➖ »
«
➖ ➕
Peshitta OT
PesOT
The Epistle of Barnabas
EpiBar
←
Judges
Jdg
5
→
[1]ܘܫܲܒ̇ܚܲܬ̤ ܕܒ̣ܘܼܪܵܐ ܘܒ̣ܵܪܵܩ ܒܲܪ ܐܲܒ̣ܝܼܢܥܵܡ ܒܝܵܘܡܵܐ ܗܵܘ̇: ܠܡܹܐܡܲܪ. [No book]
[2]ܒܦܘܼܪܥܵܢܘܼܬ̣ܵܐ ܕܐܸܬ̣ܦܪܲܥ ܝܼܣܪܵܝܹܠ: ܒܬܸܫܒ̇ܘܿܚܬܵܐ ܕܥܲܡܵܐ ܫܲܒܲܚܘ ܠܡܵܪܝܵܐ. [No book]
[3]ܫܡܲܥܘ ܡܲܠܟܹ̈ܐ: ܘܨܘܼܬ̣ܘ ܫܲܠܝܼܛܵܢܹ̈ܐ: ܐܸܢܵܐ ܠܡܵܪܝܵܐ ܐܹܫܲܒܲܚ̣: ܘܐܹܙܲܡܲܪ ܠܹܗ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. [No book]
[4]ܡܵܪܝܵܐ ܒܡܲܦܩܵܟ ܕܡ̣ܢ ܣܵܥܝܼܪ: ܟܲܕܼ ܗܲܠܸܟ̣ܬ̇ ܒܲܝܢܵܬ̣ ܚܲܩ̈ܠܵܬ̣ܵܐ ܕܐܲܕܼܘܿܡ ܐܲܪܥܵܐ ܙܵܥܲܬ̤: ܘܐܵܦ ܫܡܲܝܵܐ ܢܲܛܸܦܘ: ܘܲܥܢܵܢܹ̈ܐ ܪܲܣ̣ ܡܲـ̈ـܝܵܐ. [No book]
[5]ܘܛܘܼܪܹ̈ܐ ܕܵܠܘܼ ܩܕܼܵܡ ܡܵܪܝܵܐ: ܘܗܵܢܵܐ ܣܝܼܢܲܝ ܡ̣ܢ ܩܕܼܵܡ ܡܵܪܝܵܐ ܩܲܕ̇ܝܼܫܵܐ ܕܝܼܣܪܵܝܹܠ. [No book]
[6]ܒܝܵܘܡܵܘ̈ܗܝ ܕܫܲܡܓܲܪ ܒܲܪ ܥܢܵܬ̣: ܘܲܒ̣ܝܵܘ̈ܡܲܝ ܥܢܵܐܹܝܠ ܦܣܲܩ̣ܘ ܐܘܼܪ̈ܚܵܬ̣ܵܐ. ܘܕܲܡܗܲܠܟ̣ܝܼܢ ܗ̄ܘ̣ܵܘ ܒܲܫܒ̣ܝܼܠܹܐ ܬܪ̈ܝܼܨܹܐ: ܗܲܠܸܟ̣ܘ ܒܐܘܼܪ̈ܚܵܬ̣ܵܐ ܡܥܲܩ̈ܡܵܬ̣ܵܐ. [No book]
[7]ܦܣܲܩܘ ܫܸܛܚܹ̈ܐ ܕܝܼܣܪܵܝܹܠ: ܒܣܲܩܘ ܥܕܲܡܵܐ ܕܩܵܡܹ̇ܬ̣ ܐܸܢܵܐ ܕܒ̣ܘܿܪܵܐ: ܩܵܡܹ̇ܬ̣ ܐܸܡܵܐ ܒܝܼܣܪܵܝܹܠ. [No book]
[8]ܢܸܓ̣ܒܸ̇ܐ ܐܲܠܵܗܵܐ ܚܕܲܬܵܐ: ܘܗܵܝܕܹ̇ܝܢ ܠܲܚܡܵܐ ܕܲܣܥܵܪܹ̈ܐ: ܘܣܲܝܦܵܐ ܘܪܘܼܡܚܵܐ ܠܵܐ ܢܸܬ̣ܚܙܹܐ ܒܲܝܢܵܬ̣ ܐܲܪܒ̇ܥܝܼܢ ܐܲܠܦܹ̈ܐ ܕܝܼܣܪܵܝܹܠ. [No book]
