|
|
| [No book] |
[1]Cecineruntque Debbora et Barac filius Abinoëm in illo die, dicentes: |
| [No book] |
[2]Qui sponte obtulistis de Israël animas vestras ad periculum, benedicite Domino. |
| [No book] |
[3]Audite reges, auribus percipite principes: ego sum, ego sum, quæ Domino canam, psallam Domino Deo Israël. |
| [No book] |
[4]Domine, cum exires de Seir, et transires per regiones Edom, terra mota est, cælique ac nubes distillaverunt aquis. |
| [No book] |
[5]Montes fluxerunt a facie Domini, et Sinai a facie Domini Dei Israël. |
| [No book] |
[6]In diebus Samgar filii Anath, in diebus Jahel quieverunt semitæ: et qui ingrediebantur per eas, ambulaverunt per calles devios. |
| [No book] |
[7]Cessaverunt fortes in Israël, et quieverunt: donec surgeret Debbora, surgeret mater in Israël. |
| [No book] |
[8]Nova bella elegit Dominus, et portas hostium ipse subvertit: clypeus et hasta si apparuerint in quadraginta millibus Israël. |
| [No book] |
[9]Cor meum diligit principes Israël: qui propria voluntate obtulistis vos discrimini, benedicite Domino. |
| [No book] |
[10]Qui ascenditis super nitentes asinos, et sedetis in judicio, et ambulatis in via, loquimini. |
| [No book] |
[11]Ubi collisi sunt currus, et hostium suffocatus est exercitus, ibi narrentur justitiæ Domini, et clementia in fortes Israël: tunc descendit populus Domini ad portas, et obtinuit principatum. |
| [No book] |
[12]Surge, surge Debbora; surge, surge, et loquere canticum: surge Barac, et apprehende captivos tuos, fili Abinoëm. |
| [No book] |
[13]Salvatæ sunt reliquiæ populi, Dominus in fortibus dimicavit. |
| [No book] |
[14]Ex Ephraim delevit eos in Amalec, et post eum ex Benjamin in populos tuos, o Amalec: de Machir principes descenderunt, et de Zabulon qui exercitum ducerent ad bellandum. |
| [No book] |
[15]Duces Issachar fuere cum Debbora, et Barac vestigia sunt secuti, qui quasi in præceps ac barathrum se discrimini dedit: diviso contra se Ruben, magnanimorum reperta est contentio. |
| [No book] |
[16]Quare habitas inter duos terminos, ut audias sibilos gregum? diviso contra se Ruben, magnanimorum reperta est contentio. |
| [No book] |
[17]Galaad trans Jordanem quiescebat, et Dan vacabat navibus: Aser habitabat in littore maris, et in portubus morabatur. |
| [No book] |
[18]Zabulon vero et Nephthali obtulerunt animas suas morti in regione Merome. |
| [No book] |
[19]Venerunt reges et pugnaverunt, pugnaverunt reges Chanaan in Thanach juxta aquas Mageddo, et tamen nihil tulere prædantes. |
| [No book] |
[20]De cælo dimicatum est contra eos: stellæ manentes in ordine et cursu suo, adversus Sisaram pugnaverunt. |
| [No book] |
[21]Torrens Cison traxit cadavera eorum, torrens Cadumim, torrens Cison: conculca, anima mea, robustos. |
| [No book] |
[22]Ungulæ equorum ceciderunt, fugientibus impetu, et per præceps ruentibus fortissimis hostium. |
| [No book] |
[23]Maledicite terræ Meroz, dixit angelus Domini: maledicite habitatoribus ejus, quia non venerunt ad auxilium Domini, in adjutorium fortissimorum ejus. |
| [No book] |
[24]Benedicta inter mulieres Jahel uxor Haber Cinæi, et benedicatur in tabernaculo suo. |
| [No book] |
[25]Aquam petenti lac dedit, et in phiala principum obtulit butyrum. |
| [No book] |
[26]Sinistram manum misit ad clavum, et dexteram ad fabrorum malleos. Percussitque Sisaram quærens in capite vulneri locum, et tempus valide perforans: |
| [No book] |
[27]inter pedes ejus ruit: defecit, et mortuus est: volvebantur ante pedes ejus, et jacebat exanimis et miserabilis. |
| [No book] |
[28]Per fenestram respiciens, ululabat mater ejus: et de cœnaculo loquebatur: Cur moratur regredi currus ejus? quare tardaverunt pedes quadrigarum illius? |
| [No book] |
[29]Una sapientior ceteris uxoribus ejus, hæc socrui verba respondit: |
| [No book] |
[30]Forsitan nunc dividit spolia, et pulcherrima feminarum eligitur ei: vestes diversorum Sisaræ traduntur in prædam, et supellex varia ad ornanda colla congeritur. |
| [No book] |
[31]Sic pereant omnes inimici tui, Domine: qui autem diligunt te, sicut sol in ortu suo splendet, ita rutilent. |
| [No book] |
[32]Quievitque terra per quadraginta annos. |