ ܕܲܫܠܵܡܵܐ ܐܝܼܬ̣ ܗ̄ܘ̣ܵܐ ܒܹܝܬ̣ ܢܵܒ̣ܝܼܢ ܡܲܠܟܵܐ ܕܚܵܨܘܿܪ ܘܒܹܝܬ̣ ܚܘܿܒ̣ܵܪ ܩܝܼܢܵܝܵܐ. |
[No book] |
| [18]ܘܢܸܦܩܲܬ̤ ܥܢܵܐܹܝܠ ܠܐܘܼܪܥܹܗ ܕܣܝܼܣܪܵܐ ܘܐܵܡܪܵܐ ܠܹܗ: ܣܛܝܼ ܡܵܪܝ ܠܘܵܬ̣ܝ ܘܠܵܐ ܬܸܕܼܚܲܠ. ܘܲܣܛ̣ܵܐ ܠܘܵܬ̣ܵܗ̇ ܠܡܲܫܟ̇ܢܵܐ: ܘܟܲܣܝܵܬܹܗ ܒܲܚܡܝܼܠܬܵܐ. |
[No book] |
| [19]ܘܐܸܡܲܪ ܠܵܗ̇: ܐܲܫܩܵܐܝܼܢܝ ܩܲܠܝܼܠ ܡܲـ̈ـܝܵܐ ܡܸܛܠ ܕܲܨܗܹܝܬ̣ ܘܲܫܪܵܬ̤ ܚܠܝܼܨܵܐ ܕܚܲܠܒ̣ܵܐ ܘܐܲܫܩܝܵܬܹܗ ܘܟܲܣܝܵܬܹܗ. |
[No book] |
| [20]ܘܐܸܡܲܪ ܠܵܗ̇ ܩܘܼܡܝ ܒܬܲܪܥܵܐ ܕܡܲܫܟ̇ܢܵܐ: ܘܐܸܢܗ̤ܘ ܕܐܵܬܹܐ ܐ̄ܢܵܫ ܫܵܐܹ̇ܠ ܠܹܟ̣ܝ ܘܐܵܡܲܪ ܕܐܝܼܬ̣ ܬܢܵܢ ܐ̄ܢܵܫ: ܐܸܡܲܪܝ ܠܹܗ ܠܲܝܬ̇. |
[No book] |
| [21]ܘܢܸܣܒܲܬ̤ ܥܢܵܐܹܝܠ ܐܲܢ̄ܬ̇ܬܹܗ ܕܚܘܿܒ̣ܵܪ ܣܸܟ̇ܬ̣ܵܐ ܕܡܲܫܟ̇ܢܵܐ: ܘܐܸܚܕܲܬ̤ ܐܲܪܙܲܦܬ̣ܵܐ ܒܐܝܼܕܼܵܗ̇: ܘܥܸܠܲܬ̤ ܥܠܵܘܗܝ ܟܲܕܼ ܗ̤ܘ ܕܡܝܼܟ̣: ܘܢܸܩܫܲܬ̤ ܣܸܟ̇ܬ̣ܵܐ ܒܨܸܕܼܥܹܗ: ܘܛܸܒ̣ܥܲܬ̤ ܒܐܲܪܥܵܐ ܟܲܕܼ ܗ̤ܘ ܕܡܝܼܟ̣: ܘܐܸܬ̇ܛܲܪܲܦ ܘܡܝܼܬ̣. |
[No book] |
| [22]ܘܗܵܐ ܒܵܪܵܩ ܪܵܕܹܦ ܒܵܬܲܪ ܣܝܼܣܪܵܐ: ܘܢܸܦܩܲܬ̤ ܥܢܵܐܹܝܠ ܠܐܘܼܪܥܹܗ: ܘܐܵܡ̇ܪܵܐ ܠܹܗ: ܬܵܐ ܐܹܚܵܘܹܝܟ ܠܓܲܒ̣ܪܵܐ ܕܒܵܥܹ̇ܐ ܐܲܢ̄ܬ̇. ܘܥܲܠ ܠܘܵܬ̣ܵܗ̇ ܘܲܚܙܵܐ: ܘܗܵܐ ܪܡܸܐ ܘܡܝܼܬ̣: ܘܣܸܟ̇ܬ̣ܵܐ ܒܨܸܕܼܥܹܗ. |
[No book] |
| [23]ܘܲܬ̣ܒܲܪ ܡܵܪܝܵܐ ܒܝܵܘܡܵܐ ܗܵܘ̇ ܠܢܵܒ̣ܝܼܢ ܡܲܠܟܵܐ ܕܲܟ̣ܢܲܥܢ ܩܕܼܵܡ ܒ̈ܢܲܝ ܝܼܣܪܵܝܹܠ. |
[No book] |
| [24]ܘܐܝܼܕܼܵܐ ܕܲܒ̣̈ܢܲܝ ܝܼܣܪܵܝܹܠ ܐܵܙܵܠ̄ܐ ܗ̄ܘ̣ܵܬ̣ ܘܥܵܫܢܵܐ ܥܲܠ ܢܵܒ̣ܝܼܢ ܡܲܠܟܵܐ ܕܲܟ̣ܢܲܥܢ: ܥܕܲܡܵܐ ܕܩܲܛܠܘܼܗܝ ܠܢܵܒ̣ܝܼܢ ܡܲܠܟܵܐ ܕܲܟ̣ܢܲܥܢ. |
[No book] |