[9]ܠܹܒ̇ܝ ܐܸܡܲܪ ܠܲܡܒܲܕ̇ܩܵܢܵܐ ܕܝܼܣܪܵܝܹܠ: ܐܲܝܠܹܝܢ ܕܲܦܪܝܼܫܝܼܢ ܒܥܲܡܵܐ ܒܲܪܸܟ̣ܘ ܠܡܵܪܝܵܐ. [No book]
[10]ܘܪ̈ܵܟ̣ܒܲܝ ܐܲܬܵܢܹ̈ܐ ܚܘܵܪܵܬ̣ܵܐ: ܘܝܵܬ̣ܒܲܝ̈ ܒܒ̣ܵـ̈ـܬܹ̇ܐ: ܘܲܡܗܲܠܟܲܝ̈ ܒܐܘܼܪ̈ܚܵܬ̣ܵܐ. [No book]
[11]ܪܢܵܘ ܡ̣ܢ ܡܸܠܹ̈ܐ ܕܒ̣ܵܨ̈ܘܿܝܹܐ ܕܒܲܝܢܵܬ̣ ܡܲܠܦܵܢܹ̈ܐ: ܬܲܡܵܢ ܢܸܬ̇ܠܘܼܢ ܙܲܕ̇ܝܼܩܘܼܬܹܗ ܕܡܵܪܝܵܐ: ܙܲܕ̇ܝܼܩܘܼܬܹܗ ܕܐܲܣܓ̇ܝܼ ܒܝܼܣܪܵܝܹܠ. ܗܵܝܕܹ̇ܝܢ ܢܚܸܬ̣ܘ ܠܬܲܪܥܵܐ ܥܲܡܹܗ ܕܡܵܪܝܵܐ. [No book]
[12]ܐܸܬ̇ܬ̇ܥܝܼܪܝ: ܐܸܬ̇ܬ̇ܥܝܼܪܝ: ܕܒ̣ܘܿܪܵܐ: ܐܸܬ̇ܬ̇ܥܝܼܪܝ: ܘܐܸܬ̣ܝܲܕܵܝ: ܘܡܲܠܠܝ ܬܸܫܒ̇ܘܿܚܬܵܐ. ܩܘܼܡ ܒܵܪܵܩ: ܘܲܫܒ̣ܝ ܫܵܒܲܝ̈ܟ: ܒܪܹܗ ܕܐܲܒ̣ܝܼܢܥܵܡ. [No book]
[13]ܗܵܝܕܹ̇ܝܢ ܢܚܸܬ̣ ܡܦܲܨܝܵܢܵܐ ܠܲܡܫܲܒܵܚܘܼ ܩܕܼܵܡ ܡܵܪܝܵܐ: ܢܚܸܬ̣ ܠܝܼ ܒܓܲܢ̄ܒܵܪܹ̈ܐ ܡ̣ܢ ܐܲܦܪܹܝܡ. [No book]
[14]ܘܲܥܒ̣ܵܕܼܵܘ̈ܗܝ ܒܲܥܡܵܠܹܝܩ: ܒܵܬ̣ܪܵܟ̣ ܒܸܢܝܵܡܹܝܢ ܒܚܘܼܒܵܟ: ܡ̣ܢ ܡܵܟ̣ܝܼܪ ܢܦܲܩ ܡܒܲܕ̇ܩܵܢܵܐ: ܘܡ̣ܢ ܙܒ̣ܘܿܠܘܿܢ ܕܟ̣ܵܬ̣ܒ̇ܝܼܢ ܒܩܲܢܝܵܐ ܕܣܵܦܪܵܐ. [No book]
[15]ܪܵܘ̱ܪ̈ܒ̣ܵܢܹܐ ܕܐܝܼܣܵܟ̣ܵܪ ܥܲܡ ܕܒ̣ܘܿܪܵܐ: ܘܐܝܼܣܵܟ̣ܵܪ ܐܲܝܟ̣ ܒܵܪܵܩ ܒܥܲܡܡܹ̈ܐ: ܐܸܫܬܲܕܲܪ ܒܪܸ̈ܓ̣ܠܵܘܗܝ ܠܦܵܠܓܘܼܬ̣ܵܐ ܕܪܘܼܒܹܝܠ: ܪܵܘ̱ܪܒ̣ܝܼܢ ܒܵܕܼܩܲܝ̈ ܠܸܒܵܐ. [No book]
[16]ܠܡܵܢܵܐ ܝܵܬܹܒ̣ ܐܲܢ̄ܬ̇ ܒܲܝܢܵܬ̣ ܫܒ̣̈ܝܼܠܹܐ: ܠܡܸܫܡܲܥ ܣܵܘܩܵܐ ܕܲܥܪ̈ܵܕܹܐ: ܠܦܵܠܓ̇ܘܼܬ̣ܵܐ ܕܪܘܼܒܹܝܠ: ܪܵܘ̱ܪ̈ܒ̣ܝܼܢ ܒܵܕܼܩܲܝ̈ ܠܸܒܵܐ. [No book]
[17]ܓܵܕܼ ܒܥܸܒ̣ܪܵܐ ܕܝܘܿܪܕ̇ܢܵܢ ܫܪܸܐ: ܘܕܼܵܢ ܠܲܠܡܹܐܢܵܐ ܓܵܐܲܪ ܣܦܝܼܢܹ̈ܐ. ܐܵܫܹܝܪ ܝܵܬܹܒ̣ ܥܲܠ ܣܦܵܪܵܐ ܕܝܲܡܵܐ: ܘܥܲܠ ܬܘܼܪ̱ܥܬܹܗ ܢܸܫܪܸܐ. [No book]
[18]ܙܒ̣ܘܿܠܘܿܢ ܥܲܡܵܐ ܕܚܲܣܸܕܼ ܢܲܦ̮ܫܹܗ ܠܡܵܘܬܵܐ. ܢܲܦ̮ܬܵܠܝܼ ܥܲܠ ܪܵܘܡܵܐ ܕܚܲܩܠܹܗ. [No book]
[19]ܐܸܬ̣ܵܘ ܡܲܠ̈ܟܹ̇ܐ ܘܐܸܬ̣ܟܲܬܲܫ̣ܘ: ܘܗܵܝܕܹ̇ܝܢ ܐܸܬ̣ܟܲܬܲܫ̣ܘ ܡܲܠ̈ܟܹ̇ܐ ܕܲܟ̣ܢܲܥܢ. ܒܬܲܥܢܵܟ ܐܸܬ̣ܟܲܬܲܫ̣ܘ ܥܲܠ ܡܲـ̈ـܝܵܐ ܕܡܲܓܲܕ̇ܘܿ: ܩܸܢܝܵܢܵܐ ܘܟܸܣܦܵܐ ܠܵܐ ܢܣܲܒ̣ܘ. [No book]
[20]ܥ̣ܒܲܕܼܘ ܩܪܵܒ̣ܵܐ ܟܵܘܟ̇ܒܹ̈ܐ ܡ̣ܢ ܕܘܼ̈ܟ̇ܝܵܬ̣ܗܘܿܢ: ܩܪܵܒ̣ܵܐ ܡ̣ܢ ܫܡܲܝܵܐ ܥܲܡ ܣܝܼܣܪܵܐ ܒܢܲܚܠܵܐ ܕܩܝܼܫܘܿܢ. [No book]
[21]ܓܪܲܦ ܐܸܢܘܿܢ ܢܲܚܠܵܐ ܕܩܝܼܫܘܿܢ: ܘܢܲܚܠܵܐ ܕܩܲܪܡܝܼܢ. ܬܲܕܼܪܸܟ̣ ܢܲܦ̮ܫܝ ܚܲܝܠܵܐ. [No book]
[22]ܗܵܝܕܹ̇ܝܢ ܢܦܲܠ ܥܸܩܒܹ̈ܐ ܕܪ̈ܲܟ̣ܫܹܗ: ܡ̣ܢ ܢܸܗ̱ܡܬ̣ܵܐ ܕܚܲܝܠܵܐ ܕܬܲܩܝܼܦܵܘ̈ܗܝ. [No book]
[23]ܠܘܼܛܘ ܠܲܡܪܘܿܕܼ: ܐܵܡܲܪ ܡܲܠܲܐܟܹܗ ܕܡܵܪܝܵܐ: ܠܘܼܛܘܼܗ̇ ܘܠܘܼܛܘ ܠܝܵܬ̣ܒܹ̇ܝ̈ܗ̇: ܡܸܛܠ ܕܠܵܐ ܐܸܬ̣ܵܘ ܠܥܘܼܕܼܪܵܢܹܗ ܕܡܵܪܝܵܐ ܒܓܒ̣ܪܹ̈ܐ. [No book]
[24]ܬܸܬ̣ܒܲܪܲܟ̣ ܡ̣ܢ ܢܸܫܹ̈ܐ ܥܢܵܐܹܝܠ ܐܲܢ̄ܬ̇ܬܹܗ ܕܚܘܿܒ̣ܵܪ ܩܝܼܢܵܝܵܐ: ܡ̣ܢ ܢܸܫܹ̈ܐ ܕܲܒ̣ܡܲܫܟ̇ܢܵܐ ܬܸܬ̣ܒܲܪܲܟ̣. [No book]
[25]ܡܲـ̈ـܝܵܐ ܫܐܸܠ ܘܚܲܠܒ̣ܵܐ ܝܸܗ̄ܒܲܬ̤: ܒܟ̣ܵܣܵܐ ܕܓܲܢ̄ܒܵܪܹ̈ܐ ܩܲܪܒܲܬ̤ ܚܹܐ̄ܘܬ̣ܵܐ. [No book]
[26]ܐܝܼܕܼܵܗ̇ ܥܲܠ ܣܸܟ̇ܬ̣ܵܐ ܐܵܘܫܛܲܬ̤: ܘܝܲܡܝܼܢܵܗ̇ ܠܐܲܪܙܲܦܬ̣ܵܐ ܕܢܲܓܵܪܵܐ: ܘܲܡܚܵܬܹܗ ܠܣܝܼܣܪܵܐ: ܘܦܲܟ̣ܬܹܗ ܠܪܹܫܹܗ: ܘܲܡܚܵܬ̤ ܘܐܲܥܒ̇ܪܲܬ̤ ܒܨܕܼܥܹܗ. [No book]
[27]ܘܒܲܝܢܵܬ̣̱ ܪܸ̈ܓ̣ܠܹܝܗ̇ ܒܪܲܟ̣ ܘܲܢܦܲܠ̣: ܘܲܫܟܸܒ̣: ܒܕܼܘܼܟ̇ܬ̣ܵܐ ܕܲܒ̣ܪܲܟ̣ ܬܲܡܵܢ ܢܦܲܠ̣ ܒܵܙܘܿܙܵܐ. [No book]
[28]ܘܡ̣ܢ ܟܵܘܬ̣ܵܐ ܐܲܕܼܝܼܩܲܬ̤ ܘܝܲܒ̇ܒܲܬ̤ ܐܸܡܹܗ ܕܣܝܼܣܪܵܐ ܡ̣ܢ ܟܣܘܿܣܛܵܪܘܿܢ ܘܐܸܡܪܲܬ̤: ܡܵܢܵܘ ܐܸܫܬܵܘܚܲܪ ܡܲܪ̈ܟ̇ܒ̣ܵܬܹܗ ܕܒܹܪܝ ܠܡܹܐܬ̣ܵܐ: ܘܡܵܢܵܘ ܐܵܘܚܲܪ ܙܢܵܓ̣ܵܐ ܕܡܲܪ̈ܟ̇ܒ̣ܵܬܹܗ. [No book]
[29]ܚܲܟ̇ܝܼܡܲܬ̣ ܥܠܲܝ̈ܡܵܬ̣ܵܗ̇ ܐܵܦ ܗ̤ܝ ܥܢܵܬ̤: ܘܐܵܡ̇ܪܵܐ ܠܵܗ̇. [No book]
[30]ܟܒܲܪ ܐܸܙܲܠ̣ ܘܐܸܫܟܲܚ ܒܸܙܬ̣ܵܐ ܣܲܓ̇ܝܼܐܬ̣ܵܐ: ܘܦܲܠܸܓ̣ ܟܘܿܕܲܢܝܵܐ ܠܪܹܫ ܓܲܒ̣ܪܵܐ: ܘܒܸܙܬ̣ܵܐ ܣܲܓ̇ܝܼܐܬ̣ܵܐ: ܘܨܘܼܒ̣ܥܵܢܹ̈ܐ: ܘܨܘܼܪ̈ܵܬ̣ܵܐ: ܠܣܝܼܣܪܵܐ: ܘܨܘܼܒ̣ܥܵܢܹ̈ܐ: ܘܨܘܼܪ̈ܵܬ̣ܵܐ: ܥܲܠ ܨܵܘܪܹ̈ܐ ܕܒ̣ܵܙܘܿܙܹ̈ܐ. [No book]
[31]ܗܵܟܲܢܵܐ ܢܹܐܒ̣ܕ̇ܘܿܢ ܟܠܗܘܿܢ ܒܥܸܠܕ̇ܒ̣ܵܒܲܝ̈ܟ ܡܵܪܝܵܐ: ܘܪ̈ܵܚܡܲܝܟ ܐܲܝܟ̣ ܡܲܦܲܩ ܫܸܡܫܵܐ ܒܓܲܢ̄ܒܵܪܘܼܬܹܗ. ܘܫܸܠܝܲܬ̤ ܐܲܪܥܵܐ ܐܲܪܒ̇ܥܝܼܢ ܫܢ̈ܝܼܢ. [No book]
Translation: Charles H. Hoole (1885)
Source: www.earlychristianwritings.com
Top